إعـــــــلان

Collapse

.

,
See more
See less

شرح الفرق بين الزيوت العادية والتخليقية وكيفية اختيار المناسب منها

Collapse
X
 
  • Filter
  • الوقت
  • Show
Clear All
new posts

  • #46
    QUOTE=samirayad;3871981898]طيب أشرحلنا يابشمهندس خالد
    تفسير زيت متعدد مدى لزوجته 20w50 ( يعنى تفسير الرقمين والحرف w )[/QUOTE]

    بشمهندس سمير ، شكرا لسؤالك لكن انا اعتقد انى جاوبته بشكل وافى فى هذة المشاركة، لو فيه حاجة مش واضحة فى كلامى ياريت تشير اليها وانا تحت امرك وامر الجميع فى توضيح وجهة نظرى

    المشاركة الأصلية كتبت بواسطة sab3aawy مشاهدة المشاركة
    اعتقد ان الموضوع فيه بس لبس او اختلاط بسيط بين مفهومين لو وضحناهم هنكتشف ان كلام الطرفين ليس خطأ لكن هو فقط مجرد اختلاف مصطلحات

    احنا محتاجين نفرق بين مصطلحين كل منهما يعبر عن شئ مختلف، مصطلح "اللزوجة" ومصطلح"منحنى اللزوجة مع درجة الحرارة"

    اللزوجة هى مدى مقاومة اى مائع(سائل او غاز) لتأثير اى قوة تغير من حالته يالحركة او السكون، وتقاس بعدة وحدات اشهرها السنتى بواز وتوجد طريقة اخرى لقياسها تسمى اللزوجة الكبنماتيكية وتقاس بوحدة تسمى السنتى ستوك

    جميع الزيوت تتغير لزوجتها مع درجة الحرارة ولذلك فان مختبرات التوحيد القياسى مثل ايزو و SAE تقدم رسومات بيانية لمعدل تغير لزوجة زيت معين ، وهذا هو ما نسميه منحنى تغير اللزوجة مع درجة الحرارة، ويكون هذا المنحنى ثابتا لأى نوع من انواع الزيوت ويحصل كل زيت طبقا لاسلوب تغير لزوجته مع درجة الحرارة على رقم معين يمثل مرجعا للمنحنى الخاص به،
    الرقم الذى نشاهده مكتوبا على علبة الزيت يمثل الرقم المرجعى لمنحى لزوجة هذا الزيت وليس قيمة لزوجته، يعنى مثلا لما نشوف زيت SAE 40 يبقى ده معناه ان علشان نعرف لزوجة الزيت ده كام سنتى ستوك فى درجة حرارة عشرين مئوية مثلا محتاجين نرجع لمنحنى الزيت رقم 40 فى مواصفة SAE


    منحنيات تأثر لزوجة الزيوت مع درجة الحرارة تكون كلها بهذا الشكل (المنحى المرفق هو منحنى مواصفة ايزو ISO)



    وهذا الشكل يمثل الزيوت احادية الدرجة ونلاحظ من الشكل ان جميع الزيوت ايا ما كانت درجتها تنخفض لزوجتها مع درجة الحرارة فمثلا نجد زيت احادى الدرجة أيزو22 تكون لزوجته 50 سنتى ستوك عند درجة حرارة 20 وتقريبا 2 سنتى ستوك عند درجة حرارة 100 فى حين ان زيت درجة أيزو46 تكون لزوجته 105 سنتى ستوك عند درجة حرارة 20 وحوالى 8 سنتى ستوك عند درجة 100 ، يبقى كدة عرفنا ان الزيت احادى الدرجة معناه ان له منحنى بيانى قياسى واحد يحدد لزوجته

    ماذا عن الزيت متعدد الدرجات؟
    الزيت متعدد الدرجات هو زيت تم اضافة مجموعة من الاضافات له لكى تحسن خواص استجابته للزوجة, وهذا الزيت لا يخضع للمنحنيات القياسية المتوازية التى نراها اعلاه وانما يخضع لمنحنى اخر خاص به اقل انحناء يتقاطع مع عدة منحنيات ولذلك يسمى متعدد الدراجات ،
    والدرجات التى يسمى بها هذا الزيت تكونا عبارة عن درجة الزيتين احادييى الدرجة الذان يتقاطع منحناهما مع الزيت متعدد الدرجات عند درجتين حرارة ثابتتين ، مثلا 40 و 100 ، وهذا معناه ان الزيت المسمى 20 -50 يتصرف كزيت من درجة 20 عند 40 مئوية ويتصرف كزيت 50 عند 100 مئوية، وهذا يعنى ان ذلك الزيت يسير على منحنى خاص به يتقاطع منحنيات مع الزيوت احادية الدرجة ولا يوازيها

    يقودنا الامر الى السؤال الأخير، هل الزيت متعدد الدرجات ترتفع لزوجته مع درجة الحرارة ام تنخفض

    هنا دعونا ننظر الى هذه الصورة المنقولة عن مواصفات SAE و ISOالقياسية



    نجد على يسار الصورة قيمة لزوجة كل نوع من الزيوت عند درجتي حرارة هما 40 و 100
    وفى المنتصف المساحة التى يشغلها كل نوع زيت سواء ايزو او SAE، لو خدنا مثال SAE لأن هو الشائع فى مصر ، وبصينا على SAE 20 هنلاقى ان لزوجته فى درجة حرارة 40 مئوية بتترواح من 35 سنتى ستوك الى 70 سنتى ستوك ، فى حين لو بصينا على زيت درجة SAE 50 فى درجة 100هنلاقى ان لزوجته بتترواح من 15 الى 20 سنتى ستوك، وده معناه الآتى انى لو عندى زيت متعدد الدرجات SAE20-50 فمنحنى اللزوجة بتاعه هيتقاطع مع زيت احادى 20 عند اربعين درجة مئوية فى نقطة تتراوح من 35 الى 70 سنتى ستوك، فى حين ان منحناه هيتقاطع مع زيت احادى الدرجةSAE 50 عند درجة حرارة 100 فى نقطة تترواح من 15 الى 20 سنتى ستوك، وده معناه ايه. معنها ببساطة ان لزوجة الزيت متعدد الدرجات انخفضت مع ارتفاع درجة الحرارة

    طيب يبقى ايه الفائدة من الزيت متعدد الدرجات، الفائدة ان معدل انهيار اللزوجة مع درجة الحرارة اقل بكتير من الزيوت الاحادية، يعنى المنحنى بتاعه بيكون اقل انهيارا، زى المثال اللى جاى ده(انا رسمته بيدى فوق المثال الأول لتوضيح الفكرة)


    هنا نصل للاستنتاج اللى هيرجعنا لأول كلمتين انا قلتهم بشان التفريق بين مصطلح اللزوجة ومصطلح منحنى اللزوجة

    اللزوجة: جميع الزيوت احادية الدرجات ومتعددة الدرجات لزوجتها تنخفض مع درجة الحرارة
    منحنى اللزوجة: رقم منحنى اللزوجة ثابت للزيوت احادية الدرجة ويرتفع مع ارتفاع الحرارة للزيوت متعددة الدرجة

    اعتقد بعد فض اشتباك المصطلحات ده هنلاقى ان مروان كان صح فيما يتعلق باللزوجة وسمير كان صح فيما يتعلق بمنحنى اللزوجة

    وكل عام وانتم بخير
    QUOTE=samirayad;3871981898]
    لأن واضح أنك متخصص فى الزيوت [/QUOTE]

    ولا متخصص ولا حاجة، دول كلمتين انا قريتهم على النت

    QUOTE=samirayad;3871981898]
    وأكيد فيه حاجه مش مظبوطه فى دورة الزيوت اللى أخدتها أنا
    فى أحد الدورات التدريبيه لأحد شركات الزيوت
    لأن فيه زميل مهندس فى الشركه دى
    قال لى بالنص
    أن أضافة تحسين معامل اللزوجه وظيفتها رفع اللزوجه مع سخونة الزيت
    فمثلا
    20 دى درجة لزوجة الزيت الأساسى بالأضافات والزيت بارد وقت الدواره

    و50 دى درجة اللزوجه اللى بيوصل لها الزيت وهو ساخن بفضل أضافة تحسين اللزوجه viscosity index improver additive

    وحقيقى الكلام كده متناقض ....
    وياريت التفسير يكون بصوره مبسطه [/QUOTE]

    انا مش شايف ان فيه اى تناقض بين اللى انت بتقوله واللى انا شرحته، مرجع اللزوجة هو رقم الزيت فى جداول SAE او ايزو واللى بتحسنه الاضافات وده احنا مختلفناش عليه ولو حضرتك راجعت مشاركتى الاولى فى هذا الموضوع اللى فيها 3 اشكال بيانية هتلاقى انى انهيتها بتأييد كلامك فيما يتعلق برقم مرجع اللزوجة او رقم منحنى اللزوجة واللى بالفعل بترفعة الاضافات لأن البيز اويل المصنعة منه كل الزيوت المعدنية واحد، لكن اللى بيحدد مكانه فى الجدول وشكل تصرفه اذا كان احادى الدرجة او متعدد الدرجات هو الاضافاتـ لكن الاضافة تحسن رقم الانديكس (اللى هو رقم المنحنى الخاص بالزيت وليس قياس اللزوجة)، وما قصده المهندس اللىاتكلم معاك ان الاضافات تحسن اداء الزيت من حيث اللزوجة مع الحرارة يعنى بتنقل الزيت من اندكس 20 مثلا الى اندكس 50، او تحوله الى زيت متعدد الدرجات لكن لا يوجد زيت محركات سيارات تزيد لزوجته مقاسة بالسنتى ستوك مع الحرارة

    QUOTE=samirayad;3871981898]
    لأن زى ما أنت عارف
    أنا تخصصى ميكانيكا باور
    [/QUOTE]

    وانا كمان

    QUOTE=samirayad;3871981898]
    ويادوب عملت الموضوع بتاع الزيوت الخاص بى أعتمادا على دورة الزيوت اللى أخدتها فى الشركه دى[/QUOTE]

    يبقى انت احسن منى ،على الأقل انت حصلت على دورة فى مجال الزيوت ، اما انا فكل معلوماتى عن الزيوت من على النت، بس بالمناسبة، انا فاكر انى درست موضوع الزيوت ده فى سنة تانية فى مادة الماشين ديزاين ، بس قطعا احتجت الى اعاده صقل المعلومات القديمة بقلي من البحث على النت

    بشمهندس سمير، فقط اتمنى منك تقرا الموضوع تانى وهتلاقى انه لا خلاف هنا ولا تناقض، فقط اذا فرقنا بين الviscosity index اللى هو ارقام اعتبارية حاطاها شركات ومعامل كمواصفة قياسية خاصة بها تفيد فقط فى معرفة انتماء اداء الزيت صاحب الرقم لأى منحى علىالشكل البيانى، وبين قيمة اللزوجة مقاسة بالسنتى ستوك والتى تعتبر وحدة دوليه لقياس لزوجة اى سائل فى لحظة معينة،
    [SIZE=5][COLOR=navy]سبعاوى[/COLOR][/SIZE]
    _______________________________________________

    Comment


    • #47
      طيب يبقى ايه الفائدة من الزيت متعدد الدرجات، الفائدة ان معدل انهيار اللزوجة مع درجة الحرارة اقل بكتير من الزيوت الاحادية،
      دى كده عشره على عشره ومتوائمه
      مع وظيفة أضافة رفع معامل اللزوجه

      حيث أن هذه الأضافه عباره عن مواد متبلمره ذات وزن جزيئى عالى تعمل على تقليل معدل أنخفاض لزوجة الزيت كلما أرتفعت درجة حرارته

      ليه بأه الجماعة اللى فى الدوره بيقولوا أن لزوجة الزيت بتبقى 20 وهو بارد .....وبعد كده بتبقى 50 وهو ساخن
      يعنى دى أرقام منحنى لزوجه وليست أرقام درجات لزوجه

      لو كده تبقى خلصت

      وفايدة الزيت المتعدد أن معدل هبوط لزوجته مع الحراره أقل من الأحادى
      لتميزه بوجود أضافة تحسين معامل اللزوجه


      ياترى كده تمام

      Comment


      • #48
        الله ينور عليك يا باشمهندس سمير، بالظبط كدة

        وكل سنة والجميع طيبين وبخير
        [SIZE=5][COLOR=navy]سبعاوى[/COLOR][/SIZE]
        _______________________________________________

        Comment


        • #49
          أشكرك ياباشا

          وهو ده بيت القصيد

          Comment


          • #50
            الله يفتح ليكم من فضلة ويكرمكم بكرمه
            محمد عبد الرحمن
            ....المحامى.....

            Comment


            • #51
              شاكرين حسن تعاونكم يا باش مهندس سبعاوي وتوصيلك السريع للمعلومة للناس وأنا شخصيا كنت بادور على Lubricants Diagrams & Charts لتوضيح وجهة نظري ومتشكر ليك على عرضها على الناس

              أما بالنسبة للمهندس سمير متشكر ليك انك كنت سبب للدخول في تفاصيل هندسية مااكنتش عايز أدخل فيها مراعاة للزملاء الأعضاء ان ممكن الناس تتلخبط علشان الصطلحات متقاربة جدا مع بعض و انت خليتني أدور على مهندس موثوق فيه ألجأله وكانت فرصة جيدة للتعرف عليه علشان يوصلك وجهة نظري ويفض الاشتبك من غير ما نخسر أو نزعل من بعض وأنا كان شغلي الشاغل ان الناس ماتوصلهمش معلومة خاطئة مش أكتر علشان انت لو كنت مكانهم أنا برضه ما كنتش هاسمح ان حد يوصلك معلومة غلط ودي مش غلطتك دي غلطة اللي ادا ليك الدورة انه ماوضحش كلامه

              حلو أوي المنتدى ده

              كل واحد فينا احنا التلاتة قال معلومات الاتنين التانيين ما قالوهاش واحنا التلاتة استفدنا من بعض (مش عيب)
              يعني كدة احنا التلاتة سكر نباتة
              وكل السادة المشاركين اتعلموا الزيوت كأنهم خادوا دورة خبراء زيوت

              وتبقاش تاخد كلامي على صدرك تاني يا هندس ، وبص كده نتيجة النقاش كانت مثمرة ازاي
              [LEFT][FONT=Arial Black][COLOR=#bf0000][SIZE=4][B]Pure Engineering, Pure Satisfaction[/B][/SIZE][/COLOR][/FONT]
              [LEFT]
              [/LEFT]
              [/LEFT]

              Comment


              • #52
                فعلاً المنتدى ده جامد بالناس المحترمة اللي فية
                محمد عبد الرحمن
                ....المحامى.....

                Comment


                • #53
                  أحب أضيف ياجماعة بالاضافة الى كلامي وشرحي أنا و خالد ماننساش أصل الزيوت جات منين و طريقة تصنيعها واضافاتها بواسطة المهندس سمير عياد في الموضوع


                  و نصيحة ومعلومة برضة من الأستاذ أحمد عبد المقصود في الموضوع


                  وعن معلومات حول زيوت BP Visco لأن ناس كتير سألتني عليه وماعنديش معلومات عنه ووجدتها في الموضوع ده بواسطة الأستاذ ممدوح


                  وبكده أبقى لميت كل حاجة عن الزيوت شوفتها في المنتدى والله أعلم وشكرا
                  [LEFT][FONT=Arial Black][COLOR=#bf0000][SIZE=4][B]Pure Engineering, Pure Satisfaction[/B][/SIZE][/COLOR][/FONT]
                  [LEFT]
                  [/LEFT]
                  [/LEFT]

                  Comment


                  • #54
                    المشاركة الأصلية كتبت بواسطة mohamed777 مشاهدة المشاركة
                    فعلاً المنتدى ده جامد بالناس المحترمة اللي فية

                    علشان انت معانا فيه
                    [LEFT][FONT=Arial Black][COLOR=#bf0000][SIZE=4][B]Pure Engineering, Pure Satisfaction[/B][/SIZE][/COLOR][/FONT]
                    [LEFT]
                    [/LEFT]
                    [/LEFT]

                    Comment


                    • #55
                      والان ماهو الحل؟

                      شكرا لمهندسين الثلاث الاعزاء علي مناقشتهم اللي استفدنا منه
                      عندي سؤال ربما يكون بسيط عليكم بس هي مشكلة لي
                      انا اعيش في العراق و بالذات في الشمال (كوردستان) المعروف بطبيعتها الجميلة و المتغير بين الشتاء و الصيف (بس الربيع و الخريف اجمل و احلي).
                      درجة الحرارة هنا بالصيف يصل الي مافوق الخمسين
                      و في الشتاء في بعض الاحيان الي مادون صفر حسب المنطقة فمثلا احيانا اسافر الي منطقة درجة الحرارة فيها -10
                      و لكن في اكثر الاحوال ظروف قيادة سيارتي هي في داخل المدينة - اروح للدوام و ارجع للبيت او مشوار بالشوارع
                      سيارتي هي كيا سيراتو 2010 - 1.6 و لحد الان ماشي قريبا من 700
                      ماهو نصيحتكم لي؟ هل بعد الف الاولي اغير الزيت و الفلتر معا؟
                      اي نوع من الزيوت؟
                      W 20-50 هي المفضل من قبل الورشات هل هي الاختيار الاحسن؟
                      هل ممكن تغير نوعية الزيت حسب الفصول؟ بمعني في الصيف الحار W20-50 و في الشتاء w5-20 مثلا؟
                      هل نوعية الموتور يتحكم علي نوعية الزيت ام درجة الحرارة و ظروف القيادة؟ فمثلا في الظروف اللي شرحتة هل يتغير نوع الزيت بالنسبة لسيارتين سيراتو و تويوتا لاندكروز او كرولا او حتي تاهو؟ ماهو علاقة حجم الموتور بنوعية الزيت؟
                      اعتذر عن الاطالة و انتظر الجواب ان شاء الله
                      اليكم مني التحية
                      [img2]http://img225.imageshack.us/img225/271/ceratoinkurdistan32copy.jpg[/img2]
                      [CENTER]ربنا اتنا في الدنيا حسنة و في الاخرة حسنة[/CENTER]

                      Comment


                      • #56
                        المشاركة الأصلية كتبت بواسطة Marwanelbendary مشاهدة المشاركة
                        علشان انت معانا فيه
                        ده بس من ذوقك واخلاقك الطيبة

                        وأستأذنكم فى استفسار بسيط
                        وهو انى حالياً ومن فترة بستعمل زيت Mobil super -10w40 ..الجركن الابيض
                        وعن تجربة ناس بالمنتدى نصحونى بزيت ....l super -15w40 ....الجركن الاصفر
                        وقالوا كمان انه فرق معاهم فى سخونة الموتور والصوت للافضل من Mobil xhp -15w40

                        وكلامكم عن الزيوت انا فهمة والحمد لله بس عن التجربة الفعلية مين فيهم الافضل؟
                        محمد عبد الرحمن
                        ....المحامى.....

                        Comment


                        • #57
                          عفواً هناك خطأ بالمشاركة السابقة
                          بعد التصحيح
                          المشاركة الأصلية كتبت بواسطة mohamed777 مشاهدة المشاركة
                          ده بس من ذوقك واخلاقك الطيبة

                          وأستأذنكم فى استفسار بسيط
                          وهو انى حالياً ومن فترة بستعمل زيت mobil super -10w40 ..الجركن الابيض
                          وعن تجربة ناس بالمنتدى نصحونى بزيت شيل سوبر الاصفر 15w40
                          وقالوا كمان انه فرق معاهم فى سخونة الموتور والصوت للافضل من mobil xhp -15w40

                          وكلامكم عن الزيوت انا فهمة والحمد لله بس عن التجربة الفعلية مين فيهم الافضل؟
                          محمد عبد الرحمن
                          ....المحامى.....

                          Comment


                          • #58
                            حلو أوي المنتدى ده :oc_sun1[1]:

                            كل واحد فينا احنا التلاتة قال معلومات الاتنين التانيين ما قالوهاش واحنا التلاتة استفدنا من بعض (مش عيب)
                            يعني كدة احنا التلاتة سكر نباتة
                            وكل السادة المشاركين اتعلموا الزيوت كأنهم خادوا دورة خبراء زيوت :c_laugh[1]:

                            وتبقاش تاخد كلامي على صدرك تاني يا هندس ، وبص كده نتيجة النقاش كانت مثمرة ازاي
                            والله أنت لذيذ ......ورايق :
                            قوللى بأه أسمك وسنك وعنوانك
                            ومتخدش كلامى على صدرك

                            ههههههههههههههههههه

                            يعنى متبقاش تثير اللى بيناقشك فى حاجه بأسئله زى دى

                            وعندي سؤالين تلاتة يا هندسه؟؟
                            1. هل قرأت المشاركات باهتمام و تركيز؟؟
                            2. هل وصلتك المعلومة أم يوجد بعض الغموض؟؟
                            3. هو حضرتك خريج هندسة جامعة ايه؟؟ سنة كام؟؟ قسم ايه؟

                            Comment


                            • #59
                              المشاركة الأصلية كتبت بواسطة samirayad مشاهدة المشاركة
                              والله أنت لذيذ ......ورايق :
                              قوللى بأه أسمك وسنك وعنوانك
                              ومتخدش كلامى على صدرك

                              ههههههههههههههههههه

                              يعنى متبقاش تثير اللى بيناقشك فى حاجه بأسئله زى دى
                              عيني يا هندس انت تأمر

                              والله بهزر معاك
                              [LEFT][FONT=Arial Black][COLOR=#bf0000][SIZE=4][B]Pure Engineering, Pure Satisfaction[/B][/SIZE][/COLOR][/FONT]
                              [LEFT]
                              [/LEFT]
                              [/LEFT]

                              Comment


                              • #60
                                الله يخليك
                                ورمضان كريم
                                أصل بينى وبينك
                                أشتريت بعدها
                                طاسة الخضه

                                Comment

                                Working...
                                X