بحث في البوجيهات او شموع الاحتراق

[engamm]

اشكر حضرتك جداااا علي الموضوع دة اللي هو اكثر من رائع و علي اهتمام حضرتك و حقيقي انا بعتز بالمنتدي دة لان كل اللي فية هما اهل خبرة و بيهتموا باي مشكلة الناس بتقولها

[Mohamed Fathy]

موضوع اكثر من تحفه!!!

[moryomar]

thnx
great work

[mazenzyad]

عريتى رينو لوجان 1600 مانيوال و محتار فى نوع الشمعات المناسة اللى تدينى افضل اداء . معرفتش اجيب الرقم المناسبة من موقع ngk . فى صيانة ال20000 ركبولى شمعة واحدة و غيرتو باتنين شمعة . فى انتظار المعلومة من سيادتكم . مع كامل التقدير

[husseinoo]

عريتى رينو لوجان 1600 مانيوال و محتار فى نوع الشمعات المناسة اللى تدينى افضل اداء . معرفتش اجيب الرقم المناسبة من موقع ngk . فى صيانة ال20000 ركبولى شمعة واحدة و غيرتو باتنين شمعة . فى انتظار المعلومة من سيادتكم . مع كامل التقدير

السلام عليكم ورحمة الله وبركاته

بالنسبة لى انا نزلت المانيوال الخاص بالسيارة
وفيه كان مكتوب رقم البوجيهات المناسبة سواء كانت NGK او Dinso

المشكلة الحقيقية ان السوق غرقان بوجيهات مضروبة
والله العظيم صدقونى

المفروض البوجيهات دى تفضل معاك مدة طويلة

تخيل انك بمجرد ما تغيرها عند الميكانيكى تلاقى العربية فايقة وزى الفل
وبعد شهرين بالكثير تلاقى العربية اتخنقت وموش بتسحب زى الاول

اللى عارف الاصلى من المضروب الناس اللى شغالة فى محلات بتوع الغيار
لكن هو عنده بضاعة ولازم يخلصها

بالنسبة للبوجيهات 2 شمعة او 3 او 4 شمعة
اهم حاجة تراقب حرارة العربية
لان موش كل البوجيهات تناسب اى سيارة

يعنى سرعة الحريق للبوجى ... ممكن تكون غير مناسبة لموتور العربية
وتلاقى حرارة العربية ترتفع زيادة عن اللزوم

او العكس

لكن حضرتك عملت الصح
انك بتحاول تعرف الرقم المناسب للبوجيه

على فكرة نسبة كبيرة من الميكانيكية مافيش عندهم فكرة عن الفرق بين ارقام البوجيهات
ومشيها بالبركة

والرقم بيتوقف على نوع العربية والموديل والسنة
مهم جدا تعرف الرقم
وكمان البدائل للبوجيه المطلوب
عشان لو موش موجود تركب البديل

ضبط الكاربراتير وتنظيفه فى احد مراكز الخدمة وضبطه بالكمبيوتر .... هايخلى العربية طيارة
وهاتحس فعلا انك راكب الرينو على حق ... وتستمتع بها فعلا

واهلا وسهلا بحضرتك

معلهش انا طولت عليكم

مع اطيب التمنيات
اخوكم حسين غزالة

[samozaen91]

موضوع مفيد جدا جدا

[akmm]

رائع .... وافضل بوجيهات ngk .

[maro_brolen24]

ممكن اعرف اية احسن بوجيهات للجولف 2 موتور 1600 موديل 90

[S O P H O S]

جزاك الله خيرا ..

[darsh_darsh]

http://www.ngksparkplugs.com/part_finder/car_truck_suv/results.asp

ديه الصفحه ياريت تقولى ظبط الثغره على كام انا بعملها 0.7
كده صح ولا غلط وهل لو قللتها تحسن السحب ولا مش هتفرق
وانا عندى لما بقرص على الغيار بتنتش العربيه وتقطع كده وغيرت بوجيهات اتحسنت شويه لان الاولى كانت مرطبه ومكملتش بيها يومين فانت ايه رايك

[maro_brolen24]

ممكن اعرف اية احسن بوجيهات للجولف 2 موتور 1600 موديل
منتظر ردكم

[khalid_adel]

سيبك من الميكانيكي ميعرفش الفرق في البوجيهات
وانا بغيرهم اخر مره انا عارف ان عربيتي Gap .7 فبقوله وهو بيظبطها بالسن بتاعه ده انت بتظبطها علي كام قالي 1 قولتله ليه المفروض .7 زي مامكتوب او الموصي بيه للعربيه لقيته بيقولي لااااا سيبك من الكلام ده وده الصح
مش عارف بقي كده يفرق في ايه وليه هو عملها علي 1 مش فاهم دماغه الصراحه
ارجو الافاده

[MohammedAladel]

طيب حضرتك بتقول إن شركة بوش مش بتسمح تعديل بوجيهات معينة وثغرتها ثابتة وهى 1.6 طيب والكتالوج عندى فى عربيتى بيقول 0.9

معنى كدا إن البوجيه دا ما ينفعش يركب عندى وإنه معمول لعربيات معينة فقط وليس كل السيارات

[AboHamza2011]

الف الف شكر علي المجهود العظيم

[MohammedAladel]

سيبك من الميكانيكي ميعرفش الفرق في البوجيهات
وانا بغيرهم اخر مره انا عارف ان عربيتي gap .7 فبقوله وهو بيظبطها بالسن بتاعه ده انت بتظبطها علي كام قالي 1 قولتله ليه المفروض .7 زي مامكتوب او الموصي بيه للعربيه لقيته بيقولي لااااا سيبك من الكلام ده وده الصح
مش عارف بقي كده يفرق في ايه وليه هو عملها علي 1 مش فاهم دماغه الصراحه
ارجو الافاده

الأفقع من كدا لما رحت لميكانيكى عندنا مسك البوجيه فتح الجاب ببقه وحطه على سنه من سنانه ( بيستعمل أسنانه كأنها فيلر يعنى )

ههههههههههههه