الخوف الشديد من السواقة اعمل فية اية

[saso2010]

مشكلتى باختصار تبدا لما اتعلمت السواقة فى مركز لتعليم القيادة لمدة 5 ايام وبعد كدة خرجت بيها دخلت فى الرصيف مع العلم انها زيرو وبعد كدة اتعلمت تانى فى نفس المركز وحاسة انى بسوق كويس الحمد لله دلوقتى بس مشكلتى انى مش قادرة انسى الحادثة وعندى خوف فظيع دة بالاضافة للركنة ومشكلتها يعنى باختصار فقدت الثقة بنفسى .المشكلة بقى انى اشتريت العربية خلاص ومش عارفة اسوقها خالص من الخوف والرعب مع انى اتدربت كويس جدا خاصة بعد الحادثة والراجل اللى بيدربنى كل الل همة الفلوس وبس وانا بجد تعبت وزهقت ومش عارفة اعمل اية.

[SunSet]

انا زيك اخدت 9 حصص بس مش حاسة اني اقدر اسوق لوحدي

لسه قدامي فترة عشان الخطوة دي


بس قوليلي انت اللي دخلت في الرصيف واللا الرصيف هو اللي دخل فيكي؟

[saso2010]

ههههههههههه الاتنين ومرسى على الرد

[الصيداح]

مسألة وقت فقط
الخبرة في أي شئ = تدريب +وقت
فقط دع الخوف جانبا وقد بحذر وصدقني كل شئ
سيكون على ما يرام
وإذا كان موضوع الطلوع على الرصيف مقلقك فاعمل حسابك إنك لسة هتطلع على 100 رصيف غيره
متقلقش ياما خبطنا عربياتنا
أهم حاجة طالما دخلت العربية وبدأت تسوق متضربش لخمة بالناس اللي حواليك واللي عمال يزمر واللي بيجري واللي واللي
ملكش دعوة بالناس وخليك في حالك واعمل أنك من القرن الأفريقي
وبالتوفيق

[ahmad--ezzat]

كلنا فى الاول كده....انا اول ماابتديت اسوق كان قلبى بيدق جامد قبل ماركب العربيه...وكنت بترعش وانا بسوق :)....ومع الوقت اتعودت

[husseinoo]

السلام عليكم ورحمة الله وبركاته

إن شاء الله خير ... ادخلى حضرتك على المشاركة دى ... وإن شاء الله كل شىء هايكون تمام


نصائح سائق جديد .. وخوفه قل شوية من موضوع السواقة .. والبركة فيكم تعلمونا الباقى

مع اطيب التمنيات
اخوكم حسين غزالة

[cyborg_ift]

إحساس عادي جدا وطبيعي لحد بيتعلم السواقه بس ياريت متخرجيش بالعربيه لوحدك إلا لما تتعلمي كويس ... حرام عربيه زيرو متخبطيهاش من أولهه وشوفي واحده من صحباتك بتعرف تسوق كويس تدربك أحسن من مدارس السواقه الإستغلاليه

[ahmed2y]

كلنا كنا كدة فى الاول كلة بالوقت بيكون تمام هى المشكلة الوحيدة عندك ان العربية جديدة خسارة تتبهدل فى التعليم بس

[ahmad5997]

لما تعرفي ابقي قوليلي لحسن مراتي مطلعة عيني
تبقي ماشية في الطرق الفاضية بتاعة اكتوبر زي الباشا واول ما تشوف بني ادم ماشي تسيب الدركسيون من ايديها وتحطها علي عنيها

[agwaa]

نصيحتي لكل مستجد في القيادة يدخل مدرسة المرور التابعة للمحافظة ( كل محافظة بها مدرسة تعليم قيادة السيارات ) وهي ممتازة والمدربين فيها ممتازين وعندهم صبر خاصة مع السيدات _ وبتعلم عملي ( على السيارات ) ونظري ( عبارة عن ميكانيكا السيارات وكيفية إصلاح الأعطال الخفيفة ) ...
أنا شخصيا ً قدمت فيها رغم إني كنت شاري العربية وبسوقها وبروح بيها الشغل لكن لم يكن معي رخصة قيادة ...
ولما دخلت المدرسة دي إستفدت كتير جداً في العملي والنظري وكيفية ركن السيارة علاوة على حصولي على الرخصة من خلالهم بعد إجتياز الإختبار في نهاية الدورة( لاحظوا إن الأوراق المطلوبة للتقديم في هذه المدارس هي نفس الأوراق المطلوبة لإستخراج رخصة القيادة ) . . .
وهذه المدارس أفضل كتير من إستغلال مراكز التعليم الخاصة إللي بتحاسبك بالدقيقة . . . !

[dolly13]

والله ماتخافى بكرة تفتكرى الكلام ده وتضحكى عليه
اهم حاجة ان يبقى فيه حد معاكى وانتى بتتدربى وكلها كام حصة وهاتعرفى تسوقى باذن الله

[saso2010]

مسألة وقت فقط
الخبرة في أي شئ = تدريب +وقت
فقط دع الخوف جانبا وقد بحذر وصدقني كل شئ
سيكون على ما يرام
وإذا كان موضوع الطلوع على الرصيف مقلقك فاعمل حسابك إنك لسة هتطلع على 100 رصيف غيره
متقلقش ياما خبطنا عربياتنا
أهم حاجة طالما دخلت العربية وبدأت تسوق متضربش لخمة بالناس اللي حواليك واللي عمال يزمر واللي بيجري واللي واللي
ملكش دعوة بالناس وخليك في حالك واعمل أنك من القرن الأفريقي
وبالتوفيق

فعلا كلام حضرتك صح 100% هو الخوف مع كلاكسات الناس واللى يقولى يمين واللى يقولى لا شمال بجد بحس ان اعصابى تعبت بس اعمل اية ربنا يستر وانا الى حد ما بقيت اطنش مش زى الاول وبجد شكرا على النصايح

[saso2010]

والله ماتخافى بكرة تفتكرى الكلام ده وتضحكى عليه
اهم حاجة ان يبقى فيه حد معاكى وانتى بتتدربى وكلها كام حصة وهاتعرفى تسوقى باذن الله

مانا فعلا بعمل كدة جبت المدرب اللى كان بيدربنى فى المدرسة وبيعلمنى عليها بس ابتديت ازهق منة بحس انى عايزة انا اللى اخد القرار مش هوة
وباذن الله اعرف اسوق لوحدى ادعولى بس

[saso2010]

كلنا فى الاول كده....انا اول ماابتديت اسوق كان قلبى بيدق جامد قبل ماركب العربيه...وكنت بترعش وانا بسوق :)....ومع الوقت اتعودت

انا بقى بقراء جميع الاذكار والادعية ودعاء الركوب بصراحة بحس بخوف شوية بس لما بمشى بحس انى عادى والخوف بيقل تدريجى وربنا يسترها معانا جميعا ان شاء الله

[saso2010]

السلام عليكم ورحمة الله وبركاته

إن شاء الله خير ... ادخلى حضرتك على المشاركة دى ... وإن شاء الله كل شىء هايكون تمام


نصائح سائق جديد .. وخوفه قل شوية من موضوع السواقة .. والبركة فيكم تعلمونا الباقى

مع اطيب التمنيات
اخوكم حسين غزالة

عاوزة اقول لحضرتك ان لولا الموضوع دة انا كنت بعت العربية من زمان بجد انا حفظت الموضوع دة من كتر ما قريتة موضوع اكتر من رائع مفيد جدااااااااا وبجد فدنى بشكل رهيب بجد ربنا يكرم كل عضو اضاف معلومة فى الموضوع دة وهو بصراحة يعتبر موسوعة مش مجرد موضوع فى منتدى بجد الف شكر