حادث لكرولا ( صور ) ولا ايرباج فتح

[jojooo]

ياجماعة العربية اتعجنت من كل حتة و السواق اتعور من الدم اللى على التبلوة والناس بتقول الخبطة مش من الامام الايرباج مش حايفتح انا شايف ان دى عيب كبير فى الكرولا مش ميزة خالص ودى تانى مرة اقراء الموضوع دى فى المنتدى واضح ان الكرولا فيها مشكلة فى لايرباج
اللا اذا كان حزام الامان مش حطة فى الحدث دى والتانى كمان بس انا فاكر ان صاحب الموضوع قال انة كان رابط حزام الامان

[kareemhisham]

ياجماعة العربية اتعجنت من كل حتة و السواق اتعور من الدم اللى على التبلوة والناس بتقول الخبطة مش من الامام الايرباج مش حايفتح انا شايف ان دى عيب كبير فى الكرولا مش ميزة خالص ودى تانى مرة اقراء الموضوع دى فى المنتدى واضح ان الكرولا فيها مشكلة فى لايرباج
اللا اذا كان حزام الامان مش حطة فى الحدث دى والتانى كمان بس انا فاكر ان صاحب الموضوع قال انة كان رابط حزام الامان

يا استاذي ياريت تقرأ اللينك الانا حطه ..

و احنا مش بنقول كلام من عندنا دفاعا عن العربية ..

دة كلام علمي معروف ..

العربية اتقلبت .. الايرباجز هتفيد في ايه لما العربية تتقلب ..

و طالما الشركة مش مصممة الايرباجز تفتح لما العربية تتقلب .. فدة معناه ان الايرباج ممكن يؤدي الى اصابات في حالة فتحه اثناء انقلاب السيارة ..

ياريت حضرتك تقرا شوية عن الايرباجز ..

[MMamdouh]

ياجماعة العربية اتعجنت من كل حتة

انت بصيت كويس على الصورة اللى فى اول مشاركة؟؟؟ و عارف وظيفة و طريقة عمل الاير باج ايه؟

MMamdouh

[M_Nabil]

أعتقد ان الإيرباج لن يفتح لو مش لابس الحزام مهما كانت قوة الحادث

لومكان الحادث من الأمام على سرعة أكثر من 15 كم لازم يفتح والا يبقي في خلل في الدائرة بتاعته لأن الموضوع ليس له علاقة بالحزام نهائياً عشان الموضوع موضوع حساسات انما الايرباج هو مساعد للحزام عشان الأمان والسلامة وتقليل سرعة السائق والراكب الامامي الي الصفرعند الحوادث من غير اصابات أو بأقل اصابات ممكنة ولو عجلة القيادة متحركة الصح انها تكون مواجهه ناحية الصدر مش ناحية الرأس أو الوجه ودائماً تلقي مكتوب على الشماسة للعربيات اللى فيها ايرباج (أستخدم دائماً حزام الأمان) مش عشان الايرباج مش هيفتح لو مربطتش الحزام انما عشان لو فتح وانت مش ثابت في الكرسي و أنت على مسافة قريبة من الايرباج ممكن يؤدى لأصابات خطيرة دى صورة توضحية

[kareemhisham]

لومكان الحادث من الأمام على سرعة أكثر من 15 كم لازم يفتح والا يبقي في خلل في الدائرة بتاعته لأن الموضوع ليس له علاقة بالحزام نهائياً عشان الموضوع موضوع حساسات انما الايرباج هو مساعد للحزام عشان الأمان والسلامة وتقليل سرعة السائق والراكب الامامي الي الصفرعند الحوادث من غير اصابات أو بأقل اصابات ممكنة ولو عجلة القيادة متحركة الصح انها تكون مواجهه ناحية الصدر مش ناحية الرأس أو الوجه ودائماً تلقي مكتوب على الشماسة للعربيات اللى فيها ايرباج (أستخدم دائماً حزام الأمان) مش عشان الايرباج مش هيفتح لو مربطتش الحزام انما عشان لو فتح وانت مش ثابت في الكرسي و أنت على مسافة قريبة من الايرباج ممكن يؤدى لأصابات خطيرة دى صورة توضحية

السنسورز مش بتشتغل غير عند قفل الحزام ..

و مكتوب في الكتالوج ان الحزام و الايرباج نظامين مكملين لبعضهم ..

و النقطة دي مفروغ منها

[د.محمود صلاح]

شكرا على المعلومات وان كانت متناقضة بس جار البحث عن المعلومة السليمة

[M_Nabil]

السنسورز مش بتشتغل غير عند قفل الحزام ..

و مكتوب في الكتالوج ان الحزام و الايرباج نظامين مكملين لبعضهم ..

و النقطة دي مفروغ منها :m_yes[1]:

انا بتكلم عن تجربة شخصية سيارة موديل تسعينات ليس لى علاقة بالى مكتوب في الكتالوج، ممكن يكون النظامين المكملين دول تطور في الموديلات الحديثة

[د.محمود صلاح]

كده الصورة وضحت , تحديث للنظام القديم

[M_Nabil]

كده الصورة وضحت , تحديث للنظام القديم

تمام فعلاً قراءت شوية في الموسوعة الحرة النظام القديم ماكانش متطلب ربط الحزام عشان الايرباج يشتغل .. وفي النظام الحديث بيتطلب ربط الحزام عشان يشتغل عشان يقلل في الخسائر والأضرار اللى بتحصل لصالون العربية واللى يحب يزود معلومات عن الايرباج يدخل على اللينك دة Airbag - Wikipedia, the free encyclopedia

[د.محمود صلاح]

شكرا M_Nabil للمعلومات والإضافة

[kareemhisham]

تمام فعلاً قراءت شوية في الموسوعة الحرة النظام القديم ماكانش متطلب ربط الحزام عشان الايرباج يشتغل .. وفي النظام الحديث بيتطلب ربط الحزام عشان يشتغل عشان يقلل في الخسائر والأضرار اللى بتحصل لصالون العربية واللى يحب يزود معلومات عن الايرباج يدخل على اللينك دة airbag - wikipedia, the free encyclopedia

معلوماتك تمام يا باشا .. و شكرا للاضافة ..

[pharonicking]

ربنا بيستر والايرباج مهم بس الخبطة تكون من قدام"عشان يفتح"

[د.محمود صلاح]

تمام د .محمد

[ashraf_msd]

يا ايها زملاء الطريق
انتفاخ الاير باج مالوش علاقه بلبس الحزام
ولكن انتفاخه يعتمد علي عاملين اثنين
1- مقدار العجلة التناقصيه عند التصادم لا قدر الله ... والعجله هيا المعدل الزمني للتغير فالسرعة
2- اتجاه التصادم.

العامل الاول بيتحدد بحاجتين - سرعه العربيه عند التصادم و وصلابه الهدف المصتدم به

كقاعدع عالميه بين كل منتجين السيارات - الايرباج لازم يفتح في حاله تصادم سياره عموديا ماشيه بسرعه 40 كيلو متر فالساعه بحائل خرساني غير قابل للتحرك تحت تاثير الصدمه
وايضا كقاعده عالميه لا يمكن ان تتفتح الاير باج عند التصادم بسرعه 15 كيلو فالساعه مهما كانت ظروف التصادم

بين الحدين دول بقي بيختلف انفتاح الايرباج او عدم انفتاحه حسب الشركه المصنعه و حسب ظروف التصادم.


العمل التاني بقي - واللي هوا اتجاه التصادم - هوا عامل يوثر ضمنيا فالعامل الاول واللي هوا مقدار العجله التناقصيه ... ازاي بقي الكلام ده؟
اقولك يا عم
لو العربيه اصتدمت عموديا من الامام بالحائل الخرساني وهيا سرعتها اربعين كيلو فالساعه هتبقي العجله التناقصيه فالحاله دي هيا الحد اللي بيتفتح عنده الايرباج
وبرضو لو اصتدمت مائلا - يعني بالجنب - علي نفس الحائل بس بسرعه 60 كيلو مثلا برضو هيبقي هوا ده حد السرعه التناقصيه اللي بيفتح الاير باج
طب لو صدمه من الخلف؟؟؟؟
الصدمه من الخلف مستحيل تفتح الاير باج مهما كانت قوتها الا......
لو العربيه اتخبتت من ورا ومشيت ورزعت فالي قدامها -- وتحققت الشروط --- هيفتح الاير باج
بس هيبقي سبب الفتح الصدمه التانيه مش الاوالانيه

ايه بقي العلاقه بين الايرباج وحزام الامان.....
علميا مافيش اي علاقه -- الامريكان واللي هما اول ناس صنعو الاير باج كانو اول ما اخترعوه بيسموه جزام الامان البديل
تلف الايام وكل الصناع والعالمه يكتشفوه انه مش بديل ولا حاجه - وانما هيا اشتغاله من الامريكان زي ما دايما بيشتغلونا... طب ليه مش بديل
ببساطه ... لو العربيه اتقلبت مليون مره وهيا مش محققه الشروط بتاع انفتاح اليرباج -- مش هتفتح الاير باج --- ايه بقي اللي بيحمي السواق ساعتها ويمنعه انه يتدحرج زي الكوره جوه العربيه؟؟؟؟؟
حزام الامان --- والحامي هوا الله اولا واخيرا
عشان كده بيقوللك الايرباج مساعد مع حزام الامان ولا يغني عنه
ببساطه.... حزام الامان يعتبر عائق ضد الحركه العشوائيه لجسم السائق عند التصادم .. وميزته انه بيشتغل في كل الاتجهات والحبشتكانات اللي ممكن تحصل للعربيه ساعت التصادم
انما....
الايرباج .. بيشتغل لمنع التصادم من الامام فقط

ايه بقي سبب البلبه اللي حصلت ... اقولك
المرسيديس وبعض السيارت الفارهه عملو افتكاسه كده
وهيا انهم عملو الايرباج ممكن تفتح بدرجتين مختلفين -- قوه انفتاح عاليه --- او قوه انفتاح منخفضه
وقالك لو انت لابس الحزام -- هنفتحلك الايرباج بالقوه العاليه باعتبار ان الحزام هيمنع اندفاعك للامام ويقلل تصادم الايرباج مع الجسم
ولو مش لابس الحزام -- هتتفتح بالدرجه الضعيفه باعتبار ان تقدم الجسم للامام بدون الحزام بيبقي اعلي
وللمعلومه: الكلام ده فالعربيات الفارهه - ربنا يكتبهلنا وايايكم - بيعتمد كمان علي حاجات تانيه كتيرغير لبس الحزام من عدمه -- مثال وزن الراكب - ومقدار العجله نفسها - وهوا مظبت الكرسي علي بعد اد ايه من الدركسيزن - وهوا معلي الدركسيون ولا موطيه -- وهالما جره
وشكرا لحسن الاستماع

[MoStAfA-StabS]

أعتقد ان الإيرباج لن يفتح لو مش لابس الحزام مهما كانت قوة الحادث

+111111111111