تيل الفرامل المصري وزيت توتال بجد حرام

[tutankhamoun]

استاذ توت عامل ايه انت رأيك ايه في موضوع التيل ده يا تري تنصحني بأيه

و الله ياباشا بصراحة مجربتوش .... بس هما عندهم الماليزي ب 250 جنيه (و عليه علامه بروتون المائية ) و الناس شكرت فيه .
و الله اعلم برضه علشان مجربتوش هو كمان

[card44]

باشا اتعامل مع عصام وصفا انا لسة مغير عندة تيل وعندة كذا اختبار البوش والاسبانى والايطالى وبتاع العربية الماليزى البروتون كان ب 200 جنية

[momopersona]

انا رأيى ماتروحش التوكيل تانى يافندم

انت لسه بتصدق موضوع الضمان و الكلام ده
ده كلام ووقت الجد بيتغير وهاتدفع بردو

فحرام فلوس حضرتك تروح فى مصنعيات وهميه و اسعار قطع غيار غير واقعيه ويا ريتها كواليتى عالى لا دى اردأ من اللى فى اى حته تانيه

[D . a .\ AYMAN]

يعني هو يركب التيل وبعد كدة عشان هو عارف إنه تيل زبالة وبيعمل مشاكل يقوم هو نفسه برضه ينزل الفترة اللي بيضمن فيها العربية على الطنابير بس اللى هو برضه عارف إن التيل اللى هو مركبه هابوظها بعد الفترة دي تحديدا

ده إيه التوكيل اللذيذ ده ... بصراحة الكلام ده افتكاسة جديدة فحت .. ومالوش رد محترم

أول مرة اشوف توكيل بيركب حاجة مش أصلي وبيقول للعميل إنها مش أصلي لكن هاركبهالك ومش هاضمنلك العربية بعدها ... ده إيه الجمال ده

انا رأيى ماتروحش التوكيل تانى يافندم

انت لسه بتصدق موضوع الضمان و الكلام ده
ده كلام ووقت الجد بيتغير وهاتدفع بردو

فحرام فلوس حضرتك تروح فى مصنعيات وهميه و اسعار قطع غيار غير واقعيه ويا ريتها كواليتى عالى لا دى اردأ من اللى فى اى حته تانيه

أعتقد في النهاية ده مصيره فعلا ... أنا عملت كدة فعلا مع توكيل سوزوكي ... نفس الاستايل كدة والرعونة والغباء في كل حاجة ... بعد تالت صيانة بطلت أروحلهم نهائيا

كل مرة يضربولهم 300 - 500 جنيه على كلام فاضي ممكن أنا أعمله بإيدي برة حتى بعشر قيمة المبلغ ده ... وفي الآخر كمان لما يبقى فيه حاجة تبع الضمان يتنطط عليك ويعملهالك كأنه بيبقشش عليك وبعد خناق وطلوع روح

وشكله كدة عز العرب نفس المنوال الله أعلم

معظم توكيلات مصر عايزة ضرب الـ %$#&!#$%

بس ليا سؤال لأخي العزيز توت .. هو حضرتك بتغير التيل في المعتاد في الجين تقريبا على كام كيلو ...؟

يعني أنا في الألتو تقريبا مغيره على 40 الف وكان فيه لسة يكمل لغاية 50 وتاني مرة لسة مغيرتوش ... وعامل دلوقتي في حدود 80 الف ولسة فيه لما ببص عليه .. برغم إن بعض الأعضاء كان معاهم الألتو نفسها ونفس الموديل مغيرينه كل 15 الف

[tutankhamoun]

بس ليا سؤال لأخي العزيز توت .. هو حضرتك بتغير التيل في المعتاد في الجين تقريبا على كام كيلو ...؟

و الله يا باشا .... العربية الأولى بعتها بدون ما غير التيل و كان تقريبا داخلة على 40 ألف .
و العربية التانية الحمد لله ... ربنا يديمها نعمة .... لسة شغال كويس أنا عامل دلوقتي 27 ألف كم .

الرك على طريقة السواقة .

الناس هنا بتسوق و كأنها في سباق او فاكرين نفسهم شوماخر ....
تلاقي مثلا نفسك داخل على اشارة و أنت شايفها حمراء من بعيد .
فأسيب العربية توصل بسرعة الدفع الذاتي بدون بنزين لو المسافة مثلا 300 متر أو 400 متر .

تلاقي واحد بقى (أنصح أخواته ) ييجي أمامك و يضرب غرزة (بيكون كابس بنزين طبعا ) و بعدين يكبس فرامل مرة واحدة ...... و في الآخر .... نقف أنا و هو في نفس الاشارة لنفس المدة
و لكن أنا أستهلكت بنزين أقل ......... و ما أستخدمتش الفرامل تقريبا نهائي ...
حتى وصول العربية للاشارة بيكون سرعة العربية ضعيفة قوي قوي بمجرد لمس الفرامل بتقف بدون أي أستهلاك .

و اللي عمل الغرزة ده بقعد أبصله (حينا بأستغراب و حينا آخر بشفقة على مخه التعبان )

المهم أستهلاك البنزين و أستهلاك التيل بيرجع لطريقة سواقتك في الأساس .

و الله و أنا داخل على أي مطب أدي أشارة انتظار علشان بشوف ناس كابسة بنزين و جاية ورايا زي البقرة الهايجة .

و أبص ألاقي الأستاذ يتخطاني و هوب يا يلبس في المطب ....... يا يضرب فرامل فجائية و العربية تزحف منه زي ما حصل معايا من أسبوعين في 6 أكتوبر مع عربية سيراتو (واضح أن مفيهاش أي بي أس )

ريحة الشياط بتاعته خنقتني لدرجة أني فتحت كل الشبابيك علشان أتنفس ....

المهم الغرض من كل الكلام ده ...... طريقة السواقة بتفرق كتير .

طبعا أنا كمان بسوق في طرق مفتوحة بنسبة 95 % فأستهلاكي للتيل قليل .

[eng.m7md.ali]

يا استاذ توت انت مفيش زيك في البلد دي :)

[tutankhamoun]

يا استاذ توت انت مفيش زيك في البلد دي :)

يا باشا الله يكرمك .

هي بس العملية محتاجة تشغيل مخ و البعد عن الغباء اللي بيحصل في الشارع و عدم تقليده .
و الموضوع بسيط و سهل

[saint2011]

سيبك من التوكيل وخليك مع عصام صفا أفضل عشان الناس أللى فى التوكيل دى بتستهبل رسمى وضمان طنابير ايه أللى بيتكلم فيها ويركبلك تيل زبالة مصرى يقصف عمر الطنابير رسمى يا راجل وبلاش زيت توتال الزبالة ده وخليك فى حاجة محترمة فالفولين او ليكوى مولى أو كاسترول او شل أضعف الأيمان

[smsmsaad]

و الله يا باشا .... العربية الأولى بعتها بدون ما غير التيل و كان تقريبا داخلة على 40 ألف .
و العربية التانية الحمد لله ... ربنا يديمها نعمة .... لسة شغال كويس أنا عامل دلوقتي 27 ألف كم .

الرك على طريقة السواقة .

الناس هنا بتسوق و كأنها في سباق او فاكرين نفسهم شوماخر ....
تلاقي مثلا نفسك داخل على اشارة و أنت شايفها حمراء من بعيد .
فأسيب العربية توصل بسرعة الدفع الذاتي بدون بنزين لو المسافة مثلا 300 متر أو 400 متر .

تلاقي واحد بقى (أنصح أخواته ) ييجي أمامك و يضرب غرزة (بيكون كابس بنزين طبعا ) و بعدين يكبس فرامل مرة واحدة ...... و في الآخر .... نقف أنا و هو في نفس الاشارة لنفس المدة
و لكن أنا أستهلكت بنزين أقل ......... و ما أستخدمتش الفرامل تقريبا نهائي ...
حتى وصول العربية للاشارة بيكون سرعة العربية ضعيفة قوي قوي بمجرد لمس الفرامل بتقف بدون أي أستهلاك .

و اللي عمل الغرزة ده بقعد أبصله (حينا بأستغراب و حينا آخر بشفقة على مخه التعبان )

المهم أستهلاك البنزين و أستهلاك التيل بيرجع لطريقة سواقتك في الأساس .

و الله و أنا داخل على أي مطب أدي أشارة انتظار علشان بشوف ناس كابسة بنزين و جاية ورايا زي البقرة الهايجة .

و أبص ألاقي الأستاذ يتخطاني و هوب يا يلبس في المطب ....... يا يضرب فرامل فجائية و العربية تزحف منه زي ما حصل معايا من أسبوعين في 6 أكتوبر مع عربية سيراتو (واضح أن مفيهاش أي بي أس )

ريحة الشياط بتاعته خنقتني لدرجة أني فتحت كل الشبابيك علشان أتنفس ....

المهم الغرض من كل الكلام ده ...... طريقة السواقة بتفرق كتير .

طبعا أنا كمان بسوق في طرق مفتوحة بنسبة 95 % فأستهلاكي للتيل قليل .
:e_braces[1]:

ما شاء الله عليك..الله يفتح عليك

ممكن اسأل سؤال...حضرتك عندك كام سنة

[K3A]

باختصار يا جماعة وعن تجربة ... أفضل تيل امامي هو بوش (صناعة ايطالي على ما أظن) وموجود ب 350 جنيه في شارع دمشق

اما التيل الخلفي فممكن تركب بروتون بالعلامة المائية موجود بالوكيل ب 180 بدون ضريبة و بدون مصنعية

وعلى فكرة لوركبت التيل البوش ده بره مش حيعرفوا و موضوع ضمان الطنابير ده اشتغاله كبيره ... و عموما التيل ابو 350 ممتاز وعن تجربة