ساعدونى اسوق كويس

[MMamdouh]

اهم نصيحة فى السواقة: متسوقيش و انتى خايفة... اللى خايف بيغلط

مش مهم الناس عايزاكى تجرى او توسعى او اى حاجة... خلليكى واثقة فى نفسك و اتصرفى بهدوء اعصاب و متخليش اى حد يخرجك عن تركيزك او يلخمك

بعد فترة حتتعودى على العربية و على الطرق و على الناس و حتلاقى الموضوع بقى تلقائى

الزميل اللى قال السواقة ممارسة و تعود: اوجزت فانجزت... و كل يوم بتسوق بتتعلم حاجة جدية و بيقابل موقف جديد بيزود خبرتك اكتر

MMamdouh

[nadeen]

أنا فعلا مش عارفة أقول لكم ايه، انتو كلكم ناس أخلاق قوى خلتونى أدمنت نايل موتوز ..
بجد ألف شكر ليكم وربنا يبارك لكم ويجزيكم كل الخير ..

[blazer]

فىه حاجه كمان
حاولى تقرى شويه و يبقى عندك معلومات عن اساسيات ميكانيكا السيارات
يعنى لو العربيه وقفت منك ايه السبب المحتمل وكدا يعنى
هو الموضوع ممكن ميكونش مفيد اوى عشان عربيتك جديده انما برده مش هتضر

[mmffor]

لازم الاول القياده تكون في شوارع فاضيه لحد ما يتم اتقان القياده تماما بعدين لازم جدا تشتري عربيه قديمه و مستعمله علشان تسوقها في الاول لأن لازم حتتخبط حتتخبط حتى لو شيخ السواقين! و بعدين اركب (اركبي) جنب سواق ميكروباص كتير و انتا رايح مشاريرك علشان تشوف الافترا و الغرز و حل اصعب المشاكل المروريه بيتم ازاي

[م/مصطفى محمود]

انا هقول لحضرتك تجربتى ، انا أول يوم جبت العربية كان معايا واحد صاحبى هو اللى وصلها لحد البيت (كنت أتعلمت بس فضلت سنة مبسوقشى بعد ما أتعلمت) ، المهم يومها نزلت أركن العربية ، كنت رافع فرامل اليد ، طبعا العربية فضلت تنط وبتاع وانا وشى أحمر وحسيت أن الشارع كلة بيبص عليا

أول يوم رحت الكلية نزلت من العربية رجلى بترعش (مع أنى كنت سايق كويس) ومرة على مرة الخوف بيقل

نفس الموضوع أول مرة أسوق بالليل حسيت أنى مش شايف حاجه ، وبعدها بيومين لقيت الموضوع بدأ يبقى عادى

فالخوف طبيعى فى البداية ، بس فعلا عن تجربة ، لازم تنزلى مرة لوحدك فى حتة كويسة ، لأن ده هيديكى ثقة فى نفسك ، لأنك بتبقى مُعتمدة أن فى حد جانبك وهيساعدك لكن لما بتبقى لوحدك بيبقى أفضل

(أنا برضوا كنت مضايق من زمايلى لما كلهم مكنوش راضيين ييجوا معايا ومُصممين أنى أروح لوحدى (تانى مرة سواقة) وبجد بعدها فهمت وجهة نظرهم)

وطبعا واحدة واحدة الخوف بيقل

[mohamedbook]

السلام عليكم ورحمة الله وبركاته

يا جماعة انا لسة بتعلم السواقة وامبارح نزلت فى شوارع زحمة قوى( مش بمزاجى) و طبعا مكنتش لوحدى كان معايا المدرب بتاعى ، المهم انى اتصدمت من الزحمة والناس اللى ولا كأنهم سامعين الكلاكس والناس اللى عايزنى اجرى بالعربية والطريق اصلا زحمة ومقفول
وفى الغالب جالى اكتئاب من السواقة ..
يا ريت اللى لسة زيى كده فى البدايات أو اللى فاكر موقف غلس حصل له فى الشارع يحكيه ويقول اتصرف ازاى علشان نستفيد من أخطاء بعضنا و نحاول نتجنبها ..وشكرا ليكم

مع الممارسة كله هيبقي تمام بس مهم ان الواحد يجمد قلبة
عشان السواقة عيزة قلب من حديد

[amrdiab]

انا لما اتعلمت اخدت تقريبا ساعه عشان افهم الغيارات والعلافه بين الفرامل والدبرياج وازاي اخد مطب بالاتنين وازاي العربيه متطفيش انا مكنتش مصدق اني عرفت ده كله في الوقت البسيط ده لا وايه كنت بستغرب ازاي الناس بتحود بالعربيه لا ده انا حودت لواحدي وكان زميلي يقولي ادي التالت ادي الرابع وكانت متعه قعدت معاه 4 ساعات ورحت طالع علي طريق سريع وبفي يقولي ادي الرابع والحمد لله حسيت اني متمكن من السواقه وعرفت اركن بس كنت محتار في الاشارات ورجعت البيت ليلتها كنت حاسس اني شوماخر حتي زميلي كان بيقولي انا لوسبتك هلاقيك في مصر....
وخرجت معاه المره التانيه وقالي انت تمام في السرعات والدوران هنتعلم المشي ببطء ...انا قولت له ياعم اللي خلاني اتحكمت في العربيه علي سرعات عالية وجمبي ترلات وميكروباصات واول مره اسوق مش هعرف امشي بشويش !!!!!!
وكانت المفاجاءه اني حسيت اني ولا كاني اتعلمت حاجه والعربيه تطفي وانا اعرق واترعش وانا بدور العربيه وعرفت ساعتها ان
"من السهل اننا نمشي بسرعه لكن تمشي بشويش وهدوء وسواقه زي اللي بنعاني منها في لحظات الزحمه دي صعب جدا"
[info]نصيحتي المتواضعة التمرين علي السير البطيئ واذاي رجلك تبقي علي الفرامل اسيب مسافه وادي اشاره صح وامشي فحارتي وعنيا تبقي في نص راسي
...أه وأه وأهين[/info]

[topfield]

انا زييك فى السواقة لسا بتعلم من اسبوع بس بدات التعليم فى طريق مافيهوش سيارات او ناس بتمشى طريق صحراوى وجدديد ولسا مرصوف فى طريق المحاجر والان بتحكم فى السيارة كويس بمشى بثبات باطلع كويس غيارات تمام متحسيش انى بغير غيارات العربية برجع لورا تمام وبدور تمام بس لسه ماسوقتش فى الزحمة ولسه ماسوقتش بالليل واستخدمت الاشارات

[ali.mahmoud]

فكرتينى بالذى مضى لما كنت بتعلم السواقة بس فعلا السواقة ممارس متكونيش خايفة وبالتوفيق انشاء الله

[migo9898]

انا بقالى ست شهور وفى حاجات لسة بتعلمها جديد وفعلا السواقة ممارسة المهم الثقة فى النفس ومتكونيش خايفة

[Ahmed Galal]

من رأيى السواقة يوم الجمعة الصبح و طوال يوم الجمعة و السبت و فى اماكن هادية عشان البلد بتبقا هادية فى الايام ديه نوعا ما و الحرص دوما من عدم التخطى المفاجىء و الاحتراس اكتر و اكتر من التقاطعات و اليوترن هما دول سبب كل البلاوى و بعدها ان شاء الله كله هايبقا تمامم