معلومه فى غايه الاهميه نفسى اتاكد منها.......

[Dracola55555]

بدايه السلام عليكم ورحمه الله وبركاته جميعا
عندى استفسار بسيط ولكن مهم جدا اتمنى الاستفاده من خبراتكم فى معرفته
الموضوع باختصار شديد
انا معايا عربيه شيفروليه لانوس 2009 وبسوقها بقالى سنتين
والحمد لله بقيت سواق ممتاز وبسافر بيها مسافات طويله تمام زى الفل
ولكن ......
عندى اتنين من قرايبى الى هما كانوا بيعلمونى السواقه وهما الاتنين محترفين
وكان فى حاجه عايز اعرفها بس الاتنين اختلفوا فيها

انا سألت الاتنين عن افضل طريقه للفرمله على الطرق السريعه عندما اسير على سرعات عاليه واريد ان انزل بالسرعه فى وقت اقل حتى اتفادى الاصطدام بالعربه
التى امامى

واحد فيهم قلى هتدوس على الفرامل بي بدون دبرياش والاخر حذرنى تماما
وقلى ان الدوس على الفرامل بي ممكن يقلب منك العربيه
واكد لى بانى لازم ادوس على الفرامل والدبرياش معا ...

ارجوالافاده من محترفى السيارات فى المنتدى

[caysersosaih]

الدوس علي الفرامل من غير دبرياج أفضل سواء علي الطرق السريعه او داخل المدينة عشان العربية بتقف اسرع مستفيدا من فرملة الموتور

[dr_radioooooo]

بس يا ترى فرملة المحرك بتأثر عليه ؟

[ACC.Eslam Arif]

الدوس علي الفرامل من غير دبرياج أفضل سواء علي الطرق السريعه او داخل المدينة عشان العربية بتقف اسرع مستفيدا من فرملة الموتور

+1

بس يا ترى فرملة المحرك بتأثر عليه ؟

جرب كده تكون فى اخر التالت وتنزل لتانى من غير مدوس بنزين بس خلى بالك من حزامك وخليك فى طريق فاضى

هتلقى نفسك بتسحب لاقدام والعربية بتسحب لوره...... دى بس فكرة بسيطة عن فرملة الموتور

[Ashraf_Ibrahim]

بكل تأكيد تدوس فرامل بس وبدون دبرياج
انا مبدوسش دبرياج غير لما تكون العربية خلاص هقف بيها او هنقل غيار انما غير كدة بستعمل فرامل بدون دبرياج بتلاقي العربية بتقف معاك اسرع

[modyverna]

طبعا فراميل بس من غير ديبرياش لأن العربية بتاخد جزء من طاقة الحركة عشان توصل لطاقة الثبات والفترة ديه في المسافة اللى بتقطها العربية من الحركة للثبات
وعشان تتأكد جرب الحركة ديه فراميل بس مرة
مرة تانية فراميل ودبرياش

[abdalah_hashem]

يا رجالة طيب الفرملة الفجائية زى اللى بنشوفها فى الافلام كدة فجاة حاجة طلعت فى الطريق وهو لازم يقف

[Ashraf_Ibrahim]

يا رجالة طيب الفرملة الفجائية زى اللى بنشوفها فى الافلام كدة فجاة حاجة طلعت فى الطريق وهو لازم يقف

الحالة دي حالة خاصة
اعتقد التصرف الأمثل فيها تسقط نقلة ومن ثم تفرمل بدون دبرياج برده
يعني انت على الخامس مثلا تسقط رابع وتقوم رافع رجلك من على الدبرياج وتقوم مفرمل هتلاقي سرعة العربية انخفضت بصورة كبيرة جدا

[mailo]

فرامل مع دبرياج بتحمل تُقل العربية كله على الفرامل بس
فرامل من غير أحسن للفرامل وللمسافة واستهلك البنزين

[a_hmed]

لو هتفرمل حاجة بسيطة (فى نفس سرعة الغيار الى انت جايبه) يبقى بدون دبرياج

و لو هتفرمل جامد (و هتحتاج تغير غيار لما تيجى تمشى تانى) يبقى تمور الاول و بعد كدة تفرمل بدون دبيراج برده

[Ashraf_Ibrahim]

لو هتفرمل حاجة بسيطة (فى نفس سرعة الغيار الى انت جايبه) يبقى بدون دبرياج

و لو هتفرمل جامد (و هتحتاج تغير غيار لما تيجى تمشى تانى) يبقى تمور الاول و بعد كدة تفرمل بدون دبيراج برده

لو مور العربية مش هيستفيد من الفرملة الاوتوماتيكية للموتور
هو يفرمل بدون دبرياج ولما ينوي يدوس بنزين يدي الغيار اللي العربية على السرعة بتاعته
يعني مثلا النهردة كنت على الدائري وقدامي عربية نقل
البيه وقف مفاجيء
فرملت بدون دبرياج لحد العربية ما نزلت من 90 ل 30
لما نزلت ل 30 دوست دبرياج وقمت ناقل للتاني
وبكدة العربية وقفت معايا اسرع وبمنتهى الانسيابية وبكل امان

[mahmoudysf]

الحالة دي حالة خاصة
اعتقد التصرف الأمثل فيها تسقط نقلة ومن ثم تفرمل بدون دبرياج برده
يعني انت على الخامس مثلا تسقط رابع وتقوم رافع رجلك من على الدبرياج وتقوم مفرمل هتلاقي سرعة العربية انخفضت بصورة كبيرة جدا

ماهي عشان حالة خاصة وبتحتاج فيمتو ثانية للتصرف
ساعتها محدش بيفكر غير في الدوس على الفرامل فقط
مفيش وقت ولا تفكير في تسقيط نقلة وكلام من ده

[Ashraf_Ibrahim]

ماهي عشان حالة خاصة وبتحتاج فيمتو ثانية للتصرف
ساعتها محدش بيفكر غير في الدوس على الفرامل فقط
مفيش وقت ولا تفكير في تسقيط نقلة وكلام من ده

كلامك سليم جدا
على الاقل عود نفسك لما تفرمل تفرمل بدون دبرياج هيكون اداء الفرامل معاك افضل بكتير

[a_hmed]

لو مور العربية مش هيستفيد من الفرملة الاوتوماتيكية للموتور
هو يفرمل بدون دبرياج ولما ينوي يدوس بنزين يدي الغيار اللي العربية على السرعة بتاعته
يعني مثلا النهردة كنت على الدائري وقدامي عربية نقل
البيه وقف مفاجيء
فرملت بدون دبرياج لحد العربية ما نزلت من 90 ل 30
لما نزلت ل 30 دوست دبرياج وقمت ناقل للتاني
وبكدة العربية وقفت معايا اسرع وبمنتهى الانسيابية وبكل امان

يععنى انا لو ماشى على الخامس و فرملت لسرعة التانى مش هيأثر على تروس ولا اى حاجة لو مش دايس دبرياج او ممور علشان افصل الترووس

[Ashraf_Ibrahim]

يععنى انا لو ماشى على الخامس و فرملت لسرعة التانى مش هيأثر على تروس ولا اى حاجة لو مش دايس دبرياج او ممور علشان افصل الترووس

العربية بقالها معايا سنة الحمد لله وبقالي فترة مش قليلة بدأت استغنى عن الدبرياج في الفرملة وبالفعل لاحظت فرق جامد في اداء فرامل العربية ويمكن دا بيعوض ضعف فرامل الفيرنا على فكرة
بالنسبة للتروس معتقدش انه هيأثر لأنك مش هتنتظر لما العربية تسقف معاك اول ما سرعة العربية بتنزل لأقل من 40 بتبدأ تديها الغيار الصح بتاعها