شحن البطارية في المنزل

[samirayad]

مفيش مانع ان حضرتك تكون عرفت حاجة غلط او معرفتهاش اصلا

أذا كنت أنت بتدرس كهرباء زى مابتقول

وأنت مش فاهم أنواع التيار أساسا

وبتتحاور مع الناس وتجادل فى حاجه غلط

يبقى حتفاهم معاك أزاى
وأنت مش فاهم الفرق بين التيار الثابت والتيار المتغير
ولا عارف أنواعهم
وبتقول
أن الثابت أنه غير المستمر

يبقى حتفهم أزاى




أنت متأكد أنك بتدرس كهرباء فعلا


خللى بالك
أنت لسه جاى من أيقاف تقريبا

وشكلك بتجادل كتير على باطل

[samirayad]

اولا احب اعرف حضرتك اني اتخانقت مع معيدين وناس كتيرة

طالب وبتتخانق مع معيدين فى الكهرباء

كويس والله
ظهور النبوغ دى بدرى بالشكل ده
وبتعلم على المعيدين كمان

حقا فأنت مكسب كبير لنايل موتورز

[محمد الشامي]

كده تمام يا كبير ..
طب ما تتم جميلك وتقوللي الأرضي بتاع الكابل الصغير (اللي بيتحط في الهارد) فين .. لأن قدامي سلكين لونهم أسود .. وبصراحة أنا بخاف من طريقة حادي بادي

طبقا للصوره دي , السلك الأرضي الأسود هو تاني واحد بعد السلك الأصفر


وبعدين مفيش جمايل بين الأخوات يا اخي

[aly_hosny]

أذا كنت أنت بتدرس كهرباء زى مابتقول

وأنت مش فاهم أنواع التيار أساسا

وبتتحاور مع الناس وتجادل فى حاجه غلط

يبقى حتفاهم معالك أزاى
وأنت مش فاهم الفرق بين التيار الثابت والتيار المتغير
ولا عارف أنواعهم
وبتقول
أن الثابت أنه غير المستمر

يبقى حتفهم أزاى




أنت متأكد أنك بتدرس كهرباء فعلا


خللى بالك
أنت لسه جاى من أيقاف تقريبا

وشكلك بتجادل كتير على باطل

طالب وبتتخانق مع معيدين فى الكهرباء

كويس والله
ظهور النبوغ دى بدرى بالشكل ده
وبتعلم على المعيدين كمان

حقا فأنت مكسب كبير لنايل موتورز

اولا شكرا لحضرتك على الرد بالاسلوب
وارجع شوف موضوع الباشمهندس محمد ممدوح واعرف انا اتوقفت ليه
انا اتقوفت لان في النفس اليوم ال الباشمهندس اتوقف فيه كان في موضوع كامل عن التحسيس ومليان ايحاءات ومحدش جه جمبه وكان الوقف بسبب الاعتراض على قرار الادارة

ثانيا واضح ان لا انا ولا الاخ Yoko ال بندرس كهربا فاهمين
ولا الدكتور ال سالني فيها في امتحان الشفوي بتاعي واداني الدرجة كاملة لما جاوبت على السؤال دا بس مع ان المفروض يبقى في مسالة وتجربة
وان حضرتك "مدرستش كهربا" بتفهم اكتر مننا كلنا

ثالثا
بالنسبة للمعيدين ف بتخانق دي مبتعبرش عن اي بمسك في شعره واطلعله المطوة انما انا اقصد بيها اني بجادلهم
ودا بيرجع لان علاقتي بمعظم المعيدين ال ادوني كانهم اخواتي الكبار

رابعا
انا اسف على ازعاجك ومتصورتش ان الحوار هيوصل للاسلوب دا

[ttyy]

يا سمير بيه
انا افتكر وانا فى اعدادى هندسة ان الشكل بتاع التيار المتردد كان نصه فوق والنص التانى تحت محور الx
مش زى ماهوه مرسوم كله فوق

[samirayad]

وان حضرتك "مدرستش كهربا"

لا ياباشا
دارس كهرباء كويس أوى

وكنت بأجيب كل سنه فيها أمتياز فى الجامعه ( خمس سنين )

وكنت حدخل قسم كهربا ( لأننى من عشاق الكهرباء فعلا )

بس عشقى الأكبر للميكانيكا وهندسة الموائع
هو اللى خلانى غيرت الأتجاه

وكنت معيد فى ميكانيكا الموائع
ومعايا مرتبة شرف كمان

بس سيبت الفيلم ده كله
وتحولت للجانب العملى

وحاليا بأشتغل فى الميكانيكا والكهرباء ( عمليا )
ومعايا مهندسين وفنيين صغار كتير

[aly_hosny]

لا ياباشا
دارس كهرباء كويس أوى

وكنت بأجيب كل سنه فيها أمتياز فى الجامعه ( خمس سنين )

وكنت حدخل قسم كهربى

بس عشقى للميكانيكا وهندسة الموائع
هو اللى خلانى غيرت الأتجاه

وكنت معيد فى ميكانيكا الموائع
ومعايا مرتبة شرف كمان

بس سيبت الفيلم ده كله
وتحولت للجانب العملى

انا كاتب كدا بناء على كلام حضرتك في ردود في الاول انك مش مهندس كهربا

والمفروض حضرتك قبل ما تتهكم عليا وعلى ال باقوله
اسال
بس اسال حد بيفهم ولو ويكبيديا مش عاجباك قولي ايه ال يقنعك

في كلمة اخيرة بس
انا اتصدمت في حضرتك

[yoko]

يا جماعة الخلاصة إن التيار المستمر يا على طول جهده موجب أو على طول سالب (حتى لو قيمته إتغيرت)
أما المتردد بيتغير الفولت من سالب لموجب

[محمد الشامي]

لا ياباشا
دارس كهرباء كويس أوى
وكنت بأجيب كل سنه فيها أمتياز فى الجامعه ( خمس سنين )
وكنت حدخل قسم كهربى
بس عشقى للميكانيكا وهندسة الموائع
هو اللى خلانى غيرت الأتجاه
وكنت معيد فى ميكانيكا الموائع
ومعايا مرتبة شرف كمان
بس سيبت الفيلم ده كله
وتحولت للجانب العملى

باشمهندس سمير ياحبيب الكل بالله عليك خلينا في موضوع اخونا حمو لانه محتاجنا جنبه دلوقتي في تجربته , وكمان انا مش هنسى عبارتك الشهيره وهي ان مفيش حاجه تستاهل ان اتنين يزعلو من بعض عشان شويه حديد ولا ايه ياهندسه ؟؟؟؟ وبعدين يا هندسه انت غني عن التعريف

يلا قلبك ابيض وخليك جنب اخوك الصغير حمو لانه زمانه جايب الباور سابلاي وقاعد يلعب في البطاريه ,, وربنا يستر عليه

[ttyy]

انا شايف دخنه كثيفه فى شارع مضرب الرز

[samirayad]

يا سمير بيه
انا افتكر وانا فى اعدادى هندسة ان الشكل بتاع التيار المتردد كان نصه فوق والنص التانى تحت محور الx
مش زى ماهوه مرسوم كله فوق

كلامك تمام فعلا

ماهو لو تلاحظ
أنا قولت للأخ / على
أن ده منحنى جيبى لتيار متغير أحادى الوجه single phase( تم تقويمه )

وشيلنا شوية الجيوب السالبه وأتحطت فوق مع النص الموجب

لأن فيه دايودات هى اللى عملت الشكل اللى قدامك ( رقم 2 )

يعنى شيلنا الشويه اللى تحت وأتحطوا فوق بعد عملية التوحيد أو التقويم

___________________________________

على فكره كلمة التقويم

ليها معنى لغوى برضه

فولت كهربى منتج من مولد متغيرأحادى الوجه كان ماشى عوج
لفوق ولتحت

ظبطناه وقولناله أمشى عدل شويه بدايرة توحيد ( علشان يبقى عدل وثابت الى حد ما )

زى ما أنت شايف بالشكل رقم 2

[amrelsaqqa]

بصوا يا رجالة

الحوار ده سهل وفعلا الباور سبلاى هيقوم بالواجب وهيشحن البطارية بس محتاج تعرف خرجه كام بالامبير بحيث ما تسيبوش مدة طويلة اكتر من اللازم ويبوظ البطارية

وقفلة الباور سبلاى عبارة عن الاخضر مع الاسود
والاسود ارضى والاصفر 12 فولت



انما بقى انا شغال في حوار تانى شبهه كدة وعايز اراءكوا معايا لانى لقيت ناس هنا ما شاء الله
وانا بالمناسبة في الفرقة التالتة هندسة الكترونيات قسم حاسبات
يعنى درست كهربا والكترونيات بتاع 3 سنين


انا فكرتى ببساطة انى مش هشحن البطارية



لا انا عايز الباور سبلاى يقوم العربية ويشغلها من غير بطارية خالص !!

هتقوللى ليه ؟ ؟
اقولك
لان فيه ناس كتير بيبقى عندها عربيات من غير بطاريات و مرفوعة او مركونة بالسنين وممكن بس يحب يدور المكنة كل فترة كدة وخلاص ( عشان يمشى الزيت و المية ويحافظ على الخراطيم والفلاتر والموتور يفضل مصحصح و و و )

يعنى تدويرة كل فترة بس فترة طويلة شوية بحيث انه ما ينفعش يستخدم بطارية عادية والا هتنام منه او تبوظ بسرعة

يعنى مثلا هيدورها كل شهر ويمكن اكتر شوية

دى اول فايدة
تانى حاجة
تخيل نفسك وقفت بالعربية والبطارية نامت والعربية اوتوماتك وحاجة زي الفل

تخيل نفسك كدة معاك باور سبلاى تطلع سلك وتحطه في اقرب فيشة تدور العربية بكل سلاسة !!


فأنا عايز اعمل ايه من الاخر

باور سبلاى يدى 12 فولت ويستحمل لحد 70 امبير او 60 او 50 على الاقل
عشان يقدر يدور المارش ويدور العربية بسهولة

بس الموضوع صعب لأن عملية وجود باور سبلاى يوفر تيار عالى زي ده مكلف جدا لو هتجيبه جاهز ده ان لقيته

فانا بفكر في ايه بقى
و هبدأ بمثال عشان اوضح :

زمان قالولنا لو عندك بطارية ( حجر ) 1.5 فولت
بتدى مثلا 100 مللى امبير
لو وصلنا حجرين توالى هنزود الجهد وهيبقى 3 فولت يوفروا برضه 100 مللى امبير

ولو وصلنااهم توازى هنزود اقصى قيمة تيار تقدر البطارية توفرها يعنى هيبقى 200 مللى امبير مع ثبات الجهد على 1.5

تمام ؟

دى الفكرة
طبعا مش هنشتغل بحجارة
هنطبق الكلام ده بالباور سبلاى بتاع الكمبيوتر

ازاى ؟

الباور سبلاى العادى الصينى مكتوب عليه انه ممكن يوفر تيار بتاع 15 امبير تحت جهد 12 فولت

طبعا الكلام ده مش شرط يكون صحيح بس هيبان بالتجربة

فالفكرة كلها مبدأيا ان ليه ما نجيبش 4 او 5 باور سبلاى ونوصلهم توااازززى (زي الحجارة في الحالة التانية ) بحيث نزود التيار يبقى 4 * 15 = 60 امبير مثلا ؟؟

وطبعا هنخلى بالنا من قطر السلك الناتج من تجميع الـ 4 باور مع بعض
لانه لازم يكون يتحمل الـ 60 امبير

عشان طبعا فيه علاقة بين مساحة مقطع السلك واقصى تيار يمر فيه ( فكرة الفيوزات )


فالمهم اناا كنت لقيت ع النت معادلة بتحسب قطر السلك المطلوب عشان يستحمل تيار معين، وبالنسبة للنحاس طلع لازم يكون حوالى 3 مللى لو60 امبير ( والسلك يكون سخن مولع قبل الانصهار بحاجة بسيطة )

فهنقول مثلا السلك يبقى 1 سم عشان يفضل شغال وبارد وزي الفل

فلازم نعمل حسابنا ان ممكن نغير كل الاسلاك بتاعت كل الباور سبلاى بأسلاك اتخن

بحيث يكون مجموع اقطار الاسلاك اللى جاية من كل وحدات الباور = 1 سم للطرف

يعنى 1 سم للموجب مع بعض ( الاسلاك الصفر ) و 1 سم للسالب مع بعض ( الاسلاك السودة )


الكلام اللى انا قلته ده كله

نظري
وعمال افكر فيه من فترة

ولسه ما طبقتش اي حاجة فيه
لان لسه هجيب الـ 4 باور سبلاى من سوق الجمعة بسعر رخيص عشان ابدأ التجارب



بس ياريت اشوف رأيكوا كدة ايه وهل انا كلامى كدة -عمليا- صح وهينفع ؟

ولو فيه اقتراحات برضه او افكار جديدة ؟

معلش طولت بس قلت لازم اشرح الفكرة بالراحة

[samirayad]

انا شايف دخنه كثيفه فى شارع مضرب الرز

ياريت بعد أذنك

لا تلقى بالبنزين على الرماد
لعدم أشتعاله

فمهما يحدث فى الحوارات بين الزملاء

فلن أسمح للألاعيب الشيطانيه

بأحماء وطيس المعركه

وزى ماقال أخونا / محمد الشامى

وهي ان مفيش حاجه تستاهل ان اتنين يزعلو من بعض عشان شويه حديد :e_braces[1]: ولا ايه ياهندسه

[ttyy]

الاخ الفاضل سمير -----ان بعض الظن --اثم
شارع مضرب الرز هو مسكن اخونا حمو
وانا بضحك معاه ---ان تجربته فشلت

كده بقه انا ليه حق عرب

[samirayad]

الحوار ده سهل وفعلا الباور سبلاى هيقوم بالواجب وهيشحن البطارية بس محتاج تعرف خرجه كام بالامبير بحيث ما تسيبوش مدة طويلة اكتر من اللازم ويبوظ البطارية

الله ينور عليك

علشان كده كنت عاوز أشوف البيانات كويس اللى على الجهاز