ليه الاتوماتيك ما فيهوش دبرياش الكتروني؟

[nobody]

انا قصدي لما تيجي تفرمل بالعربية الاتوماتيك وانت على الدي بتحتاج مجهود لمقاومة دفع العربية ده طبعا بيزود
العبء على الفرامل و يخلي التيل يتاكل بسرعة و اكيد بيزود استهلاك البنزين

سؤالي ليه ما يعملوش دبرياش اتوماتيك مع الضغط عل الفرامل عشان يفصل الحركة؟؟؟؟

[SEATLOVER]

دة موجود فعلاً بطريقة غير مباشرة فى بعض العربيات و اسمة
(Engine Break )

لكن وجود فصل تام للحركة ... صعب جداُ .لآنة لو اتعمل ..هايبقى بعد الدوس على الفرامل و الفصل ..هايبقى فى رجوع للسرعة الاولى عند الرفع (بطريقة عكسية) ...ودة خطر جداُ
ومش مطلوب فى اغلب المواقف اللى بتحتاج فيها الفرامل .

[nobody]

شكرا على الرد يا باشا
بس هو خطر ليه اصلي لما باجي افرمل بحط N و بعدين يمشي الطريق احط D وهكذا
فبيتهيألي ان فصل الحركة مع الفرامل حيكون اريح للجيربوكس

[Xpert]

انا قصدي لما تيجي تفرمل بالعربية الاتوماتيك وانت على الدي بتحتاج مجهود لمقاومة دفع العربية ده طبعا بيزود
العبء على الفرامل و يخلي التيل يتاكل بسرعة و اكيد بيزود استهلاك البنزين

سؤالي ليه ما يعملوش دبرياش اتوماتيك مع الضغط عل الفرامل عشان يفصل الحركة؟؟؟؟

ماهه ده عيب الفتيس الاوتوماتيك .. بجانب انك لو قعدت تعمل rev كتير علي الباركنج او النوترال ممكن تتسب في اعطال الكلاتش باك بتاع اللقطه الاولانيه ....
مايعملش دبرياج اوتوماتيك لاءن الفتيس شغال علي نظام زيت هيدروليك من جوه .. و تورك كونفرتر راكب علي ترس الفلام .. التورك كونفرتر بيفصل الحركه بتسارع عكسي عن طلمبه الزيت اللي راكبه عليه .. و بالتالي الفتيس يفصل حركه شويه شويه .. مش مره واحده .. لو فصل مره واحده (ده اللي انت عاوزه) هايعمل فروق في ضغط الزيت جوه الفتيس و بالتالي يخرب البلوفه (بلف) و يتسبب في حرقان التيل و باي باي يا فتيسي ..

[M.Mokhtar]

انا طبعا مش فاهم حاجة من الاستاذ اكسبرت مع ان واضح ان كلام مفهوم بس انا مليش فى الحاجات دى
بس انا عندى حاجة اعتقد انها مفيده جدا
لما افضل دايس فرامل وانا على ال D والعربيه واقفه النقله بتفصل اوتوماتك وبترجع لما اشيل رجلى من على الفرامل

قصدى يعنى ان فى عربيات بتفصل النقله فعلا بس ده لو انت واقف تماما بالعربيه
لكن مع الفرامل المعتاده اعتقد هيبقى حمل زياده على الفتيس بدون داعى

[Ahmad Allawy]

هو انا عندي معلومة..
الحكاية دي موجودة فعلا يا mimysheckles .
وبمعني اوضح في الفتيس الايزي ترونيك.. اللي هو لا يعتبر بأي حال من الاحوال فتيس اوتوماتيك..
بس هو فتيس مانيوال عادي جدا بس بينقل بوحدة اوتوماتيكية..بمعني تاني ان الدبرياج بتاعه بس هو اللي اليكتروني..مش هتدوس انت برجلك عليه وتوجع دماغك بيه..
الفتيس ده موجود حاليا في الاوبل استرا و الفيكترا في مصر.. لكن برة موجود كمان في الكورسا و كمان في بعض موديلات الشيفروليه.. وده عشان هو من تصميم و ابحاث جنرال موتورز.. محدش تاني لسة بيستعمله..
شوف اللينك دي علي مشاركة هنا ف المنتدي..
http://www.nilemotors.net/Nile/showthread.php?t=11121 في اخر صفحة اخر مشاركة فيها معلومات يا رب تفيدك..

[Xpert]

انا طبعا مش فاهم حاجة من الاستاذ اكسبرت مع ان واضح ان كلام مفهوم بس انا مليش فى الحاجات دى
بس انا عندى حاجة اعتقد انها مفيده جدا
لما افضل دايس فرامل وانا على ال D والعربيه واقفه النقله بتفصل اوتوماتك وبترجع لما اشيل رجلى من على الفرامل

قصدى يعنى ان فى عربيات بتفصل النقله فعلا بس ده لو انت واقف تماما بالعربيه
لكن مع الفرامل المعتاده اعتقد هيبقى حمل زياده على الفتيس بدون داعى

ماهه دي فكره التورك كونفرتر ...

[abdelaziz-waleed]

انا ليا وجهة نظر. هيا خارج صلب الموضوع بس انا حبيت اوضحها علشان لو غلط حد يصلحهالي.

في السيارات المانيوال. ليس من المستحب انك تدوس على الدبرياج وانت بتهدي او بدوس فرامل لأن فصل الحركة بيحرر العربية وبيخلي الحمل كله على تيل الفرامل. انما لو دوست على الفرامل وبدأت انزل بالغيارات واحد يلو الآخر اعتقد ان كدة هايكون احسن واكتر سيطرة على السيارة على اساس ان الموتور بيكون مكتف العربية وبيسهل توقفها. علشان كدة بلاحظ ان في ناس تحب تمور الفتيس في منازل الكباري علشان قال ايه يريح الموتور ويوفر بنزين بس اعتقد ان ده خطر جداً


صح اللي انا بقوله ده يا جماعة الخير

[Xpert]

حسب ما انت واخد علي السواقه .. الفتيس المانوال حمال قاسيه .. و اللي بيبوظ فيه كبيره اسطوانه تتاكل ..حتي لو فيه تروس بايظه عادي .. شغال .. الفتيس عندي في النيفا فيه 2 غويشه بايظه و الشجره بايظه و بليه بتون .. و شغال عادي ولا كانه فيه حاجه من اساسه ..
بالنسبه للدبرياج : الافضل انك تدوس دبرياج لما تدوس فرامل بحيث ان العربيه تستلزم انك تغير غيار عكسي ..

[Ahmad Allawy]

كلامك في منتهي الصحة يا وليد باشا..
صح جدا..
وعشان كده في المنازل الجامدة قوي في بعض الاماكن اللي مصر مش منها..
وفي من المنازل الرهيبة دي في السعودية مثلا.. بيبقي في علامات تحذير كتير قوي بتنبه للنقطة دي..
وبتحذر من ان الواحد يمور العربية علي المنزل..
علي فكرة الناس اللي بتنزل منزل المقطم كتير اكيد هتفيدك ف الموضوع ده..
هتحس لو مورت وانت نازل ان العربية بتسرح منك.. و الواحد بيبقي مش واثق انه يحمل علي الفرامل بس..الواحد بيأمن بنقلة.. مش لازم تكون نقلة التاني ولا حاجة.. لأ اي نقلة بس عشان تمسك العربية..

[Ahmad Allawy]

بالنسبة لكلامك يا اكسبرت..
كلامك برضه صح بس في نقطة..
ان الواحد كل لما بيدوس فرامل المفروض يدوس دبرياج.. الناس المحترفين سواقة ممكن يعرف يطبق الكلام ده بحرفية اكتر.. م اللي مش متمرس..
لأن كل واحد لما ييجي يهدي و يدوس فرامل.. معاها دبرياج.. وز وارد جدا انه يرجع تاني يكمل علي نفس النقلة.. و بالتالي يبقي فصل الحركة ووصلها تاني علي الفاضي.. وده علي ما اعتقد بيقلل من عمر الاسطوانة او الدسك مش فاكر بالظبط..

[Xpert]

انا اعرف اسوق عملي و ماعرفش اشرح النقطه دي .. اصل انا باركب العربيه بابقي مـــبرمـــج

[Ahmad Allawy]

هاشرحلك اوضح شوية..
يعني لما انت دلوقتي داخل بالعربية علي حتة زحمة.. كويس؟
بتهدي شوية بالعربية.. وانت ماشي علي التاني مثلا.. لو هديت وانت دايس دبرياج كمان.. وبعدين الطريق فتح شوية.. يعني مش احتجت انك تقف او تدي اول.. كده انت فصلت الحركة وبعدين عشقت تاني.. وده علي الفاضي.. لكن بالخبرة انت نفسك هتبقي قادر تحس امتي تدوس دبرياج ولا لأ..يعني ممكن تدوس فرامل بس بدون دبرياج وانت حاسس بالعربية.. وقبل ما تدخل في مرحلة الرجة الجامدة انها تقرب تبطل لو احتجت تقوم ممور او دايس دبرياج..
فهمتني يا باشا؟؟

[Xpert]

ماهه انا مش عارف انا باعمل ايه .. رجليا و ادايا هيا اللي بتعمل :d

[Ahmad Allawy]

لأ كده فهمتك يا باشا..
معلش انا فهمت غلط بس..
بس برضه بالتدريج واحدة واحدة الواحد بيتعود علي كده..
انا اصلا مكنتش باخد بالي بس لقيتني بالتدريج بقيت باعمل كده..