ياترى نشترى زيت نوعه ايه!!!!!!!!!!!!!!!!!!!!

[hamada132]

كالتكس ابو 30 جنيه وبدفع 3 جنيه فى التغير ههههههههههه وساعات بفاصل ف السعر

[momo20703]

انا موتور العربية عندى عامل حوالى 104000 من 2002 والموتور كان عامل طقم شنبر وشوية شغل قبل كدا بس حالة الموتور جيدة جدا .. انا روحت اغير زيت من يومين وكنت رايح احط موبيل xhp انا اول مرة اسمع عن التخليقى والمعندنى والفرق بينهم ومميزاتهم والكلام دة بس النهاردة ... المهم انا لما روحت لقيت العامل بيقولى الموتور من جوا متسخ جدا وعاوز يتنضف.. فا قالى انا هحوطلك زيت تانى رخيص امشى عليه 200 كيلو بالكتير وارجع تانى اغيرهولك يكون نزل شوية السواد اللى فى الموتور .. ودة اللى فعلا حصل انا دلوقتى بمشى فى ال 200 كيلو دول بس انا دلوقتى بعد ما سمعت عن الفلاش اويل لازم استخدمه واغير الفلتر طبعا واحط زيت جديد .. (واضح ان العامل دة اشتغلنى )

السؤال بقى : بعد ما اعمل الموضوع دة وانضف الموتور بالفلاش اويل واغير الفلتر تنصحونى احوط زيت معدنى ولا تخليقى ونوعه ايه بالظبط

اخوانى ارجو الإفادة وارد ولكم خالص الشكر والتقدير على الإهتمام والمجهود وخصوصا م/ نادر

[Ahmed_Ezz]

زيت شيل هيلكس الترا" 10000 كيلو"

[mtageldeen]

يا جماعة انا عاوز افهم حاجة واضح ان كلكوا فاهمنها وخصوصا المهندس nader وانا مش فاهمها .. يعنى ايه زيت معدنى ويعنى ايه زيت تخليقى .. انا بحط زيت موتور موبيل xhp وخلاص عمرى ماسمعت عن معدنى وتخليقى .. ياريت حد يفهمنى الفرق للإفادة وشكرا جدا جدا

ببساطة شديدة جداً
الزيت المعدني يستخرج من مشتقات البترول من الأرض للموتور تقريباً
والزيت التخليقي يصنع في المعمل مما يعني إضافة مواد مقللة لفاقد الإحتكاك وتضمن عمل الزيت عند درجات الحرارة المنخفضة والعالية بشكل جيد

والنتيجة:
التخليقي أفضل وأغلي وأعلي كفاءة
ولكن هناك محاذير علي إستخدامه وفقاً لعمر وكفاءة الموتور

وهذه الأشياء موضحة في بداية هذا الموضوع

[momo20703]

متشكر جدا يا استاذ mtageldeen انا كدا تقريبا قدرت افهم الفرق والنواع الموجودة فى السوق انا عرفتها من الردود السابقة .. مش بالقى غير انى اعرف اللى يناسب عربيتى على حالتها دلوقتى بعد ما انضف الماتور بفلاش اويل واغير الفلتر ...

[king_de_egypt]

انا معايا هيونداى اكسنت 98 مش عارف اجبلها زيت نوعه ايه العربيه عامله حوالى 75500 كيلو فا انا بحطلها زيت شيل الاصفر كل 3000 كيلو فا ايه رايكو وله احطلها شيل 5000 ؟؟؟ يا ريت حد يرد عليا

[mtageldeen]

متشكر جدا يا استاذ mtageldeen انا كدا تقريبا قدرت افهم الفرق والنواع الموجودة فى السوق انا عرفتها من الردود السابقة .. مش بالقى غير انى اعرف اللى يناسب عربيتى على حالتها دلوقتى بعد ما انضف الماتور بفلاش اويل واغير الفلتر ...

الحمد لله علي الفائدة وهي المرجوة من المنتدي

موتور عامل 104000 يعني زيت معدني قولاً واحداً

ونبدأ نتخانق علي نوع الزيت المعدني الأفضل لك :) :)

وفي رأي الشخصي زيوت شل أفضل

[momomania22]

shell helix super YELLOW
3000 k.m
by 77 L.E

[moma333]

الله ينور عالموضوع الجميل ده وياريت كل فتره حد يقول لنا اخر اسعار الزيوت عشان احنا فى مصر يعنى كل يوم السعر بيزيد اكتر والبنى ادم بيرخص اكتر

[Dr_Smart]

شل السوووبر الاصفر بقى ب 87 جنيه يا جدعان !!

[MEDO80]

موبيل1 230 جنية

[Nader]

انا معايا هيونداى اكسنت 98 مش عارف اجبلها زيت نوعه ايه العربيه عامله حوالى 75500 كيلو فا انا بحطلها زيت شيل الاصفر كل 3000 كيلو فا ايه رايكو وله احطلها شيل 5000 ؟؟؟ يا ريت حد يرد عليا

مفيش مشكلة غير لـ5000.

[مواطن مصرى]

زيت التعاون الثقيل لان عربيتى موتورها عامل 120 الف كيلو و مركب فيها غاز طبيعى

[m_waheed]

معلش يا جماعة عاوز نصيحتكم برده انا معايا لانوس 2002 وصوت الموتور خشن مش ناعم وتقريبا هغير النص التحتاني بعد فترة
ايه افضل نوع للزيت وانا سمعت ان في انواع تقيلة وفي نفس الوقت تحيي الموتور

[sherif_84]

يا جماعة هو فى حد قاطع شركة شل الهولندية ولا لسه بتشتروا منتجاتها ؟