حد غير زيت الفرامل قبل كده ياشباب ؟؟؟

[Mohab555]

السلام عليكم ورحمة الله وبركاته

----------------------------
امبارح كنت مع واحد صحبى لسه عامل صيانة للعربية بتاعتوا وبالصدفة قالى انا غيرت زيت الفرامل و الفرامل بقت من ساعتها اكن العربيه زيرو !! بقولوا انا عندى فى العربية مجتش ناحية قربه زيت الفرامل من ساعه ما جبتها ... بعمل تشك عليها فى الصيانات و خلاص !! قالى ان ده غلط و ان زيت الفرامل لازم يتغير كل سنتين او 40 الف كم ..علشان زيت الفرامل مع الوقت و الاستخدام الخواص بتاعته بتتغير و مش بيدى الاداء زى الاول !!
صحبى غير الزيت و حط زيت لكوى مولى DOT 4 العلبة ب 15 جنية و العربية خادت علبتين ..



ايه رأيكم يا شباب ؟؟؟
حد جرب الموضوع ده قبل كده ؟؟

[Samir Elshahawy]

الكلام ده صحيح
في كتالوج معظم العربيات بتلاقي نصح بتغيير الزيت علي فترات متقاربة في الحالات التالية :
- أرتفاع درجات حرارة الجو
- أذا كانت طبيعة الطرق تستدعي أستخدام مستمر للفرامل في حالة الطرق الجبلية ذات المنحدرات الحادة

- زيت الهيدروليك يجب تغييره بعد فترة لأنه يتعرض لفقد خواصه بعد فترة خاصة اذا أرتفعت درجة حرارته
- أيضا في حالة تغير لون الزيت من الأحمر الي الاسود فهذا دليل علي تأكل السيل و أتساخ الزيت من الرواسب قيستدعي تغييره و الكشف علي الأويل سيل

[Kareem Fawzy]

مغيرتهوش بس بما ان الموضوع كدة هغيره على ال50 الف بقا ان شاء الله
شكراً على النصيحة

[Dr_Smart]

انا سالت في التوكيل في صيانة ال 40 الف على تغيير زيت الفرامل ( بما انه مكتوب في الكتالوج )

حذروني من تغييره ورفضو يغيروه بحجة انه لو اتغير فيه حاجات في منظومة الفرامل ممكن تبوظ ولازم تغيرها معاه !!!!!

طبعا كلام غريب وعجيب !!! مش عارف اعمل ايه

العربيه suzuki sx4 2009

[yoko]

انا سالت في التوكيل في صيانة ال 40 الف على تغيير زيت الفرامل ( بما انه مكتوب في الكتالوج )

حذروني من تغييره ورفضو يغيروه بحجة انه لو اتغير فيه حاجات في منظومة الفرامل ممكن تبوظ ولازم تغيرها معاه !!!!!

طبعا كلام غريب وعجيب !!! مش عارف اعمل ايه

العربيه suzuki sx4 2009

هو مفيش غير رد واحد بس مينفعش يتقال على المنتدى لإن ترك الزيت فتره كبيره هو الي هيبوظ أجزاء الفرامل

روح غيره بره

[S O P H O S]

متابع

[ahmedsamir5edr]

صاحبك جاب الليكوي مولي منين ؟

[Ahmod]

انا جبت زيت فرامل الماني dot4 برضوا

ومكتوب في الكتالوج بتاع العربية انه يتغير زيت الفرامل عند 40 الف كيلو او 48 شهر ايهما اقرب

ولسه ماغيرتوش ! بس غيرت طقم تيل امامي وخلفي والفرامل برضوا لسه محتاجة تتظبط ! فحاسس انها من الزيت

[REHAN84]

انا عامل 70000 ولسة مغيرتوش كده هتخلوني اروح اغيرة ومنكم نستفيد

[REHAN84]

هو ممكن اي حد بتاع زيت ممكن يغيرة ولا لازم ميكانيكي

[sasa79]

انا عندى فى كتالوج اللانوس زيت الفرامل يتغير كل 30000 كم بزيت dot3 او dot4

[yoko]

هو ممكن اي حد بتاع زيت ممكن يغيرة ولا لازم ميكانيكي

أي حد بس يكون فاهم هو بيعمل إيه
هتلاقي فيديوهات على اليوتيوب شوفها قبل ما ترحله عشان تبقى متابع هو بيعمل إيه

[m7mda7md]

انا نفسي اغيره بس مكسل الصراحه
صنايعيه و بلد يسدوا النفس
مبرووووووووك الماسي يا يوووووووووكوووووووووووووو

[yoko]

انا نفسي اغيره بس مكسل الصراحه
صنايعيه و بلد يسدوا النفس
مبرووووووووك الماسي يا يوووووووووكوووووووووووووو

انا ماسي من زمااااااان (حوالي سنه)
هيا المنسق الي إتشالت

وغير الزيت بنفسك (انا مستني الزيت يجي من بره عشان أغيره تحت البيت)

[m7mda7md]

انا ماسي من زمااااااان (حوالي سنه)
هيا المنسق الي إتشالت

وغير الزيت بنفسك (انا مستني الزيت يجي من بره عشان أغيره تحت البيت)

ايييييييييييييييوه صح هههههههههههههههه
همه ال وقعوني في الفخ
هو ينفع اغيره بنفسي
انا كنت فاكر لازم حوارات و مركز خدمه
لو كده يبقي استنوا التقرير قريب ان شاء الله
هنطلق ع اليوتيوب