افضل اسلوب للفرامل

[shadinasr]

بص ياباشا انت لما تفرمل من غير ماتدوس دبرياج كده انت بتخلي الاحتكاك اللي في الموتور يساعدك في الفرمله وبتقلل الحمل على الفرامل وده في حاله واحده لو ار بي ام قليل لكن لو ار بي ام عالي ينصح بفصل الموتور (وهو الضغط عالدبرياج) لان كده عزم الموتور حيعوق الفرمله

[kirolloskamal]

بص يا باشا هوا اللي انت فاهمه ده مش صح قوي
انت لما بتدوس فرامل اكيد مابتبقاش دايس بنزين في نفس الوقت
وانت مجرد ما شلت رجلك من عالبنزين بيبقي الماتور مالوش اي عزم بالعكس قوه دفع العربيه هيا اللي بتحركه مش هوا اللي بيحرك العجل
وبكده يبقي انت لما تدوس فرامل والدبرياج متعشق انت مش بتقاوم اي عزم من الماتور بالعكس الماتور هوا اللي محمل عالعجل (عزم القصور الزاتي للسياره المتحركه) وبالتالي بيساعد مع الفرامل
والله اعلم

ايوة مش ببقي دايس بنزين بس الموتور شغال و بيلف ولا ايه؟؟؟ انا فاهم من كلام حضرتك ان الموتور العجل هو اللي بيلفه لما تشيل رجلك من علي البنزين؟؟؟ ولا انا فاهم غلط ولا ايه

أنا عندي تعليق على كلام حضرتك وهو إن الموتور بيفضل داير وإنت رجلك بعيدا عن البنزين حتى ولو كان دوران el idle بتاعه وكده برده بيحرق بنزين و بوجهات شغالة وكده.

أنا بصراحة معرفش الفرملة بالدبرياج أحسن من فرامل لوحدها ولا لأ بس أنا عن نفسي بدوس فرامل من غير دبرياج لو بجري و فرامل بدبرياج لو إنت في وسط الزحمة ومتوقع إن العربية اللي قدامك حتقف (حوالي 99% من الوقت)

"أعتقد" إن فرامل من غير دبرياج اضعف شوية من اللي بدبرياج عشان اللي أنا متصوره إن لما بتفصل الاسطوانة وتدوس فرامل فانتا كده بتمسك العجل ومش وراه أي قوة تانية غير اللي كانت وصلله أساسا وهي دفع العربية.

طبعا ده رأيي الشخصي وممكن يكون غلط وأحب لو حد متأكد من كلامه يؤكده أو يصحاحني.

يعني انت معايا في وجهة نظري بس انا برده مش متاكد من كلامي و عايز اعرف الكلام الصح 100 َ% فين عشان الموضوع ده بجد مهم عشان نحقق اقصي قوة للفرامل لانها سعات بتكون حجات حياه او موت و ربنا يبعد عننا اي حاجة وحشة

[ashraf_msd]

[QUOTE=kirolloskamal;3872211303]ايوة مش ببقي دايس بنزين بس الموتور شغال و بيلف ولا ايه؟؟؟ انا فاهم من كلام حضرتك ان الموتور العجل هو اللي بيلفه لما تشيل رجلك من علي البنزين؟؟؟ ولا انا فاهم غلط ولا ايه


انا معاك ان الماتور بيلف وداير .. بس انا يا باشا قصدي سرعه دوران الجير واللي هيا متوقفه علي سرعه دوران العجل بتبقي اسرع من دوران الماتور اللي بحرق البنزين في حاله انك مش دايس بنزين
وبالتالي اللي سرعته اعلي - وهوا الجير فالحاله دي - هوا اللي بيتحكم ويدور التاني - اللي هوا الماتور
وانا مستني معاك حد من الاخوه الافاضل اصحاب العلم والمعرفه يدلونا عاليقين

[mostafa_9128]

ايوة مش ببقي دايس بنزين بس الموتور شغال و بيلف ولا ايه؟؟؟ انا فاهم من كلام حضرتك ان الموتور العجل هو اللي بيلفه لما تشيل رجلك من علي البنزين؟؟؟ ولا انا فاهم غلط ولا ايه


انا معاك ان الماتور بيلف وداير .. بس انا يا باشا قصدي سرعه دوران الجير واللي هيا متوقفه علي سرعه دوران العجل بتبقي اسرع من دوران الماتور اللي بحرق البنزين في حاله انك مش دايس بنزين
وبالتالي اللي سرعته اعلي - وهوا الجير فالحاله دي - هوا اللي بيتحكم ويدور التاني - اللي هوا الماتور
وانا مستني معاك حد من الاخوه الافاضل اصحاب العلم والمعرفه يدلونا عاليقين

مظبوط لان و انت سايب البنزين و بتدوس فرامل المفروض ان الماتور يبقي علي 700 rpm بس لما تبقي مديلة غيار ال rpm بيعلي ده معناه ان ال ماتور زاد في ال rpm و الزياده دي مش بتبقي علي حساب البنزين دي بتيجي من ان العربية ماشية بسرعة فكده الماتور بيحاول يرجع لل 700 تاني
ابسط مثال امشي علي سرعة 60 km و حط العربيه علي المور و شوف هتقف في مسافة قد ايه و مره تانيه تكون مدي غيار ( مناسب طبعا للسرعة ) و شوف هتقف في مسافة قد ايه

[N.a.j.d]

111111111111

[فادى محمد]

هو اي واحد ماشي بسرعه 120كم مثلا لو حب يهدي سنه صغيره هيدوس دبرياج وبعدين فرامل ؟ لا طبعا .. هيدوس ع الفرامل لحظه وبعدين يرجع لدواسه البنزين تاني .
نرجع لموضوعنا . الفرمله علي الغيار (بدون فصل الحركه بالدبرياج) تستلزم مسافه اقصر من تلك التي يمكن ان تحدث بعد الدوس علي الدبرياج . انا دايما بفصل الحركه عن الموتور في حاله ان السياره هتقف قبلها بفتره - انما في المواقف المفاجاءةلا قدر الله زي مطب ظهر فجاة.. بدوس ع الفرامل والغيار متعشق علشان ينجدني اسرع وبالتالي العربيه لو هتوصل للحمل الخالي ( قبل التوقف مباشره ) هتلاقي الغيار فصل لوحده والموتور انطفيء .اسف للاطاله .

[A.Saad]

هو اي واحد ماشي بسرعه 120كم مثلا لو حب يهدي سنه صغيره هيدوس دبرياج وبعدين فرامل ؟ لا طبعا .. هيدوس ع الفرامل لحظه وبعدين يرجع لدواسه البنزين تاني .
نرجع لموضوعنا . الفرمله علي الغيار (بدون فصل الحركه بالدبرياج) تستلزم مسافه اقصر من تلك التي يمكن ان تحدث بعد الدوس علي الدبرياج . انا دايما بفصل الحركه عن الموتور في حاله ان السياره هتقف قبلها بفتره - انما في المواقف المفاجاءةلا قدر الله زي مطب ظهر فجاة.. بدوس ع الفرامل والغيار متعشق علشان ينجدني اسرع وبالتالي العربيه لو هتوصل للحمل الخالي ( قبل التوقف مباشره ) هتلاقي الغيار فصل لوحده والموتور انطفيء .اسف للاطاله .

الله ينور عليك
وطبعا قبل ما العربية تقف
هتدوس دبرياج علشان الموتور ما يبطلش
وتمور او تاخد غيار تانى وتكمل بيه

[N.a.j.d]

تماااااااااااام

[tamerkazaz]

لية تدوس ديبرياج طالما مش هتوقف خالص
هو عزم الموتور بيقلل سرعة العربية مع الفرامل ودة بيقلل استهلاك التيل واستهلاك اسطوانة الدبرياج بيقى الافضل اية فهمت

[د.محمود صلاح]

الفرملة بالمحرك للتهدئة ثم بالفرامل ثم افصل عشان تسقط نقله او تقف

[N.a.j.d]

تمااااااااااااااااااااام صح كدا