حد غير زيت الفرامل قبل كده ياشباب ؟؟؟

[BUNSH]

اسألهم الاول وقولهم انك قريت فى المانيوال بتاع العربيه ان المفروض يتغير وشوف رأيهم ايه

هبقى اسألهم كدة ونشووووووووف دنيااا فيها اى مع انى متأكد انهم هيقووووووول دة فابريقة يااابية وخسارة تغيرة وكلام هرت اللى احنا عارفينوووا !
ونسيت اشكر مهاااااب بك على طرح موضوع .

[Ahmod]

خلاص يا جماعة بما اني كدة كدة مشتري الزيت

هغيره بكرة او بعده بالكتير وهقلكم النتيجة والفرق قبل وبعد وان شاء الله خير

[A.Saad]

التغيير المفترض يشمل الزيت فى الخزنة والمواسير المتصلة للاربع عجلات
يعنى يفضى من الاربعة ماستر

[muslim_nsb]

أنا سألت قبل كده واحد بتاع تيل فرامل ميكانيكي يعني وقلتله على حوار تغيير زيت الفرامل لأنه عندي شكله محرووووووووووووووووووووق خالص
راح قلي بلاش تغيره احسن الفرامل تاخد هواء
ياترى هلى هذا الكلام صحيح ولا ممكن يتغير بطريقه صح بدون ماتاخد الفرامل هواء
وايه افضل أنواع زيت الفرامل

[yoko]

أنا سألت قبل كده واحد بتاع تيل فرامل ميكانيكي يعني وقلتله على حوار تغيير زيت الفرامل لأنه عندي شكله محرووووووووووووووووووووق خالص
راح قلي بلاش تغيره احسن الفرامل تاخد هواء
ياترى هلى هذا الكلام صحيح ولا ممكن يتغير بطريقه صح بدون ماتاخد الفرامل هواء
وايه افضل أنواع زيت الفرامل

الي يقولك لو غيرت زيت فرامل ياخد هوى يبقى هو ميكانيكي كفته

[A.Saad]

لو الفرامل خدت هوا
ممكن يتاخد منها
الا لو جالها نزلة برد حسب كلام الميكانيكى - سابقاً - اللى كلمك

[Dr_Smart]

هو مفيش غير رد واحد بس مينفعش يتقال على المنتدى لإن ترك الزيت فتره كبيره هو الي هيبوظ أجزاء الفرامل

روح غيره بره

ما انا اتصدمت بالرد الصراحه .. ده كان كلام مهندس الاستقبال ... وبعدين لقيت المهندس اللي في الورشه جوه - انا عارفه - سالته تاني قدام مهندس الاستقبال قامو بصو لبعض باستغراب وقالي نفس الكلام نصيحه بلاش تغيره فيه حاجات ممكن تبوظ ( بلوف ومش عارف ايه تاني ) والمفروض نغيرهم مع الزيت ... وبلاش تقرب جنب الفرامل وماتخليش حد بره يلعبلك فيها

قلتله زيت الفرامل حسب الكتالوج dot 3 مش نوع اسبيشيال ولا حاجه ويتغير كل سنتين او 30 الف كيلو ومش مكتوب اي تحذير والموضوع مجرد صيانه دوريه ... لو مغيرتوش هسيبه لغاية امتى يعني ؟؟؟؟

بصلي ببؤس واحباط وماردش عليا .. وشويه وكان هيعيط ... وقالي بلاش تغيره يا دكتور

[ahmed_mido1889]

اولا وزن السائل بيفرغ جزء من الهواء

علشان كده بنفتح لاكور الهوا ينزل منه الزيت القديم

وبعد ما تفتح اخر لاكور وتخلص بتاخد هوا من الاربع عجلات

وبتبدي بالفرده اليمين ورا في فتح اللاكور وبتنتهي بالشمال قدام

علشان اليمين ورا ابعد فرده

[Ahmod]

يا جماعة انا فعلا عندي الفرامل في الكفتة خالص ! اكني لا غيرت طقم تيل ولا نيلت اي حاجة !

مع اني جايب تيل امامي وخلفي اصلي من التوكيل وكلي امل ان الفرامل تتظبط ولكن للاسف لسه زي ماهي ! فيه بوش جامد اوي في الفرامل تحس ان الدواسة ساقطة لتحت والاستجابة بتاعتها ضعيفة الى غير بقى زحف السنين مع اي فرملة !

فانا هغير الزيت ويارب الموضوع يجيب نتيجة لان مقداميش حل غير كدة !

[A.Saad]

يا جماعة انا فعلا عندي الفرامل في الكفتة خالص ! اكني لا غيرت طقم تيل ولا نيلت اي حاجة !

مع اني جايب تيل امامي وخلفي اصلي من التوكيل وكلي امل ان الفرامل تتظبط ولكن للاسف لسه زي ماهي ! فيه بوش جامد اوي في الفرامل تحس ان الدواسة ساقطة لتحت والاستجابة بتاعتها ضعيفة الى غير بقى زحف السنين مع اي فرملة !

فانا هغير الزيت ويارب الموضوع يجيب نتيجة لان مقداميش حل غير كدة !

خد هوا
رجلش الخلفى وما تعتمدش هنا على ان فرامل اليد ليها تكات

[Dr_Smart]

خد هوا
رجلش الخلفى وما تعتمدش هنا على ان فرامل اليد ليها تكات

+1

الكاوتش عندك اخباره ايه ؟

[Ahmod]

خد هوا
رجلش الخلفى وما تعتمدش هنا على ان فرامل اليد ليها تكات

طب مانا لسه مغير التيل الخلفي ؟ برضوا بتحتاج رجلاش ؟ حتى مع تغيير التيل .؟

ومش فاهم حضرتك تقصد ايه ان فرامل اليد ليها تكات ؟

+1

الكاوتش عندك اخباره ايه ؟

لسه جايبه جديد ماكملش معايا 10 الاف كيلو تقريبا

بس هي الفرامل اول ماجبته كانت تمام بعد كدة بقى حالتها في الضياع

[Mohab555]

خلاص يا جماعة بما اني كدة كدة مشتري الزيت

هغيره بكرة او بعده بالكتير وهقلكم النتيجة والفرق قبل وبعد وان شاء الله خير

طب على بركه الله ناوى تغير امته ؟؟ لما تغيره قولنا بقه علشان نطمن عليك ونعرف ايه الاخبار بعد االتغيير ..

[Ahmod]

طب على بركه الله ناوى تغير امته ؟؟ لما تغيره قولنا بقه علشان نطمن عليك ونعرف ايه الاخبار بعد االتغيير ..

في خلال الاسبوع ده ان شاء الله

[A.Saad]

فرامل اليد ليها تكات
ارفعها بالراحة وتسمع التكات
بتعرف انها مظبوطة اما تلاقى عدد التكات - عادة بين 6 او 7 - وصوتها واضح


الرجلاش مع تغيير التيل
المفروض ان اللى رحت له بعد التركيب بيرجلش

جرب لو تروح للبلبيسى اللى عند سنترال النزهة
هو شغله كويس
بس خليه هو اللى يشتغل او هانى
وهو صنايعى شاطر
بس فتاى من الناحية العلمية