مياة الردياتير

[solly1979]

طيب لو المياه الخضراء بقالها عندك أكتر من 100 ألف كيلو هل دا ممكن يسخن العربية وإيه اللى يخلى العربية تسخن عامة غير المياه ؟ أنا عندى ميجان 2007 والمؤشر دايما بيبقى عند الشرطة التالتة وساعات بيعديها بحوالى مللى يعنى حاجة بسيطة جدا لكن عمره ما قرب عند الشرطة الرابعة كدا تمام ؟ بالنسبة لمؤشر المياه أنا شايف القربة max بس المكان غامق كله يعنى مش شايف بالظبط زى ما يكون طبقة تراب ولا كدا المياه مالية القربة ؟

كدة حضرتك محتاج تغير المياة
انا مكنتش شايف حاجه في القربة
لما غيرت المياة الدنيا بقت زي الفل بقيت شايف منسوب المياة

[albasha]

تغيير الميه ممكن انا اعمله ؟ ولا لازم اشيل كوعه الميه ولو ينفع اغير انا الميه اشيل الخرطوم اللى تحت اللى داخل على الردياتير ؟

دور العربيه عادي جداً ومد أيدك تحت علبة فلتر الهواء هتلاقي زي طبه بلاستيك شكل الصاوله صغيره جداً فكها وبعدين إفتح غطا القربه وإنتظر لحد ما المياه تنزل لحد أخر القربه تحت بس خليك صاحي في الحته ديه شوف المياه بعينك لحد ما تبدأ تقل من القربه لحد فتحة الخرطوم السفلي وبعدين تكون مجهز 5 لتر مياه خضرا أو حمرا زي ما انت عايز وتبدأ تحط المياه بتاعتك لحد ما تخلص وتبقي عند علامة الماكس تقوم بسرعه قافل غطا القربه أو ساددها بأيدك المهم ميعديش منها هوا هتلاقي المياه اللي بتنزل من الطبه وقفت وبعدين تقفل الطبه البلاستيك اللي تحت الفلتر وشكراً إنتهي الموضوع مش هياخد منك أكتر من 5 دقايق

يفضل تكون مجهز المياه معاك وتكون عرفت مكان الطبه ( موجوده في ثرموستات الكوعه) وجهزت بنسه علشان بتبقي صعبه شويه في فكها ولما تربطها مش لازم تربط جامد يعني لحد ما تربطها بأيدك وتقرص سنه صغيره بالبنسه
أنا عارف إنك لاغي السخن لو إنت مش لاغيه لازم تفتحه علشان تغير المياه اللي موجوده في السربنتينه الداخليه كمان

[ramy_gamal]

دور العربيه عادي جداً ومد أيدك تحت علبة فلتر الهواء هتلاقي زي طبه بلاستيك شكل الصاوله صغيره جداً فكها وبعدين إفتح غطا القربه وإنتظر لحد ما المياه تنزل لحد أخر القربه تحت بس خليك صاحي في الحته ديه شوف المياه بعينك لحد ما تبدأ تقل من القربه لحد فتحة الخرطوم السفلي وبعدين تكون مجهز 5 لتر مياه خضرا أو حمرا زي ما انت عايز وتبدأ تحط المياه بتاعتك لحد ما تخلص وتبقي عند علامة الماكس تقوم بسرعه قافل غطا القربه أو ساددها بأيدك المهم ميعديش منها هوا هتلاقي المياه اللي بتنزل من الطبه وقفت وبعدين تقفل الطبه البلاستيك اللي تحت الفلتر وشكراً إنتهي الموضوع مش هياخد منك أكتر من 5 دقايق

يفضل تكون مجهز المياه معاك وتكون عرفت مكان الطبه ( موجوده في ثرموستات الكوعه) وجهزت بنسه علشان بتبقي صعبه شويه في فكها ولما تربطها مش لازم تربط جامد يعني لحد ما تربطها بأيدك وتقرص سنه صغيره بالبنسه
أنا عارف إنك لاغي السخن لو إنت مش لاغيه لازم تفتحه علشان تغير المياه اللي موجوده في السربنتينه الداخليه كمان

الف شكر يا باشا ...
انا غيرهتا امبارح وفعلا الميكانيكى عمل اللى انت قلته وكدة تمام اقدر اغيرها بنفسى بعد كدة
بس ايه الميه كانت نازله مش معقوله كميه صدا غير عاديه... عشان كدة الميكانيكى فضل يزود ميه كذا مرةيمكن ملا 4 جراكن وفضاهم لحد ما نزلت ميه نضيفه
بس انا لياسؤال هل كدة الميه كلها اتغيرت يعنى الميه اللى فى الردياتير اتغيرت كمان ؟

[albasha]

بالفعل كده المياه كلها إتغيرت