ضبط التاكيهات (قيمة الخلوص في ورق الفيلر)

[fighter_ss11v]

طبعا الكاربراتير اتلعب فيه وتم تغيير الهوا والبنزين

بالمناسبة التكتكة دي بتبقى موجودة حتى بدون تعشيق على ار بي إم عالي بس تكون مركز معاها

انا رحت تاني للراجل قبل ما اعيد تفعيل الموضوع وقلتله يقفل التاكيهات وقلل الخلوص والتكتكة راحت

دلوقتي في تكتكتة خفييييفااا والعربية لسة عاملة طقم شنبر والمكنة اتحلت خالص واتكشف عليها ومكنش فيها حاجة فاستبعد موضوع هلال الكرنك ده

قيمة الخلوص هنا من .045 لحد .1 مل والراجل عامل الفيلر على 20 يعني اعتقد .2 مل وده كتير جدا عن اقصى قيمة متاحة

فاعتقد ان احنا الاول نظبط التاكيهات وبعدين نشوف حوار الكاربراتير لان الشكمان كاااان بيعرق وده معناه ان الحرق كان مثالي وبعدين حصل اللي حصل

اللي عاوز اوصل له : ان الكاربراتير كان مظبوط على قيم كانت ممشية الحرق كويس جدا لحد معين
ولكن علشان التاكيهات كانت مش مظبوطة (وانتو تصححولي لاني مش متخصص) حصل ان الهباب اتجمع لكتر البنزين اللي اتجمع جوا المكنة نتيجة زيادة قيمة خلوص ال intake

ولازم برضه نحط موضوع البفبفة اللي من الشكمان في الحسبااان لانه سيستم .... في عضو هنا في المنتدى قال انها مشكلة كهرباء

وفي حاجة أخيرة يا جماعة الخير انا لاحظتها

كنت مرة ماشي على التاني عى سرعة 20-30 وبعدين دوست بنزين بس جامد سنة (قلت أجرب :D ) لقيت العربية كشت جاااامد لدرجة اني طلعت لقدام وبعدين راحط نطة بيا زي الحصان

الموضوع ده كان بيحصل قبل الشنبر وباستمرار ولكن المرة دي كانت بزيادة حبتين

إيه رأيكم ؟

[sno7y]

متابع اما نشوف اخر الموضع بتاع التكيهات ده ايه

[alameer81]

المقاسات الى حضرتك حطيتها دى تخص مقاسات خلوص عمود الكامة ودى ما تخصكش ولا تخصص الميكانيكى انما تبع الخراط
اظبط التاكيهات الاول وبعد كده شوف الكاربراتير والتكتكة دى من التاكيهات لانها واسعه فالتاكيه بيخبط علي الصباب قبل ما يفتحه
20 المكتوبه علي الفيلر دى معنها 0.2 مم وده مقاس معقول لخلوص التاكيه بس نتاكد من الكتالو وغالبا خلوص صباب العادم بيكون اكبر من صباب الهوا

[dr.hazem]

المقاسات الى حضرتك حطيتها دى تخص مقاسات خلوص عمود الكامة ودى ما تخصكش ولا تخصص الميكانيكى انما تبع الخراط
اظبط التاكيهات الاول وبعد كده شوف الكاربراتير والتكتكة دى من التاكيهات لانها واسعه فالتاكيه بيخبط علي الصباب قبل ما يفتحه
20 المكتوبه علي الفيلر دى معنها 0.2 مم وده مقاس معقول لخلوص التاكيه بس نتاكد من الكتالو وغالبا خلوص صباب العادم بيكون اكبر من صباب الهوا

20 =2ملم....
تحياتي

Sent from my SE Arc S using Forum Runner

[alameer81]

20 =2ملم....
تحياتي

sent from my se arc s using forum runner

لا يا افندم 20 يعنى 0.2 مم

[alwehiady]

ضبط تاكيهات لانسر بطة 1992

السلام عليكم ورحمة الله
للاسف مش عارف اعمل موضوع منفرد فهكتب مشكلتي هنا اعزروني
السياره لانسر طه 1992
من سنه عملت عمره للموتور والحمد لله زي الفل بس المصيبة كان الشهر ده العربيه مسكت حراره اكتر من مره لاكتر من سبب مره خرطوم ريداتير مروحه فصلت ريداتير اتخرم بس الحراره موصلتش للاتش ولا مره والحمد لله حليت المشاكل دي كلها روحت للمكانيكي اطمن فتح غطا الريداتير لقه فقاعات بسيطه كده قالي ده جوان ش السلندر فيس اشتغل بس هتاخد وقت قولت اشتغل غيرت الجوان والسيور وروقت ع المكنه كلها وبعد 1000 كيلو رجعتله حرق ع الجوان وظبط التكيهات المصيبه من بعدها االعربيه صوت تكهاتها وحش اوي عالي جدا وطول من ماشي بيها بسمعه بيزيد مع البنزين رجعتله تاني قالي التكاهات هوت هنزبطها تاني حل وظبط وهي بارده تلاجة واطمنت ع عمود الكامه وكله تمام وبردو هي نفس المشكله مفيش فايده الغريب ان العربيه اول دوراتها الصبح وانا بسخنها صوتها جميل وناعم واول متمشي وتسخن صوتها التهككهات يعلي والمنه تبرجل ع السلانسيه براحة اتقفلت من المكانيكي ده
اللي عايز اعرفه تكهات الطه بتتظبط علي فلير كام وفي اختلاف للبنزين والعادم وزيت الموتور الانسب لها ايه وازاي اخلي صوتها ناعم ميتسمعش يعني المكنه كويسه وف حاله جيده جدا بس لو مشيت كده هتيجي اجلها ارجو جد يساعدني ويفهمني اظبط المكنه دي ازاي يارب الاقي ردود سريعه بخاف امشي بيها ومصالحي متعطله