أسطورة الـ100 ألف كيلومتر... هل لها أصل؟؟؟

[Dr_Smart]

أولا.. لازم تتأكد إن اللزوجات المذكورة كلها تشتغل في الجو الحار فوق ٤٠ مئوية.. واللي مش مناسب للجو استبعده مباشرة.

وما دام الكتالوج ما جابش سيرة 5w-40 يبقى ما تفكرش تستخدمه.. وإذا نويت على لزوجة أعلى يبقى تختار من اللزوجة الموجودة في الكتالوج بس.. يعني 15w-40 أو 20w-50

الـ5w-30 أكتر من كافي "لموتور عربيتك".





كل دول أكواد لجودة الزيت بس صادرة من أكتر من منظمة وبتستخدم في مناطق مختلفة من العالم..

كود الـapi صادر من معهد البترول الأمريكي.. وده أقدم تصنيف..وبيستخدم في أمريكا وآسيا والشرق الأوسط
كود الـilsac صادر من لجنة اعتماد مواصفات الزيوت العالمية... ودي هتلاقيها دلوقتي في كل السيارات اليابانية والإمريكية والكورية.
كود الـacea صادر من اتحاد مصنعي السيارات الأوروبية.. وده هتلاقيه مطلوب في كل السيارات الأوروبية وأي ماركة تانية بتتباع في أوروبا.


باختصار.. ما تشغلش بالك بالفروق.. اهم حاجة تلاقي الكود المطلوب في الكتالوج مكتوب على علبة الزيت.. سواء لوحده أو معاه أكواد تانية..

ما لقيتوش.. ما تشتريش الزيت.. حتى لو عليه كل الأكواد التانية.


...

الحقيقة يا بشمهندس انا النقطه دي مضايقاني جدا

الكتالوج عندي برضو بيوصي ب 5w30 or 10w40 or 15w40

وماقالش 5w40

بس انا ماشي على اللزوجة دي وعامل ١١٠ الف كم حاليا

المشكله اني هخاف انقل على 5w30 لحسن الزيت يقل او حماية الموتور تقل

او انقل على 10w40. عشان نص تخليقي

وبالتالي انا شايف ان 5w40 good deal تخليقي ولزوجته انسب خاصة اني عودت الموتور عليه

ماذا تفعل لو كنت مكاني ؟

[Mecha]

اللزوجات المتعدده في الكتالوج حسب ambient temperature
حرارة الجو الخارجي وعشان تناسب من روسيا لحد انتاركتيكا
الشرق الاوسط 5w30 او المرجح [/I]15w40
مناسبين جدا.
الاخ اللي بيستعمل 5w40
في الواقع انت شغال علي 15w40
لكن شاري زيت مداه اوسع واغلي ومبتستعملوش
وهتلاقي ال chart موضح القصه

[borio1704]

الحقيقة يا بشمهندس انا النقطه دي مضايقاني جدا

الكتالوج عندي برضو بيوصي ب 5w30 or 10w40 or 15w40

وماقالش 5w40

بس انا ماشي على اللزوجة دي وعامل ١١٠ الف كم حاليا

المشكله اني هخاف انقل على 5w30 لحسن الزيت يقل او حماية الموتور تقل

او انقل على 10w40. عشان نص تخليقي

وبالتالي انا شايف ان 5w40 good deal تخليقي ولزوجته انسب خاصة اني عودت الموتور عليه

ماذا تفعل لو كنت مكاني ؟

يعني إيه "عودت الموتور عليه"؟؟؟

بجد والله علشان مش قادر أفهم إيه الأعراض الهندسية اللي تفهم منها إن الموتور "اتعود" على حاجة!!!



فيه حاجة عايز أوضحها لكل مستخدمي السيارات في مصر...

العربيات اللي بتنزل مصر في أغلبها عربيات "اقتصادية"... وحط تحت اقتصادية دي 10 خطوط..

والسوزوكي والدايهاتسو من أكبر الشركات في العالم المتخصصة في الحتة دي بالذات..


يعني إيه عربيات اقتصادية؟؟؟

يعني عربية ما تصرفش عليها كتير علشان تأدي المطلوب منها...

يعني عربية سعرها مقدور عليه من أغلب الناس
يعني موتور صغنن ما ياكلش بنزين
يعني مش عايزة بنزين 95
يعني مش عايزة زيت خزعبلي مخصوص علشان تمشي عدل
يعني مقاس كاوتش محندق وصغير علشان ما تاكلش بنزين
يعني هندستها سهلة ومعروفة وممكن أي "بلية" يشتغل فيها
يعني قطع غيار قليلة ورخيصة


بناء على الكلام ده فالزيت المطلوب المفروض يكون هو كمان اقتصادي.. يعني تقدر تحط زيت عادي ورخيص وهيمشي العربية معاك زي الفل...

حضرتك عايز تحط فيها حاجة أكثر من احتياجها وبدون استفادة فعلية راجعة عليك.


مع احترامي الكامل لحضرتك... بس انت كده بترمي فلوسك عالأرض.


...

[Ahmed Tarek 00]

مشكور على المجهود

[Sherif Mandoor]

السلام غلبكم
غندى سياره نوبيرا 1 كورى 1500 وبعد قراءه مواضيعك فى المنتدى حاولت ترجمه الكتالوج الكورى
فوجدت انه بيوصى بزيت sj 5w30 انا بحط 20 w 50 معدنى السياره 150000 ك م والموتور بحاله ممتازه
وشكرا لسيادتكم

[borio1704]

السلام غلبكم
غندى سياره نوبيرا 1 كورى 1500 وبعد قراءه مواضيعك فى المنتدى حاولت ترجمه الكتالوج الكورى
فوجدت انه بيوصى بزيت sj 5w30 انا بحط 20 w 50 معدنى السياره 150000 ك م والموتور بحاله ممتازه
وشكرا لسيادتكم

تم الرد على استفسار حضرتك في الموضوع ده

http://www.nilemotors.net/Nile/481888-borio.html

...

[Colin Chapman]

miam0502788391

miam0502788391

[ahmedarab]

موضوع مهم ومفيد .. الف شكر

[أبو معاذ5]

رائع ... جزاك الله خيراً

[dr.mero90]

تسلم ايدك ع الكلام ده

[S O P H O S]

كالعادة موضوع رائع منك