إعـــــــلان

Collapse

.

,
See more
See less

قواعد اختيار زيت الموتور.. إزاي تعرف الزيت المناسب؟؟؟

Collapse
X
Collapse
 
  • Page of 3
  • Filter
  • الوقت
  • Show
Clear All
new posts
السابق 1 2 3 template التالي
  • #1

    قواعد اختيار زيت الموتور.. إزاي تعرف الزيت المناسب؟؟؟

    دي أول مشاركة ليه في المنتدى.. وأرجو إني أقدر أضيف جديد

    بصراحة.. ما كنتش عارف.. أعمل موضوع جديد ولا أرد على موضوع قديم بيتكلم على الزيت..

    بس قلت أعمل موضوع جديد عشان المعلومة توصل بسرعة

    خلينا نبدأ

    أنا لقيت إننا بنعتمد على عمال تغيير الزيوت والمعلومات من الميكانيكية في موضوع تغيير الزيت ده.. وبصراحة مش كل اللي بيقولوه مظبوط لإنه مش مبني على معلومات علمية

    أهم قاعدة في اختيار الزيت هو إنك ترجع لكتالوج عربيتك وتشوف إيه الزيت المناسب اللي يتحط في العربية...

    على فكرة اللي مكتوب في الكتالوج ده هو أقل نوع زيت مسموح إنك تحطه.. يعني مفيش مشاكل إنك تحط زيت أحسن

    طيب إززاي أعرف إذا كان الزيت ده كويس ولا لأ؟؟؟؟؟؟؟؟

    فيه قواعد عالمية وأرقام مكتوبة على علبة الزيت.. ومنها تقدر تعرف الزيت ده مناسب لعربيتك ولا لأ

    أي زيت عربيات في العالم بيتعرف من حاجتين.. اللزوجة ومستوى الخدمة

    أولا: اللزوجة..

    ودي بتتعرف من رقم الـSAE
    إيه الـSAE دي؟؟؟ دي جمعية مهندسي السيارات في أمريكا Society of Automotive Engineers
    وحددت طريقة تكويد تعرف منها لزوجة الزيت عن طريق أرقام... كل ما زاد الرقم.. زادت لزوجته

    إزاي؟؟؟

    الرقم الصغير يعني زيت خفيف (0، 5، 10، 15، 20)... والرقم العالي يعني زيت تقيل (30، 35، 40، 45، 50 ....)

    المهم... الزيت اللي بنستخدمه في معظم عربياتنا هو زيت متعدد درجات اللزوجة

    إزاي؟؟

    يعني زيت متكون من خليط زيوت.. خفيف وتقيل

    ليه كده؟؟؟

    الغرض من الزيت متعدد اللزوجة إنه لما تيجي تشغل عربيتك وهي باردة.. الزيت الخفيف بيبقى سهل إنه يوصل للأجزاء اللي مش واصلها زيت جوة الموتور بسرعة.. لإنه خفيف والموتور لسة ما سخنش، ولما الموتور يسخن... الزيت التقيل يبدأ يخف مع ارتفاع درجة الحرارة.. ويبقى خفيف برضو .. فيزيت الموتور ويوصل بسرعة للأجزاء المتحركة

    عشان كده الزيت بيبقى مكتوب عليه درجة اللزوجة بتاعة خليط الزيوت
    مثلا: 20W-50 الزيت الخفيف درجة لزوجته 20 ... والزيت التقيل درجة لزوجته 50
    5W-30 الزيت الخفيف درجة لزوجته 5 ... والزيت التقيل درجة لزوجته 30
    15W-40 الزيت الخفيف درجة لزوجته 15 ... والزيت التقيل درجة لزوجته 40

    الأرقام دي بتتحدد حسب حرارة الجو ....... مش درجة حرارة الموتور

    طب إزاي نعرف إن الزيت ده لزوجته تنفع لجو مصر؟؟؟

    الجو في مصر درجة الحرارة فيه عالية نسبيا.. وفي الشتا صعب توصل لتحت الصفر (لو اتكلمنا عن الصعيد في الشتا .. فيه بعض أماكن صحراوية ممكن توصل درجة الحرارة الصغرى لحوالي صفر)

    زي ما مكتوب في كتالوجات العربيات.. الزيوت اللي تشتغل في مصر من غير مشاكل هي:

    20W-50
    20W-40
    15W-40
    20W-40
    15W-50

    ودي حتديك مجال واسع جدا... من أول 15 تحت الصفر... لحد 80 مئوية


    طيب... إيه اللي بيخللي بعض الزيوت تقعد في العربية 1000.. 3000... 5000... 10000 كيلو؟؟؟؟؟؟


    ده اللي بنسميه مستوى الخدمة


    ثانيا: مستوى الخدمة

    الموضوع ده متشعب شوية

    بس أهم حاجة فيه درجة الزيت نفسه

    ودي ليها كود ورقم بيتعرف منه نوع الزيت (دي كمان؟؟؟)

    بس المرة دي بكذا طريقة... بس أشهر كود مكتوب على علب الزيوت في مصر هو كود الـAPI
    إيه الـAPI دي؟؟ دي معهد البترول الأمريكي American Petroleum Institute

    وبيحدد حاجة إسمها رمز الخدمة (Service Symbol) اللي منها بيحدد عمر الخدمة بتاع الزيت ده حوالي كام كيلو

    وبيعمل على كل زيت رمزين...(S) للمواتير البنزين.. و(C) للمواتير الديزل (السولار)

    مثلا:

    زيت مكتوب عليه API SJ/CF
    يعني إيه الكلام ده؟؟؟
    يعني الزيت ده مستواه (J) لمواتير البنزين... ومستواه (F) لمواتير الديزل

    وده كويس ولا وحش؟؟؟؟

    كل ما كان الحرف اللي مكتوب متأخر في الأبجدية الانجليزية.. كان الزيت ده أحسن
    يعني (G) أحسن من (F)... و(M) أحسن من (L)

    طبعا.. كل ما كان الرمز ده أعلى ... الزيت يبقى أغلى

    أحسن زيت حاليا مستواه (N) لمواتير البنزين.. و(J) لمواتير الديزل
    مفيش حاليا أقل من SF لمواتير البنزين... وCD لمواتير الديزل


    طيب... ليه بيبقى الزيت مكتوب عليه يقعد 10000 كيلو واحنا نغيره على 5000 بس؟؟؟

    راجع أي كتالوج عربية وحتلاقيه بيقوللك.. إن لو العربية بتشتغل في ظروف الخدمة الشاقة.. يبقى لازم تغيره أسرع
    وظروف الخدمة الشاقة هي:

    1- القيادة في الزحام
    2- مشاوير قصيرة (أقل من 15 كيلو)
    3- تدوير متكرر للسيارة على البارد خلال اليوم (تدويرها بعدما تبرد تماما)
    4- القيادة في جو بارد جدا أو في جو حار جدا
    5- القيادة في جو مغبر
    6- القيادة في الرمل أو الطين
    7- ترك السيارة على السلانسيه لمدد طويلة
    8- أحمال عالية أو قطر سيارات أخرى
    9- تدوير المحرك على دوران عالي لمدد طويلة


    عموما... أقل زيت حاليا (SF) مناسب للعربيات اللي اتعملت قبل سنة 1985، وكل ما كانت العربية جديدة لازم يتحط فيها زيت أعلى

    اللي عايز معلومات أكتر ممكن يرجع للوصلة دي:
    404 Page Not Found
    http://www.api.org/certifications/engineoil/categories/upload/MOTOR_OIL_GUIDE_2010_120210.pdf
    The American Petroleum Institute (API) is the only national trade association that represents all aspects of America’s oil and natural gas industry. Our more than 600 corporate members, from the largest major oil company to the smallest of independents, come from all segments of the industry.


    ...
    [QUOTE][FONT=tahoma][COLOR=Blue][SIZE=5]لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ[/SIZE][/COLOR][/FONT]
    [I]مَثَلٌ صينِيّ[/I][/QUOTE]

    [FONT=Arial][SIZE=4][COLOR=green]Trust me, I'm an Engineer[/COLOR][/SIZE][/FONT]
    [FONT=Verdana][SIZE=4][I][COLOR=DarkRed]Ahmed Nabil Al-Bora'ie[/COLOR][/I]
    [/SIZE][/FONT]
    أعشق السيارات.. أحب [COLOR=#e00909]اليابانية[/COLOR]، [COLOR=#e00909]الكو[/COLOR][COLOR=RoyalBlue]رية[/COLOR]... ولا أفضل [COLOR=RoyalBlue]الأوروبية[/COLOR]
    [SIGPIC][/SIGPIC]
    الكلمات الدلالية (Tags): إزاي, اختيار, الزيت, المناسب؟؟؟, الموتور, تعرف, زيت, قواعد
  • #2
    great job
    thx for sharing

    Comment

    • #3
      شكرا ع المعلومات المفيدة

      بس غير اللون الاحمر في الكتابة نظرا لنه مخالف لقوانين المنتدي

      و بالتوفيق ان شاء الله
      [CENTER][SIGPIC][/SIGPIC]
      [SIZE=4][URL="http://www.nilemotors.net/Nile/252145-a.html"]سلسلة تعالوا نعرف التعليمية[/URL][/SIZE]
      [SIZE=4][URL="http://www.nilemotors.net/Nile/195073-a.html"]أدوات يجب ان تكون في كل سيارة[/URL]
      [URL="http://www.nilemotors.net/Nile/194027-a.html"]اسعار جميع كماليات و اكسسوارات السيارات[/URL][/SIZE]
      [/CENTER]

      AXEL سابقا

      Comment

      • #4
        المشاركة الأصلية كتبت بواسطة axel مشاهدة المشاركة
        شكرا ع المعلومات المفيدة

        بس غير اللون الاحمر في الكتابة نظرا لنه مخالف لقوانين المنتدي

        و بالتوفيق ان شاء الله
        أشكرك على المرور والتنبيه أيضا

        أرجو من إدارة المنتدى تعديل اللون لإن أوبشن التعديل مبقاش موجود على المشاركة
        [QUOTE][FONT=tahoma][COLOR=Blue][SIZE=5]لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ[/SIZE][/COLOR][/FONT]
        [I]مَثَلٌ صينِيّ[/I][/QUOTE]

        [FONT=Arial][SIZE=4][COLOR=green]Trust me, I'm an Engineer[/COLOR][/SIZE][/FONT]
        [FONT=Verdana][SIZE=4][I][COLOR=DarkRed]Ahmed Nabil Al-Bora'ie[/COLOR][/I]
        [/SIZE][/FONT]
        أعشق السيارات.. أحب [COLOR=#e00909]اليابانية[/COLOR]، [COLOR=#e00909]الكو[/COLOR][COLOR=RoyalBlue]رية[/COLOR]... ولا أفضل [COLOR=RoyalBlue]الأوروبية[/COLOR]
        [SIGPIC][/SIGPIC]

        Comment

        • #5
          تقدر تعمل تقرير بمشاركة سيئة من الايقونة اللي متعلمة في الصورة تدوس عليها و بعدين تطلب تعديلها





          وديه قوانين المنتدي عشان تخلي بالك

          نايل موتورز - NileMotors.net
          http://www.nilemotors.net/Nile/78489-a.html

          [CENTER][SIGPIC][/SIGPIC]
          [SIZE=4][URL="http://www.nilemotors.net/Nile/252145-a.html"]سلسلة تعالوا نعرف التعليمية[/URL][/SIZE]
          [SIZE=4][URL="http://www.nilemotors.net/Nile/195073-a.html"]أدوات يجب ان تكون في كل سيارة[/URL]
          [URL="http://www.nilemotors.net/Nile/194027-a.html"]اسعار جميع كماليات و اكسسوارات السيارات[/URL][/SIZE]
          [/CENTER]

          AXEL سابقا

          Comment

          • #6
            شكرا ياباشا موضوع محترم
            جروب مالكى وعاشقى لانسر كريستاله
            https://www.facebook.com/groups/lancer.egypt.1996.2000/

            Comment

            • #7
              هو ده الكلام المظبوط
              ولو فيه كمان معلومات عن أنواع الزيوت
              ويعني ايه زيوت تخليقية وزيوت صناعية والكلام المربك ده
              يبقى شكرا جدا

              Comment

              • #8
                المشاركة الأصلية كتبت بواسطة smsm_osos1 مشاهدة المشاركة
                هو ده الكلام المظبوط
                ولو فيه كمان معلومات عن أنواع الزيوت
                ويعني ايه زيوت تخليقية وزيوت صناعية والكلام المربك ده
                يبقى شكرا جدا
                بالنسبة لأنواع الزيوت... ففيه نوعين من الزيوت بشكل أساسي

                زيت معدني... وزيت تخليقي

                الزيت المعدني
                هو زيت مصدره البترول المستخرج من باطن الأرض (وده سبب تسميته "معدني" لإنه بييجي عن طريق التعدين)
                وبيتم تكريره وتنقيته وممكن بيتحط عليه إضافات تحسن من خواصه


                الزيت التخليقي
                هو زيت... تكوينه الكيماوي معدل في المعمل من زيوت لها خواص مختلفة عن الزيت الناتج.. (زي فكرة السمن النباتي.. هو زيت نباتي بس مهدرج وتحول إلى سمن)

                مش بالضرورة يكون مصدره الزيت المعدني.. فيه منه نوعين

                1- نوع تخليقي 100% من زيوت غير معدنية.. ودي في منها كذا نوع.. بس مش عايز أصعّب الموضوع أكتر من كده
                2- نوع نصف تخليقي من زيوت معدنية وزيوت غير معدنية بحيث إن الزيوت المعدنية ماتزيدش عن 30%

                مميزات الزيوت التخليقية:

                1- سرعة تدفق أعلى من الزيت العادي، فيقدر يزيت الموتور أحسن
                2- أداء أحسن في درجات الحرارة العالية قوي والمنخفضة قوي
                3- ثبات كيماوي وفيزيائي أفضل (يعني مش بيتحلل أو يفقد لزوجته بسرعة)
                4- معدل بخر أقل
                5- مضاد للتأكسد والتحلل الحراري وتكون الرواسب، لإنه خالي من الشوائب والمواد الضارة
                6- مش محتاج يتغير بسرعة، وده حيوفر في الفلوس ويحافظ على البيئة
                7- موفر في الوقود لإنه بيساعد الموتور يتحرك بسهولة أكبر
                8- بيحافظ على الموتور لما بندوره الصبح لإنه بيوصل بسرعة للأجزاء اللي ما اتزيتتش
                9- عمر أطول للموتور

                في اختبارات زيت موبيل 1 على سبيل المثال.. العربية اللي كانوا بيختبروه فيها مشيت حوالي 200 ألف كيلومتر من غير ما الزيت يحصله حاجة

                عيوبه

                1- لازم يشتغل على مواتير بتستخدم بنزين خالي من الرصاص (كل البنزين 90، 92، 95 في مصر خالي من الرصاص)
                2- غير مفضل في المواتير الرحوية أو الدوارة Rotary (ودي نادرة ومش موجودة إلا في المازدا RX-6، RX-7، RX-8)
                3- لو العربية اللي حتستخدمه شغالة طول اليوم (زي التاكسيات والميكروباصات)، مش حيبقى فيه فرق محسوس بينه وبين الزيت العادي، لإن ميزة الزيت التخليقي الأساسية هي لما بتيجي تدور الموتور.



                من وجهة نظري.. الزيت التخليقي أحسن بكتير.. وممكن تغير الزيت مع الفلتر مرة واحد في السنة.. مهما كانت عدد الكيلومترات اللي بتمشيها في السنة..

                مع إنه أغلى بكتير (يمكن ضعف الزيت العادي) بس كده فعلا يبقى موفر، وبيحافظ على العربية

                بس لو عربيتك بتاكل زيت.. انسى الموضوع ده تماما.. لإنك حترمي فلوسك على الأرض



                ...
                [QUOTE][FONT=tahoma][COLOR=Blue][SIZE=5]لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ[/SIZE][/COLOR][/FONT]
                [I]مَثَلٌ صينِيّ[/I][/QUOTE]

                [FONT=Arial][SIZE=4][COLOR=green]Trust me, I'm an Engineer[/COLOR][/SIZE][/FONT]
                [FONT=Verdana][SIZE=4][I][COLOR=DarkRed]Ahmed Nabil Al-Bora'ie[/COLOR][/I]
                [/SIZE][/FONT]
                أعشق السيارات.. أحب [COLOR=#e00909]اليابانية[/COLOR]، [COLOR=#e00909]الكو[/COLOR][COLOR=RoyalBlue]رية[/COLOR]... ولا أفضل [COLOR=RoyalBlue]الأوروبية[/COLOR]
                [SIGPIC][/SIGPIC]

                Comment

                • #9
                  جزاك الله خير على المعلومات القيمه
                  [I][B][/B][/I][fot1]اسلام الهلاوى[/fot1][SIZE="7"][FONT="Arial Black"][/FONT][/SIZE]

                  Comment

                  • #10
                    موضوع مهم وشرح مبسط
                    جزاك الله خير
                    eacho22 سابقا

                    Comment

                    • #11
                      تسلم أيديك موضوع سهل وجميل
                      [SIGPIC][/SIGPIC]

                      Comment

                      • #12
                        شكرا على الموضع لانى خرجت بهذه ىالمعلومات بعد دراسة لمدة شهر على النت واسمح لى ان اضع اضافتين
                        الاولى ان الزيوت المعدنية وهى مثلما تفضلت وكتبت تاتى من تكرير البترول وعيوبها ان مدى استعمالها قصير والعيب الاخطر انها تؤدى الى ترسيب كبريت وزيت برافين على الموتور
                        ثانيا توجد شركات محترمة فى انتاج الزيت تضع لك رابط لصفحة تدخل عليها وتضع ماركة سيارتك والميلاج وهى تحدد لك نوع الزيت الذى يجب ان تستعمله وبعد اى مدة يجب ان تغيره اذكر على سبيل المثال عندما عرفت ان زيت LIQUI MOLI الالمانى عندما بدا تسويقه فى مصر وصار له توكيل فى مساكن الشيراتون دخلت على الرابط التالى لاعرف ماهو الزيت المناسب لسيارتى
                        LIQUI MOLY - Motor Oils, Additives, Car Care

                        وبالتالى عرفت ان الزيت المناسب لسيارتى هو LIQUI MOLI HIGH TECH 4100 اتصلت بالشركة وجدت ان الزيت موجود واشتريته مكتوب عليه صنع فى المانيا واداء السيارة تحسن بشكل ملحوظ
                        هذه النقطة مهمه فى غيار الزيت ان تعرف من الشركة المنتجة ماهو افضل زيت لماركة سيارتك بعد عمل عدد من الكيلومترات معين

                        Comment

                        • #13
                          شكرا جزيلا على المعلومات القيمة ... ربنا يبارك فيك
                          [FONT="Comic Sans MS"][CENTER][SIZE="3"]Muhammad Aly[/SIZE][/CENTER][/FONT][SIZE="3"][CENTER]كله في الكلتش !!![/CENTER][/SIZE]

                          Comment

                          • #14
                            سؤال هام جدا

                            انا مكتوب فى كتالوج عربيتى ( جين 2 ) زيتSAE 20W50 او اعلى

                            السوال الزيت الاعلى يكون لزوجته اكتر و لا اقل ؟ يعنى الاعلى ارقامه اقل و لا اكتر ؟

                            يعنى لو زيت زى كاسترول ايدج 5w40 يبقى مطابق لمواصفات صانع السيارة و لا لاء

                            Comment

                            • #15
                              ادخل على الرابط الذى وضعته وابحث النوع المناسب لسيارتك او حاول ان تعثر على رابط لكاسترول ايدج يدلك على افضل زيت لسيارتك

                              Comment

                              السابق 1 2 3 template التالي
                              Working...
                              X