كيف نشخص موتور خفيف ؟

[ehabbasha30]

لا لازم تعالج الموضوع ده الأول

قبل أى حاجه



لأن أما نجمع الأقتباس ده مع تعريق زيت من الكرتير

يبقى مكنتك كويسه ومش محتاجه طقم شنبر

وعندك سبب تانى لنقص السحب



ومفيش مايمنع أنك تراجع على دورة الأشعال ( بوبينا وأسبراتير وبوجيهات وأسلاك بوجيهات )

وتعمل كشف كمبيوتر لتحديد سبب نقص السحب الرئيسى


وياريت تكون مغير الفلاتر (بنزين وهواء )

لحسن تكون ناسيهم ودول يأثروا على سحب السياره أوى

معلش انا طولت شوية معاك - ارجو متزهقش منى
فلتر البنزين غيرتو بس الهوا لا
تانى حاجة السحب بتاعها حلو جدا المشكلة لما يكون فى مطلع جامد شوية بحس ان العربية برجلت منى وعاوزة تبطل وبتكركر وعداد الآر بى ام بينزل ولازم ازود بنزين بدرجة كبيرة جدا عشان ما تبطلش -
ساعتها بحس ان كل الناس بتبصلى كأنى مش بعرف اسوق وبتعلم - بصراحة بيبقى شكلى وحش اوى

[samirayad]

غير فلتر الهواء

علشان المكنه تعرف تاخد نفسها وهى طالعه على السلم ( مطلع جامد )

[ehabbasha30]

غير فلتر الهواء

علشان المكنه تعرف تاخد نفسها وهى طالعه على السلم ( مطلع جامد )

ياريت تيجى على قد الزكام وتكون مناخيرها مسدودة

احسن ما نفتح بطنها

[samirayad]

متقلقش شوف مناخيرها الأول

علشان النفس أهم من فتح الكرش

[michohat]

لا لازم تعالج الموضوع ده الأول

قبل أى حاجه



لأن أما نجمع الأقتباس ده مع تعريق زيت من الكرتير

يبقى مكنتك كويسه ومش محتاجه طقم شنبر

وعندك سبب تانى لنقص السحب



ومفيش مايمنع أنك تراجع على دورة الأشعال ( بوبينا وأسبراتير وبوجيهات وأسلاك بوجيهات )

وتعمل كشف كمبيوتر لتحديد سبب نقص السحب الرئيسى


وياريت تكون مغير الفلاتر (بنزين وهواء )

لحسن تكون ناسيهم ودول يأثروا على سحب السياره أوى

السلام عليكم ورحمه الله وبركاته
استاذ سمير ازيك عامل ايه
معلش عارف انى سئلتك كتير فى الموضوع ده بس عاوز اطمن واتأكد تماما قبل ما افتح الموتور
عندى نفس التوصيف ده بس التعريق جاى من الجوانين اللى فوق وتحت التاكيهات عندى ومصاحب ليه دخان مبيض من اخر خرطوم الفايظ وتعريق زيت على خرطوم الفايظ على اوله من ناحيه الموتور ومفيش دخان من الشكمان و بينقص حوالى نص كيلو زيت مع كل غيارة زيت (1000 : 1500 كيلو ) ملاحظ ان النقص بيبان من بعد اول 750 كيلو متر
وكنت عملت اختبار كبس موتور قبل كده والراجل اللى عمله لى قال لى مش محتاجه فك ولا طقم شنبر مع انى سئلته وقولت له ان الميكانيكى بيقول عاوزه طقم شنبر

http://www.nilemotors.net/Nile/91907-a.html

عاوز اتأكد انها فعلا محتاجه طقم شنبر لانى عندى شك فى انها تكون محتاجاه
وهل ينفع انى اغير الجوانات دى من غير ما اجى ناحيه فك الموتور و طقم شنبر علشان اتاكد ان تأكل الزيت من الموتور فعلا مش بيتسرب

[michohat]

يعنى مثلا هل يوجد احتمال ان الموتور سليم وان نقص الزيت ده ناتج عن تسريب الزيت عن طريق الجوانات و الدخنه اللى طالعه من خرطوم الفايظ نتيجه سخونه الزيت المتسرب
عاوز الغى الاحتمال ده اذا كان قائم
و لى استفسار ايه هيا السبائك و علاقتها ايه بالشنبر

[samirayad]

cyl number rpm drop
51 1 *
71 3
49 4 *
58 2

فى الحقيقه يامجدى باشا أنا أطلعت تانى

وفعلا تعليقى الأول داخل الموضوع مكنش دقيق أوى

وواضح أن الأسطوانه 1 & 4 كفائتهم فى الحبك 50% تقريبا

يليهم رقم 2 فى الجوده ثم رقم 3 ( أحسن الأسطوانات )

فنسبة 50 % دى ضعيفه فعلا

وتغيير شنبر وروديه وترويق المكنه كجوانات مفيد ليك مش ضار

وحيحافظلك على البلوك

بدل ماترمى المكنه مستقبلا

وخدها قاعده عامة

معالجة العيب فى أوله ....أفضل وأرخص كتير من أنتظار أستفحال العيب

[SkyBird]

1-ايه الاسباب اللي تخلي الشنبر يتكسر ؟
2- ايه الاسباب اللي تخلي الصبابات تتغير وتصبح غير مكتملة الحبك وبالتالي يحصل التنفيس ومن ثم تخلي الموتور ينفخ ؟

[midooz]

العربية عندي بتطلع دخنة بيضة ضعيفة أما أشغلها الصبح و أكبسلها جامد .... مع العلم إن الموتور الأصلي بتاع العربية و هية جولف مو 82 .... فيا ترى كدة المكنة بتخف ولا إيه ؟؟؟ الميكانيكي قاللي دي ممكن تكون عاوزة شنبر بس مش دلوقتي خالص و متحطش في دماغك ..؟!!
سحب العربية معايا ظريف مفهوش حاجة و البنزين إستهلاكه عادي ؟؟؟
أنا خايف يبقى فيه مشكلة و أنا مش دريان بيها ؟؟
منتظر ردودكم و شكراً

[hema_hn]

شكرا على المعلومات المفيده

[msafa]

هنا عدة طرق بالنظر واليد والسمع تعطى معلومات لا بأس بها عن حالة المحرك ، لكن يعيب هذة الطرق ان كلها تؤكد ان الموتور خفيف لو ظهرت، لكنها لا تنفى انه خفيف لو لم تظهر

1- ظهور دخنة بيضاء مائلة للزرقة الخفيفة لها رائحة الزيت المحترق من الشكمان لحظة تدوير المحرك صباحا او بعد تركه لعدة ساعات تعنى ان كاوتش الصباب مقطوع او مهترئ
2- ظهوردخنة بيضاء مائلة للزرقة الخفيفة لها رائحة الزيت المحترق من الشكمان عند تعشيق الأول وبداية الحركة تعنى ان المحرك خفيف
3- ظهور بخار كثيف من فتحة خرطوم الفايض او الpcv (فى حالة ان السيارة مزودة بنظام pcv يجب سد خرطوم التنفس لملاحظة البخار) يعنى ان الحبك خفيف سواء كان ذلك بسبب الشنبر او الشميز او كلاهما
4- إضاءة لمبة الزيت فى السلانسيه أو انها ترعش مع بداية الحركة يعنى ان السبائك خفيفة لو تأكدنا ان الزيت من نوع جيد والطرمبة جيدة وساعة الزيت سليمة
5-ظهور دخنة بيضاء مائلة للزرقة من الشكمان طوال الوقت يعنى ان الموتور خلصان أو ان هناك شنبر مكسور
6- سماع صوت (رك رك رك رك) واضح من المحرك وهو ساخن، وخصوصا مع بدء الحركة يعنى ان الشنبر خفيف وبيحدث صوت اثناء التخبيط فى الشميز
7- سماع صوت (تك تك تك) من احد البساتم وخصوصا فى السلانسيه والمحرك ساخن يعنى ان هناك بنز خفيف
8- عند عدم التمكن من سد خرطوم الفايض باليد بسبب الضغط الواقع عليه هذا يعنى ان الموتور خفيف و(بينفخ)
9- وجود اثار زيت كثيفة على نهاية خرطوم الفايظ او فى العمة او مجمع الهواء حيث يتنهى خرطوم الفايض يعنى ان الموتور خفيف
10- وجود تعريق زيت على البوجيهات يعنى ان شنبر الزيت خفيف والزيت بيدخل حيز الاحتراق
11-وجود تسريب زيت كثيف من كل الجوانات برغم سلامتها يعنى ان الموتور خفيف والزيت بيخرج نتيجة لأن المتور بينفخ ويضغط على الزيت فيتسرب من الجوانات

كل هذة مؤشرات وجوده يشير الى ان المحرك خفيف لكن عدم وجودها لا ينفى، والفيصل هو قياس كبس الموتور فى المحطة ومتابعة استهلاك الزيت

فكرتني بال 127 و موضوعك عنها ولما جبت الويرا عرفت يعني ايه بتمشي من جوة بس
انا عندي فعلا الدخنة البضا دي رغم ان عامل عمرة من سنتين و مش بمشي كتير
محدش عنده ضمير

[midooz]

طب أنا الموتور عندي بيطلع دخنة بيضة أول مشغل العربية ... و مفيش آثار تسريب زيت ولا في الشكمان ولا ريحة زيت بتتحرق ... و الزيت مش يبتاكل في الموتور ... يا ترى ده تفسيره إيه ؟؟!

[SkyBird]

طب أنا الموتور عندي بيطلع دخنة بيضة أول مشغل العربية ... و مفيش آثار تسريب زيت ولا في الشكمان ولا ريحة زيت بتتحرق ... و الزيت مش يبتاكل في الموتور ... يا ترى ده تفسيره إيه ؟؟!

- ظهور دخنة بيضاء مائلة للزرقة الخفيفة لها رائحة الزيت المحترق من الشكمان لحظة تدوير المحرك صباحا او بعد تركه لعدة ساعات تعنى ان كاوتش الصباب مقطوع او مهترئ

[shaddadfalcon1]

انا الحمد لله حليت المكنه البارح وعملت الأتي (الميكانيكي يعني)

1- تغيير طقم اولسيه صباب
2- جوان وش سلندر
3- جوان المنفو
4- جوان الكارتيره
5- تعديل الكارتيره (كانت مطبقه من تجت)
6- غسيل وتنضيف جميع اجزاء الموتور من الداخل (الحاجات اللي اتحلت)

التكلفه النهائيه = حوالي 500 جنيه

انا كنت حاسس اني هلاقي المكنه متكسره من جوه لكن العكس هو اللي حصل - لاني لقيت حالة البساتم والحاجات التانيه دي كلها 100 100 والحمد لله العربيه دلوقتي فوق ال 100000 100

صوتها ناعم وسحبها اتظبط ومفيش اي دخانه وطري الهواء من الشكمان بقي 100

[hobaz]

الحمد لله وربنا يحفظهالك ياباشا ويكفيك شرها.......