تغيير زيت الموتور بالمدة وليس بالمسافة

[webwalid]

السلام عليكم
دلوقتي انا بمشي بالعربية قليل جدا يعني مثلا لو حطيت زيت 10000 وفرضنا اني هغير الزيت بعد 10000 كم ممكن اقطع المسافة دي في 4 سنين !!!
عشان كدة بسال امتي اغير الزيت بالوقت مش بالمسافة سواء للزيت المعدني اوالتخليقي
علما ان سواقتي كلها جوة البلد مش بسافر بيها ومشاويري صغيرة

[mohamed salhin]

متابع

[MOTOR HEAD]

انا سمعت فى المنتدى من استاذ ممدوح تقريبا :)

ان اقصى مده يعدها الزيت فى الكارتيره سنتين

[svneleven]

ناس بتقول سنة وناس بتقول سنتين و الله أعلم.
لكن معلش 150 جنيه زيادة في السنة و تبقي في الأمان مش حاجة كبيرة.

[a7medsh3rawi]

على حسب المنتج وتاريخ الانتاج المكتوب على العلبه يعنى علبه تاريخ انتاجها السنه دى وتنتهى بعد سنه او سنه ونص يبقى دا العمر الافتراضى بتعاها

[Zing0]

سألت واحد بتاع محل زيوت
قالى الزيت صلاحيته 5 سنوات لو الجركن بتاعه مقفول (مأخدش هوا و لا رطوبه)
و سنه بعد ميتفتح

[rotanamasoud]

وسطن نفسك يعنى بعد سنه ابدء راجع على لزوجه الزيت باستمرار طول ما هو كويس قفل بيه السنتين حسيت انه بدء يفقد خواصه غير بس مش بعد اقل من سنه

[gadoo30]

كتالوج عربيتى الافيو بيقول الزيت المعدنى 4 اشهر والزيت التخليقى سنة والله اعلم

[abohend]

سنة بالكتير

سنة أقصى حاجة (للتخليقي)
عشان في مواد بتتأكسد
و اللي مكتوب على العلبة ده الshelf life
يعني و العلبة مقفولة و محفوظة في ظروف مناسبة
و زي الزملاء مقالوا مبلغ تغيير الزيت سنويا زهيد بالنسبة للمحافظة على الموتور
أما بقى موضوع اللزوجة فده ملوش علاقة بالlife time
لكن علاقته بالworking distance
يعني اللزوجة ممكن تخليني أغير زيت قبل أو بعد عدد الكيلو مترات المكتوبة فالبورشور بتاع صانعه إعتمادا على حفاظ الزيت على خواصه (و في عربيات فيها مراقب لخصائص الزيت يقولك لما الزيت يحتاج تغيير)
تحياتي

[Dr_Moustafa]

يجب تغيير الزيت طبقا لما هو موصى به فى كتالوج العربيه

لكن لو مفيش توصيه بالمده ، فتغير الزيت يكون :
1- بعد 6 شهور عند استخدام زيت معدنى
2- بعد سنه عند استخدام زيت تخليقى زى Mobil 1
وذلك بغض النظر عن عدد الكيلومترات

أما بالنسبه لصلاحية الزيت وهو فى الجركن ومحفوظ فى درجة حراره عاديه ، فتكون الصلاحيه كما هو مدون على الجركن بشرط عدم فتح العبوه ، وعادة ما تكون 4-5 سنوات فى حالة الزيت المخلق زى Mobil 1

[aboomar22]

هو فيه زيت ايه تخليقى غير موبيل 1 لزوجته 30-5 وهل لو استعملت 40-10 فيه مشكلة لان شايف انه هو المتوفر فى الزيوت

[Dr_Moustafa]

يوجد زيوت بتكنولوجيا HydroCracking لزوجه 5w-30 مثل :
Liqui Moly - top tec 4200 - 5w-30
Meguin - comaptible - 5w-30
Meguin - efficiency - 5w-30

وفيه زيت Mobil 1 الذهبى 0w-40

أهم حاجه تشوف مواصفات الزيت المناسب المكتوبه فى كتالوج العربيه

[aboomar22]

شكرا دكتور مصطفى الموصى به فى الكتالوج 30-5 والموصى به من الشركة المصنعة موبيل 1 وانا بستعمل موبيل 1 من الزيرو بس عايز اغير لانى حاسس انه بقى مش حلو صوت الموتور بقى يعلى والزيت بيتحرق بداية من 6 الاف --شكرا جزيلا

[Dr_Moustafa]

العفو ، تحت أمرك
جرب Meguin - compatible - 5w-30
نفس مواصفات Mobil 1 الاخضر ، لكن صناعه المانى

[كريم kok]

السلام عليكم
دلوقتي انا بمشي بالعربية قليل جدا يعني مثلا لو حطيت زيت 10000 وفرضنا اني هغير الزيت بعد 10000 كم ممكن اقطع المسافة دي في 4 سنين !!!
عشان كدة بسال امتي اغير الزيت بالوقت مش بالمسافة سواء للزيت المعدني اوالتخليقي
علما ان سواقتي كلها جوة البلد مش بسافر بيها ومشاويري صغيرة

طب مطحت زيت شل 5000 وخلي الزيت كل 4 شهور غيرو وكده تبقا في امان الامان عشان الركنا كتير للعربيه ممكن تجيب جلد صباب