ماهو الفرق بين البوجيه الساخن والبوجيه البارد

[emptty]

هو فى فرق يا جماعة بين البوجية السن القصير والبوجية السن الطويل من ناحية الاداء يعنى ؟؟ ولا بنلجأ للبوجية السن القصير علاجا لمشكلة تعريق الزيت على البوجية مش اكتر ؟
ومعلش سؤال تانى
هو اما البوجيها ت تعرق زييت يبقى كدة عايز طقم شانبر ؟؟!! وياترى طقم الشانبر دة لو عملتو حيفرق فى الاداء والسحب وكدة ؟؟

[samirayad]

هو فى فرق يا جماعة بين البوجية السن القصير والبوجية السن الطويل من ناحية الاداء يعنى ؟؟

نعم

ولا بنلجأ للبوجية السن القصير علاجا لمشكلة تعريق الزيت على البوجية مش اكتر ؟

لا العكس

بنلجأ لأستعمال البوجيهات الساخنه ( ذات السن الطويل ) فى حالة المحركات المستهلكه (كعلاج مؤقت ) حيث يقوم أنف الشمعه الساخن بحرق الكربون المترسب فى هذا المحرك

هو اما البوجيها ت تعرق زييت يبقى كدة عايز طقم شانبر ؟؟!!

ممكن يبقى طقم شنبر وممكن يبقى كاوتش صباب (حسب الحاله )

وياترى طقم الشانبر دة لو عملتو حيفرق فى الاداء والسحب وكدة ؟؟

مفيش شك .....بس أهم شىء يتعمل صح

[emptty]

الف شكر يا بشمهندس على الرد بس برضو ماجاوبتنيش انهى احسن البوجية السن الطويل ولا القصير

[samirayad]

http://www.nilemotors.net/Nile/91204-a.html

[kaza]

هو فى فرق يا جماعة بين البوجية السن القصير والبوجية السن الطويل من ناحية الاداء يعنى ؟؟ ولا بنلجأ للبوجية السن القصير علاجا لمشكلة تعريق الزيت على البوجية مش اكتر ؟
ومعلش سؤال تانى
هو اما البوجيها ت تعرق زييت يبقى كدة عايز طقم شانبر ؟؟!! وياترى طقم الشانبر دة لو عملتو حيفرق فى الاداء والسحب وكدة ؟؟

الفرق بين البوجية السن القصير والطويل يرجع اساسا لتصميم المحرك لان بعض المحركات القديمة بيبقي سمك وش السلندر قليل طبقا لتصميمة لذا بيحتاج لبوجية سن قصير ومعلومة حاليا فيه بعض المحركات الامريكي بيصل طةل سن البوجية ل2بوصة زي محرك النور ث ستار ..لكن الدارج حاليا هي البوجيهات السن الطويل العادي للعربيات ذات الانتاج التجاري الواسع لسهولة توافر قطع الغيار ..اما موضوع ان استخدم شمعة قصيرة مكان الطويلة فدي بالجاء لها في بعض حالات عدم احكام غرف الاحتراق في بعض المحركات لتاجيل العمرة الاساسية للمحرك وطبعا ما بيكونش حل نهائى والغرض منه اني باحاول ابعاد الالكترود الخاص بالشمعة بعيد عن رواسب احتراق الزيت المتسرب لغرفة الاحتراق قدر الامكان حتي لا تحدث مشاكل في التشغيل نتيجة وصول رواسب الزيت علي انف الشمعة وبالتالي عزل الالكترود ومنع قفز الشرارة ..اما بالنسبة للافضل فطبعا الشمعة العادية (الطويلة) بس خلي بالك من انواع الشمعات لان فية شمعات ساخنة وباردة وبتعرفها من كم التعاريج الموجودة علي الانف الخزفي ..كل ما زادت التعاريج وضوحا دل ذلك علي سخونة الشمعة والعكس طبعا برودة ..الكلام دة لية لان في تصميم بعض المحركات بتكون البوجيهات مدفونة جوة المحرك وبالتالي تبريد الشمعة بيتاثر ويؤثر علي انتظام توليد الشرارة فبالتالي لازم استخدم شمعة ساخنة علشان تتبرد افضل والعكس في المحركات اللي البوجيهات بتاعتها برة المحرك ومعرضة للهواء باستخدم شمعات باردة تصل في البلاد الاوروبية الشمالية الي السطح الاملس تماما ..بالنسبة للفرق في الاداء فدة بيحكمة قوة الشرارة المتولدة وطبعا كم الجهد الازم لتوليد الشرارة ففي المحركات العادية (الابلتين والكوندنسر )بيبقي الجهد 24000فولت ودة كان كافي لتوليد الشرارة حتي نسبة انضغاط 1:9 لكن لما المحركات تطورت ووصلت النسبة ل1:12واكثر ظهرت الحاجة لجهد اعلي لتوليد الشرارة وبالتالي وصلت ل45000 فولت ودة لضمان قوة الشرارة وابقاء الانف (الالكترود) نظيف وبالتالي زادت فترات تشغيل الشموع ..وظهرت كذلك البوجيهات الايريديم والبلاتينيم والكبركور وكل دول الغرض منهم الحصول علي شرارة افضل لزيادة قوة الحريق وتقليل العادم وطبعا الافضل في المجال دة هي البوجيهات السبليت فاير ولو اسعدك الحظ وشفت شكل البوجية دة هتلاقي الالكترود رفيع جدا بس مصنوع من البلاتين وطبعا مش هاقولك علي قوة الشرارة المتولدة نتيجة قلة مقاومة البلاتين وده باعتراف خبراء عالميين ..انا شخصيا عملت تجربة في البوجيهات العادية بتاعتنا وهي اني بردت السن بتاع البوجية باستخدام مبرد لغاية ما خليت سمكة حوالي 1مم وخليتة اقرب لشكل راس السهم ومضبوط في منتصف الالكترود في وسط البوجية والكلام دة علي اساس احصل علي شرارة مركزة في الراس المدبب والنتيجة كانت رائعة ..اما البوجيهات ذت الرؤس المتعددة فليس لها اي تاثير غير عمر التشغيل الطويل نتيجة تعويض الخلوص المتاكل دوما بالراس الاقرب فقط لاغير ..اكيد طولت عليكوا اوي لكن حبيت الاخوة يستفيدوا

[emptty]

( اما موضوع ان استخدم شمعة قصيرة مكان الطويلة فدي بالجاء لها في بعض حالات عدم احكام غرف الاحتراق في بعض المحركات لتاجيل العمرة الاساسية للمحرك وطبعا ما بيكونش حل نهائى والغرض منه اني باحاول ابعاد الالكترود الخاص بالشمعة بعيد عن رواسب احتراق الزيت المتسرب لغرفة الاحتراق قدر الامكان حتي لا تحدث مشاكل في التشغيل نتيجة وصول رواسب الزيت علي انف الشمعة وبالتالي عزل الالكترود ومنع قفز الشرارة ..اما بالنسبة للافضل فطبعا الشمعة العادية (الطويلة) )

الله ينور علييييك دة اللى انا اقصدة بس ماكنتش عارف اوضح المعنى
متشكر جدا استاذkaza وبشمهندس سمير على المعلومات القيمة دى

[M_Nabil]

لا العكس

بنلجأ لأستعمال البوجيهات الساخنه ( ذات السن الطويل ) فى حالة المحركات المستهلكه (كعلاج مؤقت ) حيث يقوم أنف الشمعه الساخن بحرق الكربون المترسب فى هذا المحرك

اما موضوع ان استخدم شمعة قصيرة مكان الطويلة فدي بالجاء لها في بعض حالات عدم احكام غرف الاحتراق في بعض المحركات لتاجيل العمرة الاساسية للمحرك وطبعا ما بيكونش حل نهائى والغرض منه اني باحاول ابعاد الالكترود الخاص بالشمعة بعيد عن رواسب احتراق الزيت المتسرب لغرفة الاحتراق قدر الامكان حتي لا تحدث مشاكل في التشغيل نتيجة وصول رواسب الزيت علي انف الشمعة وبالتالي عزل الالكترود ومنع قفز الشرارة ..اما بالنسبة للافضل فطبعا الشمعة العادية (الطويلة) بس خلي بالك من انواع الشمعات لان فية شمعات ساخنة وباردة وبتعرفها من كم التعاريج الموجودة علي الانف الخزفي ..كل ما زادت التعاريج وضوحا دل ذلك علي سخونة الشمعة والعكس طبعا برودة ..الكلام دة لية لان في تصميم بعض المحركات بتكون البوجيهات مدفونة جوة المحرك وبالتالي تبريد الشمعة بيتاثر ويؤثر علي انتظام توليد الشرارة فبالتالي لازم استخدم شمعة ساخنة علشان تتبرد افضل والعكس في المحركات اللي البوجيهات بتاعتها برة المحرك ومعرضة للهواء باستخدم شمعات باردة تصل في البلاد الاوروبية الشمالية الي السطح الاملس تماما

طبعاً كلام زى الفل، لكن أنا كدة محتار الباشمهندس سمير بيقول السن الطويل في حالة المحركات المستهلكة والباشمهندس Kaza بيقول العكس ممكن التوضيح اى من البوجيهات بيستخدم مع المحركات السليمة واى مع المحركات المستهلكة؟! وسؤال كدة جانبى ليه يجب أو يفضل أستخدام البوجيهات الباردة مع المحركات اللى متركب لها تربو؟ وشكراً

[kaza]

طبعاً كلام زى الفل، لكن أنا كدة محتار الباشمهندس سمير بيقول السن الطويل في حالة المحركات المستهلكة والباشمهندس kaza بيقول العكس ممكن التوضيح اى من البوجيهات بيستخدم مع المحركات السليمة واى مع المحركات المستهلكة؟! وسؤال كدة جانبى ليه يجب أو يفضل أستخدام البوجيهات الباردة مع المحركات اللى متركب لها تربو؟ وشكراً

اظن الكلام واضح وموضوع سخونة او برودة الشمعة بيحكمة طول الالكترود(الانف) ومدي اتصالة بالجسم المعدني للبوجية لاجراء التبادل الحراري(لو اعرف احمل رسومات هيبقي الموضوع اسهل) وبالتاكيد مهما زادت حرارة الشمعة لن تستطيع حرق الزيت المترسب (الكربون) ولازم ابعد مصدر الشرارة بعيد عن منطقة الحريق لدرجة ان بعض الفنيين بيستخدم كرسي تحت البوجية في الحالات الشديدة.. اما موضوع البوجيهات الباردة مع المحركات التربو فمعلوماتي ان نسبة انضغاط المحركات دى بتتراوح بين 1:7 و1:8 وطبعا كمية الشحنة الداخلة لغرف الاحتراق بتكون اكبر بكتير من محركات السحب العادي لذلك بتكون نسبة الضغط منخفضة علشان يتراعي حجم الشحنة الكبير ولتجنب الاشتعال الذاتي للشحنة تحت الضغط لذلك المفروض بتتولد حرارة عالية اعلي من محركات السحب العادي ونتيجة لكدة لازم استخدم شمعات ساخنة قدرتها علي التخلص من حرارة الاحتراق اعلي من العادية ..

[kaza]

اظن الكلام واضح وموضوع سخونة او برودة الشمعة بيحكمة طول الالكترود(الانف) ومدي اتصالة بالجسم المعدني للبوجية لاجراء التبادل الحراري(لو اعرف احمل رسومات هيبقي الموضوع اسهل) وبالتاكيد مهما زادت حرارة الشمعة لن تستطيع حرق الزيت المترسب (الكربون) ولازم ابعد مصدر الشرارة بعيد عن منطقة الحريق لدرجة ان بعض الفنيين بيستخدم كرسي تحت البوجية في الحالات الشديدة.. اما موضوع البوجيهات الباردة مع المحركات التربو فمعلوماتي ان نسبة انضغاط المحركات دى بتتراوح بين 1:7 و1:8 وطبعا كمية الشحنة الداخلة لغرف الاحتراق بتكون اكبر بكتير من محركات السحب العادي لذلك بتكون نسبة الضغط منخفضة علشان يتراعي حجم الشحنة الكبير ولتجنب الاشتعال الذاتي للشحنة تحت الضغط لذلك المفروض بتتولد حرارة عالية اعلي من محركات السحب العادي ونتيجة لكدة لازم استخدم شمعات ساخنة قدرتها علي التخلص من حرارة الاحتراق اعلي من العادية ..

(انا عكست خواص الشمعات الباردة والساخنة)فعلالذلك محركات التربو باستخدم شمعات باردة .. اسف للخطاء لكن لزم التنوية اتاكيد المعلومة

[samirayad]

طبعاً كلام زى الفل، لكن أنا كدة محتار الباشمهندس سمير بيقول السن الطويل في حالة المحركات المستهلكة والباشمهندس kaza بيقول العكس ممكن التوضيح اى من البوجيهات بيستخدم مع المحركات السليمة واى مع المحركات المستهلكة؟! وسؤال كدة جانبى ليه يجب أو يفضل أستخدام البوجيهات الباردة مع المحركات اللى متركب لها تربو؟ وشكراً

المحركات المستهلكه بيلزم لها شمعات ساخنه ( سن طويل ) وليس شمعات بارده ( سن قصير )

ده الكلام العلمى المظبوط

وموضوع الكراسى ده علشان نبعد سن البوجيه لورا شويه

عباره عن أختراع مصرى فاشل

[Sameh]

محاولة لتقريب وجهات النظر

وجهة نظر أستاذ kaza إن السن القصير هو اللى بيستخدم كعلاج مؤقت عشان بيكون السن بعيد عن التلامس مع الزيت وبالتالى يقدر يعيش شوية فى ظروف التشغيل السيئة دى ومايعرقش بسرعة لحد ما تغير شنابر

وجهة نظر مهندس samirayad إن السن الطويل هيحرق الرواسب الكربونية الكتير المترسبة فى المحرك

للتوفيق بين الرأيين ، أعتقد أستاذ kaza بيتكلم عن مشكلة دخول الزيت لغرفة الإحتراق وتعريق البوجيه ، و مهندس samirayad بيتكلم عن رواسب كربون يعنى عيوب إحتراق غير جيد ممكن نتيجة عيب كهربا أو إنجكشن أو كربراتير

يبقا كدة احنا بنتكلم عن حالتين مختلفتين ؟

[samirayad]

محاولة لتقريب وجهات النظر

على فكره يا أستاذ : سامح

دى مش وجهة نظرى ولا حاجه

دى وجهة النظر العلميه الدقيقه

ولو كانت وجهة نظرى كنت حأقول فعلا أنها وجهة نظر

[kaza]

على فكره يا أستاذ : سامح

دى مش وجهة نظرى ولا حاجه

دى وجهة النظر العلميه الدقيقه

ولو كانت وجهة نظرى كنت حأقول فعلا أنها وجهة نظر

جبت منين وجهة النظر العلمية الدقيقة دى بالمخالفة مع كل النظريات والاعراف في محركات الاحتراق الداخلي ولا هو اختلاف وخلاص

[samirayad]

جبت منين وجهة النظر العلمية الدقيقة دى بالمخالفة مع كل النظريات والاعراف في محركات الاحتراق الداخلي ولا هو اختلاف وخلاص

لا ياباشا مش أختلاف وخلاص

راجع وذاكر كويس خصائص الشمعه الساخنه والبارده وأنت تعرف الصح

وبلاش تعتمد على فكر بليه فى موضوع كراسى البوجيهات

[kaza]

لا ياباشا مش أختلاف وخلاص

راجع وذاكر كويس خصائص الشمعه الساخنه والبارده وأنت تعرف الصح

وبلاش تعتمد على فكر بليه فى موضوع كراسى البوجيهات

عظيم ..فكرني كدة بخواص الشمعة الباردة والساخنة وتاثير الاختلاف بينهم علي اية بالضبط ..تعال نفتكر كدة دي بتستخدم لاية والتانية لاية وبرضة نفتكر ان سخونة او برودة الشمعة لا تؤثر في حرارة الاشتعال ولا تؤثر بالتالي علي ابخرة الزيت المترسب للغرفة وبالتالي لو فكرت فيما يحدث للابخرة دى بعد الاحتراق بتتحول لمادة كربونية صمغية تترسب بمرور الزمن علي جدران ولقطاب البوجية مهما بلغت درجة حرارتة وفي النهاية بتعمل شورت كت في البوجية يمنع حدوث الشرارة وافكرك ان ظروف تشغيل البوجية داخل غرفة الاحتراق وتعرض اقطابة لظروف الضغط بتكون كافية لعدم حدوث الشرارة لو كفائة دورة الاشعال منخفضة ..عموما انا تحت امرك لتوضيح كلامي بالاثباتات اللي عايزها وكمان بالتجربة الحية وياسيدي فكر بلية اللي بتسخر منة هو اللي خلانا مهندسين بالاضافة للدراسة و الدنياكلها بتعمل الكلام دة حتي بعض الورش في امريكا وانجلترا واللي علم الشغل دة لبلية في مصر هم خريجي المدرسة الايطالية للصنايع (الدمبسكو) ومش خفي عليك مين هم الصناع الارمن القدامي خريجي المدرسة دي وفين اماكنهم دلوقتي ..ولا اية