اى المحركين اقوى و لماذا؟؟

[smase]

المحرك الاول: 1600 سى سى كامة واحدة 8 صباب 86 حصان
المحرك الثانى : 1300 سى سى 2 كامة 16 صباب 95 حصان و الاتنين تقريبا 120 نيوتن

يا ريت يا جماعة حد يفهمنى معنى السى سى و الحصان و حكاية الكامة دى
و ايه اللى بيحدد قوة الموتور ؟ السى سى ؟ و للا الحصان؟ و الصباب؟

[hugan]

متابببببببببببببببببببببببع

[mr_vampire]

متهيالي الكلام واضح اهو وبيفسر نفسه. الموتور اللي فيه عدد صبابات اكبر هو الاعلي فالقوة حتي ولو كان اقل فالسعة اللترية. لان ببساطة الصباب هو المسئول عن دخول الوقود والهواء غرفة الاحترق فكلما زاد عدد الصبابات زادت كمية الوقود والهواء المحترقة فيزيه القوة الناتجة من حرقهم وبالتالي قوة موتور اعلي وعزم اشد. والله اعلي واعلم

[mr_vampire]

معلش مخدش بالي من باقي الاسئلة انا هجاوب علي اللي اعرفه والباقي اجتهاد يحتمل الصواب او الخطا:

الحصان وحدة قياس زي الوات والفولت يعني لما تجيب جينيريتور او مولد ديزل وتقوله ده قدرته 1000 وات يبقي بيطلع او خرجه 1000 وات فالحصان وحدة قياس ولمعرفة مقدارها ببساطة كدة
l horse power= 3/4 kilo watt= 725 watt
يبقي الموتور اللي قوته 100 حصان بضربية بسيطة بيطلع72500 وات او 72.5 كيلو وات.

السي سي بتسمي السعة اللترية 1300=1.3لتر معناها ايه او بتدل علي ايه الله اعلم.

الكامة شوفتها قبل كدة في موضوع هي اللي بيركب عليها التيكيهات بتاعة الموتور وبيبقي ليها شكل معين بحيب التيكيهات تتحرك عليها حركة ميكانيكية معينة تخلي صباب يفتح وقت ماصباب تاني يقفل وهكذا.

والله اعلي واعلم

[mr_vampire]

في موضوع فالقسم التعليمي اسمه عشان نعدل لازم نفهم فيه فيديو حلو اووووووووووووووي عن كيفية عملة المحرك وهيفهم ببساطة الصبابات و التيكيهات والكامة والليلة ده كلها.

[ahmedsamir5edr]

الهورس باور الأعلي .. هو الأقوي
لأن اتجاه الشركات العالميه دلوقتي الي تخفيــــض ال سي سي أقصي ما يمكن .. مقابل الحصول علي أعلي هورس باور .. زي مواتير فيات و فولكس فاجن الجديده

[smase]

طيب كدة واضح ان الهورس باور هو اللى بيحدد قوة المحرك و ان المحرك التانى هو الاقوى بس برضو ناقص حد يفهمنا السعة اللترية معناها ايه و ليه الناس بتربط بينها مثلا و بين تشغيل التكييف يعنى دايما يقولوا العربيه لما السى سى يبقى اعلى التكييف ما يأثرش على السحب اوى و العكس

[essamenen]

عامه 2 كامه بتزود قوه الحصان بس لاز تعرف القوه دى عند كام لفه فى الماتور rpm
يعنى ممكن يكون 86 حصان عند 5000 لفه فى الدقبقه
95 حصان عند 6000 لفه فى الدقيقه
وفى حجات بتفرق مثل كربراتير ولا انجكشن
وكمان ممكن نفس cc ماتور بيدى قوه اكثر حسب تصميم طول وقطر البستم
بس ده حاجه عاديه وماتستغربشى

[aly_hosny]

طيب كدة واضح ان الهورس باور هو اللى بيحدد قوة المحرك و ان المحرك التانى هو الاقوى بس برضو ناقص حد يفهمنا السعة اللترية معناها ايه و ليه الناس بتربط بينها مثلا و بين تشغيل التكييف يعنى دايما يقولوا العربيه لما السى سى يبقى اعلى التكييف ما يأثرش على السحب اوى و العكس

ال cc دي اختصار سنتيمتر مكعب ودي وحدة قياس حجوم بتعبر عن حجم غرفة الاحتراق ال في المتور
وكل ما زادت بيزيد الاستهلاك لان الموتور بياخد كمية بنزين اكبر ويحرقها وبتزود برضو القدرة بتاعة الموتور

[SAMEH_FOUAD]

قوة الماتور بتحدد عند حاجات كتير مش عدد الاحصنة بس

اولا : القوة الحصانية : وهية ماينتجة المحرك من القوة الناتجة من العلاقة بين عزم الدوران وقوة دوران المحرك وهية قوة يتم قياسها نتيجة عدة حسابات معقدة وعشان اسهلها عليكما القوة الحصانية =عزم الدوران (رطل/قدم) × عدد دورات المحرك(دورة/دقيقة)] ÷ 5252 والرقم دة ثابت على فكرة بس محدش يسالنى هو جية ازاى هو احنا عرفناة كدة

ثانيا : العزم :

وعزم المحرك مهم جدا انة يكون عالى عشان يقدر يجر العربية من الثبات بسرعة وخفة وبيتم قياس عزم المحرك من القوة التى نحصل عليها من عد لفات الكرنك

ثالثا : السعة اللترية :

السعة اللترية لاى ماتور بتتحدد عن طريق كمية الوقود اللى بتاخدها غرف الوقود الموجودة فى المحرك اثناء شوط السحب وطبعا بياخد نسبة من خليط الهواء والبنزين وبيختلف السعة اللترية لاى ماتور على حسب قطر الغرفة (البستم)

يعنى بالبلدى كدة لو ماتورك سعتة اللترية 1300 سى سى يبقى بياخد قدهم مثلا بمعدل تقريبى خليط هواء وبنزين داخل البستم وبعد كدة البوجية يدى الشرارة الكهربائية بتاعتة عشان تحدث عملية الانفجار

فى النهاية عشان تاخد ماتور قوى لازم يكون معادل مابين العزم والقوة بقدر الامكان
لانك عشان توصل لتوب سبيد من ماتور القوة الحصانية فية عالية عن العزم يبقى هتاخد وقت

يبقى لازم يكون الماتور متوافر فية عزم لان ماتور عزمة قوى معناة عمر اطول للمحرك لانك بتاخد قوة الماتور من غير ماتضغط علية

وبردة خلى بالك ان الفتيس لية عامل كبير جدا فى الوصول للسرعة القصوى للعربية بسرعة

[midoelking]

بص يا كبير ال 1300 اقوى عشان 2 كام يعنى بمثابة محركين فى بعض و الصبابات بتفرق فى كمية الهواء و الوقود الداخلين للمحرك بعنى لما عدد الصبابات بيزيد المحرك قوته يتزيد

[SkyBird]

سمعت ان الكاربارتير بيخلى الموتور يطلع قوة اكثر من الانجكشن
هل ده صحيح ؟

[MNabeih]

قوة الماتور بتحدد عند حاجات كتير مش عدد الاحصنة بس

اولا : القوة الحصانية : وهية ماينتجة المحرك من القوة الناتجة من العلاقة بين عزم الدوران وقوة دوران المحرك وهية قوة يتم قياسها نتيجة عدة حسابات معقدة وعشان اسهلها عليكما القوة الحصانية =عزم الدوران (رطل/قدم) × عدد دورات المحرك(دورة/دقيقة)] ÷ 5252 والرقم دة ثابت على فكرة بس محدش يسالنى هو جية ازاى هو احنا عرفناة كدة

ثانيا : العزم :

وعزم المحرك مهم جدا انة يكون عالى عشان يقدر يجر العربية من الثبات بسرعة وخفة وبيتم قياس عزم المحرك من القوة التى نحصل عليها من عد لفات الكرنك

ثالثا : السعة اللترية :

السعة اللترية لاى ماتور بتتحدد عن طريق كمية الوقود اللى بتاخدها غرف الوقود الموجودة فى المحرك اثناء شوط السحب وطبعا بياخد نسبة من خليط الهواء والبنزين وبيختلف السعة اللترية لاى ماتور على حسب قطر الغرفة (البستم)

يعنى بالبلدى كدة لو ماتورك سعتة اللترية 1300 سى سى يبقى بياخد قدهم مثلا بمعدل تقريبى خليط هواء وبنزين داخل البستم وبعد كدة البوجية يدى الشرارة الكهربائية بتاعتة عشان تحدث عملية الانفجار

فى النهاية عشان تاخد ماتور قوى لازم يكون معادل مابين العزم والقوة بقدر الامكان
لانك عشان توصل لتوب سبيد من ماتور القوة الحصانية فية عالية عن العزم يبقى هتاخد وقت

يبقى لازم يكون الماتور متوافر فية عزم لان ماتور عزمة قوى معناة عمر اطول للمحرك لانك بتاخد قوة الماتور من غير ماتضغط علية

وبردة خلى بالك ان الفتيس لية عامل كبير جدا فى الوصول للسرعة القصوى للعربية بسرعة

الله ينور.

[MNabeih]

معلومة صغيرة,
في التسارع, كل ما اقصى عزم كان عند rpm عالي كل ما كان التسارع افضل بس علي حساب عمر الموتور.
يعني لازم تحرق علي الغيار عشان تحصل علي افضل تسارع(بتبقي النقلات طويلة و في سحب لاخر الغيار),
في حين لما بيكون اقصى عزم عند rpm واطى, ما بتحرقش قوي علي الغيار بتنقل عند rpm واطي(عمر اطول للموتور) بتاخد عزم الموتور كله عند rpm واطي (في الشد ما بتستناش لحد اخر الغيار لأن ببساطة مالهوش لازمة انت خلاص اخدت عزم الموتور)
و بردو الgear ratios بتفرق جامد.
و في الحقيقة اللي بيخلي العربية اللي عزمها عند rpm عالي احسن من العربية اللي rpm واطي, ان الاول ممكن مثلا التالت يجيب معاه 140 و التاني عند 140 بيكون خلص الرابع, يعني لو واحد محترف في النقلات تبقي العملية مافيش فرق بالعكس ساعتها هايكون التاني موتوره يعيش اكتر!!!!!
و الله اعلم.
تحياتي.

[husseinthemaster]

تمام الموضوع جميل جدا