غيرت لزيت امارات مصر ... وداعا شل

[المنسي]

بقالى فترة عايز اغير من زيت شل لنوع تانى بس الواحد كان محتار يغير لايه وخصوصا ان سمعة شل وموبيل دلوقتى مبقتش زى الاول وكمان الفترة الاخيرة شل بقى الزيت بتاعه مضروب المهم العربية الاول كانت مع نسيبى قبل ما اخدها منه وكان كل تغييرة زيت بيحط من امارات مصر وكان معاه زى بطاقة كده بيسجلو فيها تاريخ تغيير الزيت وقراية العداد وعندهم عرض ان كل 7 تغييرات زيت ليك تغييرة زيت مجانا المهم رحتلهم امبارح فى امارات مصر اللى عند كارفور المعادى وطلعت البطاقة اللى كانت معايا وكان متسجل فيها 6 تغييرات زيت واللى غيرته امبارح يعنى التغييرة 7 وقاللى المرة الجاية هتيجى تغير الزيت مجانا .............
الملاحظات اللى اكتشتفها
* تغيير الزيت بالفلتر 4.25 لتر مش 4 لتر زى ما كنت بحط من شل
* سالت ليه 4.25 لتر قاللى العربية بتاخد كده مع تغيير الفلتر وبتاخد 3.75 من غير الفلتر
* قلتله الجركن 4 لتر بس قاللى ما هو انت بتغير من الزيت السايب كل مرة ... طبعا انا مكنتش اعرف نسيبى كان بيعمل ايه
* سالته على الزيت السايب قاللى هوه هوه اللى فالجركن بس الاختلاف انك بتحط الكمية المناسبة لعربيتك
* انا كنت قلقان من حكاية السايب واللى فى جركن بس توكلت على الله وقلتله غير من السايب
* سعر اللتر 29 * 4 لتر = 116 + 4/1 لتر 7.5 هيبقى المجموع 123.5
* خدمة تغيير الزيت 5 جنيه
* الفلتر عندهم ب 26 جنيه انا كنت شارى واحد وواخده معايا وخليته ركبه
الملاحظات بعد تغيير الزيت
الموتور صوته هادى جددددددددددددددددددددددا وتحس انه بقى ناعم والسحب بتاعه اتحسن بعكس شل الموتور كان صوته عالى وتحس انه بينعر
------------ انا حطيت زيت 5000 لانى كنت متعود احط شل 5000 ماعدا اخر مرة من شل كنت حاطط 3000-----------------
نسيبى قاللى انه بيحط 10.000 بتاعه وبيبقى جركن جاى من الامارات وبيبقى تحفة وكان فى عضو قديم هنا كان معاه فانتازيا فى مرة قال انه بيحط الزيت 10.000 للفانتازيا عنده وكان مبسوط بيه
لو فى اي استفسار انا فى الخدمة

[أبو صلاح]

غالبا ياباشا هترجع تاني لشل

انا جربته قبل كده كان في برايد والزيت اتحلل بقى زي المياه
كنت حاطط 5000 كيلو بعد 1500 كيلو رميته وغيرته

على فكرة كان في مواضيع من زمان على الزيت ده وفي وقت من الاوقات طلعت هوجة كده
وتقريبا كل التجارب فشلت على اكتر من عربية من فئات مختلفة

انا عارف الكلام ممكن يزعلك بس عامة خليك مراقب الزيت كويس قوي

[adiaa222]

انا كنت بغير زيت من الوطنية وقولت اغير وغيرت لشل الاحمر والله انا حاسس ان كلها اشتغالات وكلهم واحد وقرات على النت ان فى بحث غريب عن حد عاملة عن الزيوت وتوصل ان الزيوت مبتفقدش تركيبها من كتر الاستعمال بس الفكرة ان لونها بيسود من الاحتكاك ولزوجتها بتقل بس بدرجة بسيطة والشركات هية اللى عملة الاشتغالات دية عشان تبيع والله اعلم

[lad]

غالبا ياباشا هترجع تاني لشل

انا جربته قبل كده كان في برايد والزيت اتحلل بقى زي المياه
كنت حاطط 5000 كيلو بعد 1500 كيلو رميته وغيرته

على فكرة كان في مواضيع من زمان على الزيت ده وفي وقت من الاوقات طلعت هوجة كده
وتقريبا كل التجارب فشلت على اكتر من عربية من فئات مختلفة

انا عارف الكلام ممكن يزعلك بس عامة خليك مراقب الزيت كويس قوي

فعلا جربته و بقى زى الميه الشل زى الفل بس من مكان ثقة

[A_Baidak]

على فكره انا بحته بقالى فتره وزيت ممتاز جدا جدا جدا

خليه عليه يا عم منسي وعيش بيه ولا شل ولا قرف والممتاز برده لكوي مولى بس مش موجود كتير

[jan_jan]

ربنا يبارك لك فيى العربية ,, بس زيت امارات خفيف جداً وبيتبخر بسرعة خد بالك

[abou-yahia]

يا جماعه الخير

شيل من بنزينات شيل مضمون ومفيش منه اي قلق خالص

وراه كاسترول من بنزينات طاقه محترم

امارات مصر عن تجربه ذي قلته

[المنسي]

غالبا ياباشا هترجع تاني لشل

انا جربته قبل كده كان في برايد والزيت اتحلل بقى زي المياه
كنت حاطط 5000 كيلو بعد 1500 كيلو رميته وغيرته

على فكرة كان في مواضيع من زمان على الزيت ده وفي وقت من الاوقات طلعت هوجة كده
وتقريبا كل التجارب فشلت على اكتر من عربية من فئات مختلفة

انا عارف الكلام ممكن يزعلك بس عامة خليك مراقب الزيت كويس قوي

وممكن مرجعش لشل تانى لسبب بسيط ان لسه واحد برده زميلى كان بيقوللى ان زيت شل كان عامل معاه مشكلة وكده كده ادينى متابعه ... شكرا للتنبيه

[المنسي]

فعلا جربته و بقى زى الميه الشل زى الفل بس من مكان ثقة

انا بقالى كتير كنت بغير من شل بس لما غيرت لامارات مصر صوت الموتور فرق

على فكره انا بحته بقالى فتره وزيت ممتاز جدا جدا جدا

خليه عليه يا عم منسي وعيش بيه ولا شل ولا قرف والممتاز برده لكوي مولى بس مش موجود كتير

والله كان متغير للموتور ده قبل كده من امارات مصر 6 مرات والموتور مش جراله حاجة وواحد كان معانا فالمنتدى هنا اسمه استاذ اشرف برده كان شكر فيه وكمان نسيبى اللى العربية كانت معاه برده بيحط فى عربيته بس 10.000 اللى هو اماراتى

ربنا يبارك لك فيى العربية ,, بس زيت امارات خفيف جداً وبيتبخر بسرعة خد بالك

ربنا يسهل وهاخد بالى شكرا لحضرتك

يا جماعه الخير

شيل من بنزينات شيل مضمون ومفيش منه اي قلق خالص

وراه كاسترول من بنزينات طاقه محترم

امارات مصر عن تجربه ذي قلته

شكرا لمرور حضرتك

[EngAhmedSayed]

شل الاحمر كان ممتاز و خلى بالك من كان
انا كنت بتعامل مع شل الاحمر و كان عندى شك كبير انى الموتور بقى يخف و محتاج عمرة لدرجة بشيل غطاء الزيت كنت بلاقى دخنة زى الشكمان قولت الموتور جاب اخره اتارى الزيت بيتبخر فا شكيت بعد ما كلمت المنسى و قالتالو انا شكك فى الزيت وروحت غيرت الزيت للامارت مصر الحمد لله كل حاجة رجعت زى الاول الحمد لله
وده يعتبر تنبيه خلى بالكم علشان متفتكروش انى الموتور محتاج عمرة و تصرف على الفاضى راجع و تاكد
و غيرت للامارت لحد دلوقتى ممتاز
كويس
ربك المستعان

[sakr_skoda]

بصراحة الواحد احتار فى موضوع الزيت دا وبافكر احط زيت عافية العبوة الكبيرة ايه رئيكم *هههههههههههههههه

[المنسي]

شل الاحمر كان ممتاز و خلى بالك من كان
انا كنت بتعامل مع شل الاحمر و كان عندى شك كبير انى الموتور بقى يخف و محتاج عمرة لدرجة بشيل غطاء الزيت كنت بلاقى دخنة زى الشكمان قولت الموتور جاب اخره اتارى الزيت بيتبخر فا شكيت بعد ما كلمت المنسى و قالتالو انا شكك فى الزيت وروحت غيرت الزيت للامارت مصر الحمد لله كل حاجة رجعت زى الاول الحمد لله
وده يعتبر تنبيه خلى بالكم علشان متفتكروش انى الموتور محتاج عمرة و تصرف على الفاضى راجع و تاكد
و غيرت للامارت لحد دلوقتى ممتاز
كويس
ربك المستعان

والله يابشمهندس كان بقالى فترة عايز اغير من شل واجى عند ميعاد تغيير الزيت واتراجع بس المرة دى قلت انا مش خسران حاجة وخصوصا ان العربية كانت ماشية على زيت امارات مصر اكتر من 40000 كيلو ولو كان الزيت فيه حاجة كان بان وعلى العموم اى نوع زيت مطلوب ان الواحد يتابعه

بصراحة الواحد احتار فى موضوع الزيت دا وبافكر احط زيت عافية العبوة الكبيرة ايه رئيكم *هههههههههههههههه

ولاتحتار ولاحاجة خليك فى زيت عافية بس متحطش اكتر من الكمية المقررة

[mohamed878]

بصراحة الواحد احتار فى موضوع الزيت دا وبافكر احط زيت عافية العبوة الكبيرة ايه رئيكم *هههههههههههههههه

انا حاسس اننا برضو هنحتار نحط زيت عباد ولا دره

[Moratoz]

مفكرتش في كأسترول زيت محترم وناس كتير بتشكر فيه وانا حاطه في الاوكتافيا واللانوس

[Omar.Shawki]

انا بستعمل زيت امارات مصر من سنة وكويس وجربت شل وموبيل وتوتال وحاسس ان كله زى بعض