بنزين 95 لتنظيف دوره البنزين

[Ralliart]

اسمع ان بنزين 80 هو اللي بينظف دورة البنزين لانه مذيب قوي وبيطلع الشوائب من دورة البنزين وتترسب في الفلتر علشان كده الناس لما تحط بنزين 80 وتلاقي العربية تكرر يقولوا بنزين 80 وحش وكله شوائب وهو في الحقيقية نظف الشوائب من دورة البنزين ورماها على الفلتر
يعني المفروض لو استخدمته تنظف الفلتر بعدية
الكلام ده متاكدش منه على اسس علمية بس مقتنع بيه

اوعى تعمل كده

[mido_1311]

بنزين 80 مليااااااان شوائب

[dreftage]

بنزين 80 فيه براغيت
ههههههههههههههه
مهو كل واحد بيقول حاجه قولت اقول انا كمان
ماله ال80 ياجماعه مانا بستخدمه بقالى سنه
وكمان الفلتر بغيره كل فترة كبيرة وبيطلع نظيف
ولما بحط ال90 او 92 بحس انه بيخلص بسرعه
بس فيه بنزينات نظيفه وتانيه لا
يعنى البنزينه الى بحط منها البنزين مش بغيرها ومفيهاش براغيت
هههههههههههههههه

[SkyBird]

بنزين 80 مليااااااان شوائب

ده غير حقيقي
حط بنزين 80 في ازازة شفافة وشوف لو كان فيه شوائب
مش هتلاقي بالطبع

[zoom2zoom]

ده غير حقيقي
حط بنزين 80 في ازازة شفافة وشوف لو كان فيه شوائب
مش هتلاقي بالطبع

ياباشا الشوائب كيميائيه

[wbaset]

ياجماعه انا عربيتى ابيزا موديل 2002 ومكتوب على التانك بتاعها بنزين (98 - 95 )
يعنى هى بيتحط فيها بنزين 95 او الاعلى 98 اللى مش موجود اساسا فى مصر
بس طبعا اللى شارى العربيه منه كان بيحط بنزين 92
علشان كده المهندس قال حط بنزين 95 علشان تشيل الشوائب بتاعه بنزين 92

[SkyBird]

ياباشا الشوائب كيميائيه

يعني ايه شوائب كيميائية ؟

[shalaby2001]

يا جماعه هو منظف stp اجيبو منين و بكام؟ وهل ينفع لعربيتى اكسنت كاربيراتير؟؟؟؟؟؟؟؟؟

[N.a.j.d]

تجيبه من اي ننزينه يا باشا

[kohana]

على فكرة بقى بنزين 80 كله طحينة ولونها أحمر كمان

[tutankhamoun]

اسمع ان بنزين 80 هو اللي بينظف دورة البنزين لانه مذيب قوي وبيطلع الشوائب من دورة البنزين وتترسب في الفلتر علشان كده الناس لما تحط بنزين 80 وتلاقي العربية تكرر يقولوا بنزين 80 وحش وكله شوائب وهو في الحقيقية نظف الشوائب من دورة البنزين ورماها على الفلتر
يعني المفروض لو استخدمته تنظف الفلتر بعدية
الكلام ده متاكدش منه على اسس علمية بس مقتنع بيه

الفروق ما بين أنواع البنزين هو نوعية الأوكتان
و العربية اللي يتحط فيها بنزين 80 و تكركر مش علشان بنزين 80 وحش أو مليان شوائب .

العربية بتكركر علشان هي محتاجة أوكتان أعلى علشان عملية الحريق

و الموضوع مرتبط بضغط الموتور .....
يعني المواتير القديمة القديمة ضغطها صغير و مش بحتاج أوكتان عالي .

أما أغلب المواتير الجديدة بيكون ضغطها عالي و علشان كدا بتحتاج أوكتان أعلى علشان عملية الحريق تتم مظبوط و العربية تطلع أقصى أمكانياتها .


بالنسبة لموضوع أن بنزين 95 بينظف دروة البنزين ده بالظبط زي اللي يقول أن المياة ممكن تمشي العربية .

الأوكتان ملوش أي علاقة بالنظافة أو الشوائب .

منظف دروة البنزين ده سائل كيميائي مصنوع خصيصا علشان ينظف الدورة و لا ينصح بأستخدامه كل فترة قصيرة علشان ممكن يبوظ الخراطيم البلاستيك الخاصة بالدورة .

و ممكن تجرب منظف رشاشات الأول و أستعماله مش خطر خالص و شوف أيه النتيجة .

لو مفيش نتيجة هات منظف دورة البنزين و تستخدمه مرة واحدة على الأقل كل 20 ألف كم . بس أنا أقصد ما تحطوش أكتر من مرة على فترات قريبة .

[HOSSAM99]

كل واحد غرق نفسه زيت وشحم بقي يفتي