ميه حمراء للردياتير hepu

[M.Mostafa80]

لو حسبت النسبه اللى بنتكلم عنها هتلاقيها 1.6 من 4 يعنى تقريبا لتر ونص يعنى كلام الراجل مظبوط

[John_Samy_1]

بس انا بتكلم علي hepu وده الماني فعلا كانت ب60 جنيه من محل في شارع الأربعين متفرع من جسرالسويس ونفس الماركة فمحل تاني فالحرفيين ب35 جنيه

اللي بـ35 جنيه ديه هي اللي مضروبة. وفي التوكيل لما المية بتنقص حبة بسيطة بيزودها مية مقطرة. بس معرفش النسبة بينهم بتكون اد إيه.

[semsem_inside]

بص .. أنا بصراحة زهقت واحترت كتير فى موضوع مياه الرادياتير

يعنى مثلا تلاقى ناس تقولك المياه الخضراء غلط على جوان وش السلندر
ومتعرفش ايه الفرق بين المياه الخضراء والحمراء ناس كتير تقولك ده مجرد لون وخلاص وفريق تانى بيقول دى تستخدم لنوع معين من المواتير والاخرى لنوع تانى

شوف أنا علشان اشترى دماغى اشتريت جركن مياه خضراء موبيل وغيرت بيه المياه بتاع الردياتير وفاض منه جزء بسيط ولما بحب ازود مياه بزود مياه مقطرة

يعنى من الآخر انا اعتبرت ان موضوع المياه الخضراء لون والمياه المقطرة مفيش حد اختلف عليها انها تؤدى نفس الغرض فى جو بلادنا

[windofchange]

هو طلع حاجة غلط معلش الدورة بتاخد 5,6 لتر مش4 لتر زي ماقلت في الأول...وبعدين في حاجة نسيناها بعيدا عن المياه المقطرة ان المياه الحمراء او الخضراء او الزرقاء بيرفعوا درجة غليان المياه الطبيعية اللي هي 100 سيلزيوس ل 120 والله اعلم بس ده مهم في تبريد الموتور جدااااا وعندي عقربة التزويد مكتوب نوع المياه اللي المفروض احطها g12 ودي الحمراء والعربية ايبيزا من اسبانيا يعني الجو حر عندهم برده ولا ايه وشكرا لكل اللي ردوا في ميزان حسناتهم ان شاء الله

[windofchange]

لو حسبت النسبه اللى بنتكلم عنها هتلاقيها 1.6 من 4 يعنى تقريبا لتر ونص يعنى كلام الراجل مظبوط

ممكن توضح اكتر يامحمد بس من تاني لأنو طلع بتاخد 5,6 لتر مش 4لتر زي مقلت فالأول دورة التبريد يعني احط الجركن 1,5 مياه حمراء واجيب واحد كمان واحط جزء منه بعدين ازود مياه مقطرة ولا ايه

[M.Mostafa80]

البديل ل g12لو مش موجوده هى الهيبو ومن الأخر حط الأزازه اللتر ونص وزود مياه مقطره انا عامل كدا فى عربيتى اللى هى بولو بنت عم عربيتك اللى خارجه من نفس المصنع وتقريبا نفس المواصفات بس انا اللى عدلتها ل 1400 16 صباب وبردو عملت نفس الحركه حطيت واحده لتر ونص وخدت حوالى اربع أزايز مياه مقطره وتابعها كل ما تنقص زودها مياه مقطره لحد ما يعدى عليها سنه تقوم منزل اللى فيها وتعمل نفس الموضوع تانى ولو انت من المعتنين قوى بعربيتهم يبقى اعمل الحركه دى كل 6 شهور وانسى جوان وش السلندر وانسى الزنه مدام مروحتك سليمه وميتك مظبوطه
واى حاجه تانيه بتاعت ربنا

[M.Mostafa80]

مكررررررررررررررررررررررررررر

[audi]

النسب موجودة على العلبة وعلى فكرة النسب حتلاقيها فى مربعات لونها اصفر مثال حراره 25 هيبو 40% مياه60%

[asamy67]

على حد علمي انه من الأفضل عدم تقليل تركيز الاضافة علشان تعمل بكفاءة عند درجات الحرارة العاليه

[beshomilan]

طب انا ليا سؤال ليكم لوسمحتم
انا عربيتى اكسيل 1500 سى سى حطيتلها مية خضرا جركن ب 25 جنيه وزودتها مية عادية (مش عارف هى المية العادية هى المية المقطرة اللى بتتكلموا عنها ولا لا) ؟؟
المهم سخنت الموتور مرة ومحصلش حاجة بعديها
بس انا سئلت قالولى المية الخضرا اللى انت جايبها دى سيئة جدا وعاملة زى مية النار ومتشتريهاش تانى وهات مية خضرا موبيل او المانى مش فاكر
فانا دلوقتى مش عارف اعمل ايه اشيل القديمة عشان متخربش الدنيا واحط الجديده؟؟؟
والمفروض المية الخضرا بتتغير او بتتزود كل قد ايه
معلش اعذرونى انا ميح خالص فى العربيات

[windofchange]

البديل ل g12لو مش موجوده هى الهيبو ومن الأخر حط الأزازه اللتر ونص وزود مياه مقطره انا عامل كدا فى عربيتى اللى هى بولو بنت عم عربيتك اللى خارجه من نفس المصنع وتقريبا نفس المواصفات بس انا اللى عدلتها ل 1400 16 صباب وبردو عملت نفس الحركه حطيت واحده لتر ونص وخدت حوالى اربع أزايز مياه مقطره وتابعها كل ما تنقص زودها مياه مقطره لحد ما يعدى عليها سنه تقوم منزل اللى فيها وتعمل نفس الموضوع تانى ولو انت من المعتنين قوى بعربيتهم يبقى اعمل الحركه دى كل 6 شهور وانسى جوان وش السلندر وانسى الزنه مدام مروحتك سليمه وميتك مظبوطه
واى حاجه تانيه بتاعت ربنا

زنه ايه يا محمد باشا؟