شرح الفرق بين الزيوت العادية والتخليقية وكيفية اختيار المناسب منها

[Marwanelbendary]

شكرا على المعلومات الأكثر من رائعة

العفو يا ريس انت تأمر المهم تكون فهمت كويس علشان واضح ان كلامي مش واضح

[LORD.ADeL]

تسلم يا بشمهندس مروان ع معلوماتك والافادة والحمدلله ع كل شي
والله مستعان ع فترة اللى فاتت مع زيت دة واهو الواحد بيتعلم وهيفضل يتعلم
تحياتى لك

[samirayad]

معروف لزوجته على البارد 20 وعلى الساخن 40""" عايز تقول يعني انه اللزوجة بتبقى أعلى في دراجة حرارة أعلى؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وتناقد كلامي اللي انت اقتبسته اللي هو ""
احنا اتفقنا ان الزيت المعدني بتتغير لزوجته بشكل كبير من لزوجة عالية والعربية باردة للزوجة منخفضة و العربية سخنة و الزيت التخليقي نفس الموضوع برضه بس مش بشكل كبير زي المعدني."""

طبعا ياباشا
لزوجة الزيت بتزداد مع الحراره
مع الأنواع ثنائية الدرجه
أمال أيه معنى 20W40

وعندي سؤالين تلاتة يا هندسه؟؟

1. هل قرأت المشاركات باهتمام و تركيز؟؟
2. هل وصلتك المعلومة أم يوجد بعض الغموض؟؟
3. هو حضرتك خريج هندسة جامعة ايه؟؟ سنة كام؟؟ قسم ايه؟

1. وأيه دخل الأسئله دى فى الموضوع

لو فيه عند حضرتك أي تداخل معلومات أنا كده بيتهيألي أنا مش عارف في ايه بالظبط علشان كده هانصحك تقرأ كتاب هايفيدك جدا Lubricants Fundamentals وبالتوفيق

لأ خد راحتك فى اللى عاوز تقوله
طالما مش عاوز تسمع غير رأيك
وأوعدك مش حعلق على موضوع تانى خاص بيك
GO AHEAD

[mohamed777]

يعنى آخر كلام يا جماعة اغير واجرب شيل الاصفر ؟؟؟؟؟؟؟؟؟؟؟

اغلبكم بيشكر فية

[Marwanelbendary]

[warning]طبعا ياباشا
لزوجة الزيت بتزداد مع الحراره
مع الأنواع ثنائية الدرجه
أمال أيه معنى 20W40 ا[/warning]

ياجماعة البشمهندس سمير راجل محترم بس هو يمكن اختلطت عليه الأمور شوية والكلام ده خاطئ خاطئ خاطئ بالتلاتة

و عامة يا باش مهندس أنا أرسلت رسالة الى المهندس سبعاوي ان يراجع المشاركات في الموضوع بتاعي و يوضحلك خطأك وللسادة المشاركين المعلومات الصحيحة من الخاطئة

ممكن أكون غلطان بس مش في المبادئ الهنسية ولا في الموضوع ده على الأقل ....ونترك الحكم أمام الناس لمهندس في المجال ليستطيع الفصل

وأنا باطرح الموضوع ده للنقاش الهندسي المفتوح
""""بس رجاءا عايزين مهندسين لهم مصداقية و عندهم خبرة علشان لا نضلل الناس والله المستعان"""""

[samirayad]

ده موضوع ....علشان اللى عاوز يعرف
يعنى أيه الزيت

مع ملاحظة أنه لنوع زى 20w40
- 20 دى درجة لزوجة الزيت الأساسى أو الزيت بمكوناته ( الأساسى والخلطه ) وهو لسه بارد
فى بدء الدواره ....علشان نسهل عملية تقويم المكنه كمثال

- 40 دى درجة لزوجة الزيت وهو ساخن
لأن خلاص أضافة تحسين معامل اللزوجه بتبقى أشتغلت ونفشت جوه الخلطه ....وبكده الزيت تحسنت لزوجته ..................

الموضوع

[mohamed777]

يعنى يا باشمهندس سمير الزيوت ثنائية اللزوجة بيكون مكتوب عليها 20w40 ؟
وكمان الزوجة بتاعتها بتزيد مع ارتفاع الحرارة؟

دى حاجة ...الحاجة التانية الزيوت احاديةاللزوجة بيكون رقمها المكتوب عليها كام؟ ...ومع ارتفاع الحرارة بتقل اللزوجة بتاعتها؟

[sab3aawy]

اعتقد ان الموضوع فيه بس لبس او اختلاط بسيط بين مفهومين لو وضحناهم هنكتشف ان كلام الطرفين ليس خطأ لكن هو فقط مجرد اختلاف مصطلحات

احنا محتاجين نفرق بين مصطلحين كل منهما يعبر عن شئ مختلف، مصطلح "اللزوجة" ومصطلح"منحنى اللزوجة مع درجة الحرارة"

اللزوجة هى مدى مقاومة اى مائع(سائل او غاز) لتأثير اى قوة تغير من حالته يالحركة او السكون، وتقاس بعدة وحدات اشهرها السنتى بواز وتوجد طريقة اخرى لقياسها تسمى اللزوجة الكبنماتيكية وتقاس بوحدة تسمى السنتى ستوك

جميع الزيوت تتغير لزوجتها مع درجة الحرارة ولذلك فان مختبرات التوحيد القياسى مثل ايزو و SAE تقدم رسومات بيانية لمعدل تغير لزوجة زيت معين ، وهذا هو ما نسميه منحنى تغير اللزوجة مع درجة الحرارة، ويكون هذا المنحنى ثابتا لأى نوع من انواع الزيوت ويحصل كل زيت طبقا لاسلوب تغير لزوجته مع درجة الحرارة على رقم معين يمثل مرجعا للمنحنى الخاص به،
الرقم الذى نشاهده مكتوبا على علبة الزيت يمثل الرقم المرجعى لمنحى لزوجة هذا الزيت وليس قيمة لزوجته، يعنى مثلا لما نشوف زيت SAE 40 يبقى ده معناه ان علشان نعرف لزوجة الزيت ده كام سنتى ستوك فى درجة حرارة عشرين مئوية مثلا محتاجين نرجع لمنحنى الزيت رقم 40 فى مواصفة SAE


منحنيات تأثر لزوجة الزيوت مع درجة الحرارة تكون كلها بهذا الشكل (المنحى المرفق هو منحنى مواصفة ايزو ISO)



وهذا الشكل يمثل الزيوت احادية الدرجة ونلاحظ من الشكل ان جميع الزيوت ايا ما كانت درجتها تنخفض لزوجتها مع درجة الحرارة فمثلا نجد زيت احادى الدرجة أيزو22 تكون لزوجته 50 سنتى ستوك عند درجة حرارة 20 وتقريبا 2 سنتى ستوك عند درجة حرارة 100 فى حين ان زيت درجة أيزو46 تكون لزوجته 105 سنتى ستوك عند درجة حرارة 20 وحوالى 8 سنتى ستوك عند درجة 100 ، يبقى كدة عرفنا ان الزيت احادى الدرجة معناه ان له منحنى بيانى قياسى واحد يحدد لزوجته

ماذا عن الزيت متعدد الدرجات؟
الزيت متعدد الدرجات هو زيت تم اضافة مجموعة من الاضافات له لكى تحسن خواص استجابته للزوجة, وهذا الزيت لا يخضع للمنحنيات القياسية المتوازية التى نراها اعلاه وانما يخضع لمنحنى اخر خاص به اقل انحناء يتقاطع مع عدة منحنيات ولذلك يسمى متعدد الدراجات ،
والدرجات التى يسمى بها هذا الزيت تكونا عبارة عن درجة الزيتين احادييى الدرجة الذان يتقاطع منحناهما مع الزيت متعدد الدرجات عند درجتين حرارة ثابتتين ، مثلا 40 و 100 ، وهذا معناه ان الزيت المسمى 20 -50 يتصرف كزيت من درجة 20 عند 40 مئوية ويتصرف كزيت 50 عند 100 مئوية، وهذا يعنى ان ذلك الزيت يسير على منحنى خاص به يتقاطع منحنيات مع الزيوت احادية الدرجة ولا يوازيها

يقودنا الامر الى السؤال الأخير، هل الزيت متعدد الدرجات ترتفع لزوجته مع درجة الحرارة ام تنخفض

هنا دعونا ننظر الى هذه الصورة المنقولة عن مواصفات SAE و ISOالقياسية



نجد على يسار الصورة قيمة لزوجة كل نوع من الزيوت عند درجتي حرارة هما 40 و 100
وفى المنتصف المساحة التى يشغلها كل نوع زيت سواء ايزو او SAE، لو خدنا مثال SAE لأن هو الشائع فى مصر ، وبصينا على SAE 20 هنلاقى ان لزوجته فى درجة حرارة 40 مئوية بتترواح من 35 سنتى ستوك الى 70 سنتى ستوك ، فى حين لو بصينا على زيت درجة SAE 50 فى درجة 100هنلاقى ان لزوجته بتترواح من 15 الى 20 سنتى ستوك، وده معناه الآتى انى لو عندى زيت متعدد الدرجات SAE20-50 فمنحنى اللزوجة بتاعه هيتقاطع مع زيت احادى 20 عند اربعين درجة مئوية فى نقطة تتراوح من 35 الى 70 سنتى ستوك، فى حين ان منحناه هيتقاطع مع زيت احادى الدرجةSAE 50 عند درجة حرارة 100 فى نقطة تترواح من 15 الى 20 سنتى ستوك، وده معناه ايه. معنها ببساطة ان لزوجة الزيت متعدد الدرجات انخفضت مع ارتفاع درجة الحرارة

طيب يبقى ايه الفائدة من الزيت متعدد الدرجات، الفائدة ان معدل انهيار اللزوجة مع درجة الحرارة اقل بكتير من الزيوت الاحادية، يعنى المنحنى بتاعه بيكون اقل انهيارا، زى المثال اللى جاى ده(انا رسمته بيدى فوق المثال الأول لتوضيح الفكرة)


هنا نصل للاستنتاج اللى هيرجعنا لأول كلمتين انا قلتهم بشان التفريق بين مصطلح اللزوجة ومصطلح منحنى اللزوجة

اللزوجة: جميع الزيوت احادية الدرجات ومتعددة الدرجات لزوجتها تنخفض مع درجة الحرارة
منحنى اللزوجة: رقم منحنى اللزوجة ثابت للزيوت احادية الدرجة ويرتفع مع ارتفاع الحرارة للزيوت متعددة الدرجة

اعتقد بعد فض اشتباك المصطلحات ده هنلاقى ان مروان كان صح فيما يتعلق باللزوجة وسمير كان صح فيما يتعلق بمنحنى اللزوجة

وكل عام وانتم بخير

[MoMohsen]

بجد موضوع اكتر من رائع و فيه كمية معلومات كبيرة و مهمه فعلا
انا كان ليا سؤال .الاضافات اللى بتتحط على الزيوت المعدنيه زى ما وضح مروان هل هتفرق فعلا بدرجة ملحوظه ولا لأ و ايه افضل نوع يباع من الاضافات دية؟
و ليا استفسار اخير انا عربيتى موديلها قديم 99 و من وقت ما جبتها زيرو و انا بحط زيت معدنى. هل ينفع دلوقتى احط زيت تخليقى ولا لأ مع العلم ان حالة الموتور عندى الحمدلله زى الفل و العربيه عدادها 150 الف و انا بعمل متوسط 1000 كم فى الشهر قيادة عاديه فى الزحمه

[tarekabosdera]

طيب هل الزيوت الشبه تخليقية او التخليقية لزوجتها بتنخفض كتير عند ارتفاع درجة الحرارة. ( يعني زي معدل انخفاض الزيت المعدني ولا اقل)؟؟؟؟؟؟؟؟؟؟

[mohamed777]

يعنى نفهم من كلامكم ان الزيوت احادية اللزوجة ومتعدده اللزوجة كلهم بتنخفض لزوجتهم مع ارتفاع الحرارة بس متعددة اللزوجة بتنخفض بسرعة اقل من احادية اللزوجة!!!!!!!
وبكده بتكون الزيوت متعددة اللزوجة افضل من احادية اللزوجة ....ولا دى ليها استخدامتها المختلفة عن الاخرى؟
صح ولا الواحد دماغة لفة شوية

[sab3aawy]

يعنى نفهم من كلامكم ان الزيوت احادية اللزوجة ومتعدده اللزوجة كلهم بتنخفض لزوجتهم مع ارتفاع الحرارة بس متعددة اللزوجة بتنخفض بسرعة اقل من احادية اللزوجة!!!!!!!
وبكده بتكون الزيوت متعددة اللزوجة افضل من احادية اللزوجة ....ولا دى ليها استخدامتها المختلفة عن الاخرى؟
صح ولا الواحد دماغة لفة شوية

مظبوط كدة يا عم محمد

[sab3aawy]

طيب هل الزيوت الشبه تخليقية او التخليقية لزوجتها بتنخفض كتير عند ارتفاع درجة الحرارة. ( يعني زي معدل انخفاض الزيت المعدني ولا اقل)؟؟؟؟؟؟؟؟؟؟

الزيوت التخليقية بتديلك افضل منحنى اداء لأن منحنى اداءها بيقابل منحنى اداء زيت ذو رقم منخفض جدا فى الجدول فى الجو البارد، وزيت آخر ذو رقم مرتفع فى الجدول فى الجو الحار (يعنى مثلا بيكون 10-50 بدلا من 20-50 للزيوت المعدنية متعددة الدرجات) ودة معناه ان الزيت التخليقى بيكون صاحب اقل معدل انخفاض فى لزوجته نتيجة لدرجة الحرارة ، يعنى مثلا لو احدن بصينا للجدول فى مشاركتى السابقة هنلاقى أن الزيت 10-50 بتكون لزوجته عند درجة حرارة 40 مئوية هى من 22 الى 26 سنتى ستوك فى حين تكون عند درجة حرارة 100 مئوية من 15-20 سنتى ستوك يعنى اللزوجة منزلتش غير حاجة بسيطة جدا بالمقارنة بزيت 20-50 اللى نزل من قيمة مابين 35-70 سنتى ستوك عند درجة 40 مئويةالى 15-20 سنتى ستوك عند 100 مئوية، مع ملاحظة انه فى النهاية برضه لزوجة الزيت التخليقى انخفضت مع الحرارة ومع ملاحظة ان الزيتين المعدنى متعدد الدرجات والتخليقى قيمة لزوجتهم متساوية فى درجة حرارة التشغيل ، لكن ميزة الزيت التخليقى فى انخفاض لزوجته فى الصباح وفى بداية التشغيل فىالجو البارد مما يساعده على الانتشار بسرعة ولذلك ينصح به دائما لمن يفضلون عدم تسخين السيارة، كما ان الميزة الأخرى للزيت التخليقى هى عدم انحلال مكوناته بسرعة مع الاستخدام بعكس الزيت المعدنى الذى يفقد خواصة بشكل اسرع ولذلك يوصى بتغييره على فترات اقل

[sab3aawy]

اسمحولى بالاضافة للمشاركة السابقة انى الخص ما شرحته فيها فى الرسمة الآتية اللى حاولت اختصر فيها اداء انواع الزيوت المختلف الذى قمت بتفصيله فى المشاركة السابقة، اتمنى تكون وافية، ولو فيه اى سؤال تانى تحت امر الجميع

[samirayad]

طيب أشرحلنا يابشمهندس خالد
تفسير زيت متعدد مدى لزوجته 20w50 ( يعنى تفسير الرقمين والحرف w )
لأن واضح أنك متخصص فى الزيوت
وأكيد فيه حاجه مش مظبوطه فى دورة الزيوت اللى أخدتها أنا
فى أحد الدورات التدريبيه لأحد شركات الزيوت
لأن فيه زميل مهندس فى الشركه دى
قال لى بالنص
أن أضافة تحسين معامل اللزوجه وظيفتها رفع اللزوجه مع سخونة الزيت
فمثلا
20 دى درجة لزوجة الزيت الأساسى بالأضافات والزيت بارد وقت الدواره

و50 دى درجة اللزوجه اللى بيوصل لها الزيت وهو ساخن بفضل أضافة تحسين اللزوجه viscosity index improver additive

وحقيقى الكلام كده متناقض ....
وياريت التفسير يكون بصوره مبسطه

وأشكرك

لأن زى ما أنت عارف
أنا تخصصى ميكانيكا باور
ويادوب عملت الموضوع بتاع الزيوت الخاص بى أعتمادا على دورة الزيوت اللى أخدتها فى الشركه دى