أسطورة الـ100 ألف كيلومتر... هل لها أصل؟؟؟

[borio1704]

انا شايف الموضوع ليس تركيز النظر علي اللزوجة فقط ولكن توجد عناصر اخري مهمة اما اللزوجة التي تذكرها حضرتك دي اللزجة العامة او فئة اللزوجة

تغيير الزيت من معدني لتخليقي بناء علي Viscosity class
المذكورة في الكاتالوج او العبوه20w-50مثلا...
ولكن توجد عناصر اخري Viscosity class
Viscosity at 100c
Viscosity at 40
Density at 15 c
Flash point
Pour point
Sulphate وحدتها g/100g
وطبعا الكثافة(Density) وحدتها g/cm3(سم مكعب يشيل كام جرام)
وطبعا اللزوجة (Viscosity) وحدتها mm2/s(كام مم مربع يعدو في الثانية)
وانا شخصيا باضع بعض الاضافات والتركيبات مع الزيت لرفع كفاءتة (وكانت نتيحة اختبارات العادم بعد الاضافات اقل بكثير وال compression زاد بدرجة ملحوظة)
وبناء عليه: لو حنغير الزيت من معدني لتخليقي لابد من توافر المواصفات الفنية لكل زيت ونشوف الفرق بينهم لو متطابق اذن نغير براحتنا بلا شك او تردد ولكن لعدم توافر technical data
غير المنطقي الاعتماد علي اللزوجة فقط او رمز الخدمة
،،،،ولذلك نلاحظ ان بعض المواطنين يغير الزيت الي اخر بنفس اللزوجة ولكن لا توجد كفاءة محسوسة بعد التغيير(بغص النظر عن العوامل الاخري لكفاءة المركبه)
والملاحظ ايضا ان شركات الزيوت يطغي عليها جناح الربح والتجارة ولا توفر بيانات موثوقة وحتي لو وفرت لا توجد الارضية لتثقيف المواطن علي الزيوت وصيانتها
..النقطة الاخري نقطة 100 الف كم اظن ليست دوبا من الخيال ولكنها واقع في السيارات الشعبية بعد ال100 الف كم الكفاءة تقل بناء علي ان كل قطعه لها عمر افتراضي
ولكن رايي. الشخصي انه في عدم مراعاة الصيانات الضروريه والسوائل تظهر المشاكل في السيارة كالنار في الهشيم.. المقصود انك بعدم الصيانات واتباع الارشادات تقلل من العمر الافتراضي للاجزاء المتحركة(الموتور) ومعروف ميكانيكيا ان اي جزء متحرك له عمر افتراضي.
وبعض السيارات تصل الي 250 الف وصحتها تمام ولا تعاني من اي امراض مزمنة بسب المحافظة..
،،،اخيرا دا اجتهاد شخصي من حكم العمل في قطاع البترول
تحياتي للمهندس احمد البرعي
نتمني منك المزيد لاثراء وتكثيف المعلومات

أخي العزيز عبدالله برعي..

أشكرك على مشاركتك .. والحقيقة إنها فعلا بتثير تساؤلات كتير عند معظم الناس...


وعندي تعليقات كتير حابب أقولها:

أولا.. أكواد اللزوجة معمولة علشان تسهل على الناس مسألة قيم اللزوجة الحقيقية... خصوصا إن فيه كذا وسيلة لقياس اللزوجة زي ما حضرتك قلت..

وفي الحقيقة... أي كود من دول هو عبارة عن مواصفة... والمواصفة دايما بتدي قيمة أساسية ± سماحية أو ممكن تحط حد أدنى للقيمة أو حد أقصى ...

وبالتالي فمن المستحيل تلاقي تلاقي زيتين زي بعض تماما... ده حتى نوع الزيت الواحد لا يمكن تلاقي فيه "لوط" زي التاني... بس ما دام المنتج جوه حدود المواصفة.. يبقى المنتج كده "مطابق للمواصفات"... وبالتالي من المفترض إننا نلاقي المنتجات قريبة جدا من بعض من ناحية مواصفاتها.

طبعا... كل شركة بتعمل مواصفة خاصة بيها علشان تنتج منتجاتها عليها... بس لازم في نفس الوقت تلتزم بالمواصفة المعتمدة عالميا.. وإلا مش هتاخد تصنيف.


بالنسبة لدرجة الحرارة اللي بتتقاس فيها اللزوجة زي 100 و 40 .. فدي أنا كنت جاوبت من فترة على أسئلة شبيهة في موضوع http://www.nilemotors.net/Nile/466047-a.html

واسمحلي أقتبس منه علشان أوضح المعلومات أكتر..

اللزوجة باختصار بيعرفوها بإنها مقاومة المائع (السائل أو الغاز) للتغيير في الشكل ... ودي بتظهر في السوائل في شكل "التخانة".




عموما.. هحاول أتكلم عن المفاهيم الأساسية .. ومش عايز أدخل في معادلات لإن الموضوع فعلا كبير.. ويعتبر أحد المواضيع الأساسية في علم الموائع (Fluids).


اللزوجة ليها طريقتين لقياسها حسب وجهة النظر العلمية:


1- اللزوجة الديناميكية

ودي بتتقاس بمقدار حركة المائع مقارنة بالقوة الواقعة عليه لتغيير شكله..

وبتتقاس بوحدة إسمها "بواز" Poise .. ورمزها (P)

1 بواز = 0.1 باسكال.ثانية

والوحدة دي تعتبر كبيرة جدا.. فعادة بتتقسم على 100 ويسموها سنتيبواز (cP)

1 سنتيبواز = 1 ملليباسكال.ثانية

علشان كده.. الوحدة دي مهمة جدا مع العربيات علشان الزيت بيتضخ في الموتور تحت ضغط بمضخة (طلمبة) الزيت... ولازم نعرف الزيت هيتصرف إزاي أثناء الضخ.



2- اللزوجة الكينماتيكية

ودي بتعبر عن مقدار حركة المائع بدون ارتباط بأي قوى أخرى.

ودي ممكن تكون مهمة في العربيات خاصة في الأجزاء اللي بتتزيت بالانسياب الطبيعي للزيت.

بتتقاس بوحدة إسمها "ستوكس" Stokes أو ستوك" Stoke .. ورمزها (St)


1 ستوك = 1 سم مربع/ثانية

وبردو... الوحدة دي تعتبر كبيرة جدا.. فعادة بتتقسم على 100 ويسموها سنتيستوك (cSt)

1 سنتيستوك = 1 مم مربع/ثانية


لو حضرتك مهتم بالتفاصيل العلمية للموضوع تقدر تدخل على الويكيبيديا في الوصلات دي:

https://en.wikipedia.org/wiki/Viscosity

Motor oil - Wikipedia, the free encyclopedia

https://en.wikipedia.org/wiki/Dynamics

https://en.wikipedia.org/wiki/Kinematics

طيب ... إيه بقى موضوع الحرارة؟؟؟


طبيعة المواد كلها إنها بتتأثر بالحرارة... بتتمدد وتنكمش... وممكن لزوجتها تزيد أو تقل مع زيادة أو نقص الحرارة.

أغلب المواد لزوجتها بتقل مع زيادة الحرارة.. والزيوت واحدة منهم.. مع العلم بإن فيه مواد لزوجتها بتزيد مع زيادة الحرارة.. بس ده مش موضوعنا.


المهم..

اللي يهمنا هنا إن اللزوجة علشان نعرف نتعامل معاها هندسيا.. لازم نقيسها في درجة حرارة موحدة علشان نقدر نفرق بينها وبين بعض في الخصائص...


طبعا... الموضوع ده ممكن يجرنا لمسألة إن أداء الزيت هيختلف باختلاف درجات الحرارة اللي بتشتغل فيها العربية.. وإننا لازم نراعي الكلام ده واحنا بنختار لزوجة الزيت المناسب..


ده صحيح... وكان الموضوع ده سبب أساسي في وجود زيوت شتوية (لزوجتها خفيفة).. وزيوت صيفية (لزوجتها ثقيلة)

من هنا ظهرت فكرة الزيوت متعددة الدرجات (درجات اللزوجة) أو Multigrade oils... وكان الهدف منها هو إيجاد زيت يقدر يشتغل بكفاءة عالية في الصيف والشتا...

علشان كده الزيت عليه درجتين لزوجة... الصغيرة تكافئ زيت الشتا (اللي بعدها W).. والتانية تكافئ زيت الصيف.. وده كان أول ما اخترعوه في الخمسينات..




بس كان دايما فيه مشكلة.. إن بردو فيه اختلاف بين أداء الزيت في بداية التشغيل وأداؤه بعد الوصول لدرجة التشغيل المعتادة.


دلوقتي الزيوت متعددة الدرجات بتشتغل في مدى درجات حرارة (حد أقصى وحد أدنى).. والزيوت التخليقية الحديثة تقدر تشتغل كويس في كل درجات حرارة الجو المعروفة على سطح الأرض تقريبا.





ومع ذلك... مازال نظام الترقيم بدرجتين لزوجة متعارف عليه لحد دلوقتي..



حاليا.. درجتين لزوجة الزيت المكتوبين على العلبة بيتقاسوا في درجتين حرارة محددين...


الأولانية هي لزوجة الزيت في أقل درجة حرارة مسموح للزوجة دي بالتشغيل فيها..

وده بيبقى مهم جدا إننا نقيس لزوجته "الديناميكية".. علشان نعرف قدرة طلمبة الزيت على توصيله لكل أجزاء الموتور.


والتانية دايما هي درجة حرارة التشغيل عند 100 °م

وده مهم إننا نقيس لزوجته "الكينماتيكية" .. علشان نعرف قدرته على الانسياب والرجوع مرة أخرى لخزان الزيت (الكارتيرة) علشان يتضخ مرة أخرى لأجزاء الموتور


يعني... لو عندك زيت لزوجته 5W-40 مثلا.. فالـ5 تكافئ درجة اللزوجة المقاسة عند أقل درجة حرارة للجو مسموح للزيت يشتغل فيها ... والدرجات دي كالتالي:
(-35 °م) للزوجة 0W
(-30 °م) للزوجة 5W
(-25 °م) للزوجة 10W
(-20 °م) للزوجة 15W
(-15 °م) للزوجة 20W
(-10 °م) للزوجة 25W

أما الـ40 فدايماً تكافئ درجة اللزوجة عند درجة حرارة 100 مئوية.


ده جدول بيبين الفرق بين مستويات اللزوجة حسب مواصفة SAE J300 (ده اسم مواصفة منظمة الـSAE لدرجات لزوجة زيوت محركات السيارات)





طيب ليه ساعات بنلاقي في مواصفات الزيوت اللزوجة متقاسة على درجة حرارة 40 °م؟؟؟؟

ببساطة .. منظمة الـISO هي كمان عاملة مواصفات للزوجة الزيوت.. وأغلب اللي بيشتغلوا في صيانة الماكينات في المصانع عارفين الزيوت بمواصفات الـISO ... مش بمواصفات الـSAE.

المهم.. مواصفة منظمة الـISO بتقيس لزوجة الزيوت على درجة حرارة 40 °م .. لإن دي درجة حرارة التشغيل المعروفة في أغلب ماكينات العالم..


فملخص الموضوع إن شركات الزيوت بتحط اللزوجة على درجة حرارة 40 °م علشان تبقى زيوتها متصنفة حسب مواصفة الـISO... وعلى درجة حرارة 100 °م علشان تبقى متصنفة حسب مواصفة الـSAE


وعموما.. كل مواصفة بتعمل تصنيفات وأكواد للتسهيل على المستخدمين .. وكل درجة من دول ليها مدى.. يعني حد أدنى وحد أقصى


وده جدول بيعمل مقارنة بين لزوجة الزيوت حسب المنظمات المختلفة




طيب... يهمنا إيه من كل الكلام والدش اللي فوق ده؟؟


أنا كمستخدم... يهمني إن الزيت يكون بمواصفات مناسبة حسب ما مصمم الموتور بنى موتوره عليها.. لإنه اختار قيم الخلوص ونوع المعادن المناسبة بناء على افتراضات.. منها نوع الزيت المستخدم..



وبالتالي.. أنا شخصيا ما يهمنيش قوي غير إن الأكواد الموجودة على علبة الزيت تكون هي نفسها المطلوبة في الكتالوج... إذا ما كانتش أحسن منها.

والمفروض إني أخد فكرة عن إيه الفرق بين الأكواد... وإيه اللي ممكن أعمله لو ما لقيتش الأكواد دي زي الكتالوج.


...

بالنسبة لباقي ملاحظاتك .. فأنا هرد عليها في المشاركة اللي بعدها...



...

[borio1704]

انا شايف الموضوع ليس تركيز النظر علي اللزوجة فقط ولكن توجد عناصر اخري مهمة اما اللزوجة التي تذكرها حضرتك دي اللزجة العامة او فئة اللزوجة

تغيير الزيت من معدني لتخليقي بناء علي Viscosity class
المذكورة في الكاتالوج او العبوه20w-50مثلا...
ولكن توجد عناصر اخري Viscosity class
Viscosity at 100c
Viscosity at 40
Density at 15 c
Flash point
Pour point
Sulphate وحدتها g/100g
وطبعا الكثافة(Density) وحدتها g/cm3(سم مكعب يشيل كام جرام)
وطبعا اللزوجة (Viscosity) وحدتها mm2/s(كام مم مربع يعدو في الثانية)
وانا شخصيا باضع بعض الاضافات والتركيبات مع الزيت لرفع كفاءتة (وكانت نتيحة اختبارات العادم بعد الاضافات اقل بكثير وال compression زاد بدرجة ملحوظة)
وبناء عليه: لو حنغير الزيت من معدني لتخليقي لابد من توافر المواصفات الفنية لكل زيت ونشوف الفرق بينهم لو متطابق اذن نغير براحتنا بلا شك او تردد ولكن لعدم توافر technical data
غير المنطقي الاعتماد علي اللزوجة فقط او رمز الخدمة
،،،،ولذلك نلاحظ ان بعض المواطنين يغير الزيت الي اخر بنفس اللزوجة ولكن لا توجد كفاءة محسوسة بعد التغيير(بغص النظر عن العوامل الاخري لكفاءة المركبه)
والملاحظ ايضا ان شركات الزيوت يطغي عليها جناح الربح والتجارة ولا توفر بيانات موثوقة وحتي لو وفرت لا توجد الارضية لتثقيف المواطن علي الزيوت وصيانتها
..النقطة الاخري نقطة 100 الف كم اظن ليست دوبا من الخيال ولكنها واقع في السيارات الشعبية بعد ال100 الف كم الكفاءة تقل بناء علي ان كل قطعه لها عمر افتراضي
ولكن رايي. الشخصي انه في عدم مراعاة الصيانات الضروريه والسوائل تظهر المشاكل في السيارة كالنار في الهشيم.. المقصود انك بعدم الصيانات واتباع الارشادات تقلل من العمر الافتراضي للاجزاء المتحركة(الموتور) ومعروف ميكانيكيا ان اي جزء متحرك له عمر افتراضي.
وبعض السيارات تصل الي 250 الف وصحتها تمام ولا تعاني من اي امراض مزمنة بسب المحافظة..
،،،اخيرا دا اجتهاد شخصي من حكم العمل في قطاع البترول
تحياتي للمهندس احمد البرعي
نتمني منك المزيد لاثراء وتكثيف المعلومات

بالنسبة للقيم التانية زي الكبريت (Sulpher) مثلا.. فالقيم دي موجودة فعلا في كل مواصفات أكواد الخدمة المعروفة... وبتحطلها قيم كحد أقصى أو أدنى (حسب طبيعتها)...

إنما بيانات الزيوت لا يمكن تلاقي فيها حاجة تدل على مدى تأثير الزيت على معدل التآكل مثلا في سيارتك.. لإن أكواد الخدمة هي عبارة عن محصلة لمجموعة من الاختبارات اللي بتتم في معامل معتمدة طبقا لطرق معتمدة موصفة في مواصفات خاصة بطرق الاختبارات (هتلاقي أرقامها في مواصفة كود الخدمة).

عايزك تاخد نظرة على الوثيقة دي اللي فيها مقارنة بين كود ILSAC GF-4 و ILSAC GF-5 مثلا...

http://www.ocsoil.fi/upload/News%20on%20Lubes/ILSAC-GF-5.pdf

فيها بعض قيم لاختبارات مفيش منها حاجة مكتوبة في أي بيانات زيت على الإطلاق... لإن لا يمكن مثلا إنك تحكم على كمية التآكل اللي ممكن تحصل في كل موتور في ظل وجود اختلاف وتنوع المواد المستخدمة في عمل أجزاء المواتير في العالم ... ده غير إني أتوقع إن نتائج الاختبارات بتطلع بشكل (Pass/Fail) فقط بدون قيم.


للأسف.. ما قدرتش أجيب أي وثيقة رسمية من الـAPI تشرح إيه هي الاختبارات اللي بتتعمل علشان الزيت يتصنف في كود معين.. بس قدرت أجيب الوثيقة دي .. وفيها مقارنة لكل أكواد الخدمة بتاعت الـAPI المعتمدة حاليا...

https://www.infineum.com/media/80723/api-oil-engine-classifications-2013.pdf

بالنسبة للـACEA... فالقيم أسهل بكتير إننا نعرفها... لإن القيم مكتوبة في المواصفة .. والمواصفة متاحة مجانا على موقع الـACEA

تقدر تاخد نظرة عليها من هنا (في الجداول من أول صفحة 7)

http://www.acea.be/uploads/publications/2012_ACEA_Oil_Sequences.pdf

اللي عايز أوصلله.. إن أكواد الخدمة مرجع أساسي لجودة الزيت.. ولازم أعتمد عليها لإنها بتضمنلي حد أدنى من الأداء... وبتسهل عليا الاختيار جدا كمستهلك عادي.


...

[fepsceasar]

هى ايه الاضافات اللى تتحط على الزيت تحسن اداؤه ممكن تقولوا عليها بالظبط وعلى اسم الشركة
ولا الاضافات دى خرافة والزيت اصلا عليه الاضافات

[Mecha]

اللي عاوز يعرف بالضبط حالة المتور من
الزيت بيعمل تحليل sos. ويعرف بكمل
تخايقي او يقلب معدني. وكل الشركات
الكبيره بتعمل التحليل دا مع كل سرفيس
والزيت بيبوح بحاجات كتير عن حالة
المجموعه الميكانيكيه اللي بيزيتها

[borio1704]

هى ايه الاضافات اللى تتحط على الزيت تحسن اداؤه ممكن تقولوا عليها بالظبط وعلى اسم الشركة
ولا الاضافات دى خرافة والزيت اصلا عليه الاضافات

الزيوت المحترمة كلها عليها إضافات... ومش محتاجة إضافات زيادة

عمرك سمعت عن إضافات لزيت الموتور ماركة "شل" أو "موبيل" أو "كاسترول" مثلا؟؟؟


وحتى لو حبيت تحط الإضافات على الزيت اللي بتستخدمه... فالمفترض تجيب الإضافة من نفس ماركة الزيت اللي استخدمه...

ليه؟؟

علشان كل شركة بتحط إضافات مختلفة عن التانية... بمعنى إن المواد نفسها ممكن تكون مختلفة بس بتدي نفس التأثير في الآخر...

لكن المشكلة هي إن نفس المواد دي لو اتخلطت مع بعض ممكن تتفاعل بطريقة غير محسوبة وتدي تأثير سلبي بدل ما تحسن من الأداء.

والمشكلة إن محدش بيبقى عارف طبيعة الإضافات إلا ناس معينة شغالين جوه شركات الزيوت.


انا شخصيا.. أفضل أتعامل مع شركات محترمة ومعروفة على مستوى العالم بدل ما اتعامل مع شركات الله أعلم بيها بتشتغلني وتديني زيت رخيص بمستوى أداء ضعيف وبعد كده تقوللي حط الإضافات دي علشان تحسن الأداء.

وفي الآخر ألاقي الأداء زيه زي الزيت الغالي بس دفعت ثمن الزيت والإضافات بسعر أغلى من الزيت المحترم.


...

[borio1704]

ماركات الزيوت المشهورة في العالم هي :

موبيل
شيل
توتال
كاسترول
فالفولين
بي بي (BP)
كالتكس
إلف
فكس
ريبسول
جلف
Q8




الشركات دي شغالة بقالها عشرات السنين في أمريكا وأوروبا... وفيه منها كتير اندمجوا مع بعض أو تم الاستحواذ عليهم في مجموعات أكبر.. زي

موبيل وإسو وإكسون (مجموعة إكسون موبيل)
بي بي وكاسترول (مجموعة بي بي BP)
شل وبنزويل (مجموعة رويال دتش شل)
توتال و إلف (مجموعة توتال)
شيفرون وتكساكو (مجموعة شيفرون).... و"كالتكس" كانت معاهم لحد مارس 2015


...

[sonaeg]

موضوع ممتاز كالعادة جزاك الله خير..
بس افهم من كده ان مفيش تدرج حتي للزوجات اعلي في الزيوت التخليقية...؟

اذا كان الكتالوج مديني رينج في اللزوجات.
مثال:
اول ١٠٠ الف 5w-30
ثاني١٠٠ الف 5w-40
,ثالث ١٠٠ ألف 5w-50 او 10w-40

بفرض ان كلهم تخليقي وكلهم متاحين في الكتالوج وان ظروف القيادة متوسطة ومعتدلة.

شكرا جزيلا

[borio1704]

موضوع ممتاز كالعادة جزاك الله خير..
بس افهم من كده ان مفيش تدرج حتي للزوجات اعلي في الزيوت التخليقية...؟

اذا كان الكتالوج مديني رينج في اللزوجات.
مثال:
اول ١٠٠ الف 5w-30
ثاني١٠٠ الف 5w-40
,ثالث ١٠٠ ألف 5w-50 او 10w-40

بفرض ان كلهم تخليقي وكلهم متاحين في الكتالوج وان ظروف القيادة متوسطة ومعتدلة.

شكرا جزيلا

أخي الحبيب...

الحالة اللي حضرتك ذكرتها موجودة كتير في الكتالوجات... بمعنى إن الكتالوج يكون مديلك أكثر من درجة لزوجة وكلهم ينفعوا يشتغلوا في الجو اللي العربية ماشية فيه...

في الحالة دي نختار اللزوجة ازاي؟؟؟

الموضوع راجع لحاجتين أساسيين:

1- الظروف اللي العربية متوقع إنها تشتغل فيها

بمعنى إن العربية لو بتشتغل تاكسي مثلا... فاستخدام لزوجة ثقيلة أكيد أفضل... لإن في العادة التاكسي موتوره شغال علطول ومش بيقف.. فعيوب الزيت الثقيل (اللي هي تأخير الوضول إلى أجزاء الموتور في بداية التشغيل) هتبقى شبه مالهاش وجود.. لإن الموتور فعليا ما وقفش أصلا.. أو على الأقل وقف مرة واحدة بس في اليوم.

على العكس من الكلام ده بالنسبة للعربيات الملاكي اللي استخدامها خفيف... فالزيوت الخفيفة مطلوبة لإن عدد مرات دورانها عالبارد (يعني كل الزيت راقد في الكارتير والكامات فوق مفيش عليها زيت) خلال اليوم الواحد أكيد أكتر..

أحيانا بتبقى العربية شغالة مشاوير خفيفة ولكن المشوار نفسه بتكون العربية فيه محملة أو بتطلع أماكن مرتفعة (زي المقطم مثلا)... في الحالة دي نحاول نجيب زيت تخليقي بلزوجة عالية شوية زي 5w-40 مثلا.

ما تنساش كمان إن جو مصر والشرق الأوسط ما فيهوش جو بارد زي أوروبا وكندا وروسيا... يعني أبرد درجة حرارة ممكن العربية تتعرضلها هي (صفر مئوية).. وده في عرف الزيوت ما هواش برد.. وما تنساش إن حتى الزيوت بلزوجة 20w-50 ممكن تشتغل كويس لحد درجة 15 تحت الصفر.

2- أولوياتك

وهنا فيه اختلافات كتير بين الناس...

فيه واحد عايز يشغل العربية بأقل تكاليف ممكنة... وفي الحالة دي الاختيار هيبقى للزيوت المعدنية غالبا.. خصوصا لو كان فيه بدائل رخيصة مغطية متطلبات الكتالوج (أغلب العربيات الاقتصادية - زي اللانوس مثلا - ما بتطلبش متطلبات عالية للزيوت).

وفيه واحد عايز يوفر بنزين فيروح للزيوت الخفيفة... وفيه واحد تاني مش فارق معاه البنزين بس عايز يحس بالأمان شوية فيروح لزيوت أثقل حبتين.

أما بالنسبة لزيادة اللزوجة مع كل 100 ألف مثلا... فالموضوع ما تقدرش تقول إنه مرتبط ارتباط مباشر مع المسافة اللي ماشياها العربية... لإن حالة الموتور بيحددها حاجات كتير غير مجرد المسافة اللي ماشياها العربية..



تخيل عربيتين...

واحدة ماشية طول النهار في الزحمة... والتانية ماشية كل مشاويرها سفر بسرعات معقولة...

اللي ماشية في الزحمة عداد الكيلومترات بتاعها قليل بس حالتها الميكانيكية عموما سيئة.. في حين اللي مشاويرها سفر ماشية كيلومترات كتير جدا .. بس حالتها الميكانيكية أحسن بكتير.

فالحقيقة إن الكيلومترات ما هياش مقياس رئيسي في تحديد حالة الموتور.. وإن كان ليها دخل بدون شك.




في رأيي اللي يخليك تستخدم لزوجة أعلى حاجة واحدة...

إن معدل نقص الزيت يكون عالي.


غير كده... اللزوجة الخفيفة "حسب الكتالوج" أكتر من كافية.


...

[sonaeg]

أخي الحبيب...

الحالة اللي حضرتك ذكرتها موجودة كتير في الكتالوجات... بمعنى إن الكتالوج يكون مديلك أكثر من درجة لزوجة وكلهم ينفعوا يشتغلوا في الجو اللي العربية ماشية فيه...

في الحالة دي نختار اللزوجة ازاي؟؟؟

الموضوع راجع لحاجتين أساسيين:

1- الظروف اللي العربية متوقع إنها تشتغل فيها
بمعنى إن العربية لو بتشتغل تاكسي مثلا... فاستخدام لزوجة ثقيلة أكيد أفضل... لإن في العادة التاكسي موتوره شغال علطول ومش بيقف.. فعيوب الزيت الثقيل (اللي هي تأخير الوضول إلى أجزاء الموتور في بداية التشغيل) هتبقى شبه مالهاش وجود.. لإن الموتور فعليا ما وقفش أصلا.. أو على الأقل وقف مرة واحدة بس في اليوم.

على العكس من الكلام ده بالنسبة للعربيات الملاكي اللي استخدامها خفيف... فالزيوت الخفيفة مطلوبة لإن عدد مرات دورانها عالبارد (يعني كل الزيت راقد في الكارتير والكامات فوق مفيش عليها زيت) خلال اليوم الواحد أكيد أكتر..

أحيانا بتبقى العربية شغالة مشاوير خفيفة ولكن المشوار نفسه بتكون العربية فيه محملة أو بتطلع أماكن مرتفعة (زي المقطم مثلا)... في الحالة دي نحاول نجيب زيت تخليقي بلزوجة عالية شوية زي 5w-40 مثلا.

ما تنساش كمان إن جو مصر والشرق الأوسط ما فيهوش جو بارد زي أوروبا وكندا وروسيا... يعني أبرد درجة حرارة ممكن العربية تتعرضلها هي (صفر مئوية).. وده في عرف الزيوت ما هواش برد.. وما تنساش إن حتى الزيوت بلزوجة 20w-50 ممكن تشتغل كويس لحد درجة 15 تحت الصفر.


2- أولوياتك
وهنا فيه اختلافات كتير بين الناس...

فيه واحد عايز يشغل العربية بأقل تكاليف ممكنة... وفي الحالة دي الاختيار هيبقى للزيوت المعدنية غالبا.. خصوصا لو كان فيه بدائل رخيصة مغطية متطلبات الكتالوج (أغلب العربيات الاقتصادية - زي اللانوس مثلا - ما بتطلبش متطلبات عالية للزيوت).

وفيه واحد عايز يوفر بنزين فيروح للزيوت الخفيفة... وفيه واحد تاني مش فارق معاه البنزين بس عايز يحس بالأمان شوية فيروح لزيوت أثقل حبتين.


أما بالنسبة لزيادة اللزوجة مع كل 100 ألف مثلا... فالموضوع ما تقدرش تقول إنه مرتبط ارتباط مباشر مع المسافة اللي ماشياها العربية... لإن حالة الموتور بيحددها حاجات كتير غير مجرد المسافة اللي ماشياها العربية..

تخيل عربيتين...

واحدة ماشية طول النهار في الزحمة... والتانية ماشية كل مشاويرها سفر بسرعات معقولة...

اللي ماشية في الزحمة عداد الكيلومترات بتاعها قليل بس حالتها الميكانيكية عموما سيئة.. في حين اللي مشاويرها سفر ماشية كيلومترات كتير جدا .. بس حالتها الميكانيكية أحسن بكتير.

فالحقيقة إن الكيلومترات ما هياش مقياس رئيسي في تحديد حالة الموتور.. وإن كان ليها دخل بدون شك.

في رأيي اللي يخليك تستخدم لزوجة أعلى حاجة واحدة...

إن معدل نقص الزيت يكون عالي.

غير كده... اللزوجة الخفيفة "حسب الكتالوج" أكتر من كافية.


...

أشكرك جزاك الله كل خير .. للعلم فقط معايا كورولا ٢٠١٢ بحط زيت بيزول 5w-30 ماشية دلوقتي ٢٠.٠٠٠ الف

الكتالوج عندي مش محدد مستويات جودة غير بس api sm او ilsag gf 5

وفعلا البيزول api sn و ilsag gf 5
مشاويري عالسريع غالبا وبيبقي معايا حمولة عالية لكن بسواقة معقولة مش بحرق كتير.

اللزوجات الموصي بيها ف الكتالوج
0w-20
5w-30
15w-40
20w-50

مش محدد 5w-40 لو استخدمتها بعد فترة فيها ضرر؟
جزاكم الله كل خير ودمت لنا فخرا

[sonaeg]

نسيت اقول لحضرتك ان البيزول 5w-30
كوده A1/B1 & A5/B5 & C2
الكتالوج عندي مش طالب كود معين(اللهم بس قال ممكن ILSAG-GF5 وانا مش فاهم معني الاكواد دي واحترت اشتري انهي كود.

[borio1704]

أشكرك جزاك الله كل خير .. للعلم فقط معايا كورولا ٢٠١٢ بحط زيت بيزول 5w-30 ماشية دلوقتي ٢٠.٠٠٠ الف

الكتالوج عندي مش محدد مستويات جودة غير بس api sm او ilsag gf 5

وفعلا البيزول api sn و ilsag gf 5
مشاويري عالسريع غالبا وبيبقي معايا حمولة عالية لكن بسواقة معقولة مش بحرق كتير.

اللزوجات الموصي بيها ف الكتالوج
0w-20
5w-30
15w-40
20w-50

مش محدد 5w-40 لو استخدمتها بعد فترة فيها ضرر؟
جزاكم الله كل خير ودمت لنا فخرا

أولا.. لازم تتأكد إن اللزوجات المذكورة كلها تشتغل في الجو الحار فوق ٤٠ مئوية.. واللي مش مناسب للجو استبعده مباشرة.

وما دام الكتالوج ما جابش سيرة 5w-40 يبقى ما تفكرش تستخدمه.. وإذا نويت على لزوجة أعلى يبقى تختار من اللزوجة الموجودة في الكتالوج بس.. يعني 15w-40 أو 20w-50

الـ5w-30 أكتر من كافي "لموتور عربيتك".

نسيت اقول لحضرتك ان البيزول 5w-30
كوده a1/b1 & a5/b5 & c2
الكتالوج عندي مش طالب كود معين(اللهم بس قال ممكن ilsag-gf5 وانا مش فاهم معني الاكواد دي واحترت اشتري انهي كود.

كل دول أكواد لجودة الزيت بس صادرة من أكتر من منظمة وبتستخدم في مناطق مختلفة من العالم..

كود الـapi صادر من معهد البترول الأمريكي.. وده أقدم تصنيف..وبيستخدم في أمريكا وآسيا والشرق الأوسط
كود الـilsac صادر من لجنة اعتماد مواصفات الزيوت العالمية... ودي هتلاقيها دلوقتي في كل السيارات اليابانية والإمريكية والكورية.
كود الـacea صادر من اتحاد مصنعي السيارات الأوروبية.. وده هتلاقيه مطلوب في كل السيارات الأوروبية وأي ماركة تانية بتتباع في أوروبا.


باختصار.. ما تشغلش بالك بالفروق.. اهم حاجة تلاقي الكود المطلوب في الكتالوج مكتوب على علبة الزيت.. سواء لوحده أو معاه أكواد تانية..

ما لقيتوش.. ما تشتريش الزيت.. حتى لو عليه كل الأكواد التانية.


...

[gadoo30]

كلام موزون ومنطقى
تسلم ايدك

[sonaeg]

أولا.. لازم تتأكد إن اللزوجات المذكورة كلها تشتغل في الجو الحار فوق ٤٠ مئوية.. واللي مش مناسب للجو استبعده مباشرة.

وما دام الكتالوج ما جابش سيرة 5w-40 يبقى ما تفكرش تستخدمه.. وإذا نويت على لزوجة أعلى يبقى تختار من اللزوجة الموجودة في الكتالوج بس.. يعني 15w-40 أو 20w-50

الـ5w-30 أكتر من كافي "لموتور عربيتك".



كل دول أكواد لجودة الزيت بس صادرة من أكتر من منظمة وبتستخدم في مناطق مختلفة من العالم..

كود الـapi صادر من معهد البترول الأمريكي.. وده أقدم تصنيف..وبيستخدم في أمريكا وآسيا والشرق الأوسط
كود الـilsac صادر من لجنة اعتماد مواصفات الزيوت العالمية... ودي هتلاقيها دلوقتي في كل السيارات اليابانية والإمريكية والكورية.
كود الـacea صادر من اتحاد مصنعي السيارات الأوروبية.. وده هتلاقيه مطلوب في كل السيارات الأوروبية وأي ماركة تانية بتتباع في أوروبا.

باختصار.. ما تشغلش بالك بالفروق.. اهم حاجة تلاقي الكود المطلوب في الكتالوج مكتوب على علبة الزيت.. سواء لوحده أو معاه أكواد تانية..

ما لقيتوش.. ما تشتريش الزيت.. حتى لو عليه كل الأكواد التانية.


...

جزاكم الله كل خير ربنا يجعله في ميزان حسنات حضرتك

[No Comment]

أولاً صباح النعناع يا م.أحمد
سؤالى لحضرتك ... هل فى مشاكل من تغير الزيت من معدنى لنصف تخليقى بانواعه ثم الرجوع لمعدنى عالى المواصفات مرة اخرى
أى التجربة والتغيير المستمر لانواع متعددة من الزيوت المناسبة

[borio1704]

أولاً صباح النعناع يا م.أحمد
سؤالى لحضرتك ... هل فى مشاكل من تغير الزيت من معدنى لنصف تخليقى بانواعه ثم الرجوع لمعدنى عالى المواصفات مرة اخرى
أى التجربة والتغيير المستمر لانواع متعددة من الزيوت المناسبة

صباح الياسمين يا أ. أحمد أمين :)

التغيير في حد ذاته مفيهوش ضرر ما دام المواصفات ماشية مع الكتالوج. .. ولكن التغيير المستمر غير مفضل... علشان كل مرة بتغير زيت بيكون لسه فاضل بواقي من الزيت القديم... ولو بكمية بسيطة...

المشكلة هنا أساسا جاية من اختلاف أنواع الإضافات بين الزيت القديم والزيت الجديد.. واللي ممكن يتفاعلوا مع بعض وفيه احتمال إن يقللوا من كفاءة عملهم..

علشان كده.. لو لقيت زيت كويس ماشي مع كتالوج عربيتك ووجوده مضمون في السوق.. يبقى الأفضل إنك تثبت عليه.. علشان نتخلص من آثار الزيت القديم مرة بعد مرة.

الكلام ده عرفته من فيديو لأحد خبراء الزيوت في شركة فورد.


...