ساعدونى اسوق كويس

[nadeen]

السلام عليكم ورحمة الله وبركاته

يا جماعة انا لسة بتعلم السواقة وامبارح نزلت فى شوارع زحمة قوى( مش بمزاجى) و طبعا مكنتش لوحدى كان معايا المدرب بتاعى ، المهم انى اتصدمت من الزحمة والناس اللى ولا كأنهم سامعين الكلاكس والناس اللى عايزنى اجرى بالعربية والطريق اصلا زحمة ومقفول
وفى الغالب جالى اكتئاب من السواقة ..
يا ريت اللى لسة زيى كده فى البدايات أو اللى فاكر موقف غلس حصل له فى الشارع يحكيه ويقول اتصرف ازاى علشان نستفيد من أخطاء بعضنا و نحاول نتجنبها ..وشكرا ليكم

[N.a.j.d]

عادي ياباشا الكلام دا بكره حاتاخد ع الكلام دااا
خش بزحمه ولا يهمك حاجه عشان بكره تقدر تعرف تسوق كويس لوحدك وربنا معاااك ياباشا

[aelhossan]

بص والدي كان ديما يقول السواقه ممارسه
يعني كل ما تسوق كتير كل ما هتتعلم

[mam2]

فعلا السواقة ممارسة
في الاول امشي جنب الحيط (خد يمين و على مهلك) لغاية متتعود
و أنا أغلب غلطاتي كانت بسبب اني بتحرج من كلام الناس أو بحاول اعمل ناصح و ازنق نفسي في رصيف أو ركنة مستحيلة

خليك كوول و كبر دماغك من كلام الناس و لو حد قال لك تعمل حاجة و انت مش مقتنع (زي واحد بيقول لك واسعة عدي هتكفي و انت مش واثق او مش هتقدر) ساعتها قول له مش هينفع و خليه هو يتصرف

[Mostafa.Mahran]

بص كلنا فى الاول كنا كده بس اهم حاجة انك تتحكم فى العربية كويس بمعنى ان موضوع الغيارات و الدواسات يكون منتهى و بعد كده ممكن تطلع الاماكن الزحمة علشان تكون مركز مع الطريق و بس ومتكنش ملخوم بالعربية انها تبطل او تبص بعنيك على الغيارات

[ghost1900]

خليك هادى كلنا كنا كده فى الأول بنمشى واحده واحده ومش مقدرين المسافات والسرعات واااااااااااااااا بس بعد فترة هتلاقى الموضوع بقى عادى وروتينى.

[د.محمود صلاح]

الأخت نادين // نصيحة مني ,, مارسي القيادة في اماكن بعيدة واوقات مافيهاش زحمة ويكون معك أحد يثقلك لمدة لا تقل عن 6 أشهر عشان تقدري تنزلي السيرك القومي المسمى بشوارع المحروسة

[د.محمود صلاح]

YouTube - ‫ط¹ظ…ط±ظˆ ط£ط¯ظٹط¨ ظ…ط³طھظˆظ‰ ط§ظ„طھط¹ظ„ظٹظ… ظپظٹ ظ…ط¯ط§ط±ط³ ظ…طµط± !! 7‬‎

[MoStAfA-StabS]

انا رايى ان حضرتك تنزلى لوحدك طلما بتعرفى تسوقى .. حتفرق معاكى و حتديلك ثقه رهيبه ... بالتوفيق ان شاء الله :b4_048:

[blazer]

نصيحه
قبل اما تنزلى الشوارع الزحمه
انزلى الفجر او فى شارع فاااااضى خالص و امشى بلعربيه عشان تتعودى على ابعادها الاول كويس وتحفظيها
وتحفظى امكانيات العربيه بتاعه الدوران فى الملفات وتقدرو وتعرفى تحسبى قوه الفرامل
بعد كدا ابتدى انزلى فى الشوارع الزحمه واحده واحده
هترقى نفسك ابتديتى تتجرأى على الطريق
سؤال :عربيتك نوعها ايه و مانيوال ولا اوتوماتيك

[moh19227]

انا رايى ان حضرتك تنزلى لوحدك طلما بتعرفى تسوقى .. حتفرق معاكى و حتديلك ثقه رهيبه ... بالتوفيق ان شاء الله :b4_048:

بلاش دلوقتي

لما تشدي حيلك شوية وتتمكني من العربية كويس

في اي مكان يبقي هادي كده وابن حلال تبقي تجربي وفعلا هتديكي ثقة جامدة اوي

وربنا يستر

[nadeen]

نصيحه
قبل اما تنزلى الشوارع الزحمه
انزلى الفجر او فى شارع فاااااضى خالص و امشى بلعربيه عشان تتعودى على ابعادها الاول كويس وتحفظيها
وتحفظى امكانيات العربيه بتاعه الدوران فى الملفات وتقدرو وتعرفى تحسبى قوه الفرامل
بعد كدا ابتدى انزلى فى الشوارع الزحمه واحده واحده
هترقى نفسك ابتديتى تتجرأى على الطريق
سؤال :عربيتك نوعها ايه و مانيوال ولا اوتوماتيك

عربيتى اوبترا اوتوماتيك

[craunchy]

نصيحه
قبل اما تنزلى الشوارع الزحمه
انزلى الفجر او فى شارع فاااااضى خالص و امشى بلعربيه عشان تتعودى على ابعادها الاول كويس وتحفظيها
وتحفظى امكانيات العربيه بتاعه الدوران فى الملفات وتقدرو وتعرفى تحسبى قوه الفرامل
بعد كدا ابتدى انزلى فى الشوارع الزحمه واحده واحده
هترقى نفسك ابتديتى تتجرأى على الطريق
سؤال :عربيتك نوعها ايه و مانيوال ولا اوتوماتيك

+111111111111 انا عملت كده لمده اسبوعين كل يوم اول ماجبت عربيتى و بعد كده بدأت انزل فى الزحمه واحده واحده و نصيحه لما تخوشى فى الزحمه ابعدى عن الميكروباصات و التكاسى .. و سيبى فرق بينيك و بين العربيات اللى قدامك و خللى رجلك حساسه على الفرامل من الأول كده هاتلاقى نفسك ارتحتى قوى فى السواقه فى المستقبل ان شاء الله

[amrrashed]

بصى انا والدى دايما كان يقولى ان السواقة انك تتجنب اخطائك واخطاء الناس

[sayedhassan]

انا معايا عربية اوتوماتيك واول لما اتعلمت اتعلمت على المانيوال انا عوز اقول ان الاوتوماتيك اسهل بكتير جدا من المانيوال يعنى حضرتك بس بتنقل علىd وبعدين تركز تماما فى الطريق وتنسى الفتيس تماما ويمكن تلخيص بعد النصائح الاتيية
1- انزل يوم الجمعة الصبح بدرى ومعاك حد يوم واحد بس وذلك للتعرف على ابعاد العربية
2 - انزل يوم جمعة لوحدك وامشى بالراحة على اليمين وحاول يكون عندك ثقة فى النفس
3 - ركز دائما امامك ومتخليش اللى وراك يربكك يعنى لو انت ماشى بالراحة وواحد وراك عمال يديك كلاكس بالراحة خالص خليه يعدى
4 - هتسمع تعليقات كتير من اللى حواليك مستفزة جدا خليك هادى خالص وتنش وما درتش
5 - بعد يومين من القيادة فى شوارع مش زحمة لازم تنزل يوم فى الزحمة خليك هادى خالص ومركز تماما وحاول تمشى فى حارة واحدة يعنى اما فى اليمين او الشمال وما تحولش تغير الحارة
ونصيحتى ليك خد الحارة الشمال اللى جنب الرصيف وبعدين فى الشوارع الزحمة هتلاقى السرعة بطيئة اصلا يعنى سرعة اليمين زى الشمال
6 - خلى عينك على عداد السرعة لان الاوتوماتيك ممكن تخدعك يعنى لما تلاقى السرعة زادت خفف رجلك من على البنزين
7 - لو لقيت قدامك مشاة شيل رجلك من على البنزين وخليك مستعد تدوس فرامل علشان هما ممكن يعدوا فى اى لحظة
8 - من حين لاخر بص فى المرايات
9 - ماتحاولش تعمل اى حاجة وانت سايق وخليك مركز تماما قدامك
10 - مع الوقت هتتعرف على ابعاد العربية لذلك لو انت مش متأكد من الحيز اللى انت ماشى فيه مش هيستوعب عربيتك ماتدخلش يعنى لازم تترك مسافات من جميع الاتجاهات بينك وبين العربيات اللى حواليك
11 - خلى الكاوتش الخلفى للسيارة اللى امامك ظاهلر ليك دائما يعنى ماتقربش منها حتى يختفى
12 -واخيرا انت اللى هتعلم نفسك بنفسك والقيادة ممارسة وكل يوم تسوق فيه هتتعلم حاجة جديدة بس خلى عندك ثقة بالنفس