الحل السحري لحماية الموتور الجديد و لتجديد الموتور بدون عمره

[M.Zaher]

أهم سؤال يجب أنك تسأله لنفسك مع أى مكنه خفيفه

الزيت بينقص أد أيه ( على مدار غيار الزيت )

لو بينقص حاجه بسيطه ( زى نصف كيلو مثلا )

وبتعوضه بالتزويد على مدار الغيار

يبقى ملوش لزمه زيت شنبر ولا غيره

حاليا

طب ايه هوه معدل نقصان الزيت
يعني مثلا نص كيلو في اد ايه كليو متر
ولو كيلو زيت في 8000 كيلومتر ؟؟

[أحمد علوان]

شكرا لصاحب الموضوع وللمهندس سمير على المعلومات اللي في الموضوع

[samirayad]

طب ايه هوه معدل نقصان الزيت
يعني مثلا نص كيلو في اد ايه كليو متر
ولو كيلو زيت في 8000 كيلومتر ؟؟

مفيش معدل ثابت فعلا

ولا منصوص على أى معدل فى كتب علميه

ومتى بنلجأ لزيت الشنبر

لرفع لزوجة الزيت من أجل القضاء على التفويت من غرف الحريق للكرتير

لما يكون المحرك مفوت ومش قادر يشد العربيه بطريقه معقوله

وطالما الآداء معقول للسياره

من جهة السحب والتسارع

يبقى لاداعى لأضافة زيت شنبر

وكفاية طريقة التزويد عند الحاجه

لأن أضافة زيت الشنبر فى حد ذاته

بيشكل حمل على المكنه

اللى هى تعبانه أساسا

____________________________

أذا التزويد بزيت بديل للزيت المستهلك

أفضل فنيا من أضافة زيت شنبر

طالما ماشى الحال

شكرا لصاحب الموضوع وللمهندس سمير على المعلومات اللي في الموضوع

الله يخليك

[venomixus]

شكرا لصاحب الموضوع وللمهندس سمير على المعلومات اللي في الموضوع

الله يخليك وأتمنى أن تعم الفائدة على الجميع. الفضل الأكبر في التوضيح يعود للمهندس سمير عياد

[samirayad]

الله يخليك

مفيش فضل ولا حاجه

كلنا أخوات

وبنتعلم مع بعضنا

لما فيه الصالح لنا

ولو كان هناك فضلا يذكر

فهو بالفعل

لمنتدى نايل موتورز

اللى جمعنا مع بعضنا

من أجل صالحنا جميعا

[SkyBird]

بيتهيألي المركب مفيد
لو بيعمل طبقة ناعمة من البلانين على الشمايز يبقى رائع
بيسد الثغرات في المواتير القديمة
ويحمي المواتير الجديده
وعلى فكرة معنى الجملة دي

after running 1,500km upon injection of nanoe, freely you can change engine oil.
Because perfect cermet coating process within 1,500km run will be already completed on engine surface

معناها بعد ماتحط المركب على غيار الزيت الجديد تمشي بيه 1500 كيلو وبعد كده لو عايز تغير الزيت غيره براحتك لان المركب ادى عملة وعمل الطبقة الحامية
فمش عارف ليه يا باشمهندس سمير نبعد عنه علشان كده

[samirayad]

لو بيعمل طبقة ناعمة من البلانين على الشمايز يبقى رائع

nano ceramic powder mixed with engine oil restores

يعنى أنت يادكتره أخدت البلاتين وسيبت السيراميك ليه

هو حضرتك دكتور أسنان ولا أيه

___________________

ياباشا المنتج ده

عامل زى نظام حشو الأسنان

تلاقى الدكتور حاشيلك الدرس تمام بالبلاتين

ومجرد عضتين تلاته على حتة لبانه

تلاقى البلاتين واقع فى بقك


____________________

حشو الأسنان نقدر نشبهه بمنتج النانو الكورى

وسورى البق .....حنشبهه بكرتير الزيت

تقدر بأه تكمل أكل والحشو واقع جوه بقك

حتبوظ السبايك على طول

معناها بعد ماتحط المركب على غيار الزيت الجديد تمشي بيه 1500 كيلو وبعد كده لو عايز تغير الزيت غيره براحتك لان المركب ادى عملة وعمل الطبقة الحامية

والله ياباشا أنا عارف معناها كويس جدا جدا

ولو أنا مش فاهم معناها

كنت حقفل بقى .....وحقول للتوبيك ده

السلامو عليكو ......على رأى حكيم

دا تخصصنا يادكتره

فمش عارف ليه يا باشمهندس سمير نبعد عنه علشان كده

أرجع للمشاركه اللى فيها المغفقاتى

[ahmedbasto]

اختراع جميل جدا

[SkyBird]

يعنى أنت يادكتره أخدت البلاتين وسيبت السيراميك ليه

هو حضرتك دكتور أسنان ولا أيه

لو دكتور سنان كنت فهمت العبارة ........ ههههههه

أرجع للمشاركه اللى فيها المغفقاتى

عدتني مشاركة المغفقاتي بس لما ركزت فيها حضرتك بتقول

لأن السيراميك بيبقى عامل زى الأزاز وحيبوظ سبايك المكنه ويسلخ الغرف من الداخل

لأنه أنهار ونزل وأختلط بزيت التزييت

ومالك السياره مش واخد باله

وماشى فى نور الله

بيتهيألي الفرضية دي مش هتعدي على الصانع
لان حال البودره لما تفك وتذوب في الزيت هيكون زي حالها لما اتحطت في الاول
ذايبة في الزيت وقاعده تحشي السنان اقصد الشمايز
وهي كده كده هتنزل في الزيت بعد فترة معينة علشان كده الصانع بيوصي انها تتغير كل 30 الف كيلو وبيضمن كفائتها سنة

recommended to change nano energizer upon driving 30,000km.
Wear resistance of the protective coating is guaranteed
within 1year at any running.

الا اذا كان عند معاليك معطيات اخرى مش واخد بالي منها
المشكلة معندناش تجارب للاعضاء
هعمل لفة على المنتديات الاجنبية اشوف بيقولوا ايه ......... يا مسهل

[samirayad]

لان حال البودره لما تفك وتذوب في الزيت هيكون زي حالها لما اتحطت في الاول
ذايبة في الزيت وقاعده تحشي السنان اقصد الشمايز

أزاى

يعنى وأنت حاشى الأسنان ولسه طريه

ومتغفقه لسه النهارده


زى ما أسيبها 30 ألف كم ونشفت وبأت زى الأزاز

وهل يعقل أنها تبقى على غرف الحريق من الداخل ولسه طريه وسايله زى ماكانت وهى لسه فى العبوه

دا تبقى لمؤاخذه .......هههههههه

بالذمه ده كلام يادكتره

وهي كده كده هتنزل في الزيت بعد فترة معينة علشان كده الصانع بيوصي انها تتغير كل 30 الف كيلو وبيضمن كفائتها سنة

أنا ما أخدتش بالى من الحته دى فى كلامه

وده أكبر دليل على أنه هجاس

وكل نظريتى

خارج نطاق المناقشه ومقبوله مائه فى المائه

الا اذا كان عند معاليك معطيات اخرى مش واخد بالي منها

عندى

لا يفضل نهائيا وجود مادتيين فى حالة عدم تجانس تام

وموجوده تحت أسطح عامله وتتعرض لحرارات وأحتكاكات أو تصادمات عاليه

وإلا فأبشر بالأنهيار القريب والدمار للمنظومه الموجود بها هذا التكنيك

هعمل لفة على المنتديات الاجنبية اشوف بيقولوا ايه ......... يا مسهل

من غير ماتعمل لفات

لازم نضع فى أعتباراتنا الفنيه

أننا مش أقل منهم

على الأقل فى التفكير

هما فكروا صح ولا لا

ومعروف أن العقل المصرى لايقل نهائيا عن العقول المستورده فى الذكاء

ولكنه للأسف

وظف فى اللف والدوران والحداقه والفهلوه

لأنه طاقه مهدره بالفعل

[SkyBird]

يا باشا اللفة على المنتديات الاجنبية علشان اشوف رأي اللي جربها لان عندنا محدش جربها ومش حكاية عقول انا واثق ان عقولكم تتفوق بكثير وكثير جدا
انا بدور على التجربة
او
قطنة ابلة نظيرة ..........:

[venomixus]

أزاى

يعنى وأنت حاشى الأسنان ولسه طريه

ومتغفقه لسه النهارده


زى ما أسيبها 30 ألف كم ونشفت وبأت زى الأزاز

وهل يعقل أنها تبقى على غرف الحريق من الداخل ولسه طريه وسايله زى ماكانت وهى لسه فى العبوه

دا تبقى لمؤاخذه .......هههههههه

بالذمه ده كلام يادكتره



أنا ما أخدتش بالى من الحته دى فى كلامه

وده أكبر دليل على أنه هجاس

وكل نظريتى

خارج نطاق المناقشه ومقبوله مائه فى المائه



عندى

لا يفضل نهائيا وجود مادتيين فى حالة عدم تجانس تام

وموجوده تحت أسطح عامله وتتعرض لحرارات وأحتكاكات أو تصادمات عاليه

وإلا فأبشر بالأنهيار القريب والدمار للمنظومه الموجود بها هذا التكنيك



من غير ماتعمل لفات

لازم نضع فى أعتباراتنا الفنيه

أننا مش أقل منهم

على الأقل فى التفكير

هما فكروا صح ولا لا

ومعروف أن العقل المصرى لايقل نهائيا عن العقول المستورده فى الذكاء

ولكنه للأسف

وظف فى اللف والدوران والحداقه والفهلوه

لأنه طاقه مهدره بالفعل

يا جماعة أنا مع الباشمهندس سمير ميه في الميه وصدقوني أنا قريت التعليقات في المنتديات الأجنبية ومعظم الآراء بتقول انه ممكن يكون نافع للسيارات القديمة والمواتير التعبانه بيفوقها.. وللمعلومه احنا عندنا في مصر أمهر وأحسن الميكانيكية والصنايعية بس مش واخدين حقهم زي بره ...

نظرية المهندس سمير تمام 100% وأنا عن نفسي شايف انه ممكن يفيد في حالة الموتور القديم

[samirayad]

وصدقوني أنا قريت التعليقات في المنتديات الأجنبية ومعظم الآراء بتقول انه ممكن يكون نافع للسيارات القديمة والمواتير التعبانه بيفوقها.

أنا والله
لا شوفت أجنبى ولا غيره

أنا بأشغل عقلى فى أى حاجه أنا شايف أنى ممكن أأقول فيها رأى

وطالما العقل بيفكر ....فأكيد حيوصل

فأن أخطأ مره

فسيصيب فى المره القادمه

وهى دى الأسس اللى ماشيه عليها جميع التصميمات لأى منظومه هندسيه

[alptchino_name]

باشا أنا اشتريته من المستورد نفسه اللي بيبيعه للمحطات والمحلات وهو صاحبي أصلاً .. وده رقم موبايلي كلمني وأنا أظبطهولك 0104271444

انا عندى عربية الموتور بدأ ياكل زيت بيتهايألى الحل دة هيكون مناسب ليها
لو حبيت اشترى 2 من المركب دة تقدر تدلنى عن مكان الى بيبيعو ولا تقدر انت توفرو واشترية منك

[venomixus]

كلمني ياباشا