تيل الفرامل المصري وزيت توتال بجد حرام

[Raul_7]

ركب تيل الفيات بترا قدام و خلي الأصلي راكب ورا (لو مكانش خلص).

[mhassan9]

أنا دلوقت عايز أفهم عشان أنا حاجز جين 2
هو معقول تغيير الزيت بره التوكيل بخرج من الضمان في عز العرب عشان دي تبقي بدعه جديدة أول مرة أسمعها.

تاني حاجه هو ممكن أجيب التيل من بره وهما يركبوه علي الأقل لو كان البوش الأصلي اللي عندهم عشان يرضوا يعني وأكيد بره هيبقي أرخص ولا أيه النظام ولو عز العرب مش هيرضي يا تري مراكز الخدمة هترضي ولا أيه؟؟

أصل بالطريقة دي هروح أصون العربية بره كأني شاريها من غير ضمان :(

[gebreel]

أنا دلوقت عايز أفهم عشان أنا حاجز جين 2
هو معقول تغيير الزيت بره التوكيل بخرج من الضمان في عز العرب عشان دي تبقي بدعه جديدة أول مرة أسمعها.

تاني حاجه هو ممكن أجيب التيل من بره وهما يركبوه علي الأقل لو كان البوش الأصلي اللي عندهم عشان يرضوا يعني وأكيد بره هيبقي أرخص ولا أيه النظام ولو عز العرب مش هيرضي يا تري مراكز الخدمة هترضي ولا أيه؟؟

أصل بالطريقة دي هروح أصون العربية بره كأني شاريها من غير ضمان :(

هي حتت الزيت دي موجودة كمان في رينو بس ممكن تجيبلهم الزيت اللي انت عاوزو و بعد مهاتية لو نفس المواصفات بيحطوه و يمكن دي عندهم حق فيها علشان يضمنو ان الزيت مش مضرو و يضر بالموتور و تروح تقلهم الضمان

[Nistelrooy]

الحمدلله علي نعمة عصام صفا .. كنا بتجيب تيل اسمة بوش ايطالي بـ 350 جنية .. دلوقتي بقي المركز بيجبوه ..
ومش بياخدو مصنعية كبيرة وممكن تتحسب بدون مصنية لو بتعمل صيانة وكدا ..
----------

مش التوكيل لو غيرلك كلبسة الشنطة الي هي ب 30 جنية ولا حاجة تلاقية خد 10 جنية ولا حاجة علي حتت بلاستيكة المفروض تكون ب 2 جنية ..<< ده حتي 2 جنية كتير عليها والله :)

[ahmed_h_g]

يارب بروتون تتسحب منك يا عز وياخدها واحد نضيف وعنده ضمير

[eng.m7md.ali]

للاسف الاسيف

بروتون ماليزيا متعونين مع عز العرب عديم الضمير

حسبي الله ونعم الوكيل فيهم

انا كنت فاكر ان الشركة الام بما انهم مسلمين هيتقوا ربنا عشان يرضو العميل بس الظاهر طلعو زي الاخوان همهم السلطة والفلوس والمبيعات بس :)

[Motarjim]

للاسف الاسيف

بروتون ماليزيا متعونين مع عز العرب عديم الضمير

حسبي الله ونعم الوكيل فيهم

انا كنت فاكر ان الشركة الام بما انهم مسلمين هيتقوا ربنا عشان يرضو العميل بس الظاهر طلعو زي الاخوان همهم السلطة والفلوس والمبيعات بس :)

الله عليك، هو ده الكلام!

طيب ما تيجي نروح نعمل لهم مظاهرات واحتجاجات في كوالالمبور، ولا لأخونة بروتون، ويسقط يسقط حكم المرشد، ولكِ الله يا بروتون، وماليزيا مش عزبة، وكده يعني....جايز يجي بفايدة، ويتعدلوا شوية!

[ahmed.hashem]

هو ده عز العرب وهي دي سياسته

استعوض ربنا في ال 300 جنيه بتوع التيل الزبالة ده واشتري تيل نضيف بتاع الفيات بترا زي المايلي مثلا وركبه .. ولو حصل حاجة لاقدر الله في الطنابير ركب المصري تاني وروحلهم اعملهم حفلة في التوكيل عشان الغباء اللي هما فيه ده

اما بالنسبة للزيت لو متضايق منه ممكن تنزله وتحط زيت شل مثلا .. لكن انا من رأيي اصبر عليه

ونصيحة : لو حضرتك بتعمل صيانات في عصام وصفا ممكن تتفاهم مع المهندس عصام انه يسمحلك بتغيير الزيت اللي تحبه بدل توتال

اختلف معاك هنا ... لو هما معندهمش امانه و مبالغين فى اسعارهم ده عمره ميكون سبب عشان اكون انا غير امين و اغير حاجه بره و لما تبوظ حاجه ابدلها و ارجع لهم اتخانق...يا ريت تراجع نفسك فى النقطه دى.

لو كل الناس فى مكان معين بتسرق...لا يعنى ذلك ان السرقه اصبحت حلال...الحلال بين و الحرام بين

[tutankhamoun]

على فكرة بروتون ماليزيا مش كدا خالص .
و الناس عندهم ضمير جدا و ناس كويسين جدا (عن تجربة و تعامل معاهم )

كل القصة ان الشركة ملك الحكومة و روتينية شوية مش أكتر .
بالاضافة أن زمان كان الشكاوى بتروحلهم كتير قوي و في الآخر تطلع 90 % من الشكاوى مش مظبوطة
و لذلك هما قرروا أن العميل يتعامل مباشرة مع الوكيل المحلي بتاعه .

طبعا ده مش صح .... لأن المفروض الشركة تكون بتشرف على الوكيل اشراف مباشر و تساعده على ارضاء العملاء .

بس يا جماعة أنا شوفت واحد في التوكيل عامل خناقة و بالوا و زعيق علشان كان عايز يغير الرادياتير في الضمان .

الناس كشفوا على الرادياتير و لقوا مخبوط و معووج من تحت ... هو أعترف في الآخر و قال أنه كان دخل في رصيف و الرادياتير أتعوج و بقى بيشر مياه .

المهم أنه برضه كان مُصمم يغيره في الضمان ...

[eng.m7md.ali]

يا استاذ توت المفروض يبقى في تواصل بين العملاء والمسئولية في الشركة الام

لكن تيجي حضرتك تبعتلهم عشان تستفسر عن مشكلة او تشتكي من عدم توافر قطع الغيار وكدة محدش يرد عليك اصلا

ده اسمه عدم احترام العميل للاسف

وتيجي تشتكلهم من اسعار قطع الغيار يقولك الاسعار في ايد التوكيل واحنا منقدرش نعمل حاجة !!! " ايه العبط ده ؟ "

ده رد من شركة محترمة؟!

ماهو كدة لو الشركة دي خايفة على مبيعاتها ومكسبها هنا كان زمانهم ادو استمارة 6 لعز العرب من زمان بسبب سوء الخدمة واسعار قطع الغيار والكلام ده

[hesham1978mmmm]

هو مينفعش تشتري تيل من بره وتركبه عندهم؟؟

مسألتيش بصراحة بس برده لو ده حصل يبقي منظومة الفرامل برده الضمان

[hesham1978mmmm]

تيل مصري !!!!!!!!
انت اكيد بتهرج
و التوكيل ابن اللزينة دة يا يركب الاصلي ابو 1300 يا اما مصري مافيش حتي تايواني واللا اسباني؟؟!!, مصري!!!
و علي فكرة المشكلة مش في الصفارة اللي بيعملها التيل, لأ, المشكلة معامل احتكاكة كام عند درجة حرارة كام؟؟؟؟؟؟!!
يعني هيفرمل علي سرعات عالية واللا لأ؟؟؟؟
و يا بجاحتهم يعني بيبيعو التيل و يقولك ضمان الطنابير هينزل, الله طب ما اللي وفرته في تمن التيل هيدفعهولك في تغيير طنابير بدري قبل معادها و أدة مرتين تلاتة اربعة كمان, لأ بجد استهبال
نصيحة لوجه الله غير التيل و بلاش استرخاص في التيل بالذات
احنا كنا بنجيب تيول و نخلي التوكيل يركبها بس تيول محترمة جدا انضف 100 مرة من الاصلي بتاع التوكيل(فيات)
الزيت عشان ما تطلعش برة الضمان غيره عندهم ماشي, بس خده معاك يغيرهولك قوللهم مش عاوز توتال و خد معاك الشيل و خالليهم يغيروه

يا باشا انا مستحرم ادفع 1300 في تيل فرامل اقعد بيه 6 شهور انا نسيت اقول ان التيل الأصلي قعد معايا 20 الف كم ولما روحت التوكيل قاللولي التيل خلاص خلص وداخل علي الطنابير مع العلم ان سواقتي هادية وبعدين انا والله قابلت شباب في التوكيل غيروا التيل علي 12 الف واحد قابلته هناك ده كان بيشد في شعره عمل 15 الف كم غير التيل الأمامي علي 10 الف كم وبعدين سمع صوت في العجل لاالخلفي قالوا له محتاج تغير تيل خلفي كان عامل 15 الف والراجل حتي مشي عشان مكنش عامل حسابه في الفلوس يعني اصلا التيل غالي بس مش بيقعد كتير

[hesham1978mmmm]

ركب تيل الفيات بترا قدام و خلي الأصلي راكب ورا (لو مكانش خلص).

اسمه ايه التيل ده بعد اذنك ومنين وبكام واروح فين اركبه وبعدين حضرتك مجربه

[hesham1978mmmm]

ركب تيل الفيات بترا قدام و خلي الأصلي راكب ورا (لو مكانش خلص).

على فكرة بروتون ماليزيا مش كدا خالص .
و الناس عندهم ضمير جدا و ناس كويسين جدا (عن تجربة و تعامل معاهم )

كل القصة ان الشركة ملك الحكومة و روتينية شوية مش أكتر .
بالاضافة أن زمان كان الشكاوى بتروحلهم كتير قوي و في الآخر تطلع 90 % من الشكاوى مش مظبوطة
و لذلك هما قرروا أن العميل يتعامل مباشرة مع الوكيل المحلي بتاعه .

طبعا ده مش صح .... لأن المفروض الشركة تكون بتشرف على الوكيل اشراف مباشر و تساعده على ارضاء العملاء .

بس يا جماعة أنا شوفت واحد في التوكيل عامل خناقة و بالوا و زعيق علشان كان عايز يغير الرادياتير في الضمان .

الناس كشفوا على الرادياتير و لقوا مخبوط و معووج من تحت ... هو أعترف في الآخر و قال أنه كان دخل في رصيف و الرادياتير أتعوج و بقى بيشر مياه .

المهم أنه برضه كان مُصمم يغيره في الضمان ...

استاذ توت عامل ايه انت رأيك ايه في موضوع التيل ده يا تري تنصحني بأيه

[mk3]

وفى الاخر يزعلوا اما نقول الساجا عيبها التوكيل
بس واضح ان التوكيل فى كله بيرونا وساجا وكله