ميه حمراء للردياتير hepu

[windofchange]

السلام عليكم احسن ناس........دلوقت انا هفضي الردياتير خالص وهملاه من جديد فجبتله مياه حمراء نوعها hepu ووده اللي موصي بيه للعربية بس 1.5لتر عامله 60 جنيه ودورة التبريد عندي بتاخد 4لتر فصاحب المحل بيقللي بتزود مياه مقطرة الكلام ده صح ولا للأسف اجيب 3 ازايز تاني واملي الردياتير بيهم ارجو سرعة الرد وجزاكم الله خير

[karimfahmy99]

امسك العصاية من النص . هات علبة كمان و عادى زود ميية مقطرة مفيش مشكلة . و احتمال ال علبتين يكفوا من غير زوادة لان التفريغ مش كامل و بيبقى لسة فى ميية فى الموتور

[nab!l]

امسك العصاية من النص . هات علبة كمان و عادى زود ميية مقطرة مفيش مشكلة . و احتمال ال علبتين يكفوا من غير زوادة لان التفريغ مش كامل و بيبقى لسة فى ميية فى الموتور

الهيبو مركز
ولزج وبيتزود بمياه عاديه فعلا

[M.Mostafa80]

كلام الراجل هتلاقيه مكتوب على العلبه الهيبو اللى انت جبتها وكلامه صح مش غلط

[John_Samy_1]

هو حضرتك جبتها منين أو الاقيها فين في القاهرة؟

[windofchange]

هو مش مكتوب عالعلبة موضوع التخفيف بمياه مقطرة يامحمد ....جون باشا هي بتباع عند بتوع قطع الغيار بتوع مجموعة فولكس انا جبتها 1.5لتر ب60 جنيه وانا فالحرفيين انهارده لقيتها ب35جنيه!!!! مش عارف بقي ام 35 مضروبة ولا اصليه

[Adham]

هات علبة كمان و عادى زود ميية مقطرة مفيش مشكلة . و احتمال ال علبتين يكفوا من غير زوادة لان التفريغ مش كامل و بيبقى لسة فى ميية فى الموتور

كدة يبقى تركيزة عالي و غلط عالموتور ممكن يسبب تآكل في الجوانات و الخراطيم و وش السلندر

صاحب المحل بيقللي بتزود مياه مقطرة الكلام ده صح ولا للأسف اجيب 3 ازايز تاني واملي الردياتير بيهم ارجو سرعة الرد وجزاكم الله خير

+ 1اعتقد صح

كلام الراجل هتلاقيه مكتوب على العلبه الهيبو اللى انت جبتها وكلامه صح مش غلط

+1 اقرا اللي مكتوب عالعلبة

هو مش مكتوب عالعلبة موضوع التخفيف بمياه مقطرة يامحمد ...

لازم يكون مكتوب اقراة كويس ولو الانجليزي بتاعك مش قوي شوف احد اصدقائك او جيرانك يقراة و يقولك مش عيب احسن ما تضر العربية

بيكتب و بيقولك ان العبوة تكفي لحد كذا لتر او جالون مياة يبقى تضبط من النسبة دي علشان الايثيلين جليكول لو زيادة بيسبب تآكل زيادة للاجزاء الداخلية

[John_Samy_1]

هو مش مكتوب عالعلبة موضوع التخفيف بمياه مقطرة يامحمد ....جون باشا هي بتباع عند بتوع قطع الغيار بتوع مجموعة فولكس انا جبتها 1.5لتر ب60 جنيه وانا فالحرفيين انهارده لقيتها ب35جنيه!!!! مش عارف بقي ام 35 مضروبة ولا اصليه

لأ يا معلمي غالبا مضروبة, أنا بشوف في كارفور وبنزينات مية حمرا ( ألوان للصبح ) ب30 جنيه. بس على فكرة المية المقطرة صح عشان أنا عملولي كده في التوكيل ( وديه ناس بتستهبل عشان تاخد فلوس ) هي فعلا بتتزود مية مقطرة.
بيتكلموا عليها هنا في ماواتير فولكس VW Coolant - VW Engine Coolant - Pink Red VW Coolant

[windofchange]

بس انا بتكلم علي hepu وده الماني فعلا كانت ب60 جنيه من محل في شارع الأربعين متفرع من جسرالسويس ونفس الماركة فمحل تاني فالحرفيين ب35 جنيه لأن عنده زيوت وكذا حاجة تاني اسعارها غريبة يعني مثلا شيل اصفر 4 لتر مش عارف الترا ولا هيلكس بيتباع ب100 جنيه
بص يااستاذ ادهم مكتوب بالظبط
the coolant additive must be at least 40%(frost protection up to -25C) it shouldn't exceed 60%( (frost protection up to -40C.Before replenshing use the tester to check proportion of antifreeze in the coolant.
Übersicht | Willkommen | Willkommen | HEPU | Made in Germany

معني الكلام اللي فهمته انه ملوش علاقة بالتخفيف بمياه مقطرة

[karimfahmy99]

فى معلومة احب اتاكد منها . فى مياة ردياتير موجودة فى مصر و بتتباع و الانأح انها مواصفات اوروبى مش شرق اوسطى يعنى مياة تساعد على عدم التجمد و تساعد على سرعة سخونة الميية . و دا نوع غلط وضعة عندنا او حتى استيرادة . ربنا يستر علينا . حد عندة علم بالمضوع دا ؟؟؟

عشان كدة انا بفضل اشترى المصنع فى مصر او دولة عربية سواء السعودية او الامارات

[Adham]

بس انا بتكلم علي hepu وده الماني فعلا كانت ب60 جنيه من محل في شارع الأربعين متفرع من جسرالسويس ونفس الماركة فمحل تاني فالحرفيين ب35 جنيه لأن عنده زيوت وكذا حاجة تاني اسعارها غريبة يعني مثلا شيل اصفر 4 لتر مش عارف الترا ولا هيلكس بيتباع ب100 جنيه
بص يااستاذ ادهم مكتوب بالظبط
the coolant additive must be at least 40%(frost protection up to -25C) it shouldn't exceed 60%( (frost protection up to -40C.Before replenshing use the tester to check proportion of antifreeze in the coolant.
Übersicht | Willkommen | Willkommen | HEPU | Made in Germany

معني الكلام اللي فهمته انه ملوش علاقة بالتخفيف بمياه مقطرة

بص ياباشا, اولا عمرك ما تشتري زيت و لا اي حاجه من المحلات اللي بتشتغل بيع زيوت دي لان كل حاجتهم مضروبة
انا مرة باشتري علبة زيت باور ATF ماركة ABRO لقيت مكتوب على حرف الستيكر الورق اللميع اللي على العلبة بالضبط: C:/my ............../ashraf/abro.jbg
بخط صغير جدا على الورقة من الجنب بطول الستيكر

هو الخواجة ابرو عندة واحد اسمة اشرف بيطبعلة الستيكرات !!!!!!!!!

المهم بقى يا سيدي الفاضل الترجمه بتقولك : إن اضافة التبريد دي مفروض تكون عالأقل40% من حجم دورة التبريد (تديك حماية من التجمد حتى درجه -25 تحت الصفر برررر) و مفروض الا تتجاوز النسبة ال 60% (حماية من التجمد حتى -40 تحت الصفر بررررررررررررر) و قبل الاستعواض استخدم جهاز اختبار لمدى ملائمة مانع التجمد في سائل التبريد

يعني بالبلدي كدة المياة دي للدول اللي فيها تلج

ريح انت بالك و حط نص الردياتير من الجركن و النص من المياة المقطرة يعني 50% و 50% علشان لو المعايرة مش دقيقة تبقى في حدود المسموح 40-60% لان اكتر من ال 60% غلط زي ما هما بيقولوا

و ان كنت ارى ان دة لمنع التجمد و انما هنا يكفي قوي ال 40% و الباقي مياة (ماهو لازم يتخفف بمياة بس هما مش قايلينها صراحه بس ما هو حايتخفف باية يعني) بس طبعا علشان احنا دولة متخلفة و مياة الحنفيات كلها رواسب و املاح الافضل ان تزود يا بمياة من فلتر المياة (ال6 مرحلة بتاع البيت يبقى استاذ لأنة بيشيل الاملاح تماما) يا اما مياة مقطرة , يا تكبر الدماغ و مياة الحنفية اللي الناس بتشربها ماهو العربية مش احسن من عامه الشعب ههههههههه

فى معلومة احب اتاكد منها . فى مياة ردياتير موجودة فى مصر و بتتباع و الانأح انها مواصفات اوروبى مش شرق اوسطى يعنى مياة تساعد على عدم التجمد و تساعد على سرعة سخونة الميية . و دا نوع غلط وضعة عندنا او حتى استيرادة . ربنا يستر علينا . حد عندة علم بالمضوع دا ؟؟؟

عشان كدة انا بفضل اشترى المصنع فى مصر او دولة عربية سواء السعودية او الامارات

ايوة هوة دة الكلام الصح, المياة اللي فيها انتي فريز و بس دي مانعة لتجمد الماء علشان البلاد اللي فيها تلج في الشتاء و مش مفيدة عندنا (زي اللي مكتوب فوق ان النسبة 40% من الدورة لمنع التجمد حتى 25 درجه تحت الصفر و ترفع النسبة ل 60% لمنع التجمد حتى 40 درجه تحت الصفر

المهم عندنا مياة فيها موانع للصدأ و فيها رافع لحرارة الغليان (اثيلين جليكول) و فيها مزيتات للاجزاء المتحركة (طلمبة المياة و الثرموستات)

[ehab_mansour]

عي فكرة انا حاليا بزود مياة التبريد عندي بمياة مقطرة الخارجة من التكييف لأنها خالية تمام من الأملاح وهو ده اهم شيء فيها وكله زي الفل والحمد لله
نسب التركيز المكتوبة عليها زي ما علق الأخوة فائدتها هو تقليل درجة حرارة التجمد للماء ليتناسب مع درجات الحرارة في اوروبا في الشتاء والتي تقل عن الصفر بقليل وده غير مطلوب عندنا نهائيا وليس له فائدة

وارجو منكم لو حد عنده فكرة ايه هي المادة التي توضع في الماء لتزييت طلمبة المياة يقلنا لأني غير مقتنع بوجود مركب نضعه ف الماء ويختلط به ويعمل علي تزييت الطلمبة والثرموستات

[Adham]

علي فكرة انا حاليا بزود مياة التبريد عندي بمياة مقطرة الخارجة من التكييف لأنها خالية تمام من الأملاح وهو ده اهم شيء فيها وكله زي الفل والحمد لله

انا كنت باعمل كدة زمان و كانت تمام فعلا

كانوا فاتحين موضوع هنا في المنتدى اول امس و ناس كتير اعترضت ان مياة درين التكييف مش نقية و فيها املاح و تراب و فطريات و بكتريا و طين و انها اشبة بمياة المجاري

http://www.nilemotors.net/Nile/170200-a-3.html

بس انا مقتنع انها نقية (ماء تكثف بخار الماء في الجو) وخالية من الاملاح او عالاقل افضل من مياة حنفيات بلدنا الجميلة بالنسبة للسيارات مش للشرب

و ربما للشرب ايضا هههههههههه

وارجو منكم لو حد عنده فكرة ايه هي المادة التي توضع في الماء لتزييت طلمبة المياة يقلنا لأني غير مقتنع بوجود مركب نضعه ف الماء ويختلط به ويعمل علي تزييت الطلمبة والثرموستات

الجلسرين

بيختلط و بيذوب في المياة و بيزيت الطلمبة و الترموستات

[windofchange]

بص ياباشا, اولا عمرك ما تشتري زيت و لا اي حاجه من المحلات اللي بتشتغل بيع زيوت دي لان كل حاجتهم مضروبة
انا مرة باشتري علبة زيت باور ATF ماركة ABRO لقيت مكتوب على حرف الستيكر الورق اللميع اللي على العلبة بالضبط: C:/my ............../ashraf/abro.jbg
بخط صغير جدا على الورقة من الجنب بطول الستيكر

هو الخواجة ابرو عندة واحد اسمة اشرف بيطبعلة الستيكرات !!!!!!!!!

المهم بقى يا سيدي الفاضل الترجمه بتقولك : إن اضافة التبريد دي مفروض تكون عالأقل40% من حجم دورة التبريد (تديك حماية من التجمد حتى درجه -25 تحت الصفر برررر) و مفروض الا تتجاوز النسبة ال 60% (حماية من التجمد حتى -40 تحت الصفر بررررررررررررر) و قبل الاستعواض استخدم جهاز اختبار لمدى ملائمة مانع التجمد في سائل التبريد

يعني بالبلدي كدة المياة دي للدول اللي فيها تلج

ريح انت بالك و حط نص الردياتير من الجركن و النص من المياة المقطرة يعني 50% و 50% علشان لو المعايرة مش دقيقة تبقى في حدود المسموح 40-60% لان اكتر من ال 60% غلط زي ما هما بيقولوا

و ان كنت ارى ان دة لمنع التجمد و انما هنا يكفي قوي ال 40% و الباقي مياة (ماهو لازم يتخفف بمياة بس هما مش قايلينها صراحه بس ما هو حايتخفف باية يعني) بس طبعا علشان احنا دولة متخلفة و مياة الحنفيات كلها رواسب و املاح الافضل ان تزود يا بمياة من فلتر المياة (ال6 مرحلة بتاع البيت يبقى استاذ لأنة بيشيل الاملاح تماما) يا اما مياة مقطرة , يا تكبر الدماغ و مياة الحنفية اللي الناس بتشربها ماهو العربية مش احسن من عامه الشعب ههههههههه



ايوة هوة دة الكلام الصح, المياة اللي فيها انتي فريز و بس دي مانعة لتجمد الماء علشان البلاد اللي فيها تلج في الشتاء و مش مفيدة عندنا (زي اللي مكتوب فوق ان النسبة 40% من الدورة لمنع التجمد حتى 25 درجه تحت الصفر و ترفع النسبة ل 60% لمنع التجمد حتى 40 درجه تحت الصفر

المهم عندنا مياة فيها موانع للصدأ و فيها رافع لحرارة الغليان (اثيلين جليكول) و فيها مزيتات للاجزاء المتحركة (طلمبة المياة و الثرموستات)

جزاك الله خير يا استاذ ادهم بس زي ماقلت ان دورة التبريد عندي بتاخد 4 لتر مياه(ايبيزا99 1000سي سي) وانا جايب مياه حمراء hepu ودي لتر ونصف انت بتقول احط نصف المياه بس لو حطينا 1.5لتر مياه حمراء نكمل الباقي بمياه مقطرة ولا ايه ياريت تفهمني ليه احط نصف الجركن(ولا المعايرة النص يبقي الجركن كله)؟؟وفعلا انا حسيت انو مضروب الحاجات اللي بيبعها حاجات غريبة صراحة يعني زيت فرامل بتاع مجموعة فولكس اللي هو العلبة الزرقاء المحل مش شكله يقدر يجيب الحاجات الأصلي دي بس الله اعلم يعني بيقللي الجركن الأحمر hepuابو 60 جنيه هو بيبعها ب35 جنيه وبيقللي بتاع الأربعين بيكسب 25 جنيه فيها الله اعلم لو لفيت شويه هجيبلكم سعرها الحقيقي ممكن يكون 35 جنيه!!!

[Adham]

جزاك الله خير يا استاذ ادهم بس زي ماقلت ان دورة التبريد عندي بتاخد 4 لتر مياه(ايبيزا99 1000سي سي) وانا جايب مياه حمراء hepu ودي لتر ونصف انت بتقول احط نصف المياه بس لو حطينا 1.5لتر مياه حمراء نكمل الباقي بمياه مقطرة ولا ايه ياريت تفهمني ليه احط نصف الجركن(ولا المعايرة النص يبقي الجركن كله)؟؟وفعلا انا حسيت انو مضروب الحاجات اللي بيبعها حاجات غريبة صراحة يعني زيت فرامل بتاع مجموعة فولكس اللي هو العلبة الزرقاء المحل مش شكله يقدر يجيب الحاجات الأصلي دي بس الله اعلم يعني بيقللي الجركن الأحمر hepuابو 60 جنيه هو بيبعها ب35 جنيه وبيقللي بتاع الأربعين بيكسب 25 جنيه فيها الله اعلم لو لفيت شويه هجيبلكم سعرها الحقيقي ممكن يكون 35 جنيه!!!

رأي الشخصي لو انا مكانك حاعمل التالي :

1- اغسل و افضي دورة التبريد و احط الجركن و اكمل مياة من الفلتر او مقطرة

2- مش حاجيب المياة دي تاني علشان دي لمنع التجمد و حاشوف حاجة تنفع مع الجو الحار افضل حالف شوية و حاقرا المكتوب عالعبوات و اقرر

انا على طول باجيب الكوولرCoolerالامريكاني و دة علبة بيضة معدنية صاج شبة علبة السمنة الصغيرة النص كيلو و مكتوب عليها كوولر ب التركواز

Cooler made in USA

و عمري ما باشتري اي مياة من اللي بتيجي متعبية في جركن بلاستيك شفاف و بيسموها مياة سعودي

علشان دي كلها مضروبة و حامية و بتسخن العربية

و عملتها معايا في الهوندا اللي عمرها ما سخنت مني الا يوم ماجربت الجركن السعودي دة

و لا هو سعودي و لا اسيوطي و لا نيلة دي مياة و لون و شوية صابون سائل باين