شحن البطارية في المنزل

[samirayad]

البطاريه اتشحنت ولا حمو نام ونسيها

ياباشا ماهو بيشحن معاها

هو على السرير نايم
وهى على الباور سبلاى

[محمد الشامي]

انت فين ياحمو ؟؟؟؟؟؟

طمنا عليك وعلى تجربتك الفريده من نوعها

فينــــك يا زويـــل المنتــــدى

[tompina]

يؤسفني أقول إن بطاريتي لم تشحن رغم إني سبتها أول مرة 4 ساعات والمرة التانية 8 ساعات ..
البطارية عندي نايمة نايمة نايمة .
مش عاوز أقول حكم نهائي لأن دا يعتبر في مفهوم علم الإحصاء خطأ شنيع ..
وكمان لازم تحيطوا علما بظروف بطاريتي وهي إنها بتهرب الشحن بتاعها (بعد شحنها على التونجر) عند الكهربائي .. بتهرب الشحن بعد حوالي 12 ساعة بالكتير من شحنها ..
وعندنا مصنع بطاريات في المنيا دلني إليه الأستاذ خالد مشكورا ,, وكنت رحت له عشان يشوف لي البطارية فيها أمل وللا أشتري واحدة جديدة .. بس هم مسيحيين واليومين دول قافلين فأنا مضطر أنتظر لبكرة يكونوا فتحوا .

مش عاوز أبني أحكام مسبقة .. بس عشان نحكم على التجربة دي بدقة .. لازم أي حد تاني تكون بطاريته حالتها أفضل من بطاريتي (خصوصا وأنها من جوة عليها رواسب ملحية على الأطراف) دا غير إنها مليانة شوائب ودا بيأثر بالسلب على عمليات الشحن البطيء (زي حالتنا دي).
الباش مهندس سمير والأخ محمد الشامي والأخ رينزي ....
مشكورين على كمية الحماس والمتابعة اللي أتحفتموني بيها ..
ورجاء .. لو حد عنده بطارية كويسة ونامت .. يجرب عليها علشان نحكم عليها بشكل كامل .
وشكراً

[محمد الشامي]

ياحمو بإذن الله تجربتك ناجحه ناجحه ناجحه , ويكفيك يا اخي شرف التفكير والمحاوله

ومتقلقش كلنا معاااااااااااااااااك لغايه لما التجربه تثبت نجاحها

اهم حاجه بلاش يأس وبلاش يؤسفني والكلام ده , لسا بدري اوي على كده

[samirayad]

هو الباور سبلاى
خرجه كام فولت ثابت DC VOLT عندك ياحمو

متكتب البيانات اللى عليه بالضبط
مادام الصوره مش واضحه أمامنا والكاميرا تعبانه

أكتب كل الداتا الموجوده فى ال output

وبلاش ال input
لأنه معروف

[tompina]

ياحمو بإذن الله تجربتك ناجحه ناجحه ناجحه , ويكفيك يا اخي شرف التفكير والمحاوله :ta_clap[1]:

ومتقلقش كلنا معاااااااااااااااااك لغايه لما التجربه تثبت نجاحها

اهم حاجه بلاش يأس وبلاش يؤسفني والكلام ده , لسا بدري اوي على كده

الحمد لله على كل حال .. وعموما أنا متأكد من صحة الموضوع نظرياً ..
وممكن الرجوع للرابط بتاع شاحن البطارية المنزلي .. الموضوع مش هزار .. لكن أنا كنت متأكد إن بطاريتي لو اتشحنت يبقى كويس ولو ماتشحنتش يبقى عيب بطاريتي لأنها أصلا بتهيس مع دينامو العربية ومع التونجر .. تلاقيها استهفقت الباور سبلاي وقالت بقى العيل ده هواللي هايشحنني ؟ الله يرحم أيام ما كان تونجر قده عشر مرات مايقدرش علي!
أنا متأكد إن بطاريتي كانت بتقول كده !

[محمد الشامي]

تلاقيها استهفقت الباور سبلاي وقالت بقى العيل ده هواللي هايشحنني ؟ الله يرحم أيام ما كان تونجر قده عشر مرات مايقدرش علي! أنا متأكد إن بطاريتي كانت بتقول كده !

الله عليك ياحمو

طيب بدل ما انت عارف ان البطاريه هتعمل كده كنت غميت عنيها بأي حاجه عشان متعرفش ايه بيشحنها

او كنت اكتب على الباور سبلاي تونجر كبير اوي

[tompina]

هو الباور سبلاى
خرجه كام فولت ثابت DC VOLT عندك ياحمو

متكتب البيانات اللى عليه بالضبط

مادام الصوره مش واضحه أمامنا والكاميرا تعبانه

أكتب كل الداتا الموجوده فى ال output

وبلاش ال input
لأنه معروف

حاضر يا باشا :
من الشمال لليمين :
orange : 3.3 v
12 A
------------
yellow: 12 V
12A
-----------
blue: - 12 V
0.5 A
----------
red : +5 V
22 A
----------
white: -5 V
0.5 A
-----------
purple: +5 V se
1.5 A
------------
black : com
GND
-----------
green : PS-ON
-------------
brown: POK

[tompina]

الله عليك ياحمو

طيب بدل ما انت عارف ان البطاريه هتعمل كده كنت غميت عنيها بأي حاجه عشان متعرفش ايه بيشحنها

او كنت اكتب على الباور سبلاي تونجر كبير اوي

ههههههههههههههههههه

خلاص يا باشا المرة الجاية هاشحنها في الضلمة !

[samirayad]

------------
yellow: 12 v
12a

يبقى ينفع ياباشا التجربه فعلا

بس البطاريه مش حتزيد عن 12 فولت بعد الشحن
وممكن متوصلش للرقم ده ( حسب كفاءة الباور سبلاى )

وأكيد مش حتوصل البطاريه لجهد 12 فولت بسبب المفاقيد الكهربيه عبر أسلاك الشحن

وبالتالى ممكن يبقى غير مجدى فى شحن بطاريه للأستعمال مع مارش تعبان شويه
أو مكنه عاوزه حمل أداره كبير فى البدايه

لأن التناجر بتبقى أعلى فى الفولت من كده ( حوالى 14 فولت على ما أعتقد )

وحتاخد وقت شحن معاك ( مع بطاريه 55 أمبير كويسه )

حوالى خمس ساعات أو أقل شويه

ولازم تكون كفاءة البطاريه الفنيه أكثر من ممتازه لأجراء المحاوله دى


وطالما دى محاوله

يبقى بتقبل النجاح أو الفشل

[tompina]

يبقى ينفع ياباشا

بس البطاريه مش حتزيد عن 12 فولت بعد الشحن
وممكن متوصلش للرقم ده ( حسيب كفاءة الباور سبلاى )

وبالتالى ممكن يبقى غير مجدى للأستعمال مع مارش تعبان شويه
أو مكنه عاوزه حمل أداره كبير فى البدايه

لأن التناجر بتبقى أعلى فى الفولت من كده ( حوالى 14 فولت على ما أعتقد )

وحتاخد وقت شحن معاك ( مع بطاريه 55 أمبير كويسه )

حوالى خمس ساعات أو أقل شويه

يعني مبدئيا الموضوع صحيح ..
وعلى فكرة .. عربيتي (لو هادورها زق وهي باردة) بتدور بصعوبة ، أما وهي سخنة بتدور بسرعة جدا (ودا في حالة الزق)
أما لو البطارية كويسة وهادورها مارش فبتدور من أول تكة سواء باردة أو سخنة
إنما بطاريتي واقعة خالص وأنا طالع أشحنها عن طريق مشترك مع عربية واحد صاحبي كمان شوية وهاخدها مشوار صغير كده عشان تتشحن مظبوط .
لحد ما المصنع يفتح ويقول فيها القول الفصل ..
إنما قلي يا باشا .. لو هي بايظة .. أجيبها جافة وللا زي اللي معايا دي ؟
وكلامك سليم يا باشا لأن كفاءة البطارية شبه منعدمة لأنها مليانة شوائب زي تفل الشاي الناعم ولونها أسود ومملحة من جوة .

[samirayad]

.. أجيبها جافة

[tompina]

طب يا باشا لو جبتها جافة وركنتها فترة .. هاتتشحن برضه على الباور سبلاي وللا هاتبوظ من الركنة زي البطارية دي ؟
(على فكرة البطارية دي لم تستعمل أكثر من خمس شهور)
وللعلم قبل الفضيحة : البطارية دي ماركتها (النسر فارتا الألمانية) !

[محمد الشامي]

أجيبها جافة وللا زي اللي معايا دي ؟

هات ACdelco جافه , عن تجربه

بأمانه بطاريه وووحش , وكمان فيها مؤشر مستوى الطاقه والشحن في البطاريه , يعني هتريح دماغك

1- ضوء اخضر = شحن جيد
2- ضوء اسود = اشحن البطاريه
3- ضوء ابيض = استبدل البطاريه

[samirayad]

هات ACdelco جافه , عن تجربه

بأمانه بطاريه وووحش , وكمان فيها مؤشر مستوى الطاقه والشحن في البطاريه , يعني هتريح دماغك

1- ضوء اخضر = شحن جيد
2- ضوء اسود = اشحن البطاريه
3- ضوء ابيض = استبدل البطاريه

+1