مياة الردياتير

[ramy_gamal]

استفسار صغير لو انا حاطط ميه من الحنفيه ممكن يخلى حرارة العربيه اعلى من الطبيعى ؟
انا من ساعه ماجبت العربيه كنت حاطط ميه امريكانى المهم اخر مرة لما غيرت كوعه الميه ولغيت السخن حطيط ميه من الحنفيه لان مكانش معايا ميه خضراء فى العربيه من ساعتها لما اسافر المؤشر بيكون اعلى سنه من الطبيعى وطبعا بان اكتر مع الحر الجامد والتكييف لكن جوة البلد مش فارقه
هلى الموضوع موضوع ميه ولا حاجه تانيه؟

[shawkylotfy]

اعلى من ال 90 يعنى ؟

[Mohamed_Nafie]

اللي حضرتك بتعمله ده غلط جدا .. الميه اللي من الحنفيه فيها املاح كتيرة .. والاملاح معروف إنها عازل حراري عالي ... كده الرداتير لازم ينظف اول باول والمواسير ممكن تتسد انسداد بسيط .. الافضل إنك تشتري جركن مية تبريد زي Total أو Mobil مثلا ..

غير كده الميه العاديه اللي فيها املاح بتبخر بدري على 95 درجه .. عكس الميه بتاعت الشركات الماده الكيماويه اللي فيها بتزود درجة حرارة التبخر فوق ال 100 ..

[ramy_gamal]

اعلى من ال 90 يعنى ؟

مش بتعدى ال 90 بس وانا مسافر بيبقى المؤشر اقل من ال 90 دلوقتى المؤشر اعلى شويه

[ramy_gamal]

اللي حضرتك بتعمله ده غلط جدا .. الميه اللي من الحنفيه فيها املاح كتيرة .. والاملاح معروف إنها عازل حراري عالي ... كده الرداتير لازم ينظف اول باول والمواسير ممكن تتسد انسداد بسيط .. الافضل إنك تشتري جركن مية تبريد زي total أو mobil مثلا ..

غير كده الميه العاديه اللي فيها املاح بتبخر بدري على 95 درجه .. عكس الميه بتاعت الشركات الماده الكيماويه اللي فيها بتزود درجة حرارة التبخر فوق ال 100 ..

انا فاهم كلامك بس ساعتها مكنش فى حد عندة ميه خضراء.... المهم هو دة السبب ولا فى حاجه تانيه

[Mohamed_Nafie]

مينفعش أحكم .. لازم حضرتك تجرب ميه خضره في نفس الموقف وحضرتك مسافر .. عشان نعرف المشكلة من الميه ولا في حاجة تانيه :)

[albasha]

بأي حال غير المياه لمياه خضرا أو حمراء وريح بالك لإن فعلاً المياه عليها عامل كبير

[S O P H O S]

مش صعبة اوي ارجع بس للمياه الخضراء
افضل للحرارة ولدورة التبريد عموما

[shawkylotfy]

قصدك وانت بتجرى بالعربية الحرارة بقت اعلى من ال 90 ؟

[ramy_gamal]

قصدك وانت بتجرى بالعربية الحرارة بقت اعلى من ال 90 ؟

لما بجرى بالعربيه الحرارة كانت اقل من التسعين مثلا بشرطه كبيرة دلوقت بلاقيها بين شرطه ال 90 واللى قبليها وساعات تدخل على ال 90 بس مش بتعديها

[shawkylotfy]

لما بجرى بالعربيه الحرارة كانت اقل من التسعين مثلا بشرطه كبيرة دلوقت بلاقيها بين شرطه ال 90 واللى قبليها وساعات تدخل على ال 90 بس مش بتعديها

دة علشان انت لغيت السخن فدورة التبريد ودورن المية قلت بس عادى وانا فهمت من كلامك انك شايل ثرموستات الكوعة على العموم هو المفروض اصلا ان الحرارة متزدتش على 90 ومتقلش بس عادى ولا تشغل دماغك وكبر الدى وعلى الجى والعربية تمام ومتخليش دماغك تودى وتجيب على شىء طبيعى

[ramy_gamal]

دة علشان انت لغيت السخن فدورة التبريد ودورن المية قلت بس عادى وانا فهمت من كلامك انك شايل ثرموستات الكوعة على العموم هو المفروض اصلا ان الحرارة متزدتش على 90 ومتقلش بس عادى ولا تشغل دماغك وكبر الدى وعلى الجى والعربية تمام ومتخليش دماغك تودى وتجيب على شىء طبيعى

انا غيرت الكوعه مشلتهاش.....على العموم انا هغير الميه واشوف مش هتخصر

[solly1979]

انا يحط مياة حمراه مركزه كنت بحطها فى الاوكتافيا (اسمها هووب متهيئلى) ب 50 جنيه من دمشق لتر ونص احمر فى ابيض والباقى بحطه مياة مقطرة من البزينه

بصراحه بيفرق جامد الميه ديه نضيفه اوى ودايما تلقيها فى الألمانى علشان الترمستات بتاعته بتشتغل على 92 الدرجه الأولنيه و 96 الدرجه التانيه

انا لسه عامل الموضوع دة فى الميجان فى فرنش موتورز وهما مكنوش فاهمين حاجه بس انا الى كنت سايق :)

الموضوع دة انا اتعلمته من ساعة مكنت بعمل صيانه للاوكتافيا عند مهندس هانى بتاع جسر السويس جربوة هتحسو بفرق

[ramy_gamal]

تغيير الميه ممكن انا اعمله ؟ ولا لازم اشيل كوعه الميه ولو ينفع اغير انا الميه اشيل الخرطوم اللى تحت اللى داخل على الردياتير ؟

[MohammedAladel]

طيب لو المياه الخضراء بقالها عندك أكتر من 100 ألف كيلو هل دا ممكن يسخن العربية وإيه اللى يخلى العربية تسخن عامة غير المياه ؟ أنا عندى ميجان 2007 والمؤشر دايما بيبقى عند الشرطة التالتة وساعات بيعديها بحوالى مللى يعنى حاجة بسيطة جدا لكن عمره ما قرب عند الشرطة الرابعة كدا تمام ؟ بالنسبة لمؤشر المياه أنا شايف القربة max بس المكان غامق كله يعنى مش شايف بالظبط زى ما يكون طبقة تراب ولا كدا المياه مالية القربة ؟