إعـــــــلان

Collapse

.

,
See more
See less

إمتى تغير زيت الموتور؟؟؟

Collapse
X
Collapse
 
  • Page of 5
  • Filter
  • الوقت
  • Show
Clear All
new posts
السابق 1 2 3 4 5 template التالي
  • #61
    المشاركة الأصلية كتبت بواسطة alfa2000 مشاهدة المشاركة

    شكرا لمرورك الكريم ، برجاءوضع الروابط لمشاكل زيت الفتيس الأوتوماتيك الخاص بفالفولين للأطلاع ، لأ اخفي عليك ان ما فيش طريقه علميه متاحه لأي مننا علشان نحكم على الزيت انه كويس من عدمه الا بالرجوع لمصادر الاعتماد المعتبره ، ده مش دفاعا عن نوع زيت محدد او تحيز لشركه معينه ،

    بالنسبه لسائل التبريد و زيت الفتيس هل ده رأي حضرتك الشخصي ، ولا نتيجه معلومات موثقه و متاحه على النت في منتديات اخري او اجنبيه


    انا اللى اتشرفت بردك

    سائل التبريد تقدر تشوف الرد ده .. معلومات موثقه

    و لو عايز معلومات اكثر عن سوائل التبريد تقدر تقرأ الموضوع كله .. ستجد فيه معلومات مفيده

    نايل موتورز - NileMotors.net
    https://www.nilemotors.net/Nile/495675-a-7.html#post3876119829





    زيت الفتيس

    شركتبن فقط هم اللى عملوا القصه دى فالفولين و شركه اماراتى ..

    معنديش اى معلومه عن الاسلوب الجديد ده .. بس طبعا ده غير معتاد نهائى

    يلزم بحث لتحرى فكره تكوين زيت الفتيس ده

    هل هو نظام ال All Size زى سوائل التبريد ؟؟؟ .. ام فى فكره علميه ورا الكلام ده .. يلزم بحث

    نايل موتورز - NileMotors.net
    https://www.nilemotors.net/Nile/492589-valvoline-max-life-atf.html




    البحث اصبح صعب فى المنتدى موش زى زمان

    انا كنت بحثت زمان لانى كنت عايز استعمله للفتيس كمان .. مع زيت الموتور الانجن ارمر

    روح قسم زيوت الفتيس و دور هناك .. بس انا قرأت التعريف بتاعهم زمان .. بيتكلم من البدء عن فتيس قديم ....... الخ

    و بعدين فى الاخر بيقول .. ينفع برضه للفتبسات الجديده .. ده كده من وجهه نظرى زى زيوت الموتور المعموله للعربيات اللى مواتيرها خلصت و بتكون مصممه اساسا علشان تغطى عيوب الموتور ده .. انا لا احب ذلك خصوصا فى الفتيس



    عموما انا لا افضل زيوت الفتيس المتعدده الاستخدام .. انت معاك كيا و فولكس .. شوف الزيوت المتخصصه طبقا للمواصفه بالظبط .. ستعطيك اداء و عمر اطول للفتيس

    عموما انا استعملت زيت فتيس متعدد الاستخدام امسويل OE لانى لم اجد الزيت الخاص بى ..

    و طبعا زيت امسويل للفتيس افضل الف مره من زيت فالفولين .. لو انت ناوى على الزيت المتعدد الاستخدام

    Comment

    • #62
      المشاركة الأصلية كتبت بواسطة tasaka مشاهدة المشاركة
      مفيش مصطلح اسمه شبه تصنيعى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

      الزيت اللى فى مجموعه 3 .. اسمه تصنيعى بالكامل 100% من زيت اساس معدنى .. ده اللى بيتسمى احيانا hc هيدروكراك ( فى المانيا تحديدا >> علشان يفرقوه عن التصنيعى الحقيقى )

      الزيت مجموعه 4 ( pao ) او مجموعه 5 الاستر او مجموعه 6 المنتظره .. تصنيعى حقيقى 100% من زيت اساس غير معدنى ( مجموعه 4 او 5 ) .. و ده اسمه زيت تصنيعى حقيقى

      متفقين في المضمون ، مختلفين في المسميات ، انا قلت ان زيوت فالفولين تنتمي للمجموعه 3 ، وتعريف معهد البترول الأمريكي لها انخا خليط زيوت معدنيه باستخدام تكنولوجيا الهايدروكراك ، ، المجموعه الرابعه والخامسه يطلق عليها تخليقي بالكامل full synthetic
      يعني الموضوع كله زيت الأساس هل هو معدني او غير معدني ، واعذرني لرداءه الترجمه للعربي

      شكرا لردك

      Comment

      • #63
        العفو .. لا شكر على واجب

        المهندس بوريو له مجموعه رائعه من المواضيع الخاصه بالزيوت و ستجد فيها اجابات لكل تساؤلاتك

        و يمكنك البدء من هذا الموضوع .. انا قرأته اكثر من 30 او 40 مره
        القواعد الذهبية لاختيار زيت العربية.... موسوعة مبسطة لأساسيات زيوت المحركات

        و فيه موضوع اخر تخصصى جدا للزيوت التصنيعيه لو حبيت تتعمق اكثر


        المشاركة الأصلية كتبت بواسطة alfa2000 مشاهدة المشاركة

        متفقين في المضمون ، مختلفين في المسميات ، انا قلت ان زيوت فالفولين تنتمي للمجموعه 3 ، وتعريف معهد البترول الأمريكي لها انخا خليط زيوت معدنيه باستخدام تكنولوجيا الهايدروكراك ، ، المجموعه الرابعه والخامسه يطلق عليها تخليقي بالكامل full synthetic
        يعني الموضوع كله زيت الأساس هل هو معدني او غير معدني ، واعذرني لرداءه الترجمه للعربي

        شكرا لردك
        توضيح النقطه دى حتلاقيه فى موضوع المهندس بوريو المذكور باعلى

        لكن ساوضحها بسرعه لحين قراءتك للموضوع

        المسمى مهم تدقيق معناه .. لان ده هو اللى انت حتشترى بناء عليه .. و هو اللى حيكون فى الداتا شيت .. و هو اللى حيكون مكتوب على علبه الزيت

        كلمه full synthetic .. فى امريكا قانونيا يحق لاى زيت من المجموعه 3 ان يضع هذا الوصف full synthetic
        بمعنى ان كلمه full synthetic لزيت امريكى قد تعنى زيت تصنيعى مجموعه 3 .. او زيت تصنيعى مجموعات اعلى مثل 4 او 5

        كلمه full synthetic .. فى المانيا تعنى ان هذا الزيت لا بد ان يكون مجموعه 4 او اعلى
        و لا يحق لزيت مجموعه 3 فى المانيا ان يضع وصف full synthetic         .. و لذلك يتم وضع مسميات اخرى قريبه او مشابهه نسبيا لبيان ان الزيت تصنيعى بالكامل و لكن مجموعه 3 من اساس معدنى .. مثل HC مثلا

        قد تجد بعض الدول الاوروبيه تبع نفس طريقه المسميات الالمانيه ( نسبيا ) باستعمال تسميات مقاربه .. لكن الالزام بالمسمى موجود فى القانون الالمانى فقط


        Comment

        • #64

          الحقيقة أخونا العزيز tasaka ما بيتأخرش أبدا عن المساعدة وما شاء الله بيوضح بكل إسهاب وتفصيل :)

          جعله الله في ميزان حسناته بإذن الله ..


          بالنسبة لموضوع زيوت فالفولين بشكل عام... فالحقيقة إن مع زيادة المعلومات عن الزيوت عامة.. الواحد بيجيله إحساس إن شركة فافولين عامة بتستغل الجهل الموجود عن الزيوت حول العالم (مش في مصر بس)... وبتسوق منتجاتها على أساس إنها تنفع لكل أنواع السيارات بدون أي تفريق!!!

          اللي خلاني أقتنع بالفكرة دي هو زيوت الفتيس الأوتوماتيك عندهم...

          وعلشان أوفر عليك المجهود في البحث عن المعلومة.. هقوللك مختصر اللي أنا فاهمه:

          أغلب زيوت الفتيس الأوتوماتيك متشابهة جدا في الخواص.. لكن حساسية الفتيس نفسه للتغييرات البسيطة هي اللي بتخلي زيوت تشتغل في فتايس وزيوت تانية لأ...

          تقدر تقول إن زيوت الفتيس الأوتوماتيك متقسمة إلى نوعين أساسيين...

          واحد كان مستخدم في الفتايس الكلاسيكية (وما زال مستخدم في العربيات اللي فيها تكنولوجيا قديمة نسبيا).. والزيوت دي عادة بتتغير على فترات متوسطة (40-60 ألف كيلومتر)...

          الزيوت دي ظهر منها كذا جيل.. وكل جيل يستبدل اللي قبله...
          بمعنى إن زيت ديكسرون مثلا (أشهر الأنواع المعروفة) تقدر تحط زيت ديكسرون III في أي فتيس بيستخدم ديكسرون II بدون قلق من أي مشاكل... ونفس الكلام يتقال على زيوت تويوتا (T-IV يتحط مكان T-II أو T-III بدون قلق)... واللي زي كده كتير في الماركات التانية...

          النوع التاني مستخدم في الفتايس الجديدة ... والزيوت دي عمرها طويل (80-120 ألف كيلومتر).. وممكن ما تغيرهاش لو استخدامك غير شاق على الفتيس..

          الزيوت دي خواصها مختلفة عن الزيوت القديمة... وما ينفعش نحطها في أي فتيس بيستخدم الزيت التقليدي القديم.

          أهم الزيوت المعروفة حاليا زي: ديكسرون VI (ديكسرون 6) و زيت تويوتا T-WS وزيت هيونداي/كيا SP-IV


          أنا بقول الكلام ده لإن شركات السيارات بتنزل نشرات فنية كل فترة .. وأحيانا بيكون فيها تحذيرات من استخدام الزيوت دي مطرح بعض...

          تويوتا نزلت نشرة وقالت بكل وضوح إن زيت T-IV بتاعها غير متوافق مع زيت T-WS وما ينفعش يتحطوا مطرح بعض..

          راجع الموضوع ده.. فيه تفاصيل كتير اتكلمنا فيها..
          نايل موتورز - NileMotors.net
          https://www.nilemotors.net/Nile/491314-a.html#post3876095438



          طيب بعد الكلام ده.. إزاي أصدق شركة تقوللي إن عندها زيت يمشي مع كل أنواع العربيات وممكن يشتغل مكان كل زيوت الفتيس في العالم بدون استثناء؟؟؟؟؟

          ...
          [QUOTE][FONT=tahoma][COLOR=Blue][SIZE=5]لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ[/SIZE][/COLOR][/FONT]
          [I]مَثَلٌ صينِيّ[/I][/QUOTE]

          [FONT=Arial][SIZE=4][COLOR=green]Trust me, I'm an Engineer[/COLOR][/SIZE][/FONT]
          [FONT=Verdana][SIZE=4][I][COLOR=DarkRed]Ahmed Nabil Al-Bora'ie[/COLOR][/I]
          [/SIZE][/FONT]
          أعشق السيارات.. أحب [COLOR=#e00909]اليابانية[/COLOR]، [COLOR=#e00909]الكو[/COLOR][COLOR=RoyalBlue]رية[/COLOR]... ولا أفضل [COLOR=RoyalBlue]الأوروبية[/COLOR]
          [SIGPIC][/SIGPIC]

          Comment

          • #65
            بالنسبة للزيوت التخليقية...

            الصح فعلا إن مفيش حاجة اسمها "شبه تخليقي" أو "شبه تصنيعي".. التسمية الصحيحة هي "نصف تخليقي Semi-Synthetic" أو "نصف تصنيعي"

            الزيوت التخليقية من أصل معدني بتتصنف تحت مجموعة 3.. وهي المعروفة بالـHydrocracked Synthisis

            الزيوت التخليقية الحقيقية هي اللي من أصل غير معدني.. وبتتصنف في مجموعتين 4 و 5 لحد دلوقتي...
            ومجموعة 6 المنتظرة دي في الحقيقة معلومة جديدة باستفيدها من صديقي tasaka..


            عموما تقدر تعرف معلومات أكتر من الموضوع ده:
            نايل موتورز - NileMotors.net
            http://www.nilemotors.net/Nile/453047-a.html

            [QUOTE][FONT=tahoma][COLOR=Blue][SIZE=5]لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ[/SIZE][/COLOR][/FONT]
            [I]مَثَلٌ صينِيّ[/I][/QUOTE]

            [FONT=Arial][SIZE=4][COLOR=green]Trust me, I'm an Engineer[/COLOR][/SIZE][/FONT]
            [FONT=Verdana][SIZE=4][I][COLOR=DarkRed]Ahmed Nabil Al-Bora'ie[/COLOR][/I]
            [/SIZE][/FONT]
            أعشق السيارات.. أحب [COLOR=#e00909]اليابانية[/COLOR]، [COLOR=#e00909]الكو[/COLOR][COLOR=RoyalBlue]رية[/COLOR]... ولا أفضل [COLOR=RoyalBlue]الأوروبية[/COLOR]
            [SIGPIC][/SIGPIC]

            Comment

            • #66
              استاذنا الكبير المهندس بوريو .. انت مثال يحتذى به فى الصبر و مساعده الاعضاء فى المنتدى



              بخصوص المجموعه 6 المنتظره .. ده كان مجرد تفكير بصوت عالى .. موش معلومه موثقه

              انا فاكر انى كنت قرأت زمان من سنه و نصف او اكثر شويه .. عن تجهيز لبدائل لل pao او الاستر ( كان ال pao على ما اتذكر ) .. و كانت مواصفتها اعلى و بتكلفه اقل .. فكنت متوقع ان دى مجموعه جديده بيتم الاستعداد لها

              و لم اهتم بالتفاصيل زياده .. و قلت انتظر شويه و حيبان الموضوع .. يمكن علشان موش شايف جديد ده اللى خلانى بدون تفكير اذكر الجمله بتاعه المجموعه المنتظره

              يمكن ده تذكره لى علشان اشوف الموضوع ده وصل الى اين .. بس اعتقد صعب الاقى اللينكات بعد الفتره الطويله دى .. لانى حسب ما اتذكر قرأت الكلام ده فى ملفات pdf

              Comment

              • #67
                استخدامي للعربية تقريبا يوميـًا حوالي 75 كيلو مشوار العمل رايح جاي طرق دائرى ومحور وكورنيش ووسط البلد ومطباتنا وحفرنا الجميلة .. الrpm مش بيزيد أبدا عن 3000 لفة والنقلات بردوه كذلك العربية مانيوال أقصى سرعة 120 كيلو ودي نادرة جدا ( الزيت المستخدم موبيل x1 ) والعربية ماشية 116000 كيلو
                المشاركة الأصلية كتبت بواسطة borio1704 مشاهدة المشاركة

                توصيات كتالوج الإيلانترا تعتبر واحدة على مدى أكتر من 10 سنوات لحد دلوقتي..

                التوصيات هي كالتالي:
                غير الزيت كل 10 آلاف كيلومتر (أو 6 أشهر) في حالات الاستخدام المثالي... أو كل 5000 كيلومتر (أو 6 أشهر) في حالات الاستخدام الشاق..

                في الحالة دي لازم نعرف طريقة استخدامك للعربية وأسلوب سواقتك.. لإن هو ده اللي بيفرق فعلا في مسافة التغيير.

                تقدر تشوف كتالوج الإيلانترا 2008 (نسخة أمريكا) من هنا..
                Seite nicht gefunden
                https://drive.google.com/file/d/0b5rubv42o9dyogrmew1ycvpiy28/view?usp=drivesdk
                Textverarbeitung, Präsentationen und Tabellen im Web


                الكتالوج على حساب جوجل درايف بتاعي.. ولو ما فتحش معاك قوللي وأنا أبعتهولك.

                Comment

                • #68
                  المشاركة الأصلية كتبت بواسطة tasaka مشاهدة المشاركة
                  العفو .. لا شكر على واجب

                  المهندس بوريو له مجموعه رائعه من المواضيع الخاصه بالزيوت و ستجد فيها اجابات لكل تساؤلاتك

                  و يمكنك البدء من هذا الموضوع .. انا قرأته اكثر من 30 او 40 مره
                  القواعد الذهبية لاختيار زيت العربية.... موسوعة مبسطة لأساسيات زيوت المحركات

                  و فيه موضوع اخر تخصصى جدا للزيوت التصنيعيه لو حبيت تتعمق اكثر



                  توضيح النقطه دى حتلاقيه فى موضوع المهندس بوريو المذكور باعلى

                  لكن ساوضحها بسرعه لحين قراءتك للموضوع

                  المسمى مهم تدقيق معناه .. لان ده هو اللى انت حتشترى بناء عليه .. و هو اللى حيكون فى الداتا شيت .. و هو اللى حيكون مكتوب على علبه الزيت

                  كلمه full synthetic .. فى امريكا قانونيا يحق لاى زيت من المجموعه 3 ان يضع هذا الوصف full synthetic
                  بمعنى ان كلمه full synthetic لزيت امريكى قد تعنى زيت تصنيعى مجموعه 3 .. او زيت تصنيعى مجموعات اعلى مثل 4 او 5

                  كلمه full synthetic .. فى المانيا تعنى ان هذا الزيت لا بد ان يكون مجموعه 4 او اعلى
                  و لا يحق لزيت مجموعه 3 فى المانيا ان يضع وصف full synthetic                   .. و لذلك يتم وضع مسميات اخرى قريبه او مشابهه نسبيا لبيان ان الزيت تصنيعى بالكامل و لكن مجموعه 3 من اساس معدنى .. مثل HC مثلا

                  قد تجد بعض الدول الاوروبيه تبع نفس طريقه المسميات الالمانيه ( نسبيا ) باستعمال تسميات مقاربه .. لكن الالزام بالمسمى موجود فى القانون الالمانى فقط



                  شكرا لردك
                  كلام اخونا بوريو انا قرأته اكتر من مره طبعا قبل ما اشارك في المنتدى ، والموضوع مش تحيز لنوع زيت محدد بقدر ما هو اختيار المناسب

                  Comment

                  • #69
                    شكرا لأخونا بوريو على اسهاماته الهايله ونشره المعرفه ، ولكن المشاركه دي بالتحديد بتطرح عده تساؤلات

                    دلوقتي هل اي شركه زيوت سواء فتيس او موتور تقدر تنزل اي مواصفات زيت وتقول ان الزيت بتاعها بيمشي مع كل المواتير من غير اي رقابه او محاسبه ، ألأخ بوريو تفضل مشكورا وقال ان فالفولين بتقول ان زيت الفتيس الأوتوماتيك اللي هي بتصنعه بيمشي ومتوافق مع زيوت اخري لماركات عربيات مختلفه ، مش دفاعا عن الشركه ولكن لأستبيان الحقائق مش اكتر ، هل الشركه تقدر تعمل ده من غير رقابه او محاسبه ، وهل مثلا لو اي ماركه محترمه رفعت قضيه على شركه فالفولين هل ده في مصلحتها

                    انا نزلت الداتا شيت بتاعه زيت فالفولين للفتيس الأوتوماتيك ، وكمان لشركه شل و ان شاء الله هاحط الملفات في مشاركه منفصله ، زيت شركه شل بيقول انه متوافق مع زيوت كتير جدا مش كده وبس ده ارخص بكتير

                    السؤال : هل في جهه اعتماد لزيوت الفتيس ، لن المرجع بالنسبه لناس كتير هي الداتا شيت اللي الشركه بتطلعها ، و انا مش قادر افهم ازاي شركه تطلع زيت و تكتب مواصفات و انه متوافق مع زيوت تانيه من غير رقابه

                    ايه مثلا اللي يخليني اصدق المواصفات اللي في زيت امسويل او اي ماركه تانيه

                    Comment

                    • #70
                      مرفق داتا شيت لشركه شل
                      الملفات المرفقة

                      Comment

                      • #71
                        مرفق ملف لشركه فالفولين

                        السؤال ، نوعين الزيت لشركه فالفولين وشل بيقول انه متوافق مع زيت
                        atf sp iii


                        المستخدم في كيا وميتسوبشي

                        هل في مصدر يأكد صحه ان زيوت الشركتين متوافق مع مواصفه كيا او ميتسوبيشي ، [ATTACH=CONFIG]15755[/ATTACH]

                        Comment

                        • #72
                          المشاركة الأصلية كتبت بواسطة alfa2000 مشاهدة المشاركة
                          شكرا لأخونا بوريو على اسهاماته الهايله ونشره المعرفه ، ولكن المشاركه دي بالتحديد بتطرح عده تساؤلات

                          دلوقتي هل اي شركه زيوت سواء فتيس او موتور تقدر تنزل اي مواصفات زيت وتقول ان الزيت بتاعها بيمشي مع كل المواتير من غير اي رقابه او محاسبه ، ألأخ بوريو تفضل مشكورا وقال ان فالفولين بتقول ان زيت الفتيس الأوتوماتيك اللي هي بتصنعه بيمشي ومتوافق مع زيوت اخري لماركات عربيات مختلفه ، مش دفاعا عن الشركه ولكن لأستبيان الحقائق مش اكتر ،
                          - انت خلطت الامور .. المهندس بوريو كان بيتكلم عن زيت محدد من فالفولين .. ارجع للرابط فى الردود السابقه

                          الزيت المحدد ده مواصفته غريبه و اول مره نشوفها .. بيتحدث عن انه ( مناسب ) لكل اللزوجات الخفيفه زى ديكسرون 6 .. و كمان فى نفس الوقت ( مناسب ) لكل اللزوجات الثقيله زى ديكسرون 3 .. و دى حاجه غريبه و غير معتاده

                          و خلى بالك جدا من كلمه ( مناسب ) .. ليس لها اى معنى يؤكد التوافق التام .. و ليس لها اى الزام قانونى



                          هل الشركه تقدر تعمل ده من غير رقابه او محاسبه ، وهل مثلا لو اي ماركه محترمه رفعت قضيه على شركه فالفولين هل ده في مصلحتها
                          لو دققت فى الصياغه ستجد ان الكلام يوحى بمعنى .. و لكن بدون اى التزام قانونى او تأكيد للتوافق

                          مثلا الزيت Suitable for .. مثلا الزيت can be used for .. مثلا الزيت is needed for ................ الخ

                          كل الجمل دى ليس لها اى الزام قانونى .. و بالتالى لا تستطيع مقاضاه الشركه

                          و كل الجمل دى لا تؤكد وجود توافق ( تام ) للمنتج مع مواصفه معينه

                          و حتى كلمه recommended for .. لا اعتقد انها تعنى توافق تام ايضا .. و بالتالى ليس لها الزام قانونى ايضا على اغلب الظن !!!!!!!

                          اللى يؤكد توافق تام هى الجمله دى .. الزيت meets or exceeds the specs of



                          انا نزلت الداتا شيت بتاعه زيت فالفولين للفتيس الأوتوماتيك ، وكمان لشركه شل و ان شاء الله هاحط الملفات في مشاركه منفصله ، زيت شركه شل بيقول انه متوافق مع زيوت كتير جدا مش كده وبس ده ارخص بكتير

                          السؤال : هل في جهه اعتماد لزيوت الفتيس ، لن المرجع بالنسبه لناس كتير هي الداتا شيت اللي الشركه بتطلعها ، و انا مش قادر افهم ازاي شركه تطلع زيت و تكتب مواصفات و انه متوافق مع زيوت تانيه من غير رقابه

                          ايه مثلا اللي يخليني اصدق المواصفات اللي في زيت امسويل او اي ماركه تانيه
                          - فى العاده لزيوت الفتيس بيكون فيه نوعين للزيوت المتعدده .. واحد لكل اللزوجات الخفيفه .. و الثانى لكل اللزوجات الثقيله .. و ده هو الطبيعى و المعتاد و الموجود حاليا لكل الزيوت المتعدده

                          - اما ازاى يكون متوافق مع اكثر من مواصفه فلاحظ الاتى .. الاختبارات لتحقيق المواصفه بتكون مبسطه جدا و لا تعبر عن الاداء الحقيقى .. فبالتالى الزيت ممكن يكون متوافق مع اكثر من نوع زى ديكسرون او SP او غيره فى نفس الوقت .. طالما حقق رقم الاختبار المبسط للمواصفه

                          - فيه مختبرات محترمه و معترف بها عالميا تقوم بهذه الاختبارات .. امسويل و ايضا شركات اخرى تجرى اختبارات زيوتها فيها

                          Comment

                          • #73
                            مبدع كالعادة
                            مجهود رهيب وشرح رائع

                            Comment

                            • #74
                              موضوع رائع جدا

                              Comment

                              • #75
                                في انتظار أي استفسارات
                                [QUOTE][FONT=tahoma][COLOR=Blue][SIZE=5]لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ[/SIZE][/COLOR][/FONT]
                                [I]مَثَلٌ صينِيّ[/I][/QUOTE]

                                [FONT=Arial][SIZE=4][COLOR=green]Trust me, I'm an Engineer[/COLOR][/SIZE][/FONT]
                                [FONT=Verdana][SIZE=4][I][COLOR=DarkRed]Ahmed Nabil Al-Bora'ie[/COLOR][/I]
                                [/SIZE][/FONT]
                                أعشق السيارات.. أحب [COLOR=#e00909]اليابانية[/COLOR]، [COLOR=#e00909]الكو[/COLOR][COLOR=RoyalBlue]رية[/COLOR]... ولا أفضل [COLOR=RoyalBlue]الأوروبية[/COLOR]
                                [SIGPIC][/SIGPIC]

                                Comment

                                السابق 1 2 3 4 5 template التالي
                                Working...
                                X