ماهو الفرق بين البوجيه الساخن والبوجيه البارد

[samirayad]

طيب أنا حسألك سؤال وحجاوب معاك برضه

أيه اللى ممكن يخللى البوجيهات تعرق زيت

1- كاوتش الصباب وده حنقول حيبوظ شغل البوجيه (سواء ساخن أو بارد )

لأن الكاوتش فى أجوار منتصف غرفة الحريق وحبنزل الزيت على البوجيه من فوق ( من منطقة التاكيهات )

2- الشنابر لو مفوته ( يعنى مكنه متهالكه ومفوته )

يبقى حينفعها أننا نعمل كرسى للبوجيه علشان نرحله لبره شويه

أبدا ....لأن الشنابر المفوته حتفوت الزيت فى أتجاه مماسى لغرف الحريق الحريق ( لازق على الجدران )

فمهما تبعد الشمعه (حيطولها زيت برضه ويغرقها ) وهى شمعه بارده

يبقى المكنه حتقطع وتبطل كمان من صاحبها على السلانسيه وعند المطبات ( زى ما أنت عارف )

يبقى الصح

شمعه بارده (سن قصير )

ولا شمعه ساخنه ( سن طويل ) علشان تحرق كل الزيت اللى يجىء على الشمعه

أعتقد كده الوضع محسوم

لصالح الشمعه الساخنه ( سن طويل ) مع المحركات المتهالكه

[powerofhelll]

سبحان الله وبحمده سبحان الله العظيم

[kaza]

طيب أنا حسألك سؤال وحجاوب معاك برضه

أيه اللى ممكن يخللى البوجيهات تعرق زيت

1- كاوتش الصباب وده حنقول حيبوظ شغل البوجيه (سواء ساخن أو بارد )

لأن الكاوتش فى أجوار منتصف غرفة الحريق وحبنزل الزيت على البوجيه من فوق ( من منطقة التاكيهات )

2- الشنابر لو مفوته ( يعنى مكنه متهالكه ومفوته )

يبقى حينفعها أننا نعمل كرسى للبوجيه علشان نرحله لبره شويه

أبدا ....لأن الشنابر المفوته حتفوت الزيت فى أتجاه مماسى لغرف الحريق الحريق ( لازق على الجدران )

فمهما تبعد الشمعه (حيطولها زيت برضه ويغرقها ) وهى شمعه بارده

يبقى المكنه حتقطع وتبطل كمان من صاحبها على السلانسيه وعند المطبات ( زى ما أنت عارف )

يبقى الصح

شمعه بارده (سن قصير )

ولا شمعه ساخنه ( سن طويل ) علشان تحرق كل الزيت اللى يجىء على الشمعه

أعتقد كده الوضع محسوم

لصالح الشمعه الساخنه ( سن طويل ) مع المحركات المتهالكه

مفيش فايدة ..ياباشمهندس سمير الزيت لما بيدخل غرف الاحتراق ونتيجة لارتفاع حرارة الاسطح الداخلية بيتنقل من الحالة السايلة للحالة الغازية (بخار)وبيتكاثف في صورة كربون صمغي علي جدران الاسطوانة والاسطح الداخلية بلا استثناء وزى ماقلتلك بيعمل شورت كت في البوجية ..يعني البوجية بيفقد قدرتة علي توليد الشرارة وبالتالي بيفقد خواصة ..هتسالني طب ماهوكدة كدة متعرض ..لا لما بابعد البوجية بالبلدي باخبية عن الدومات الهوائية الناتجة عن الاحتراق في تجويف القلاوظ بتاع الغرفة وبكدة بيبقي بعيد نسبيا عن ابخرة الزيت ..اي خدمة تاني

[samirayad]

بيتنقل من الحالة السايلة للحالة الغازية (بخار)وبيتكاثف في صورة كربون صمغي علي جدران الاسطوانة والاسطح الداخلية بلا استثناء

أمال أما الزيت السائل بيتحول لبخار ( زى مابتقول ) وبينشف فى صورة كربون صمغى على جدران الغرف

بنلاقى البوجيه غرقان زيت أزاى مع المحرك اللى شنابره مفوته

يمكن بناخد البوجيه ونبله زيت مثلا !!!!!!!!!!!!!

أى خدمه تانى

[M_Nabil]

شكراً للباشمهندسين على الشرح وأنا أستفدت شوية معلومات من المناقشة اللى بينكم الصراحة بس ياريت الأختلاف في الرأى لا يفسد للود قضية ومتابع معكم

[kaza]

أمال أما الزيت السائل بيتحول لبخار ( زى مابتقول ) وبينشف فى صورة كربون صمغى على جدران الغرف

بنلاقى البوجيه غرقان زيت أزاى مع المحرك اللى شنابره مفوته

يمكن بناخد البوجيه ونبله زيت مثلا !!!!!!!!!!!!!

أى خدمه تانى

برضة مافيش فايدة .. ياابو المهندسين اديك بترد علي نفسك يعني البوجية ينفع انة يكون سنة طويل وفية كمية الزيت دي ؟..وواضح انك بتتريق لكن برضة انا معاك للاخر هو البوجية اللي ساعادتك طلعتة من الموتور دة مش قاطع برضة وغارق في الزيت .ز والزيت اللي عمالين نهاتي فية قانا ولو خدت بالك من الكلام رواسب زيتية متصمغة ..فسرها يابروفسير معناها اية صلبة ولا اية وسعاتك مش حاطط في الاعتبار البنزين الموجود في الشحنة وتاثيرة المذيب للزيت ..مش عارف اوضح اكتر من كدة اية ..لكن عموما لك تقديري وكفاية علي الموضوع الصغير دة كدة مانضيعش وقت اكتر (ماهلك اهل بيزنطة الا بكثرة جدالهم)

[samirayad]

ياابو المهندسين اديك بترد علي نفسك يعني البوجية ينفع انة يكون سنة طويل وفية كمية الزيت دي ؟

ياهندسه .....متبصش لطول سن البوجيه

بص أن دى شمعه ساخنه ( يعنى أنفها الخزفى البارز بغرفة الحريق طويل عن بتاع الشمعه البارده أم سن قصير )

يعنى أنفها الطويل (علشان بيحنفظ بحرارته ومبيهربهاش نظرا لأنه معزول بطول أكبر )

وبالتالى بتكون كفائتها أكبر فى حرق الكربون والأوساخ والزيت اللى جاى عليها أكبر من البارده

يعنى قابليتها لتنظيف الأقطاب من الملوثات الزيتيه أكبر من أنها تبقى بارده


ودى بتبقى حاله طارئه فى أستخدام الشموع الساخنه (نظرا لظروف تهالك وتفويت المحرك الأيام الأخيره فى حياته قبل مرحلة طقم الشنبر )


__________________________________________

على فكره أنا لعهد قريب كنت معتقد كده زيك بالضبط أن موضوع الكراسى علشان نسحب البوجيه لبره

ونبعد قطبى الشمعه عن التلوث بالزيوت

ولكن مع التدقيق والتمحيص

أنقلب الفكر الهندسى لما تراه حاليا من جدال بينى وبينك فى محاولة الأقناع لك

بس مش هدفى أجادلك وخلاص

لا أبدأ هدفى الأقناع ......وأرجومنك أن تراجع هذا الموضوع جيدا بينك وبين نفسك وخد فرصتك فى مراجعة نفسك

لكى تقتنع بالتحول الفكرى الجديد لديك

مثلما حدث معى من مده قريبه جدا ( تجاه تلك النقطه الفنيه الغريبه وليك حق فى أستغرابك طبعا )

[emptty]

على فكره أنا لعهد قريب كنت معتقد كده زيك بالضبط أن موضوع الكراسى علشان نسحب البوجيه لبره

ونبعد قطبى الشمعه عن التلوث بالزيوت

ولكن مع التدقيق والتمحيص

أنقلب الفكر الهندسى لما تراه حاليا من جدال بينى وبينك فى محاولة الأقناع لك

بس مش هدفى أجادلك وخلاص

ا )

معلش انا اسف لمداخلتى الغير علمية والغير جديرة طبعا بالنقاش معاكو انتو ناس مهندسين وكلامكو علمى بس انا عايز اقول حاجة وفقا لمعرفتى الضئيلة او العامة بالموتور ان فعلا اول ما الميكانيكى قالى هاتلى بوجية سن قصير انا استغربت شوية فسئلتة اشمعنى يعنى دة الطقم كلة سن طوييل ما اجيبلك واحد طويل بدل اللى باظ اقنعنى باسلوب علمى بحت (اسلوب حافظ مش فاهم) يابية هو البوجية لما يعرق زييت بنركبلو بوجية سن قصير على طوول دة احنا حتى ساعات بنركبلو كراسى ........ بس هو دة كان التفسير ففكرت فيها شوية لاقيت فعلا مافيش اى تفسير منطقى الا انى بحاول ابعد سن البوجية على قد ما اقدر عشان مايجيش علية زييت والله اعلم وشكرررا على الرد

[samirayad]

(اسلوب حافظ مش فاهم)

يكفينى هذا الأقتباس......والذى لايبعد كثيرا عن فحوى الموضوع

الذى توصلت له من فتره قريبه

لأن الأمور العلميه كل يوم فى جديد

وياما حنكتشف كتير فى العلم


قال المولى سبحانه وتعالى فى كتابه العزيز

بسم الله الرحمن الرحيم

وما أوتيتم من العلم إلا قليلا

صدق الله العظيم

[amrelsaqqa]

انا كنت رديت رد بس غيرته بعد تفكير عميق
ودلوقتى اميل لكلام البشمهندس سمير رغم ان كلام البشمهندس كازا كان مقنع ليا في الاول بس هو فعلا تحول في التفكير

انا فكرت فيها ازاى ؟
ان الزيت بيميل دايما للالتصاق بالجدران او الاسطح ( قوى التماسك وقوى التلاصق )
يعنى لو عندى جركن زيت شفاف

وعندى فيه ثقب من فوق وحاطط فيه سن قلم ( بمثابة البوجيه )

لو انا حاطط القلم بحيث ان السن يبقى قصير ( قريب من سقف الجركن )

وجيت هزيت الجركن جامد
هلاقى ان فيه كمية زيت ترسبت على السقف و سن القلم

انما لو السن نازل اكتر لتحت ومع الاخذ في الاعتبار ان فيه مكبس كمان في الموتور وفيه حرارة واشتعال
حركة المكبس بتنفض الزيت القريب منها
ومفيش اي جدار جنب السن ، فاالزيت حتى لو ترسب هيبقى قليل جدا ومش هيتراكم او هيلزق او يسد مسافة الخلوص بتاعت البوجيه
لأن تيار حركة المكبس هتنفضه ، والزيت اللى هيتبقى هيتحرق او المكبس وهو نازل وطالع هيعمل تيار يطرده ويخرجه محروق مع الشكمان زيه زي بقية الزيت
ده غير ان لو مشكلة الموتور مشكلة صبابات ، يبقى احنا كدة بنبعده تماما عن الزيت

انا كدة فاهم ولا شبهت غلط ولا ايه ؟

( وطبعا رايي ده وجهة نظر مش حقيقة علمية دقيقة )

[kaza]

ياهندسه .....متبصش لطول سن البوجيه

بص أن دى شمعه ساخنه ( يعنى أنفها الخزفى البارز بغرفة الحريق طويل عن بتاع الشمعه البارده أم سن قصير )

يعنى أنفها الطويل (علشان بيحنفظ بحرارته ومبيهربهاش نظرا لأنه معزول بطول أكبر )

وبالتالى بتكون كفائتها أكبر فى حرق الكربون والأوساخ والزيت اللى جاى عليها أكبر من البارده

يعنى قابليتها لتنظيف الأقطاب من الملوثات الزيتيه أكبر من أنها تبقى بارده


ودى بتبقى حاله طارئه فى أستخدام الشموع الساخنه (نظرا لظروف تهالك وتفويت المحرك الأيام الأخيره فى حياته قبل مرحلة طقم الشنبر )


__________________________________________

على فكره أنا لعهد قريب كنت معتقد كده زيك بالضبط أن موضوع الكراسى علشان نسحب البوجيه لبره

ونبعد قطبى الشمعه عن التلوث بالزيوت

ولكن مع التدقيق والتمحيص

أنقلب الفكر الهندسى لما تراه حاليا من جدال بينى وبينك فى محاولة الأقناع لك

بس مش هدفى أجادلك وخلاص

لا أبدأ هدفى الأقناع ......وأرجومنك أن تراجع هذا الموضوع جيدا بينك وبين نفسك وخد فرصتك فى مراجعة نفسك

لكى تقتنع بالتحول الفكرى الجديد لديك

مثلما حدث معى من مده قريبه جدا ( تجاه تلك النقطه الفنيه الغريبه وليك حق فى أستغرابك طبعا )

تمام الكلام دة سليم ولوكنت وضحت فكرتك من الاول ماكناشخضنا في الهيصة دى كلها ..بس انا ليا تحفظ علي استخدام الشمهات الساخنة في نهاية عمر الموتور ولو صدرك يتسع هاوضح كلامي
-افضل حرارة تشغيل لشموع الاحتراق تتراوح بين ال400و900 درجة مئوية والكلام مش ليا دة لشركة بوش
-الشمعات الساخنة بتحتفظ بحرارتها ولاتفقدها بسرعة لمجابهة ظروف التشغيل في البلاد الباردة والانخفاض المفاجئ للحرارة في غرف الاحتراق نتيجة دخول الشحنة باردة بفعل الهواء المخلوط بالبنزين كذلك لمقاومة تكثف عوادم الاحتراق علي اقطاب الشمعة
- في ظروف الحرارة العادية في بلادنا واذا استخدمت الشمعات الساخنة ونتيجة احتفاظها بالحرارة بيحدث اشتعال ذاتي للشحنة قبل اتمام شوط الضغط وبيؤدي الي كسر البساتم والكلام دة عملي والله وشفتة في عربيات كتير وارد اوربا وبيحصل فيها الكلام دة
-في حالة استخدام الشموع الساخنة في المواتير اللي بيحدث فيها تسرب للزيت لن وااكد علي لن تستطيع منع تكون الرواسب الزيتية علي الاقطاب ودة نتيجة ان الزيت بيتفحم ويتحول لكربون عند حرارة400 وبالتالي يصبح موصل جيد للكهرباء ويعمل الشورت كت وفي خلال فترة وجيزة برضة بيقطع الاشعال
لذا ومن كل ما سبق ومن واقع خبرتي لمدة 20 سنة غير سنين الكلية واللي الحمد لله كنت الاول فيها في مادة هندسة السيارات والكلام دة يعرفوا دفعتي بالكامل سنة 90 ده غير المحركات والتاريخ الطويل في الشغل عليها بانواعها اقولك ان كلامك سليم نظريا ولكن وانت كمهندس تعلم هناك اختلاف بين العالم النظري والواقعي ومش بينطبق في كل الحالات وبعدين كيفية العثور علي الشمعات الساخنة ..دي محتاجة واحد زيك يعرف الفرق ويدور وعايزة بائع عندة صبر ..لكن المستخدم العادي هيعمل اية ..اشكرك وارجوا اني مااكونش طولت ومش هاصف سعادتي بوجود بطل زيك بيدافع عن افكارة ولان كدة احنا فعلا بنتطور واعتذر لصاحب السؤال لانة زمانة كرة اليوم الاسود اللي سال فية علي حاجة

[samirayad]

تمام الكلام دة سليم ولوكنت وضحت فكرتك من الاول ماكناشخضنا في الهيصة دى كلها

أشهد أن لا اله إلا الله

وأشهد أن محمدا رسول الله

بس انا ليا تحفظ علي استخدام الشمهات الساخنة في نهاية عمر الموتور ولو صدرك يتسع هاوضح كلامي

أنا صدرى واسع أوى من هنا لحد أمريكا

-افضل حرارة تشغيل لشموع الاحتراق تتراوح بين ال400و900 درجة مئوية والكلام مش ليا دة لشركة بوش
-الشمعات الساخنة بتحتفظ بحرارتها ولاتفقدها بسرعة لمجابهة ظروف التشغيل في البلاد الباردة والانخفاض المفاجئ للحرارة في غرف الاحتراق نتيجة دخول الشحنة باردة بفعل الهواء المخلوط بالبنزين كذلك لمقاومة تكثف عوادم الاحتراق علي اقطاب الشمعة
- في ظروف الحرارة العادية في بلادنا واذا استخدمت الشمعات الساخنة ونتيجة احتفاظها بالحرارة بيحدث اشتعال ذاتي للشحنة قبل اتمام شوط الضغط وبيؤدي الي كسر البساتم والكلام دة عملي والله وشفتة في عربيات كتير وارد اوربا وبيحصل فيها الكلام دة
-في حالة استخدام الشموع الساخنة في المواتير اللي بيحدث فيها تسرب للزيت لن وااكد علي لن تستطيع منع تكون الرواسب الزيتية علي الاقطاب ودة نتيجة ان الزيت بيتفحم ويتحول لكربون عند حرارة400 وبالتالي يصبح موصل جيد للكهرباء ويعمل الشورت كت وفي خلال فترة وجيزة برضة بيقطع الاشعال
لذا ومن كل ما سبق ومن واقع خبرتي لمدة 20 سنة غير سنين الكلية واللي الحمد لله كنت الاول فيها في مادة هندسة السيارات والكلام دة يعرفوا دفعتي بالكامل سنة 90 ده غير المحركات والتاريخ الطويل في الشغل عليها بانواعها اقولك ان كلامك سليم نظريا ولكن وانت كمهندس تعلم هناك اختلاف بين العالم النظري والواقعي ومش بينطبق في كل الحالات وبعدين كيفية العثور علي الشمعات الساخنة ..دي محتاجة واحد زيك يعرف الفرق ويدور وعايزة بائع عندة صبر ..لكن المستخدم العادي هيعمل اية ..اشكرك وارجوا اني مااكونش طولت ومش هاصف سعادتي بوجود بطل زيك بيدافع عن افكارة ولان كدة احنا فعلا بنتطور واعتذر لصاحب السؤال لانة زمانة كرة اليوم الاسود اللي سال فية علي حاجة

بس أنت كده فكرتنى بفيلم

الهروب الكبير

[sobhysm]

أنا ليه تجربة عمليه فى الموضوع دة أنا كان عندى الماتور محتاج شمبر وكانت البوجيهات بتعرق زيت على طول وكنت بغير بوجيهات كل 4 ايام غيرت من سن طويل لسن قصير بقيت أغير كل أسبوع تقريباً ولما الميكانيكى ركب كراسى للبوجيهات سن قصير البوجيهات قعدت أكثر من 3 شهور شغالة لحد ما عملت الشنبر وغيرتها إلى سن طويل بعد الشنبر يا ريت اللى عنده تجربة عملية يكتبها

[د.محمود صلاح]

شكراً لحضراتكم على المعلومات القيمة والمفيدة .

[Ahmed Galal]

معلومات ممتازة و مناقشة محترفة و ممتعة كما تعودت دايما من الكبير البشمهندس سمير بس السؤال يا هندسة فعلا لما الواحد ييجى يشترى يعرف منين الانواع ديه و يا ريت لو هاتعبك معايا يا هندسة شوية صور توضح الفروق عشان الموضوع ييبقا واضح من كل النواحى