ايه موضوع الفلاتر الرياضية ..... وهل يتم تركيبهم لأي عربية

[SAMEH_FOUAD]

الفلتر الرياضى بيساعد اكتر على مرور كمية هواء اكثر الى المحرك وبالتالى زيادة معدل الاحتراق ,لوجود كمية من الهواء كثيرة" جاهزة للاحتراق فورا"لانة بيدخل الهواء مباشر الى غرفة الحريق وبشوائب قليلة جدا
وطبعا طالما زادت نسبة الهواء فى البستم لازم من وجود كمية بنزين تقابلة لتتم عملية الاحتراق كاملة وبصورة سريعة لدخول كمية اخرى اكبر من الهواء لانة الفلتر بيعمل على ادخال كمية هواء اكبر كلما ارتفعت عدد لفات المحرك
ومن هنا قوة المحرك هاتزيد بنسبة 2-5 حصان حسب حجم الفلتر وحجم السعة اللترية للمحرك
عيوبة :
1:صوتة المرتفع قليلا حتى على السلانسية
2:بيزود استهلاك البنزين بنسة 1 لتر عن المعدل الطبيعى
مميزاتة :
1:صوتة جميل جدا وممتع
2:بيعيش اكتر بكتير من الفلتر العادى لانة بيتغير كل 100,000 كيلو
3:فرق ملحوظ جدا فى السحب عن الفلتر العادى

[macdiv]

معنى الكلام ان انا يعني لو شلت الفلتر و حطيط خرطوم واصل بانبوبه اكسجين ،، العربيه هطير ؟؟؟

[SkyBird]

معنى الكلام ان انا يعني لو شلت الفلتر و حطيط خرطوم واصل بانبوبه اكسجين ،، العربيه هطير ؟؟؟

حلوه دماغك عجبني
هههههههه
بس العربية مش هتطير نظريا لان الموتور هيديك اقصي كفائة حسب تصميمه
والعربية تقف اول ما الانبوبه تخلص
ونبقى نغير بنزين ونغير انابيب كل شويه

[macdiv]

حلوه دماغك عجبني
هههههههه
بس العربية مش هتطير نظريا لان الموتور هيديك اقصي كفائة حسب تصميمه
والعربية تقف اول ما الانبوبه تخلص
ونبقى نغير بنزين ونغير انابيب كل شويه

ياباشا الله يخليك ،،، يبقى اكيد النيتروس بيعمل حاجه شبه كده

[eng_ahmedryad]

الكلام دة مش صح

اى محرك فى الدنيا له كفائة حجمية volumetric efficiency و دى بتمثل قدرة المحرك على ملء حيز غرفة الحريق بزيج الهوا و الوقود و عادتا بتبقى الكفائة الحجمية نسبة بتختلف حسب تصميم الموتور... يعنى لما نقول على مكنة 2000 سى سى ان كفائتها الحجمية 85% يبقى المكنة دى بتقدر تسحب 1700 سى سى مزيج هوا و بنزين فى حيز ال 2000 سى سى

طيب ال 15% دول ضاعوا ليه؟؟؟... دول ضاعوا نتيجة المقاومة اللى فى منظومة مكونات ممرات السحب بدءا من مواسير السحب و فلتر الهواء و عمة الفلتر و الresonaor و البوابة و منافولد السحب نفسة و فتحات وش السلندر المؤدية لىصبابات السحب

اذا من البديهى اننا كل ما قللنا المقاومة دى المكنة حتسحب خليط اكتر (او بشكل ادق هوا اكتر) و بالتالى الكفاءة الحجمية حتزيد و علية خرج المكنة حيزيد... من ضمن طرق تقليل المقاومة دى هو تغيير الفلتر القاسى بفلتر رياضى... هنا بنقلل المقاومة اللى بيعملها الفلتر الاصلى بالresonator و تصميم العمة (و مواسير السحب لو الفلتر ركب بماسورة ستانلس) و بالتالى الهوا بيمر بسهولة اكبر الى داخل المكنة و الكفاءة الحجمية بتزيد

طبعا فيه طرق تانية لزيادة الكفاءة الحجمية منها تركيب بوابة اكلر او منافولد سحب بتصميم فيه زوايا حادة اقل او توسيع فتحات وش السلندر porting

و طبعا ممكن تركب تربو او سوبر شارجر و هنا الكفاءة الحجمية بتعدى 100% لان نظريا المكنة بيبقى فيها كمية هوا اكبر من سعة المكنة اساسا

انت ازاى مدرستش الكلام دة فى قسم ميكانيكا السيارات؟؟

mmamdouh

جزاك الله خير يابشمهندس ، كان نفسي أفهم الفكرة دي من زمان .

[M.almaghraby]

موضوع الاكسجين دا في واحد فرضه قبل كدا

و وصلنا الا انه في احتمال كبير الموتور ينفجر او يحصل حريق ما