ترشيح زيت على جسم الموتور

[rabso88]

الساده الزملاء يارييت حد يساعدنى فى مشكله مش عارف سببها ايه
اولا انا لسه شارى العربيه من حوالى 4 شهور دايو نوبيرا 2 2006 و عامله 80000 كم
غيرت سيور و زيت و فلاتر و غيرت كمان جوان التاكيهات علشان كان فى ترشيح زيت على الموتور و الميكانيكى قالى من جوان التاكيهات
المهم انا بتحرك بالعربيه قليل جدا يعنى من ساعه ما جبتها مشيت حوالى 3000 كم بس بتتركن طول الاسبوع و بتخرج الجمه و السبت بس
قياس الزيت دلوقتى بقى فى النص يعنى الزيت نقص و كمان فى ترشيح زيت من اسفل الماتور وبلاقى ساعات كام نقطه زيت على الارض ممكن يكون الترشيح ده سبب نقص الزيت ؟ و ايه ممكن اسبابه؟
و ايه الى ممكن يسرب زيتمن الموتوراغيره؟
الزيت الى انا كنت حطيته شل الاصفر

اسف على الاطاله يس فعلا محتاج حد يساعدنى علشان انا معنديش اى فكره عن العربيات الجديده و لو حد يعرف ميكانيكى يتقى الله يبعتلى.

[elmo7areb]

ممكن تكون كرتيره او ممكن مسمار الربط بتاع الزيت مش مربوط كويس عموما دي مجرد اقترحات ومنتظرين رأي الخبراء

[chiko]

ممكن يكون اكتر من حاجه .. ممكن الكرتيره و ممكن جوان غطاء التاكيهات و ممكن اويلسيل عمود الكرنك او الكامه .. لازم المكانيكي يفك وش التقسيمه و يبص علي الكرتيره و الغطاء التكيهات

[kaza]

اغسل الموتور بالبخار وشوف الزيت مرشح منيين بالضبط وبناء عليه حدد اية اللي ممكن يتعمل غير كدة يبقي بتضيع فلوس وجهد كتير

[rabso88]

طيب كدا معناه ان لازم اغسل الموتور الاول

طيب ايه اامن طريقه لغسيل الموتور و الغسيل بالبخار ده يكون فيين

[chiko]

حضرتك هتروح لميكانيكي محترم .. هو لازم ومن غير ما تقوله هيغسل الماتور و يدور و يشوف الزيت جي منين .. و عشان يعمل شغل صح .... هيفك غطاء التقسيم عشان يتاكد ان الزيت مش جي من الاويلسيل

يعني يدور العربيه و السيور باينه

من فوق




و من تحت



كده بقي تقدر تعرف الزيت جي منين .. و تحل المشكله ده خصوصآ اننا في صيف و الزيت امهم اوي في الحر

[kaza]

طيب كدا معناه ان لازم اغسل الموتور الاول

طيب ايه اامن طريقه لغسيل الموتور و الغسيل بالبخار ده يكون فيين

اي محطة بنزين محترمة هتغسل الموتور بالبخار
ميزة البخار انة حرارتة عالية وضغطة قليل نسبيا فبيعمل علي ازالة التراب والزيت دون تاثير شديد علي الوصلات الكهربية للمحرك

[kaza]

حضرتك هتروح لميكانيكي محترم .. هو لازم ومن غير ما تقوله هيغسل الماتور و يدور و يشوف الزيت جي منين .. و عشان يعمل شغل صح .... هيفك غطاء التقسيم عشان يتاكد ان الزيت مش جي من الاويلسيل

يعني يدور العربيه و السيور باينه

من فوق







و من تحت



كده بقي تقدر تعرف الزيت جي منين .. و تحل المشكله ده خصوصآ اننا في صيف و الزيت امهم اوي في الحر

كلام سليم بس فين الميكانيكي دة في مصر ..الفئة دي عايزة يتولع فيها زي فلول الوطني بالضبط

[chiko]

كلام سليم بس فين الميكانيكي دة في مصر ..الفئة دي عايزة يتولع فيها زي فلول الوطني بالضبط

لا و الله استاذي موجودين و بيشتغلو بضمير .. لكن اللي طالعين الايام ده هما الصبيان و بيشتغلو الزبون قبل ما يتشغلو في العربيه ..

انا في مره كنت في سيوة و العربيه جابت جوان وش سلندر في الصحري .. و قلت بلاش بهدله و خلي حد يعملها و روحت عند ميكانيكي شغال علي عربيات شركات البترول .. عمل نصبه و فتحه و عيز ياخد 1500 عشان يغير الجوان و شغل تلت ايام .. انا بقي فكيته و عملته في ساعتين و اتكلف 64 جنيه ...

فا عشان كده اللي ظهرين علي الساحه هما اللي مدمرين صورة الناس المحترمه ..

[rabso88]

انا باذن الله هاروح للميكانيكى الاجازه دى و هاشوف ايه الاخبار و هبقى ابلغكم عملت ايه و اعملوكو تقرير كامل بالصور ان شاء الله

بس كان عندى سؤال لو طلعت الكرتيره مشروخه لا قدر الله اجيها جديده ولا الحمها احسن و كمان الزيت الى نقص ده ممكن ازوده ب كيلو من شيل الاحمرعلى اساس انو رخيص و هاينزل برضو على فكره انا بستخدم شيل الاصفر

[asaeed]

+111111111

[elbasha919]

السلام عليكم ورحمة الله وبركاتة
انا لسة مشترى عربية128 من شهر
وبعد ماغيرت الزيت لقيت الماتور علية زيت رغم انى لما اشتريتها مكانش الموضوع دة فيها
مشيت بيها كذا مشوار وكان الماتور نضيف
الموضوع دة حصل بعد ماغيرت الزيت
ممكن يكون الزيت زيادة ولا فية مشكلة؟

[borio1704]

السلام عليكم ورحمة الله وبركاتة
انا لسة مشترى عربية128 من شهر
وبعد ماغيرت الزيت لقيت الماتور علية زيت رغم انى لما اشتريتها مكانش الموضوع دة فيها
مشيت بيها كذا مشوار وكان الماتور نضيف
الموضوع دة حصل بعد ماغيرت الزيت
ممكن يكون الزيت زيادة ولا فية مشكلة؟

حضرتك قست مستوى الزيت؟؟؟ احتمال كبير يكون السبب هو زيادة الزيت...

ادخل على الموضوع ده.. فيه معلومات ممكن تفيدك..

https://www.nilemotors.net/Nile/498059-a.html

...