حاطيت زيت شنبر بالغلط

[M.Zaher]

لو المكنة قديمة شوية فكل زيوت الشنبر تعتبر محسنات لزوجة للزيت يعنى بتخلى الزيت يحتفظ بلزوجته شوية لما يكون سخن والمفروض صوت المكنة يتكتم شوية او ينعم موش يعلى وممكن يسبب صعوبة دوارة فى الشتاء يعنى تحس انك عاوز تأخر كهربا بس فى العموم انا موش شايف ان مرة زيت شنبر هاتعمل حاجة خصوصا ان العبوات بتاعته بيبقى مكتوب عليها انو بيضاف للموتور السليم علشان يحافظ عليه
ده غير انو فى واحد قريبى فى ايطاليا بيقول انو بيشترى العربية تقعد معاه 3 سنين ويغيرها من غير مايغير زيت خالص وبيقول ان عملية غيار الزيت ده نوع من النصب علينا
بس مادام حمارتك العرجة تغنيك عن سؤال اللئيم واحنا موش بنشترى عربية جديدة كل 3 سنين يبقى خلينا فى المضمون ونغير زيت
اللي اقصده متتخضش غيار الزيت مايستاهلش ده كله
طنش لغاية ما تغير او لو ظبطت معاك تغيير الزيت فبل معاده بشويه توكل على الله
لو خايف اعمل اللى قاله باش مهندس سمير جركن واقسمه على اتنين مع اللى موجود فى العربيه
وحرام عليك تنزل الزيت وتحط غيره مانصحكش

انا معاك في الراي ده
وخصوصا انه ماقللش اللزوجه
و حكاية تغير الزيت دي
واحد قاللى شغال في شركه زيوت هنا في مصر خلى الزيت في عربيته 40 الف كلم و محصلش حاجة

[samirayad]

واحد قاللى شغال في شركه زيوت هنا في مصر خلى الزيت في عربيته 40 الف كلم و محصلش حاجة

قوله أصبر

فبداية الغيث قطره

بكره حيحصل اللى أنت مش متوقعه

وحترمى المكنه وتشترى واحده أستيراد

[misoalex]

بتاع البنزينه معرفش ينزل نص الزيت او استسهل عشان المروض يقفل الطبه وهى لسه بتنزل زيت

لو عاوز تعمل زى بشمهندس سمير قال يبقى هات حاجه نضبفه ونزل فيها الزيت كله
وبعد كده حط نصه مع نص موبيل فقط من غير اضافات

وخلى النص التانى معاك

[MostafaAssem]

امبارح رحت أعمل حركة ال 2 لتر.
أشتريت موبل 1 تانى 4 لتر (250 جنيه )
رحت بنزينة شل (سيبك من اللخبطه ده )، اتحايلت عالراجل لحد موافق انه يغير لى زيت موبيل.
نزل 4 لتر فى جركن، حط منهم 2، زائد 2 لتر تانين من موبيل الجديد.

الحمد لله، العربيه أحسن كتيير . السحب أحسن و الصوت أوطى (بس و أنا ماشى بس. وأنا واقف، الصوت ماوطاش).
هو أعتقد سحب العربيه كده قريب من الأول، بس مش زى الأول تماما.

يا ترى الزيت ممكن يخف شويه بعد كام ألف؟
و تفتكروا بعد الغيار ده، أ حط ال2 لتر اللى أنا نزلتهم ولا لأ؟
و هل ممكن أعمل حاجه تخفف ال2لتر اللى معايا دول قبل مأحطهم فى الغيار اللى جاى؟

و شكرا.

[MostafaAssem]

يا ريت يا جماعه لو حد يقدر يرد على أى سؤال أكون مشكور

[MostafaAssem]

يا ترى الزيت ممكن يخف شويه بعد كام ألف؟
و تفتكروا بعد الغيار ده، أ حط ال2 لتر اللى أنا نزلتهم ولا لأ؟
و هل ممكن أعمل حاجه تخفف ال2لتر اللى معايا دول قبل مأحطهم فى الغيار اللى جاى؟

يا ريت يا جماعه لو حد يقول رأيه فى الأسئله ديه. و فيه سؤال كمان لو سمحتم.
زيت شل ألترا لزوجته 5w - 40 يعنى أخف من موبيل 1 5ًًًًW-50.
هل بقى ممكن أخلط ال2لتر اللى فاضلين مع 2 لتر شل ولا يبقى عك؟

و شكرا

[elfashn]

سيدى الفاضل ده كده عك. كان المفروض تسيب الزيت عادى ومتغيروش .اولا زيت الشمبر ماسموش زيت شمبر احنا فى مصر الى بنفتى ونسمى زى محنا عايزين ده زيت بيستخدم كأضافة للمحافظة على لزوجة زيت الموتور ومن ثما المحافظة على الموتور نفسة لكن هنا فى مصر سموة زيت شمبر لانه مع استخدام الزيت ده والعربية جايبة طقم شمبر بيوقف الدخنة الى خارجة من الشكمان وبيساعد فى تحسين اداء الموتور. وعلى فكرة انا كنت كل مرة اغير فيها الزيت للموتور كنت احط زيت الشمبر ده علشان يحافظ على الموتور وفعلا الموتور عندى ماشاء الله والزيت عند التغيير بينزل من العربية كأنة جديد. ربنا يعوض عليك فى الفلوس الى بتترمى على الفاضى على الارض .


___________________

يرجى مراعاة الدقه فى كتابة لفظ الجلاله بشكل صحيح


مشرف القسم التعليمى

[MostafaAssem]

شكرا elfashn على الرد. بس أنا الحمد لله مرمتش فلوس عالارض لغاية دلوقتى. أنا الزيت اللى نزلته عاينه فى جركن للغيار الجاى ان شاء الله.

أنا كل اللى يهمنى انى مكونش ظالم معايا الموتور.

[samirayad]

سيدى الفاضل ده كده عك. كان المفروض تسيب الزيت عادى ومتغيروش .اولا زيت الشمبر ماسموش زيت شمبر احنا فى مصر الى بنفتى ونسمى زى محنا عايزين ده زيت بيستخدم كأضافة للمحافظة على لزوجة زيت الموتور ومن ثما المحافظة على الموتور نفسة لكن هنا فى مصر سموة زيت شمبر لانه مع استخدام الزيت ده والعربية جايبة طقم شمبر بيوقف الدخنة الى خارجة من الشكمان وبيساعد فى تحسين اداء الموتور. وعلى فكرة انا كنت كل مرة اغير فيها الزيت للموتور كنت احط زيت الشمبر ده علشان يحافظ على الموتور وفعلا الموتور عندى ماشاء الله والزيت عند التغيير بينزل من العربية كأنة جديد. ربنا يعوض عليك فى الفلوس الى بتترمى على الفاضى على الارض .

ماهو أضافه لرفع معامل لزوجة الزيت

viscosity index improving additive


بس عندنا بيدلعوه

وبيقولوا عليه زيت شنبر

وعندهم حق فى دلعه بالشكل ده

لأنه بيزود اللزوجه وبالتالى بيسد الخلوصات بين الشنابر وغرف الحريق من الداخل

يعنى بيضاف لرفع كفاءة عمل الشنبر المفوت

يبقى تسميته بزيت شنبر

بيعتبر

أسم دلع ومقبول فنيا

[elfashn]

شكرا elfashn على الرد. بس أنا الحمد لله مرمتش فلوس عالارض لغاية دلوقتى. أنا الزيت اللى نزلته عاينه فى جركن للغيار الجاى ان شاء الله.

أنا كل اللى يهمنى انى مكونش ظالم معايا الموتور.

كويس انك مرمتش الزيت ده وتقدر تحطو تانى فى العربية فى غيار الزيت الجديد ونصيحة اخوية بلاش زيت موبيل وان مع احترامى لكل الى بيحطوه بس الزيت ده بيفضل 10000 ك فى العربية وده مش حاجة حلوة ومن المفضل تغيير الزيت عند 5000 او 4000 علشان ده هيحافظ على نظافة الموتور

[MostafaAssem]

معلش المشكله لسه موجوده.

على السلانسيه, بسمع صوت تكتكه فى الموتور. يا ترى سببه ايه؟ مكنش موجود قبل كده .

و صوت الموتور عالى برضه .

أنا افتكرت حاجه: لما الراجل غير لى الزيت و الفلتر, حط علبه الSTP ثم حط جركن الموبيل 1 كله !! فكده شكله أكتر من المفروض.

طب هل ممكن تكون طلمبة الزيت مش قادره ترفع الزيت للتاكيهات؟ ويكون ده صوت التاكيهات؟

أفيدونى افادكم الله.

[Adham]

يا باشا انت عامل مشكلة من لا مشكلة

اضافة الزيت دي لتحسين خواص الزيت

يعني يزود اللزوجه و يخللي الزيت يتحمل الحرارة و يحافظ اكتر على موتور السيارة و كمان الزيت ممكن يعيش اكتر

انا كنت باحط الزيت دة في عربية هوندا مش عاملة 40 الف كيلو اصلا كنوع من الوقاية و تحسين خواص الزيت و بالذات مع القرص و الشد الزيت مايقطعش و يأدي أداء كويس عالمكنة

انت كلفت نفسك تمن جركن موبيل 1 تاني بدون اي لازمة
و وجعت دماغك و لفيت يومين عالبنزينات تتحايل عالصنايعية يخففوا 2 لتر زيت
الزيت اسمة اويل تريتمنت يعني معالج زيت او اضافة زيت و الميكانيكية هنا هما اللي سموة زيت شنبر

لو انت كنت قعدت قريت اللي عالعلبة او خليت حد بيعرف انجليزي كويس يقراه و يقولك
كنت حاتعرف انة بيستعمل لتحسين خواص الزيت و المحافظة عالعربيات الجديدة
و انة لو العربية موتورها خفيف بيحطوا علبتين في غيار الزيت

و حكاية تكتكة دي ممكن تاكيهات انما مافيش حاجة اسمها طلمبة الزيت مش قادرة ترفع الزيت تقيل علشان الزيت زيادة او فية اويل تريتمنت



انما انت عامل مشكلة و بتقول زيت زيادة و الراجل حط الجركن و الاويل تريتمنت و ممكن يكون العربية فيها زيت زيادة

يا اخي بالله عليك افتح الكبوت و ارفع المقياس شوف مستوى الزيت زيادة و للا لأ

دي اسهل ما تطلع البيت و تفتح النت و تكتب السؤال و تستنى يوم و للا اتنين حد يقولك الزيت زيادة و لا لأ و برضة فتاوي لان محدش عارف الراجل حط زيادة و للا لأ




تعالى بقى و فهمنى حتة انا مش فاهم فيها حاجة

انت و سمير عياد فية حوار بينكم بخصوص الزيت و الفتيس ومخصص للفتيس المانيوال و مش عارف اية !!!

والأهم حاليا

أن ميكونش ده مخصص لللفتايس المانيوال

مش محركات البنزين برضه

جايز يكون ده بيرفع لزوجة زيت الفتيس

ومش زيت شنبرللمكنه

ه [/right]

اية دخل زيت الموتور بالفتيس اصلا !!!!!!!

[elfashn]

يا باشا انت عامل مشكلة من لا مشكلة

اضافة الزيت دي لتحسين خواص الزيت

يعني يزود اللزوجه و يخللي الزيت يتحمل الحرارة و يحافظ اكتر على موتور السيارة و كمان الزيت ممكن يعيش اكتر

انا كنت باحط الزيت دة في عربية هوندا مش عاملة 40 الف كيلو اصلا كنوع من الوقاية و تحسين خواص الزيت و بالذات مع القرص و الشد الزيت مايقطعش و يأدي أداء كويس عالمكنة

انت كلفت نفسك تمن جركن موبيل 1 تاني بدون اي لازمة
و وجعت دماغك و لفيت يومين عالبنزينات تتحايل عالصنايعية يخففوا 2 لتر زيت
الزيت اسمة اويل تريتمنت يعني معالج زيت او اضافة زيت و الميكانيكية هنا هما اللي سموة زيت شنبر

لو انت كنت قعدت قريت اللي عالعلبة او خليت حد بيعرف انجليزي كويس يقراه و يقولك
كنت حاتعرف انة بيستعمل لتحسين خواص الزيت و المحافظة عالعربيات الجديدة
و انة لو العربية موتورها خفيف بيحطوا علبتين في غيار الزيت

و حكاية تكتكة دي ممكن تاكيهات انما مافيش حاجة اسمها طلمبة الزيت مش قادرة ترفع الزيت تقيل علشان الزيت زيادة او فية اويل تريتمنت



انما انت عامل مشكلة و بتقول زيت زيادة و الراجل حط الجركن و الاويل تريتمنت و ممكن يكون العربية فيها زيت زيادة

يا اخي بالله عليك افتح الكبوت و ارفع المقياس شوف مستوى الزيت زيادة و للا لأ

دي اسهل ما تطلع البيت و تفتح النت و تكتب السؤال و تستنى يوم و للا اتنين حد يقولك الزيت زيادة و لا لأ و برضة فتاوي لان محدش عارف الراجل حط زيادة و للا لأ




تعالى بقى و فهمنى حتة انا مش فاهم فيها حاجة

انت و سمير عياد فية حوار بينكم بخصوص الزيت و الفتيس ومخصص للفتيس المانيوال و مش عارف اية !!!





اية دخل زيت الموتور بالفتيس اصلا !!!!!!!

والهى العظيم انا كان نفسى اسأل نفس السؤال اية الى جاب القلعة جنب البحر