إعـــــــلان

Collapse

.

,
See more
See less

ما هو افضل زيت موتور لتويوتا كريسيدا

Collapse
X
 
  • Filter
  • الوقت
  • Show
Clear All
new posts

  • ما هو افضل زيت موتور لتويوتا كريسيدا

    السلام عليكم و رحمة الله و بركاته و كل عام و حضراتكم بخير كنت عايز اعرف ايه افضل نوع زيت يستعمل لعربية تويوتا كريسيدا موديل 83مع العلم ان العربية بتاكل زيت شاكر لكم تعاونكم

  • #2

    دائما وأبدا.. أنسب زيت لعربيتك هو المكتوب في كتالوجها..

    أنا كان معايا تويوتا كريسيدا 82.. كانت بتاعت والدي (جبناها عالزيرو) وأنا أخدتها فترة مش قليلة... وأنا فاكر إني قريت كتالوجها زمان...

    للأسف ما لقيتش كتالوج الشكل ده من الكريسيدا على النت (RX-60)... إنما لقيت كتالوج الشكل اللي قبلها (RX-40)... وبشكل عام الكتالوج تقريبا هو هو مع اختلاف صور العربية..

    تقدر تنزل الكتالوج من هنا:


    مواصفات الزيت المناسب مكتوبة في صفحة 61 في الكتالوج (صفحة 66 في ملف الـpdf)

    حسب المكتوب هناك.. مواصفات الزيت كالتالي:

    مستوى الجودة: لا يقل عن API SC .. وده مستوى زيت ضعيف جدا بالمقارنة مع الزيوت الأيام دي..
    أقل مستوى زيت موجود في السوق حاليا بمستوى SF.. وتقدر طبعا تحط زيوت أحسن زي SG أو SH أو SJ أو SL أو SM أو SN

    بالنسبة للزوجة.. كل الدرجات دي تنفع معاك:
    20W-50 أو 20W-40
    10W-50 أو 10W-40 أو 10W-30
    ممكن تستخدم لزوجة 5W-30 بشرط يكون زيت تخليقي.

    كل المعلومات دي مكتوبة على علبة الزيت (معلومات مستوى الجودة مكتوبة على ظهر العلبة وغالبا بخط صغير)... مجرد ما تتأكد من وجودها على العلبة اشتري وانت مطمن.

    الموضوع راجع في الأساس لـ3 حاجات...
    1- طلبات الكتالوج .. ودي لازم تحقق ومافيهاش تهاون..
    2- أولوياتك والميزانية المتاحة.. ودي حضرتك اللي بتحددها
    3- الزيوت المتاحة في السوق.. ويفضل استخدام الزيوت المتاحة بسهولة وباستمرار إذا كانت تلبي طلبات الكتالوج.

    لو عايز معلومات أكتر.. ادخل على الموضوع ده...



    بالنسبة لمسألة إن الموتور بياكل زيت...

    أنصحك حاليا تستخدم أعلى لزوجة مسموحة (20W-50) وتشتري أرخص زيت متاح في اللزوجة دي (غالبا هتلاقي طلبك عند محطات التعاون أو مصر للبترول).. لحد ما تصلح المشكلة (غالبا عمرة أو طقم شنبر).

    ما تسمعش كلام أي حد يقوللك حط زيت شنبر.. الحل ده مدمر للموتور من جوه.

    ولو عندك أي أسئلة أنا تحت أمرك.

    ...
    [QUOTE][FONT=tahoma][COLOR=Blue][SIZE=5]لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ[/SIZE][/COLOR][/FONT]
    [I]مَثَلٌ صينِيّ[/I][/QUOTE]

    [FONT=Arial][SIZE=4][COLOR=green]Trust me, I'm an Engineer[/COLOR][/SIZE][/FONT]
    [FONT=Verdana][SIZE=4][I][COLOR=DarkRed]Ahmed Nabil Al-Bora'ie[/COLOR][/I]
    [/SIZE][/FONT]
    أعشق السيارات.. أحب [COLOR=#e00909]اليابانية[/COLOR]، [COLOR=#e00909]الكو[/COLOR][COLOR=RoyalBlue]رية[/COLOR]... ولا أفضل [COLOR=RoyalBlue]الأوروبية[/COLOR]
    [SIGPIC][/SIGPIC]

    Comment


    • #3
      الف شكر لحضرتك أستاذى الفاضل
      borio1704 أولاً على اهتمامك بالرد و المعلومات الوفيرة اللى قدمتها لى خصوصا الكتالوج لأنى فعلا بدور عليه على النت و مكنتش لاقيه و معرفشى ان الموديل ده ينفع مع الموديل اللى معايا
      ثانياً بقى للأسف الموتور جاب اخره و ضرب منى فى مشوار سفر و الحمدلله على كل شىء دلوقتى انا محتار بين عمل عمرة الميكانيكى حيقولى على تكلفتها النهاردة ان شاء الله و بين انى اجيب موتور استيراد و دورت على النت بخصوص الموضوع ده كتير لقيت الاراء بتنقسم لمدرستين
      1- ناس بتنصح بعمل عمرة لأن الموتور الاستيراد زى ما بيقولوا زى البطيخة و مش مضمون و لا معروف تاريخه و ممكن يضرب بعد تركيبه بفترة بسيطة
      2- ناس بتنصح بشراء موتور استيراد لأن العمرة مهما كان مش حترجع الموتور لحالته الطبيعية فى العزم و السحب و ده غير انها ممكن تفتح فى حاجات كتير بأكتر من تمن الموتور الاستيراد.
      حضرتك رأيك ايه ؟؟؟ وتنصحنى اعمل ايه ؟
      شاكر لحضرتك تعبك معايا

      Comment


      • #4
        المشاركة الأصلية كتبت بواسطة mrmh74 مشاهدة المشاركة
        الف شكر لحضرتك أستاذى الفاضل
        borio1704 أولاً على اهتمامك بالرد و المعلومات الوفيرة اللى قدمتها لى خصوصا الكتالوج لأنى فعلا بدور عليه على النت و مكنتش لاقيه و معرفشى ان الموديل ده ينفع مع الموديل اللى معايا
        ثانياً بقى للأسف الموتور جاب اخره و ضرب منى فى مشوار سفر و الحمدلله على كل شىء دلوقتى انا محتار بين عمل عمرة الميكانيكى حيقولى على تكلفتها النهاردة ان شاء الله و بين انى اجيب موتور استيراد و دورت على النت بخصوص الموضوع ده كتير لقيت الاراء بتنقسم لمدرستين
        1- ناس بتنصح بعمل عمرة لأن الموتور الاستيراد زى ما بيقولوا زى البطيخة و مش مضمون و لا معروف تاريخه و ممكن يضرب بعد تركيبه بفترة بسيطة
        2- ناس بتنصح بشراء موتور استيراد لأن العمرة مهما كان مش حترجع الموتور لحالته الطبيعية فى العزم و السحب و ده غير انها ممكن تفتح فى حاجات كتير بأكتر من تمن الموتور الاستيراد.
        حضرتك رأيك ايه ؟؟؟ وتنصحنى اعمل ايه ؟
        شاكر لحضرتك تعبك معايا

        الحقيقة الموضوع محير فعلا..

        بالنسبالي.. العمرة أضمن... لو ما كانش فيه حاجة تمنعك...

        مؤكد إنك لما تعمل عمرة يبقى تعملها من الألف إلى الياء... كل حاجة تتغير وترجع جديدة (قطع غيار الموتور الـ21R موجودة في السوق بسهولة وجديدة) ... بساتم وبيل وشنابر وسبايك وكمان الكاتينة بالشدادات بتاعتها وكمان طلمبة الزيت.. وطبعا الجوانات كلها... وما تنساش خرط الشمايز.

        وبعد العمرة هتبقى عايز تليين زي العربية الجديدة...

        أنا عملت عمرة للموتور سنة 2007.. كلفتني في الوقت ده حوالي 2400 جنيه... بصراحة معرفش التكلفة حاليا ممكن توصل كام.. بس ما أتوقعش إنها تتجاوز الـ5000-6000 جنيه حاليا.

        اللي يمنعك تعمل عمرة هو إنك تلاقي عيب في جسم الموتور نفسه.. شرخ مثلا أو كسر في مكان مستخبي لا قدر الله... ساعتها مفيش مفر من تغيير الموتور.. ونفس الكلام يتقال على وش السلندر.. وخصوصا لو كان مقفع.

        الكلام ده كله هيبان بعد فك الموتور... ولو الميكانيكي اللي بتتعامل معاه أمين هيقوللك عاللي فيها بصراحة.


        بالنسبة للموتور الاستيراد... فلازم يتكشف عليه كويس علشان تضمن شغله.. والكشف بيدور على ترسبات الزيت جوه السلندر...

        معانا هنا مهندس محترم (م. عمرو السيسي) عمل أداه للكشف من غير ما تحل الوش .. كاميرا صغيرة تدخل من فتحة البوجيه وتشوف البستم بوضوح.

        تقدر تتواصل معاه على الجروب بتاعته وهو يدللك عالصح في الموضوع ده:
        Log into Facebook to start sharing and connecting with your friends, family, and people you know.


        وربنا معاك.


        ...
        [QUOTE][FONT=tahoma][COLOR=Blue][SIZE=5]لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ[/SIZE][/COLOR][/FONT]
        [I]مَثَلٌ صينِيّ[/I][/QUOTE]

        [FONT=Arial][SIZE=4][COLOR=green]Trust me, I'm an Engineer[/COLOR][/SIZE][/FONT]
        [FONT=Verdana][SIZE=4][I][COLOR=DarkRed]Ahmed Nabil Al-Bora'ie[/COLOR][/I]
        [/SIZE][/FONT]
        أعشق السيارات.. أحب [COLOR=#e00909]اليابانية[/COLOR]، [COLOR=#e00909]الكو[/COLOR][COLOR=RoyalBlue]رية[/COLOR]... ولا أفضل [COLOR=RoyalBlue]الأوروبية[/COLOR]
        [SIGPIC][/SIGPIC]

        Comment


        • #5
          المشاركة الأصلية كتبت بواسطة borio1704 مشاهدة المشاركة
          الحقيقة الموضوع محير فعلا..

          بالنسبالي.. العمرة أضمن... لو ما كانش فيه حاجة تمنعك...

          مؤكد إنك لما تعمل عمرة يبقى تعملها من الألف إلى الياء... كل حاجة تتغير وترجع جديدة (قطع غيار الموتور الـ21R موجودة في السوق بسهولة وجديدة) ... بساتم وبيل وشنابر وسبايك وكمان الكاتينة بالشدادات بتاعتها وكمان طلمبة الزيت.. وطبعا الجوانات كلها... وما تنساش خرط الشمايز.

          وبعد العمرة هتبقى عايز تليين زي العربية الجديدة...

          أنا عملت عمرة للموتور سنة 2007.. كلفتني في الوقت ده حوالي 2400 جنيه... بصراحة معرفش التكلفة حاليا ممكن توصل كام.. بس ما أتوقعش إنها تتجاوز الـ5000-6000 جنيه حاليا.

          اللي يمنعك تعمل عمرة هو إنك تلاقي عيب في جسم الموتور نفسه.. شرخ مثلا أو كسر في مكان مستخبي لا قدر الله... ساعتها مفيش مفر من تغيير الموتور.. ونفس الكلام يتقال على وش السلندر.. وخصوصا لو كان مقفع.

          الكلام ده كله هيبان بعد فك الموتور... ولو الميكانيكي اللي بتتعامل معاه أمين هيقوللك عاللي فيها بصراحة.


          بالنسبة للموتور الاستيراد... فلازم يتكشف عليه كويس علشان تضمن شغله.. والكشف بيدور على ترسبات الزيت جوه السلندر...

          معانا هنا مهندس محترم (م. عمرو السيسي) عمل أداه للكشف من غير ما تحل الوش .. كاميرا صغيرة تدخل من فتحة البوجيه وتشوف البستم بوضوح.

          تقدر تتواصل معاه على الجروب بتاعته وهو يدللك عالصح في الموضوع ده:
          Log into Facebook to start sharing and connecting with your friends, family, and people you know.


          وربنا معاك.


          ...
          الف شكر لحضرتك انا فعلاً اخترت عمل العمرة و هى فعلا التكلفة وصلت لحد دلوقتى6750 جنيه و فاضل حاجات بسيطة زى بنزين التليين و الزيت المستخدم اثنا التليين وشملت كل الحاجات اللى حضرتك قولت عليها ماعدا خرط الشمايز و شدادات الكاتينة مع انه جاب كاتينة جديدة بالبلف بتاعها
          ولما سألته قالى ان البساتم كويسة و مش معتبة و الشمايز مفيش فيها مشكلة فسؤالى لحضرتك كده العمرة تمام و لا لازم نخرط الشمايز و نجيب الشدادات بالمرة ؟
          و سؤال تانى يعنى ايه وش السلندر مقفع ؟ ( لو حضرتك تقصد وجود نقر فيه هو فعلا لقى نقر بس بعيدة عن اماكن الجوان وقالى انها مش مؤثرة و حيعملها بمعجون حديد ) الكلام ده كويس و لا غلط عشان لو كده نغيره بجملة التكاليف هو و شدادات الكاتينة و نخرط الشمايز بالمرة
          اكرر شكرى لحضرتك و اسف على الاطالة

          Comment


          • #6
            المشاركة الأصلية كتبت بواسطة mrmh74 مشاهدة المشاركة
            الف شكر لحضرتك انا فعلاً اخترت عمل العمرة و هى فعلا التكلفة وصلت لحد دلوقتى6750 جنيه و فاضل حاجات بسيطة زى بنزين التليين و الزيت المستخدم اثنا التليين وشملت كل الحاجات اللى حضرتك قولت عليها ماعدا خرط الشمايز و شدادات الكاتينة مع انه جاب كاتينة جديدة بالبلف بتاعها
            ولما سألته قالى ان البساتم كويسة و مش معتبة و الشمايز مفيش فيها مشكلة فسؤالى لحضرتك كده العمرة تمام و لا لازم نخرط الشمايز و نجيب الشدادات بالمرة ؟
            و سؤال تانى يعنى ايه وش السلندر مقفع ؟ ( لو حضرتك تقصد وجود نقر فيه هو فعلا لقى نقر بس بعيدة عن اماكن الجوان وقالى انها مش مؤثرة و حيعملها بمعجون حديد ) الكلام ده كويس و لا غلط عشان لو كده نغيره بجملة التكاليف هو و شدادات الكاتينة و نخرط الشمايز بالمرة
            اكرر شكرى لحضرتك و اسف على الاطالة
            الوش لما يقفّع يعني يكون سطحه غير مستوي أو معووج.. وده بيحصل لما الموتور يكون سخن جدا .. وغالبا بيبقى ضرب جوان وش السلندر قبل كده.

            بنعرف استواء السطح عن طريق مسطرة حادة جدا بيسموها (قِدّة أو إدّة).. بيحطها على سطح وش السلندر مع كشاف نور.. وبيشوف إذا كان فيه نور بيعدي بين المسطرة والسطح ولا لأ... وإذا شاف نور يبقى السطح مقفع... وبعد كده المفروض يقيس الفراغ في الحتت المنورة بالفيلر علشان يعرف هيتصرف ازاي مع الوش.



            لو التقفيعة بسيطة (يعني الفراغ بين المسطرة والسطح صغير) فمجرد عمل تجليخ بسيط للوش هيحل المشكلة... إنما إذا كانت التقفيعة جامدة يبقى مفيش مفر من التغيير.


            أتوقع إن الوش عند حضرتك كويس بإذن الله.


            بالنسبة لشداد الكاتينة.. المفروض إن الكاتينة الجديدة بتبقى جاية طقم فيها الشداد بتاعها.. فاتأكد من الميكانيكي عمل إيه..

            أما خرط الشمايز فمالوش داعي إلا لو كان الشميز فعلا معتب...


            نصيحتي ليك من أخوك... لما الموتور يتقفل.. اتأكد من إن ثرموستات الكوعة راكب (ضروري جدا) لإن عدم وجوده سبب رئيسي في تعتيب الشمايز.. واوعى تسمع لكلام أي حد يقوللك شيله..

            ادخل على الموضوع ده علشان تعرف فايدته...


            لو بتدخل من الكمبيوتر .. أفضل تشوف الموضوع على براوزر غير "جوجل كروم" أو "فايرفوكس" لإن الموضوع فيه صور كتير ما بتظهرش في البراوزرات دي... والأفضل استخدام "مايكروسوفت إيدج" أو "أوبرا"... أو ببساطة ادخل من الموبايل.

            بالتوفيق إن شاء الله


            ...
            [QUOTE][FONT=tahoma][COLOR=Blue][SIZE=5]لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ[/SIZE][/COLOR][/FONT]
            [I]مَثَلٌ صينِيّ[/I][/QUOTE]

            [FONT=Arial][SIZE=4][COLOR=green]Trust me, I'm an Engineer[/COLOR][/SIZE][/FONT]
            [FONT=Verdana][SIZE=4][I][COLOR=DarkRed]Ahmed Nabil Al-Bora'ie[/COLOR][/I]
            [/SIZE][/FONT]
            أعشق السيارات.. أحب [COLOR=#e00909]اليابانية[/COLOR]، [COLOR=#e00909]الكو[/COLOR][COLOR=RoyalBlue]رية[/COLOR]... ولا أفضل [COLOR=RoyalBlue]الأوروبية[/COLOR]
            [SIGPIC][/SIGPIC]

            Comment


            • #7
              الف شكر لحضرتك على معلوماتك الوفيرة اللى قدمتها لى و استفدت كتير من موضوعك الخاص بترموستات الكوعة بس طبقا للصور اللى فى الموضوع تقريباً كده الترموستات ده مكانشى راكب عندى اصلا من قبل العمرة لأن فعلاً مؤشر الحرارة مش بيزيد عن الربع وهى كريسيدا 83 حبقى اسأل عنه الميكانيكى .
              سؤالى لحضرتك دلوقتى بعد العمرة استخدمت 60 لتر بنزين بالتمام و الكمال للتليين و هى واقفة و ابتديت امشى ( تليين برضه ) على سرعة 30 : 40 كم ساعة لمسافة 100 كم سؤالى لحضرتك امتى ااقدر امشى بالطريقة العادية جوه البلد يعنى 60: 80 كم /ساعة مثلاً أو اعرف منين ان كده الماتور خلاص انتهى من التليين و اقدر ارجع اسافر بيها لمسافة 700 كم على سرعة 120 :140 كم ساعة
              اسف على الاطالة و تعبك معايا
              اكرر شكرى
              جزاك الله خيراً

              Comment


              • #8
                المشاركة الأصلية كتبت بواسطة mrmh74 مشاهدة المشاركة
                الف شكر لحضرتك على معلوماتك الوفيرة اللى قدمتها لى و استفدت كتير من موضوعك الخاص بترموستات الكوعة بس طبقا للصور اللى فى الموضوع تقريباً كده الترموستات ده مكانشى راكب عندى اصلا من قبل العمرة لأن فعلاً مؤشر الحرارة مش بيزيد عن الربع وهى كريسيدا 83 حبقى اسأل عنه الميكانيكى .
                سؤالى لحضرتك دلوقتى بعد العمرة استخدمت 60 لتر بنزين بالتمام و الكمال للتليين و هى واقفة و ابتديت امشى ( تليين برضه ) على سرعة 30 : 40 كم ساعة لمسافة 100 كم سؤالى لحضرتك امتى ااقدر امشى بالطريقة العادية جوه البلد يعنى 60: 80 كم /ساعة مثلاً أو اعرف منين ان كده الماتور خلاص انتهى من التليين و اقدر ارجع اسافر بيها لمسافة 700 كم على سرعة 120 :140 كم ساعة
                اسف على الاطالة و تعبك معايا
                اكرر شكرى
                جزاك الله خيراً
                التليين مالوش دعوة بسرعة العربية..

                التليين الصح مرتبط بسرعة الموتور أساسا.

                على فكرة.. أنا ممكن أفوت موتور وأنا ماشي 30-40.. ببساطة أمشي على الأول بس وما أنقلش..

                عايز تلين مظبوط... ما تخليش عداد الـrpm يزيد عن 3000.. وحاول تخف رجلك من على البنزين على قد ما تقدر...

                وكمان النقل المستريح للموتور أفضل شيء.. يعني ما ينفعش تنقل والموتور لسه ما جابش الـ2000 rpm... ده عند النقل فقط..

                النقل البدري والمشي على سرعات منخفضة أكتر من اللازم ضرره أكتر بكتير من نفعه.

                تقدر تستخدم العربية بشكل طبيعي بعد ما تكمل 1000 كيلومتر.


                بس نصيحتي... طول ما انت ما ركبتش ثرموستات الكوعة ما تزودش الـrpm عن 3000... ولازم تستخدمها باستمرار كإنها لسه باردة...

                وما تنساش إننا داخلين على شتا.
                [QUOTE][FONT=tahoma][COLOR=Blue][SIZE=5]لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ[/SIZE][/COLOR][/FONT]
                [I]مَثَلٌ صينِيّ[/I][/QUOTE]

                [FONT=Arial][SIZE=4][COLOR=green]Trust me, I'm an Engineer[/COLOR][/SIZE][/FONT]
                [FONT=Verdana][SIZE=4][I][COLOR=DarkRed]Ahmed Nabil Al-Bora'ie[/COLOR][/I]
                [/SIZE][/FONT]
                أعشق السيارات.. أحب [COLOR=#e00909]اليابانية[/COLOR]، [COLOR=#e00909]الكو[/COLOR][COLOR=RoyalBlue]رية[/COLOR]... ولا أفضل [COLOR=RoyalBlue]الأوروبية[/COLOR]
                [SIGPIC][/SIGPIC]

                Comment

                Working...
                X