ايه موضوع الفلاتر الرياضية ..... وهل يتم تركيبهم لأي عربية

[الصيداح]

سلام الله عليكم

يعني ايه فلاتر رياضية
وايه الفرق بينها وبين العادية
وهل يركبو لأي عربية
وايه التأثير اللي هيختلف عن العادي

وشكرا لكم
وجزاكم الله كل الخير

[Amr Mohamed]

وعليكم السلام
لو حضرتك تقصد فلاتر الهوا الرياضيه فهى بتزود سحب السياره وتقلل الوقت المطلوب من 0 الى 100 بس مش بنسبة كبيره ده غير انها بتعمل صوت جميل بالنسبة لناس وناس تانية بتكرهه بس لما تشد يعنى على ار بى ام عالى فوق 3000 تقريبا (انا بحبه)
وهو صوت هجومى ورياضى واعتقد على حد معلوماتى انها بتتركب للسيارات التى تعمل بنظام الحقن الالكترونى لكن الكربراتير الله اعلم فى ختلاف فى النقطه دى
ودى صور للرياضى





ودى صور العادى







وبردو مستنين اراء الخبراء وتصحيح وتكملة المعلومات

[ahmedbasto]

كلامك كله صح الفلاتر مش بتركب غير االعربيات الحقن الالتكرونى وصوته جامد اووى

[A.Saad]

http://www.nilemotors.net/Nile/109141-a.html

[الصيداح]

جزاكم الله كل خير
شكرا لكم
تمام كدة

[د.محمود صلاح]

للعلم هو بيعمل صوت زئير حلو , ويقال انه بيزود قدرة المحرك من 2-5 احصنة والله أعلم

[SkyBird]

بتركب للعربيات الكرباراتير برضو
كان في موضوع في قسم متسوبيشي هدور عليه

[EngAhmedSayed]

انا قرات الموضوع كويس
انا هتكلم عن خبرتى انا من موضوع دراستى بصفتى انى مهندس ميكانيكا
الموضوع ليه اسمه فلتر هوائى معايا او ايه و ظيفته
الاول بس نعرف دورة الاحتراق الداخلى للموتور بتكون عباره عن ثلاث اشواط المهم فى شوط قلى هو دخول شحنة وقود و شحنة اكسجين للتساعد على الاشتعال صح لانى من غير اكسجين الوقود مش هيحترق صح كده طيب الموتور عاوز شحنة اكسجين نقيه من الاتربه و عوالق الجو علشان الاتربه و العوالق بتعمل على تسلخ البستم من الداخل
يبقى ملهاش علاقه فى القدره الحصانيه للمحرك الموضوع فلاتر يعنى تنقية الهواء فقط لا غير للمحرك
الفلتر الرياضى ملهاش علاقه فى القدره الحصانيه للمحرك
يارب اكون وافقة فى الشرح المبسط

[MMamdouh]

يبقى ملهاش علاقه فى القدره الحصانيه للمحرك الموضوع فلاتر يعنى تنقية الهواء فقط لا غير للمحرك
الفلتر الرياضى ملهاش علاقه فى القدره الحصانيه للمحرك

الكلام دة مش صح

اى محرك فى الدنيا له كفائة حجمية volumetric efficiency و دى بتمثل قدرة المحرك على ملء حيز غرفة الحريق بزيج الهوا و الوقود و عادتا بتبقى الكفائة الحجمية نسبة بتختلف حسب تصميم الموتور... يعنى لما نقول على مكنة 2000 سى سى ان كفائتها الحجمية 85% يبقى المكنة دى بتقدر تسحب 1700 سى سى مزيج هوا و بنزين فى حيز ال 2000 سى سى

طيب ال 15% دول ضاعوا ليه؟؟؟... دول ضاعوا نتيجة المقاومة اللى فى منظومة مكونات ممرات السحب بدءا من مواسير السحب و فلتر الهواء و عمة الفلتر و الresonaor و البوابة و منافولد السحب نفسة و فتحات وش السلندر المؤدية لىصبابات السحب

اذا من البديهى اننا كل ما قللنا المقاومة دى المكنة حتسحب خليط اكتر (او بشكل ادق هوا اكتر) و بالتالى الكفاءة الحجمية حتزيد و علية خرج المكنة حيزيد... من ضمن طرق تقليل المقاومة دى هو تغيير الفلتر القاسى بفلتر رياضى... هنا بنقلل المقاومة اللى بيعملها الفلتر الاصلى بالresonator و تصميم العمة (و مواسير السحب لو الفلتر ركب بماسورة ستانلس) و بالتالى الهوا بيمر بسهولة اكبر الى داخل المكنة و الكفاءة الحجمية بتزيد

طبعا فيه طرق تانية لزيادة الكفاءة الحجمية منها تركيب بوابة اكلر او منافولد سحب بتصميم فيه زوايا حادة اقل او توسيع فتحات وش السلندر porting

و طبعا ممكن تركب تربو او سوبر شارجر و هنا الكفاءة الحجمية بتعدى 100% لان نظريا المكنة بيبقى فيها كمية هوا اكبر من سعة المكنة اساسا

انت ازاى مدرستش الكلام دة فى قسم ميكانيكا السيارات؟؟

MMamdouh

[zanativich]

استااااااااااااااااااااااااذ
استاذ

[EngAhmedSayed]

يبقى المفروض يبقى اسمه شفاط مش فلتر
يا استاذى العزيز ياعنى ايه كلمة فلتر
كلمة فلتر يعنى تنقية و الفلاتر دى انواع كتيير حسب استخدامه
يعنى على سبيل المثال
فلتر الزيت بقى المفروض يبقى رياضى علشان يعلى كفائه الحصانيه للمحرك
فلتر البنزين يبقى المفروض رياضى علشان يعلى كفائه الحصانيه للمحرك
انا مش شايف انو ليه قدره عليه قله ممكن يكون جودته اعلى فى التنقيه
الهواءفى حدود و ظيفته
و اى موتور ليه تصميم ميقدرش تخرج حساباته
و شكرا
على الرد و الايضاح
و المناقشه لا تفسد الموضوع

[MMamdouh]

يبقى المفروض يبقى اسمه شفاط مش فلتر

هو مش بيشفط هوا... هو بس مش بيقاوم مرور الهوا خلال عنصر الترشيح بتاعة بنفس درجة مقاومة الفلتر الاصلى

يا استاذى العزيز ياعنى ايه كلمة فلتر
كلمة فلتر يعنى تنقية و الفلاتر دى انواع كتيير حسب استخدامه
يعنى على سبيل المثال
فلتر الزيت بقى المفروض يبقى رياضى علشان يعلى كفائه الحصانيه للمحرك
فلتر البنزين يبقى المفروض رياضى علشان يعلى كفائه الحصانيه للمحرك

ما احنا اتفقنا فى الاول ان توليد القدرة من المحرك مرتبط بشكل مباشر مع كمية البنزين اللى تقدر تحرقها... و بما ان البنزين محتاج هوا (او اكسجين تحديدا) يبقى الاعتماد الاساسى على كمية الهوا و البنزين اللى تقدر تحرقها فى الدورة الواحدة... بالتالى كل ما زادت كمية او حجم مزيج الهوا و البنزين اللى داخل للمكنة كل ما زادت القدرة المولدة

فلتر الزيت ملوش علاقة باداء الموتور لان دورة التزييت مش من عناصر تحويل الطاقة اللى فى البنزين الىقدرة حصانية من خلال عملية الاحتراق... و فلتر البنزين لا يمثل عنق زجاجة بالنسبة لدورة المحرك لان احتياج الموتور للهوا اكبر بكتير من احتياجة للبنزين (اكبر ب14.7 ضعف) بالتالى النقطة الاهم هى فلتر الهواء

انا مش شايف انو ليه قدره عليه قله ممكن يكون جودته اعلى فى التنقيه
الهواءفى حدود و ظيفته

هو فى الواقع العكس هو الصحيح...الفلاتر الرياضية كفائتها تقل حاجة بسيطة عن الفلاتر الاصلية فى موضوع الترشيح... مهو الفلتر مش حيدخل هوا زيادة مقارنة بالاصلى من غير ما دة ياثر على اداءة من ناحية الترشيح... و هنا تبان اهمية ان الواحد يشترى فلتر من صناعة محترمة زى K&N او Simota عشان يضمن كفاءة ترشيح كويسة لان غالبا الفلاتر الرديئة بتعدى تراب كتير و دة له تاثير سلبى على المكنة زى ما شرحت

و اى موتور ليه تصميم ميقدرش تخرج حساباته

كلامك صح بالنسبة لتصميم المحرك و دة لا يتعارض ابدا مع اللى انا قولتة... لو فرضنا ان تصميم الموتور الاصلى بفلترة وبعمتة بيخللى الكفاءة الحجمية للمكنة 85% و قدرتها 100 حصان مثلا... و لو انا عايز ازود الكلام دة حغير تصميم الفلتر و العمة عن طريق استبدالهم بفلتر رياضى و دة حيرفع الكفاءة الحجمية الى88% و بالتالى القدرة الحصانية حتوصل الى 103 حصان

و المناقشه لا تفسد الموضوع

طبعا يا باشا و كل مناقشة بنائة بيستفيد كل من يشارك فيها و كل من يشاهدها و دة هدفنا فى المنتدى

MMamdouh

[EngAhmedSayed]

الف شكر على ردك و اسلوبك معايا فى الايضاح و الشرح
و زى منا قولت المناقشه لا تفسد الموضوع نهائى و اتمنى التواصل فى طرح المعلومات و الاستفاده

[MMamdouh]

اكيد يا باشا

MMamdouh

[3ateef]

ما علينا......