الخوف الشديد من السواقة اعمل فية اية

[mada_mada81]

عاااااااااادى جدا كلنا كنا كدا فى الاول وياما طلعنا على الرصيف وخبطنا عربيات بس فعلا حاول تتعلم على عربية تانية عشان حرام الزيرو
ونصيحة مستقبلية بعد ما تتعلم كويس اوعى تخدى ثقتك للغرور
السواقة 3 مراحل
اولا : انا بسوق على ادى (كل الناس اللى جنبك بتتفدى اخطائك)
ثانيا: انا بسوق كويس ( تبتدى تفادى اخطاء اللى جنبك)
ثالثا : انا بقيت ولا مايكل شوماخر (هههههوب الحادثة تيجى)

[saso2010]

إحساس عادي جدا وطبيعي لحد بيتعلم السواقه بس ياريت متخرجيش بالعربيه لوحدك إلا لما تتعلمي كويس ... حرام عربيه زيرو متخبطيهاش من أولهه وشوفي واحده من صحباتك بتعرف تسوق كويس تدربك أحسن من مدارس السواقه الإستغلاليه

والله كلام حضرتك صح وان شاء الله مخبطهاش تانى وشكرا على الرد


_____________________________

يرجى مراعاة كتابة لفظ الجلاله وتقديم المشيئه بشكل صحيح


مشرف القسم التعليمى

[saso2010]

عاااااااااادى جدا كلنا كنا كدا فى الاول وياما طلعنا على الرصيف وخبطنا عربيات بس فعلا حاول تتعلم على عربية تانية عشان حرام الزيرو
ونصيحة مستقبلية بعد ما تتعلم كويس اوعى تخدى ثقتك للغرور
السواقة 3 مراحل
اولا : انا بسوق على ادى (كل الناس اللى جنبك بتتفدى اخطائك)
ثانيا: انا بسوق كويس ( تبتدى تفادى اخطاء اللى جنبك)
ثالثا : انا بقيت ولا مايكل شوماخر (هههههوب الحادثة تيجى)

لا ربنا يكفينا شر التالتة دى خلينا فى اولا وثانيا وربنا يستر وانا فعلا اخدت عشر حصص على عربية تانية وبعدين بدات على عربيتى وربنا يستر

[saso2010]

لما تعرفي ابقي قوليلي لحسن مراتي مطلعة عيني
تبقي ماشية في الطرق الفاضية بتاعة اكتوبر زي الباشا واول ما تشوف بني ادم ماشي تسيب الدركسيون من ايديها وتحطها علي عنيها

سبحان الله وانا كمان كدة طيب حضرتك تفتكر دة بيحصل لية لان عندى نفس المشكلة بالاضافة انى برتبك واتوتر اول ماشوف حد بيعدى او عربية لزقة فية ..............الخ
ف اية الحل ؟

[mada_mada81]

المهم خدى الموضوع ايزى والله انا عربيتى معايا من خمس سنين اول شهرين اتخبطت فى كل ركن فيها المهم ما تعقديش نفسك وانا بكتب وعمال اضحك وانا بفتكر اللى كنت بعمله وكنت برده اتعقدت وكنت هبيعها

[saso2010]

نصيحتي لكل مستجد في القيادة يدخل مدرسة المرور التابعة للمحافظة ( كل محافظة بها مدرسة تعليم قيادة السيارات ) وهي ممتازة والمدربين فيها ممتازين وعندهم صبر خاصة مع السيدات _ وبتعلم عملي ( على السيارات ) ونظري ( عبارة عن ميكانيكا السيارات وكيفية إصلاح الأعطال الخفيفة ) ...
أنا شخصيا ً قدمت فيها رغم إني كنت شاري العربية وبسوقها وبروح بيها الشغل لكن لم يكن معي رخصة قيادة ...
ولما دخلت المدرسة دي إستفدت كتير جداً في العملي والنظري وكيفية ركن السيارة علاوة على حصولي على الرخصة من خلالهم بعد إجتياز الإختبار في نهاية الدورة( لاحظوا إن الأوراق المطلوبة للتقديم في هذه المدارس هي نفس الأوراق المطلوبة لإستخراج رخصة القيادة ) . . .
وهذه المدارس أفضل كتير من إستغلال مراكز التعليم الخاصة إللي بتحاسبك بالدقيقة . . . !

الف شكر على النصيحة وياريت كنت اعرف كدة من الاول بس قدر الله وماشاء فعل والواحد مش بيتعلم ببلاش

[saso2010]

المهم خدى الموضوع ايزى والله انا عربيتى معايا من خمس سنين اول شهرين اتخبطت فى كل ركن فيها المهم ما تعقديش نفسك وانا بكتب وعمال اضحك وانا بفتكر اللى كنت بعمله وكنت برده اتعقدت وكنت هبيعها

ربنا يطمنك يارب وهى على فكرة السواقة عايزة تشجيع وثقة وربنا يكفينا شر اللخمة وشكرا لحضرتك

[saso2010]

كلنا كنا كدة فى الاول كلة بالوقت بيكون تمام هى المشكلة الوحيدة عندك ان العربية جديدة خسارة تتبهدل فى التعليم بس

صح بس ان شاء الله خير وربنا يستر باذن الله على الجميع وشكرا على الرد

[saso2010]

بجد بشكر كل اللى ردو عليا جدا لانى فعلا محتاجة ناس بتفهم زيكو يدونى شوية تشجيع وخبرة واتمنى ان لوفية اى نصيحة محدش يبخل بيها لانى لسة فى البداية واحب انى استفيد منكم وفعلا المنتدى دة استفدت منة ومن اعضائة بشكل كبير جدا فبجد الف شكر وربنا يستر طريقكم وطريقى يارب

[Ralliart]

اللي بيعلمو مشكلتهم انهم بيبقو عايزين يتحكمو في سواقتك بمزاجهم
مشي اللي في دماغك طالما بتعرفي تنقلي وتتحكمي في العربيه كويس
يعني يقول يمين ولا شمال ولا عدي من العربيه دي او امسكي الحاره دي ...... طنشيه وامشي بمزاجك
وكمان الناس الظريفه اللطيفه اللي لما بتشوف حد بيتعلم بتقعد تزنق عليه وتزمرله وتوتره حاولي متلتفتيش ليهم
وان شاء الله هتعدي المرحله دي

[SunSet]

ههههههههههه الاتنين ومرسى على الرد

اصل لو هو اللي دخل فيكي يبقى الرصيف اللي غلطان وهو اللي لسه مبتدئ ومش بيعرف يسوق كويس:b4_048:

[FunnyMickey]

طب تقولي ايه في واحد عبيط وهوا بيتعلم في قريه سياحيه فاضيه تماما الساعه 1 الظهر
مفيش صريخ ابن يومين في القريه

وماشي في شارع عرضه 5 متر

وعلي يميني وشمالي رصيف

المهم انا بقي عاجبني باور العربيه اوي وعمال الف في الشارع واخد اللفه علي مره واحده
واذ فجاه
وانا بلف وعامل برم وبأيد واحده

دشششششششششششششششششششش
في عمود نور
وحظي المنيل العمود كان جمب الفيلا بتاعتنا

3 ثواني لقيت ابويا بره
وياابن ال طخ دش بوووووم يحرق دننننننن بومم

وعادي
معايا رخصه وجابلي عربيه

وحاليا اختي بتتعلم في مدرسه سواقه في مدينه نصر والدنيا حلوه

[A.Saad]

لو المدرب مش مريحك
غيريه

انا حصلت لى نفس القصة
مدب عامل زى العداد ويكروت علشان يفتح حصة جديدة
اول ما استلمت
جبت سواق من الشغل علمنى
لو عايزة ممكن اكلمه ليكى
تانى حاجة
شيء طبيعى انك تفضلى خايفة شوية
بس حاولى انك تتغلبى على الموضوع ده
احنا كلنا بنغلط فى السواقة

[wsamir]

الموضوع ممارسة مش اكتر جمدى قلبك انا واحدة زميلتى كانت جايبة بيكانتو زيرو و متعلمة السواقة عليها طبعا فى الاول هزرت مع اتوبيس و عملت حادثة بس دلوقتى بتسوق زى الجن و غرز و حركات

[shaddadfalcon1]

انا اول مااتعلمت كانت سواقتي كلها علي الزراعي فوالدي فضل اكتر من اسبوع رايح جاي كل يوم معايا
ييجي الصبح معايا الشغل ويروح بالعربيه واخر النهار ييجي بالعربيه وانا اسوق
مره قاللي هات الخامس كنت ملخوم ومرعوب وقلتله لا خليه دلوقتي وبعديها مره جبته والسرعه نزلت ل 60 ومبقتش عارف اعمل حاجه

بعديها بسنه واحد صاحبي كان بيركب معايا ومره قاللي الحمد لله اني خلفتلي عيليين قبل مااركب معاك
كننت بهريييه واخليه قاهد مربع علي الكرسي