أسطورة الـ100 ألف كيلومتر... هل لها أصل؟؟؟

[borio1704]

كتير سمعت الموضوع ده من زملا لينا في المنتدى.. خصوصا اللي معاهم عربيات قديمة أو ماشية مسافات طويلة.. تلاقيهم بيدوروا على زيوت معدنية ولزوجتها عالية.. لإن العربية عدت الـ100 ألف كيلو .

بصراحة موضوع الـ100 ألف ده مش داخل دماغي ولا عارف أستسيغه خالص.


هو إيه الحكاية؟؟

بيقولوا إن الزيت التخليقي لا يصلح للسيارات القديمة ... وإن العربية لو مشيت أكتر من 100 ألف فالمفروض يتحطلها زيت معدني .. حتى لو كانت شغالة بزيت تخليقي قبل كده..



ليه يا عم؟؟

علشان التآكل اللي في الموتور خلى الخلوصات كبيرة.. فاحنا لازم نحط زيت تقيل علشان نعوض التآكل اللي حصل !!!

وإن العربية لو شغالة من الأول بزيت لزوجته عالية يبقى كده العربية "اتعودت" على الزيت التقيل وما ينفعش تقرب لها زيت تخليقي "خفيف" أبدا.
نفسي أفهم يعني إيه "اتعودت" ؟؟؟


الحقيقة.. الكلام اللي فوق ده فيه خلط لكذا حاجة في بعض وتجاهل لمعلومات المفروض إن تسويق الزيوت التخليقية بيشتغل عليها..

ولحد دلوقتي.. ما لقيتش أي دليل علمي أو منطقي يثبت الكلام اللي فوق ده..




المعروف إن الزيوت الثقيلة (ذات اللزوجة العالية) بتدي حماية أكبر ضد التآكل.. خصوصا في حالات التحميل على الموتور.. زي التسارع العالي بالعربية أو تحميل العربية بأوزان كبيرة.

فـ منين الزيت الثقيل بيدي تزييت أحسن وحماية أكبر ضد التآكل .. ومنين الخلوصات تبقى عالية علشان استخدمنا زيت لزوجته عالية؟؟؟

ماهو الخلوصات هتزيد لما التآكل يزيد.

يعني المفروض إن العربية اللي بتستخدم زيت تقيل يكون موتورها حالته أحسن.


طيب بلاش دي...


إزاي لما نحط زيت تخليقي في موتور جديد يحصل تآكل عالي للموتور بعد 100 ألف يخلينا لازم نحط زيت معدني تقيل؟؟

ده المفروض إن ميزة الزيت التخليقي الكبيرة هي توفير حماية أكبر للموتور ضد التآكل اللي بيحصل في أول كام ثانية مع بداية التشغيل... وبالتالي عمر الموتور هيطول... يعني هيفضل بحالة الفبريكا مدة أطول.


اللي أفهمه إن التآكل ممكن يزيد علشان الزيت التقيل بيبقى أبطأ مع الدوارة الصبح بدري.. أو بمعنى أصح.. الزيت المعدني بطيء في الوصول لجميع أجزاء الموتور في خلال أول 30 ثانية من التدوير.

اللي أفهمه بردو إن ضغط الزيت ممكن يبقى أخف شوية مع الزيت الخفيف.. بس لو الزيت ضغطه أقل شوية.. هل كده مش هيوصل للكامات أو التاكيهات في وش السلندر؟؟؟


على فكرة.. الكلام ده بيحصل سواء العربية جديدة أو قديمة.


واللي أفهمه كمان إن الموتور لو خلوصاته كبرت للدرجة اللي تخليني استخدم زيت تقيل للدرجة دي ... يبقى يترمي ونجيب موتور جديد أحسن.


إنما حكاية الـ100 ألف دي بصراحة.... أصلها مش زرار بندوسه فالعربية تتحول إلى حالة تانية بعد الـ100 ألف..


طيب افرض لقينا زيت تخليقي لزوجته عالية زي الزيت المعدني... ده يبقى كويس ولا وحش؟؟؟

مممممم.... بناء على الأسطورة الشايعة وبنفس المفهوم ده... زيت تخليقي وكمان لزوجة عالية... إحنا كده بندمر الموتور!!!!

على فكرة... الزيوت التخليقية فيه منها أنواع بلزوجة عالية (20w-50 و 20w-60) مخصصة لسيارات السباق.. بس ما بتنزلش مصر ولا الشرق الأوسط أصلا.




طيب إيه أصل الحكاية ؟؟

أصل الأسطورة دي كان مع بداية ظهور الزيوت التخليقية في السبعينات... وأيامها كانت الزيوت التخليقية لسه حاجة جديدة وما تطورتش بالقدر الكافي..



وكانت أبرز مساوئ الزيوت التخليقية في الفترة دي إن المواتير بتبدأ تسرب زيت من كل حتة علشان ليها تأثير سيء على الجوانات والأويلسيلات... بالذات لو كانت العربية قديمة.

من هنا ظهرت الأسطورة اللي بتقول "إن الزيوت التخليقية ما تنفعش مع العربيات القديمة"... والموضوع اقتصادي بحت.. وما لوش علاقة بأداء التزييت نهائي.

دلوقتي الزيوت التخليقية تطورت جدا.. ومبقاش فيها التأثير السيء ده... إلا في بعض الأنواع الرديئة من الشركات اللي تحت السلم.




من الآخر...

أسلوب استخدامك وصيانتك لعربيتك هما اللي بيحددوا حالة الموتور... مش المسافة اللي ماشياها العربية.

ومهما كانت حالة موتور عربيتك... اللي يمنعك تحط زيت تخليقي في موتورك القديم 4 حاجات:

1. إن الموتور يكون بياكل زيت.. ويبقى وضعك لزيت تخليقي غالي يعتبر إسراف .. في حين إنك ممكن تحط زيت معدني يأدي الغرض بنص السعر أو أقل .. لحد ما تعمر موتورك.

2. إن الموتور يكون بيسرب زيت بسبب تهالك الجوانات والأويلسيلات بتاعته... والكلام ده أحيانا بيحصل بعد ما تحط الزيت التخليقي في الموتور... لإن بعض أنواع الزيوت التخليقية بتظهر تشرخات الجوانات والأويلسيلات القديمة... ودي حلها إنك تغير كل الجوانات والأويلسيلات بتاعت الموتور...

3. إن لزوجة الزيت التخليقي المتاح ما تكونش من ضمن اللزوجات الموصى بيها في كتالوج العربية.

4. إن مستوى جودة الزيت التخليقي أقل من مستوى جودة الزيت المكتوب في الكتالوج.

لو لسه مش عارف تختار الزيت المناسب لعربيتك... لازم تدخل على الموضوع ده:

http://www.nilemotors.net/Nile/341680-a.html

...

[sonaeg]

جزاك الله خيرا.. موضوع ممتاز

[Colin Chapman]

كتير سمعت الموضوع ده من زملا لينا في المنتدى.. خصوصا اللي معاهم عربيات قديمة أو ماشية مسافات طويلة.. تلاقيهم بيدوروا على زيوت معدنية ولزوجتها عالية.. لإن العربية عدت الـ100 ألف كيلو .

بصراحة موضوع الـ100 ألف ده مش داخل دماغي ولا عارف أستسيغه خالص.


هو إيه الحكاية؟؟

بيقولوا إن الزيت التخليقي لا يصلح للسيارات القديمة... وإن العربية لو مشيت أكتر من 100 ألف فالمفروض يتحطلها زيت معدني .. حتى لو كانت شغالة بزيت تخليقي قبل كده..

ليه يا عم؟؟

علشان التآكل اللي في الموتور خلى الخلوصات كبيرة.. فاحنا لازم نحط زيت تقيل علشان نعوض التآكل اللي حصل !!!

وإن العربية لو شغالة من الأول بزيت لزوجته عالية يبقى كده العربية "اتعودت" على الزيت التقيل وما ينفعش تقرب لها زيت تخليقي "خفيف" أبدا.
نفسي أفهم يعني إيه "اتعودت" ؟؟؟


الحقيقة.. الكلام اللي فوق ده فيه خلط لكذا حاجة في بعض وتجاهل لمعلومات المفروض إن تسويق الزيوت التخليقية بيشتغل عليها..

ولحد دلوقتي.. ما لقيتش أي دليل علمي أو منطقي يثبت الكلام اللي فوق ده..



المعروف إن الزيوت الثقيلة (ذات اللزوجة العالية) بتدي حماية أكبر ضد التآكل.. خصوصا في حالات التحميل على الموتور.. زي التسارع العالي بالعربية أو تحميل العربية بأوزان كبيرة.

فـ منين الزيت الثقيل بيدي تزييت أحسن وحماية أكبر ضد التآكل .. ومنين الخلوصات تبقى عالية علشان استخدمنا زيت لزوجته عالية؟؟؟

ماهو الخلوصات هتزيد لما التآكل يزيد.

يعني المفروض إن العربية اللي بتستخدم زيت تقيل يكون موتورها حالته أحسن.


طيب بلاش...


إزاي لما نحط زيت تخليقي في موتور جديد يحصل تآكل عالي للموتور بعد 100 ألف يخلينا لازم نحط زيت معدني تقيل؟؟

ده المفروض إن ميزة الزيت التخليقي الكبيرة هي توفير حماية أكبر للموتور ضد التآكل اللي بيحصل في أول كام ثانية مع بداية التشغيل... وبالتالي عمر الموتور هيطول... يعني هيفضل بحالة الفبريكا مدة أطول.


اللي أفهمه إن التآكل ممكن يزيد علشان الزيت التقيل بيبقى أبطأ مع الدوارة الصبح بدري.. أو بمعنى أصح.. الزيت المعدني بطيء في الوصول لجميع أجزاء الموتور في خلال أول 30 ثانية من التدوير.

اللي أفهمه بردو إن ضغط الزيت ممكن يبقى أخف شوية مع الزيت الخفيف.. بس لو الزيت ضغطه أقل شوية.. هل كده مش هيوصل للكامات أو التاكيهات في وش السلندر؟؟؟


على فكرة.. الكلام ده بيحصل سواء العربية جديدة أو قديمة.


واللي أفهمه كمان إن الموتور لو خلوصاته كبرت للدرجة اللي تخليني استخدم زيت تقيل للدرجة دي ... يبقى يترمي ونجيب موتور جديد أحسن.


إنما حكاية الـ100 ألف دي بصراحة.... أصلها مش زرار بندوسه فالعربية تتحول إلى حالة تانية بعد الـ100 ألف..


طيب افرض لقينا زيت تخليقي لزوجته عالية زي الزيت المعدني... ده يبقى كويس ولا وحش؟؟؟

مممممم.... بناء على الأسطورة الشايعة وبنفس المفهوم ده... زيت تخليقي وكمان لزوجة عالية... إحنا كده بندمر الموتور!!!!

على فكرة... الزيوت التخليقية فيه منها أنواع بلزوجة عالية (20w-50 و 20w-60) مخصصة لسيارات السباق.. بس ما بتنزلش مصر ولا الشرق الأوسط أصلا.


طيب إيه الحكاية بالظبط؟؟


من الآخر...

أسلوب استخدامك وصيانتك لعربيتك هما اللي بيحددوا حالة الموتور... مش المسافة اللي ماشياها العربية.

ومهما كانت حالة موتور عربيتك... اللي يمنعك تحط زيت تخليقي في موتورك القديم 4 حاجات:

1. إن الموتور يكون بياكل زيت.. ويبقى وضعك لزيت تخليقي غالي يعتبر إسراف .. في حين إنك ممكن تحط زيت معدني يأدي الغرض بنص السعر أو أقل .. لحد ما تعمر موتورك.

2. إن الموتور يكون بيسرب زيت بسبب تهالك الجوانات والأويلسيلات بتاعته... والكلام ده أحيانا بيحصل بعد ما تحط الزيت التخليقي في الموتور... لإن بعض أنواع الزيوت التخليقية بتظهر تشرخات الجوانات والأويلسيلات القديمة... ودي حلها إنك تغير كل الجوانات والأويلسيلات بتاعت الموتور...

3. إن لزوجة الزيت التخليقي المتاح ما تكونش من ضمن اللزوجات الموصى بيها في كتالوج العربية.

4. إن مستوى جودة الزيت التخليقي أقل من مستوى جودة الزيت المكتوب في الكتالوج.

لو لسه مش عارف تختار الزيت المناسب لعربيتك... لازم تدخل على الموضوع ده:

http://www.nilemotors.net/Nile/341680-a.html

...

[ahmedz310]

يعني الخلاصة
ان اللي يحدد اكمل علي زيت تخليقي وله اقلب لمعدني هو حالة الموتور بغض النظر عن عداد الكيلومترات

[hugan]

كلام سليم

[borio1704]

يعني الخلاصة
ان اللي يحدد اكمل علي زيت تخليقي وله اقلب لمعدني هو حالة الموتور بغض النظر عن عداد الكيلومترات

أيوه تمام.... والسبب هنا اقتصادي بحت.. ومالوش دعوة لا بتآكل ولا إن الزيت التخليقي أو المعدني مناسب أو ﻷ.

ده طبعا بعد التأكد من استخدام الزيت المطابق لمواصفات الكتالوج.


...

[abokoko]

سؤال
افترض
لو عربيه لادا 2107 لسه جديده
و طالعه من المعرض
الكلام يتطبق علي ماتورها ويتحط لها زيت تخليقي ؟؟

[borio1704]

سؤال
افترض
لو عربيه لادا 2107 لسه جديده
و طالعه من المعرض
الكلام يتطبق علي ماتورها ويتحط لها زيت تخليقي ؟؟

وحتى لو كانت مستعملة وبقالها 30 سنة... لو مكتوب في كتالوج العربية مواصفات زيت تنطبق على أحد الزيوت التخليقية في السوق.. ما تحطوش ليه؟؟

المهم ما يبقاش فيه حاجة تمنعك من الأربع حاجات اللي ذكرناهم في آخر الموضوع الأصلي


على فكرة.. أبرز اختلافات بين أداء الزيوت التخليقية والزيوت المعدنية يتلخص في حاجتين:

1- قدرة عالية على الوصول إلى جميع أجزاء الموتور في أول ثواني من بداية التشغيل.. ودي بتقلل من التآكل بشكل واضح لو حضرتك بتشغل وتطفي العربية كتير أثناء اليوم.

2- قدرة عالية على تحمل الأجواء المتطرفة ( الحارة جدا أو الباردة جدا ).. وده بيديه عمر أطول بكتير من الزيت المعدني قبل ما يبدأ يتحلل أو يتأكسد.

بس كده..


وأهم حاجة نقرا الكتالوج وتعرف إيه المواصفات المطلوبة.


...

[abokoko]

انا لست خبير
يقال ان موتور ال لادا و امثاله من المواتير القديمه
الخلوص في السلندر كبير مقارنه بالمواتير الحديثه
وان الزيوت التخليقيه لن تكون مناسبه لهذا السبب
فضلا عن وجود بخر خفيف جدا للزيت سواء من الفايز او من الغطا وهذا البخر غير مرتبط بحاجه الموتور لعمره او شنبر او حتي جوانات

علشان سالت حضرتك

[borio1704]

انا لست خبير
يقال ان موتور ال لادا و امثاله من المواتير القديمه
الخلوص في السلندر كبير مقارنه بالمواتير الحديثه
وان الزيوت التخليقيه لن تكون مناسبه لهذا السبب
فضلا عن وجود بخر خفيف جدا للزيت سواء من الفايز او من الغطا وهذا البخر غير مرتبط بحاجه الموتور لعمره او شنبر او حتي جوانات

علشان سالت حضرتك

يا فندم ... ماهو الكلام ده هو بالضبط اللي أنا عايز أنفيه تماما...

وأنا كنت واضح جدا في ردي وقلت لحضرتك لو لقيت زيت تخليقي يمشي مع مواصفات الكتالوج مفيش حاجة تمنعك تحطه نهائي غير الـ4 حالات المذكورين في أول مشاركة فوق.


المواتير الحديثة بقت أدق في التصنيع .. وده خلى المصنعين يقدروا يعملوا أجزاء متحركة بأقل قدر من الخلوص ما بينها.. وبالتالي بقى مهم إنها تستخدم لزوجات أقل.. لسببين:

1- سهولة التزييت

وده حاجة خاصة بالمواتير الجديدة.. ومش معنى إنها مطلوبة في الجديد أنها تبقى ممنوعة في القديم.. خصوصا لما نشوف كتالوجات عربيات قديمة بتتباع في أماكن باردة زي روسيا مثلا..

2- توفير الوقود

والسبب ده ما جاش لوحده... إنما بسبب القوانين اللي بتحطها أمريكا وأوروبا لتقليل التلوث.

واللزوجة الخفيفة مالهاش علاقة بكون الزيت معدني أو تخليقي..
الزيوت المعدنية فيه منها لزوجات خفيفة جدا زي 5w-30
والزيوت التخليقية فيه منها لزوجات تقيلة جدا زي 20w-60

ولا حتى مستوى جودة الزيت ليه علاقة بالزيت المعدني أو التخليقي
الزيوت المعدنية موجود منها مستويات جودة عالية زي API SN
والزيوت التخليقية موجود منها مستويات جودة منخفضة أو متوسطة زي API SL


علشان كده بقول.. شوف الكتالوج بيقول إيه .. واختار الزيت اللي يمشي معاه...

معدني بقى ولا تخليقي... مش دي المشكلة خالص.


...

[luckyman]

هو اساسا 100 الف كيلو مش معناها الموتور مستهلك
ممكن يكون بس 5000 كيلو وبالاستخدام الخاطيء يكون مستهلك او تعبان
مثلا عندنا في الشركه اشتروا حوالي اربعه فورد اكسبيديشن شهر نوفمبر 2014 علشان تنقل الموظفين من الموقع للمطار والعكس العربيات دي خلال اقل من سنه عامله فوق 140 الف منهم عربيه خلال خمس شهور كانت عامله 60 الف ولسه جديده كحاله موتور طالما بتمشي في طرق مستويه وسرعه معتدله مش مهم عدد الكيلوات او مش هو المعيار
كمان العربيات اللي زي الفورد اكسبيديشن بتكون ماشي علي 120 كم / ساعه وعدد لفات المحرك لم يتجاوز 1800 لفه ودي موجوده في اغلب السيارات ذات السعه الكبيره اسف علي الاطاله ممكن الموضوع بعيد بس اللي عايز اقوله انا عملت 108 الف كيلو خلال سنتين ونص او اقل بمشي ممكن في الشهر ساعات 6000 كيلو احسن من اللي بيتحرك بعربيته في نص البلد كل يوم 5 كيلو
ودمتم تحياتي

[borio1704]

أتفق مع حضرتك تماما.. وكلامك بيأكد الفكرة اللي عايز أوصلها..

تحياتي لك


...

[virus2007]

الف شكر ليك ودا رأى بردوا .... انا حنشر البوست بتاعك فى جروب السيراتو عشان ناس كتير بتسال نفس السؤال ,,, تحياتى ليك يفندم ...,,,,

[عبدالله برعى]

ولكن الكاتالوج. او العبوه(الجركن)يذكر عنصرين فقط 1-اللزوجة viscosity
2-رمز الخدمة
النقطة التي اود ان اذكرها انه ليس من الصحيح التبديل او الحكم بتساوي
الزيت المعدني والتخليقي لمجرد.. اللزوجة ورمز الخدمة واللزوجة دي يوجد تحتها اكثر من نقطةاللزوجة المكتوبة علي العبوه او في كتالوج المركبة اسمها viscosity class التي تذكر مثلا 20w-40 ولكن توجد مواصفات اخري لها الفوائد او الاضرار عند الزيادة ار النقصان عن الحدود الدنيا والعليا مثل viscosity at 40c
Viscosity at 100
Viscosity index
Flash point
Pour point
Sulphate
والاخيره دي تقاس جرام علي كمية 100 جرام
فالموصوع ليس لزوجة وخلاص ونغير الزيت من معدني لتخليقي
دا راي واجتهاد شخصي بحكم العمل في قطاع البترول
وتحياتي للمهندس العظيم احمد البرعي
وننتظر المزيد لاثراء المعرفة في موضوع الزيوت
Density at 15 c

[عبدالله برعى]

[COLOR="blue"انا شايف الموضوع ليس تركيز النظر علي اللزوجة فقط ولكن توجد عناصر اخري مهمة اما اللزوجة التي تذكرها حضرتك دي اللزجة العامة او فئة اللزوجة

تغيير الزيت من معدني لتخليقي بناء علي Viscosity class
المذكورة في الكاتالوج او العبوه20w-50مثلا...
ولكن توجد عناصر اخري Viscosity class
Viscosity at 100c
Viscosity at 40
Density at 15 c
Flash point
Pour point
Sulphate وحدتها g/100g
وطبعا الكثافة(Density) وحدتها g/cm3(سم مكعب يشيل كام جرام)
وطبعا اللزوجة (Viscosity) وحدتها mm2/s(كام مم مربع يعدو في الثانية)
وانا شخصيا باضع بعض الاضافات والتركيبات مع الزيت لرفع كفاءتة (وكانت نتيحة اختبارات العادم بعد الاضافات اقل بكثير وال compression زاد بدرجة ملحوظة)
وبناء عليه: لو حنغير الزيت من معدني لتخليقي لابد من توافر المواصفات الفنية لكل زيت ونشوف الفرق بينهم لو متطابق اذن نغير براحتنا بلا شك او تردد ولكن لعدم توافر technical data
غير المنطقي الاعتماد علي اللزوجة فقط او رمز الخدمة
،،،،ولذلك نلاحظ ان بعض المواطنين يغير الزيت الي اخر بنفس اللزوجة ولكن لا توجد كفاءة محسوسة بعد التغيير(بغص النظر عن العوامل الاخري لكفاءة المركبه)
والملاحظ ايضا ان شركات الزيوت يطغي عليها جناح الربح والتجارة ولا توفر بيانات موثوقة وحتي لو وفرت لا توجد الارضية لتثقيف المواطن علي الزيوت وصيانتها
..النقطة الاخري نقطة 100 الف كم اظن ليست دوبا من الخيال ولكنها واقع في السيارات الشعبية بعد ال100 الف كم الكفاءة تقل بناء علي ان كل قطعه لها عمر افتراضي
ولكن رايي. الشخصي انه في عدم مراعاة الصيانات الضروريه والسوائل تظهر المشاكل في السيارة كالنار في الهشيم.. المقصود انك بعدم الصيانات واتباع الارشادات تقلل من العمر الافتراضي للاجزاء المتحركة(الموتور) ومعروف ميكانيكيا ان اي جزء متحرك له عمر افتراضي.
وبعض السيارات تصل الي 250 الف وصحتها تمام ولا تعاني من اي امراض مزمنة بسب المحافظة..
،،،اخيرا دا اجتهاد شخصي من حكم العمل في قطاع البترول
تحياتي للمهندس احمد البرعي
نتمني منك المزيد لاثراء وتكثيف المعلوما/COLOR]