If this is your first visit, be sure to
check out the FAQ by clicking the
link above. You may have to register
before you can post: click the register link above to proceed. To start viewing messages,
select the forum that you want to visit from the selection below.
إعـــــــلان
Collapse
.
,
See more
See less
حد يفيدنا بالخبر اليقين فى موضوع التسخين وجزاه الله خيرا
سمعت من واحد صاحبي ( مهندس ميكانيكا ) إن في السيارات الحديثة المفروض تسخن ( صباحا ) مش أقل من 30 ثانية
ومش شرط تحرك مؤشر الحرارة
لكن ما تشدش بالسيارة قبل ما تسخن
يعني ما تبتديش يومك بفرك ع الصبح
وحذرني جدا من التسخين اللي هو تدوس على الاكسراتير لغاية ما تخلي الأر بي إم يعدي الـ 3
يعني الصح إن تسخن سيارتك مش أقل من 30 ثانية
وتسمي باسم الله
وتطلع على مهلك لغاية ما حرارة السيارة تكون في المتوسط ( المعتاد )
وبعدها دوس
الزيوت التخليقية لها دور كبير في الموضوع ده.
الزيت التخليقي بشكل عام بيترك طبقة زيتية على جدران واجزاء المحرك حتى مع عدم دورانه لمدة كبيرة مما يعطي اقل احتكاك ممكن عند التشغيل بعد توقف فترة طويلة.
كمان الزيت التخليقي بينتشر في اجزاء المحرك والخلوصات الضيقة جدا في وقت قليل جدا لان جزيئاته لها حجم واحد مما يجعل الزيت ينتشر بسرعة كبيرة في الجو البارد وايضا لزرجته في الجو البارد ليست كالزيت المعدني الثقيل جدا
يعنى بكل بساطة، الأضمن ان الواحد يشغل العربية الصبح و يسيبها سلانسيه من 0.5-5 دقائق على حسب برودة الجو و بعدين يمشى هادى( يعنى ميحرقش على العربية ) 10-20 دقيقة برده على حسب برودة الجو و بعد كده يجرى و يعمل اللى هوا عايزه هو صح كده ؟؟؟؟؟
جميع السيارات الحديثة من خلال الكتالوجات بتاعتها بتوصى بالمشى بالعربية على الهادى لحد ما ترتفع درجة حرارة العربية قرب درجة التشغيل العادية (90 درجة) وبعد كده ممكن تسوقها وتضغط عليها زى ما إنت عايز .
ونصيحة لكل الناس اللى عندهم عربيات حديثة توصى بإستخدام بنزين 95 وبيحط 92 أو حتى بيحط 95 إنه يحرق فى الغيار كل يوم لمده 3 -4 دقايق عشان الكتاليزر (الجزء الخاص بتخفيف انبعاثات غاز ثانى أكسيد الكربون للجو والمسئول عن تنقية العادم) ما يبوظش عشان لما ما بتحرقش أو تفتح الموتور زى ما بيقولوا بيبدأ الكربون بيترسب ويتجمع بصورة كبيره في الكتاليزر وعلى المدى الطويل هايسبب مشكلة وخلل في الكتاليزر نفسه ، وهتلاقى العزم بيقل ولمبة تشك إنجن هاتنور وهاتخش فى السيف مود وساعتها لازم تغير الكتاليزر واللامبدا سنسور (حساس العادم الثانى اللى بعد الكتاليزر) .
باشا انا معايا جيتا وبحطلها ساعات 92 و ساعات 95 ومش بحرق عليها خالص انا اقصي ربي م بوصلو 3 كدة غلط يعني ؟؟؟؟؟
الزيوت التخليقية معدل تغير لزوجتها قليل بين البارد والساخن، بمعنى ان لزوجتها وهى باردة قريبة من لزوجتها وهى ساخنة، معدل انخفاض لزوجتها بالتسخين لا يكون شديدا مثل الزيوت الحفرية، وبالتالى فلزوجتها وهى باردة تسمح بتحريك السيارة، كما ان صناع جميع ماركات السيارات فى الوقت الحالى يوصون بتحريك السيارة بهدوء فور تدويرها وهم ادرى منا بمنتجاتهم، لكن مع ذلك هنا تفسير اكاديمى معروف لمسألة تحيريك السيارة مبكرا
عملية التسخين على الواقف معناها حريق بدون حمل ، وهو ما يعنى حريق بكمية قليلة من الوقود، الأمر الذى يؤدى الى انخفاض درجة حرارة الحريق ، الأمر الذى يؤدى بدوره الى تكاثف بخار الماء الناتج من الحريق فى العادم(نلاحظ فى الشتاء نزول ماء من شكمان السيارة اثناء التسخين) هذا التكاثف يضر اجزاء المحرك لأنه يسمح لأكاسيد الكبريت والفوسفور الموجودة فى الوقود بتكون احماض الكبقريتيك والكبريتوز والفوسفوريك والتى تلتهم معدن المحرك مع الزمن وخصوصا الصبابات مما يقلل من عمر المحرك على المدى الطويل، فى حين ان رفع حرارة المحرك بسرعة يقلل من فرصة حدوث هذا التآكل، لذلك فأن الأبحاث والتجارب وكذلك التحليل المنطقى بناء على المعطيات السبقة يرينا ان افضل اسلوب للتعامل مع المحرك الذى استيقظ لتوه من النوم هو رفع حرارته بسرعة وبأقل قدر من الاحتكاك، والأسلوب الأمثل لهذا هو بدء الحركة بسرعة على سرعات دوران rpm قليلة ،انا ولأن برضه قلبى ضعيف فأنا بمسك العصاية من النص، بسخن السيارة لمدة 30 ثانية صيفا ودقيقة شتاء لكى اعطى الفرصة للزيت لملئ كل فراغات السبيكة والبييلات وتبليل الشمايز وغرف الكامات ثم ابدأ الحركة ببطء لمسافة حوالى 2 كم لا اتخطى فيها حاجز ال2500 ، ثم اتوكل على الله فى طريقى بعد كدة
Comment