إعـــــــلان

**borio1704** · 27-12-2015, 03:06 PM

المشاركة الأصلية كتبت بواسطة mohammed96 مشاهدة المشاركة

السلام عليكم
انا معايا بولو موديل 1996 وانا لسه شاريها من شهرين فبسال على الزيت انا غيرت اول ما جبتها الزيت وحطيت موبيل 3000 كيلو فا فى ناس قالتلى احط مانول لانه المانى وبيكون كويس للعربيات الالمانى فهل الكلام دا صح ولا احط موبيل زى مانا وبسال على تسخين العربيه الصبح وتسخينها ما اركنها مثلا كذا ساعه لما اطلع الصبح اسخن كام دقيقه ولما اطلع اخر النهار اسخن كام دقيقه وزيت الفتيس اغيرو كل اد ايه واغير لنوع ايه وهل ممكن اركب ليها باور ولو ينفع ممكن اركبه عند مين وسعره كام
وشكرا

اختيار الزيوت وسوائل العربية لازم يكون زي الكتالوج ما بيقول.. لإن صانع السيارة هو أدرى واحد بالشيء اللي يحافظ عليها.

بالنسبة لعربيتك .. فكل العربيات اللي تابعة لمجموعة فولزفاجن (فولزفاجن - أودي - شكودا - سيات) لازم تحط فيها زيت يكون معتمد من فولزفاجن... وإلا احتمال كبير الموتور يحصله حاجة.

دايما حط زيت الموتور اللي عليه رقم مواصفة VW (فولزفاجن) وبالنسبة لعربيتك فغالبا رقم المواصفة هيكون VW 500.00 أو VW 502.00 لإن موديل العربية قديم

مش مشكلة ماركة الزيت... المهم يكون عليه رقم المواصفة.. هتلاقيه مكتوب على ظهر العلبة... ولو ما لقيتوش.. ما تشتريهوش ولا تهوبه ناحية العربية.

لمعلومات أكتر.. أنصحك تقرا الموضوع ده:

http://www.nilemotors.net/Nile/341680-a.html

بالنسبة للتسخين الصبح...

موضوع التسخين ده يعتمد... لو ثرموستات الكوعة راكب في العربية لا ولأ.

لو الثرموستات راكب وشغال صح.. يبقى حضرتك مش محتاج تسخن أكتر من 30 ثانية... حتى في عز التلج...

إنما لو الثرموستات متشال... يبقى العربية هتاخد وقت في التسخين... وساعتها لازم تستنى شوية وتسوق بالراحة لحد ما المؤشر يعلى ويوصل لحد 90.

لمعلومات أكتر عن ثرموستات الكوعة وفايدته... أنصحك تدخل على الموضوع ده:

نايل موتورز - NileMotors.net

http://www.nilemotors.net/Nile/328708-a.html

بالنسبة لزيت الفتيس... فمعلوماتي لا تتجاوز إنك لازم تعرف إيه المواصفة المطلوبة في الكتالوج وتشتري بردو الزيت اللي له نفس المواصفات (لزوجة ومستوى أداء)..

الكتالوج مهم جدا والله... ياريت تسأل في قسم فولزفاجن في المنتدى هنا لو حد يدللك على المواصفات المطلوبة أو يديلك لينك لتنزيل الكتالوج من النت.

...

**mohamed sedaa** · 28-12-2015, 11:48 AM

من اهم اسباب الحفاظ علي كفاءة محرك السيارة واطالة عمره اختيار زيت المحرك المناسب لظروف التشغيل و درجة حرارة الجو. وتعتبر لزوجة الزيت هي اهم خاصية من خواص الزيت التي توءثر علي عمل المحرك . تتغير درجة لزوجة الزيت تغيرا كبيرا جدا بتغير درجة حرارة الجو ولذلك يتم تصنيف الزيوت علي حسب لزوجتها كالاتي
: 1- زيت طبيعي احادي درجة اللزوجه (mineral mono grade oil ) : مثل موبيل 10...00 كيلو و شل sae 50 يعمل هذا الزيت بكفاءة فقط في درجات حرارة الجو المرتفعة غي الصيف. ويكون غير فعال بالمرة في الشتاء .
2- زيت طبيعي متعدد درجات اللزوجة (mineral multigrade oil ) : مثل موبيل سوبر xhp وشل الاصفر: يعمل هذا الزيت بكفاءه داخل مدي محدد من درجات الحرارة يكون مكتوبا علي العبوة علي شكل 15W-40 , 10W-30 , 20W-50 .... W for Winter. اي بين 10 درجات شتاءا و 30 درجة صيفا (10W-30) كمثال
3- زيت صناعي (synthetic oil) : مثل موبيل 1 -شل هيلكس الترا الزيت الصناعي يحافظ علي ثبات درجة لزوجة الزيت الانسب للمحرك في معظم درجات حرارة الجو صيفا وشتاءا. مستخدم هذا زيت مش محتاج يسخن المحرك صباحا قبل ما يتحرك.

**borio1704** · 28-12-2015, 06:30 PM

المشاركة الأصلية كتبت بواسطة mohamed sedaa مشاهدة المشاركة

من اهم اسباب الحفاظ علي كفاءة محرك السيارة واطالة عمره اختيار زيت المحرك المناسب لظروف التشغيل و درجة حرارة الجو. وتعتبر لزوجة الزيت هي اهم خاصية من خواص الزيت التي توءثر علي عمل المحرك . تتغير درجة لزوجة الزيت تغيرا كبيرا جدا بتغير درجة حرارة الجو ولذلك يتم تصنيف الزيوت علي حسب لزوجتها كالاتي
: 1- زيت طبيعي احادي درجة اللزوجه (mineral mono grade oil ) : مثل موبيل 10...00 كيلو و شل sae 50 يعمل هذا الزيت بكفاءة فقط في درجات حرارة الجو المرتفعة غي الصيف. ويكون غير فعال بالمرة في الشتاء .
2- زيت طبيعي متعدد درجات اللزوجة (mineral multigrade oil ) : مثل موبيل سوبر xhp وشل الاصفر: يعمل هذا الزيت بكفاءه داخل مدي محدد من درجات الحرارة يكون مكتوبا علي العبوة علي شكل 15W-40 , 10W-30 , 20W-50 .... W for Winter. اي بين 10 درجات شتاءا و 30 درجة صيفا (10W-30) كمثال
3- زيت صناعي (synthetic oil) : مثل موبيل 1 -شل هيلكس الترا الزيت الصناعي يحافظ علي ثبات درجة لزوجة الزيت الانسب للمحرك في معظم درجات حرارة الجو صيفا وشتاءا. مستخدم هذا زيت مش محتاج يسخن المحرك صباحا قبل ما يتحرك.

كلام حضرتك مظبوط .. وإن كان ينقصه الكثير من المعلومات.. لإن حضرتك اتكلمت عن اللزوجة فقط... والزيت ما هواش لزوجة وبس.

وحتى اختيار اللزوجة .. لازم يكون طبقا لتوصيات الكتالوج... يعني لو الكتالوج كاتب درجات لزوجة معينة.. فلازم ألتزم بيها وما ينفعش أحط درجات لزوجة أخرى مش مكتوبة في الكتالوج. لإن كل موتور وله تصميم معين بيتطلب درجات لزوجة محددة.

اللي بيحدد درجات اللزوجة دي هو المصمم... وده بناء على تجارب واختبارات قام بيها علشان الموتور يوصل لحضرتك بالأداء ده.

أما في حالة لو الكتالوج ادانا كذا درجة لزوجة... فدي كمان ليها قواعد للاختيار.

عموما ... الزيوت أحادية اللزوجة فيها زيوت صيفية وزيوت شتوية... وعموما.. الزيوت دي ما بقتش تستخدم في السيارات الحديثة.. وغير مسموح بيها في سيارات فولزفاجن.

وبالنسبة لموضوع التسخين... فهو فعلا مرتبط بوجود ثرموستات الكوعة... وبيساعده الزيت التخليقي (أو الصناعي).. ولكن بدون وجود الثرموستات لا مفر من التسخين.. ومش التسخين بس.. إنما كمان السواقة بالراحة علشان الموتور مش سخن.

أرجو مراجعة المواضيع اللي في اللينكات دي

نايل موتورز - NileMotors.net

http://www.nilemotors.net/Nile/341680-a.html

نايل موتورز - NileMotors.net

http://www.nilemotors.net/Nile/328708-a.html

...