مياه ريداتير الفيرنا

[wael6]

السلام عليكم ورحمة الله
فيرنا اوتوماتيك

كنت عاوز اغبر مياه ريداتير الفيرنا
تركيزها كام؟
هو فى الكتالوج 35-60 %
الغريب انى لقيت عند غبور تركيز 50/50 ب 260 ج

نوعها ايه ؟ موبيل ولا ايادا ولا ابرو ؟

بتتغير بعد اد ايه ؟

الريداتير بياخد كام لتر ؟
هل لابد من فك الكوعه الداخلبه والترموستات ولا ؟
ولو فيه اى اضافات وملحوظات اخرى منتظركم

متابع للاهمية
وشكر جزيلا

[tasaka]

تصور المعلومه الفنيه المفصله اللى مكتوبه على العلبه بتاعه غبور .. و تشوف ايه نوع المجموعه بتاعتها

و بعدين تشترى من بره .. نفس المواصفه ( المجموعه ) لو انت عايز توفر

او شوف فى موقع غبور نفس الميه و حط الرابط هنا .. علشان نوضح لك المجموعه المناسبه



اقرأ الموضوع ده لعله يفيدك فى فهم انواع الميه .. و مدى اهميه الاختيار السليم

http://www.nilemotors.net/Nile/495675-a.html#post3876113878

[tameem2010]

عشان تغير المياه كلها لازم تفك الراديتير وكوعة المياه وترموستات الكوعة وتصفي المياه كلها
بتاخد حوالى 6 لتر مياه (الراديتير والقربه وداخل المحرك )
التركيز المتعارف عليه في مصر هو 33% اثيلين جليكول
وده كافي جدا بالنسبه للجو في مصر
تركيز 50% مش هيضيف جديد للمياه عن تركيز 33%
لان ده بالاساس مانع تجمد
33% بيتجمد عند درجة -26
اما 50% بيتجمد عند -35

كده كده في مصر مفيش الكلام ده خالص فمش هيفرق التركيز كام
المهم انه ميزيدش عن 65 ده حد اقصى مسموح بيه
وميقلش عن 5%

المياه اللى عند غبور اكيد هتكون انتاج شركة جاز بروم
غبور متعاقد معاها وبيورد منها زيوت جي انرجي اللى هي انتاج جاز بروم

عموما المهم انها تكون ماركة معتمدة مش من تحت بير السلم اللى بيسموها سعودي واماراتي في المحلات
خليك في موبيل حاجة مضمونة ومعتمده
برده توتال معتمده ونضيفه
برده فيه مياه وولف اللى هي g11 حاجة فخمة قوي بس لازم تكون g11 وتتاكد من ده

[tasaka]

تركيز 50% مش هيضيف جديد للمياه عن تركيز 33%
لان ده بالاساس مانع تجمد
33% بيتجمد عند درجة -26
اما 50% بيتجمد عند -35

كده كده في مصر مفيش الكلام ده خالص فمش هيفرق التركيز كام
المهم انه ميزيدش عن 65 ده حد اقصى مسموح بيه
وميقلش عن 5%

بيتهيئ لى .. التركيز موش لمنع التجمد بس .. لكن اعتقد بيعبر بطريقه غير مباشره عن كفاءه الميه فى تشتييت الحراره .. و ايضا كميه الاضافات .. و تنوع الاضافات المستعمله للحمايه .. و المكونات المستعمله ( المجموعه التابع لها سائل التبريد )

ميه 5% .. يعنى الهدف منها تقليل السعر ( رخيصه ) .. يعنى اكيد مفيش فيها اضافات كافيه للحمايه لاجزاء الموتور و دوره التبريد .. و دى لا تقل اهميه عن تبريد الموتور .. طبعا فيه فرق كبير على قدر فهمى

[tasaka]

طريقه التغيير

متنساش تجيب زرار السخن على اعلى حاجه .. علشان الميه اللى جوه دفايه العربيه تحت النتابلوه تخرج كمان .. و نفس الشيئ و انت بتأخذ هو الدوره

رابط الخطوات

Flushing Your Cooling System

How to Flush a Radiator: 9 Steps (with Pictures) - wikiHow




فيديوهات

https://www.youtube.com/watch?v=s--5ft5YiHg

https://www.youtube.com/watch?v=32ChpsR_dfo

[wael6]

متشكر جدا لاهتمامكم ومعلوماتكم القيمه

العربيه عندى القربة بتفضي كل اسبوع
هل هذا طبيعي .؟
مع العلم انى مسلك الريداتير ومشيك ع الكوعه من فترة
الموضوع ده ظهر لما حولت العربية من مانيوال الى اوتوماتيك
كانت الاول بزودها كل اسبوعين من اول الزيرو

متابعكم
وشكرا جزيلا

[tasaka]

متشكر جدا لاهتمامكم ومعلوماتكم القيمه

العربيه عندى القربة بتفضي كل اسبوع
هل هذا طبيعي .؟

مع العلم انى مسلك الريداتير ومشيك ع الكوعه من فترة
الموضوع ده ظهر لما حولت العربية من مانيوال الى اوتوماتيك وشكرا جزيلا

لا موش طبيعى

اولا تتاكد انك اخذت الهوا من الدوره كويس .. لان لو فيها هوا يبقى حتنقص اول شهر لغايه ما كل الهوا يخرج .. و بعدين التقص يقف

راجع على الخراطيم و الكوليهات .. لو تسريب خفيف جدا موش حتشوفه لانه حيتبخر اول باول و العربيه سخنه .. يعنى التنفيس حيخرج زى بخار خفيف

راجع على غطا الرادياتير و القربه .. و لو فيهم حاجه موش مظبوطه .. تجيب الاصلى او نوع ممتاز ضرورى

شوف طبات الموتور كويسه ام لا

ممكن لو ملقيتش المشكله .. تكبس الدوره عند بتاع الرادياتير و يبص عليها

كانت الاول بزودها كل اسبوعين من اول الزيرو

و لا ده كمان طبيعى .. و غريب جدا من اول الزيرو بتزود ميه

[tameem2010]

بيتهيئ لى .. التركيز موش لمنع التجمد بس .. لكن اعتقد بيعبر بطريقه غير مباشره عن كفاءه الميه فى تشتييت الحراره .. و ايضا كميه الاضافات .. و تنوع الاضافات المستعمله للحمايه .. و المكونات المستعمله ( المجموعه التابع لها سائل التبريد )

ميه 5% .. يعنى الهدف منها تقليل السعر ( رخيصه ) .. يعنى اكيد مفيش فيها اضافات كافيه للحمايه لاجزاء الموتور و دوره التبريد .. و دى لا تقل اهميه عن تبريد الموتور .. طبعا فيه فرق كبير على قدر فهمى

الايثيلين جليكول هدفه انه مانع تجمد
السليكات وديه بيتم اضافتها للمياه الخضراء هدفها منع الصدا
التشتيت ده دور المياه المقطرة ومعروف ان المياه هي اعلى سائل في الحرارة النوعيه لانها بتمتص اكبر كميه حرارة في كل السوائل

وفيه اضافات تانيه موانع حمضيه وديه هدفها انها تمنع الحمضية بتاعة المياه لان الاحماض بتؤدي الى تاكل المعدن وبالتالى كلما كانت قلوية المياه اكبر كلما كانت افضل للحفاظ على اجزاء دورة التبريد من التاكل

ده بالنسبه للمياه الخضراء اللى هي اساسها ايثلين جليكول
اما المياه الحمراء اللى اساسها مركبات عضوية فديه تركيبه مختلفة سواء منع التجمد او موانع الصدا بس هي بالاساس مفيهاش سليكات لان السليكات بتوفر حمايه ممتازة ضد الصدا بس عيبها انها عمرها مش طويل حد اقصى سنتين ولما بتفقد صلاحيتها بتتحول لمادة مؤكسده وبتعمل صدا وسدد في دورة التبريد
وبالطبع معادلات الحمضيه مختلفة التركيب لانها كلها مواد عضوية برده

عشان كده عملوا المياه الحمراء لانها طويلة الاجل بتقعد 5 سنين

5% تركيز ده الحد الادنى بالنسبه لمصر انا مش متاكد بتتجمد عند كام بس هي اقل من -5 وكده كده درجة الحرارة عندنا عمرها ما بتوصل صفر



هذا والله اعلم

[tasaka]

الايثيلين جليكول هدفه انه مانع تجمد
السليكات وديه بيتم اضافتها للمياه الخضراء هدفها منع الصدا
التشتيت ده دور المياه المقطرة ومعروف ان المياه هي اعلى سائل في الحرارة النوعيه لانها بتمتص اكبر كميه حرارة في كل السوائل

وفيه اضافات تانيه موانع حمضيه وديه هدفها انها تمنع الحمضية بتاعة المياه لان الاحماض بتؤدي الى تاكل المعدن وبالتالى كلما كانت قلوية المياه اكبر كلما كانت افضل للحفاظ على اجزاء دورة التبريد من التاكل

ده بالنسبه للمياه الخضراء اللى هي اساسها ايثلين جليكول
اما المياه الحمراء اللى اساسها مركبات عضوية فديه تركيبه مختلفة سواء منع التجمد او موانع الصدا بس هي بالاساس مفيهاش سليكات لان السليكات بتوفر حمايه ممتازة ضد الصدا بس عيبها انها عمرها مش طويل حد اقصى سنتين ولما بتفقد صلاحيتها بتتحول لمادة مؤكسده وبتعمل صدا وسدد في دورة التبريد
وبالطبع معادلات الحمضيه مختلفة التركيب لانها كلها مواد عضوية برده

عشان كده عملوا المياه الحمراء لانها طويلة الاجل بتقعد 5 سنين

5% تركيز ده الحد الادنى بالنسبه لمصر انا مش متاكد بتتجمد عند كام بس هي اقل من -5 وكده كده درجة الحرارة عندنا عمرها ما بتوصل صفر

هذا والله اعلم

شكرا على الرد

اسمح لى بتعقيب لتوضيح بعض النقاط



- معظم الانتى فريز مكونه الاساسى الرئيسى ( Base ) هو الايثيلين جليكول ..

سواء للمجموعه xInorganic Acid Technology (IAT) اللى هى inorganic Acid بتتسمى مجازا ميه خضراء .. او اللى اساسها مركبات عضوية organic Acid لمجموعتى Organic Acid Technology (OAT) او Hybrid Organic Acid Technology (HOAT)


- بالاضافه الى المكون الاساسى ( الايثيلين جليكول ) .. بيكون فيه مواد اضافيه اخرى للحمايه inhibitors .. و دى بتختلف من مجموعه لاخرى اختلاف كبير بين المجموعات

ال organic Acid موش مكون الاساس ( Base ) .. ال organic Acid هو الاضافات ( inhibitors ) المستعمله للحمايه فى مجموعتى OAT اوHOAT

السيليكات هى من ضمن الاضافات ( inhibitors ) المستعمله للحمايه فى مجموعه ال IAT


الخلاصه .. ان كل من ال organic Acid او السيليكات هما من الاضافات .. و المكون الاساسى الذى تستعمله معظم الشركات هو الايثيلين جليكول لاى من المجموعات الثلاثه IAT او OAT اوHOAT





- ألسيليكات الهدف الاساسى منها هو حمايه الالومينيوم تحديدا ( منع الصدأ عنه .. و قد يكون التأكل ايضا )

السيليكات من الاضافات اللى بتستهلك اسرع من غيره فى ميه التبريد .. و ده اللى دفع بعض الشركات لتصميم المجموعتين المحتويتين على ال organic Acid .. يمكن ده بسبب خامات و تصميم مواتيرهم التى تطلبت ذلك


فى العاده السيليكات تستعمل كاضافه الحمايه فى المجموعه الاولى IAT

و لكن ايضا السيليكات مستعمله فى HOAT ( الذى يعتبر مزيج من IAT و OAT ) .. و لاحظ ان ال HOAT ده عضوى ( organic Acid ) .. يعنى فى المجموعه دى فيه حمايه مزدوجه بواسطه السيليكات و ال organic Acid

اضافه السيليكات ايضا بيختلف من صانع سيارات لاخر حسب تصميمات مواتيرهم .. يعنى فيه ميه خضرا مجموعه اولى حتلاقيها بدون سيليكات

اضافه السيليكات ( او الاضافات عموما ) بتختلف حسب القاره او لدوله معينه .. احيانا لان تركيب الميه فى الدوله دى بيتطلب ذلك بسبب زياده نسب معينه من مواد ما بصوره طبيعيه فى مياه تلك القاره

المثال اوروبا و كوريا.. فى العاده سوائلهم تحتوى على السيليكات

و اليابان .. الاخضر و الاحمر فى العاده لاتحتوى على سيليكات


الخلاصه .. ان السيليكات يمكن استعمالها حتى مع ال organic Acid كما فى المجموعه الثالثه .. و موش شرط ان كل الصانعين يستعملوها حتى للمجموعه الاولى ( اللى هى المفروض تكون اضافه السيليكات هى الحمايه الاساسيه لها )



موضوع سوائل التبريد معقد برغم انه يبدو فى الظاهر غير ذلك


تقبل تحياتى و تقديرى

[wael6]

طيب ايه بقا المناسب للفيرنا ؟
وشكرا

[tasaka]

طيب ايه بقا المناسب للفيرنا ؟
وشكرا

اقرأ الرد رقم 2 .. علشان تحدد المواصفه




هى دى ماركه الميه اللى انت شوفتها عند غبور؟؟؟؟

و لو هى .. انهى اسم هم كانوا عايزينك تشتريه ؟؟

Продукция серии G-Energy Antifreeze - Motor oils G-Energy - official site

[wael6]

هو ده اسم الزيت اللى عند غبور
لكن المياه الخضراء كانت حاجه تانية مش فاكر اسمها بصراحة
كانت جركن اصفر تركيز 50/50 ب 260 ج
متابعكم
وشكرا جزيلا

[wael6]

لقيت ده الكتالوج
1.3/1.5
/l:1.6/5.92:
5.48
على اساس الايثيلين جليكول للريداتير الالومنيوم

هو ريداتير الفيرنا الومنيوم ولا نحاس ؟

وشكرا

[amr khater]

الومنيوم

[wael6]

HYUNDAI Long Life Coolant

جركن ابيض تركيز 50/50 وبقي ب285 ج ( غبور)


متابعكم وشكرا