استخدام الشيشه فى المحرك

[essamenen]

اول مره اعرف فائده الميه الى موجوده فى الشيشه
http://www.youtube.com/watch?v=9oKp1...layer_embedded

لما الواحد بيشد الهوء من خرطوم الشيشه بيسحب الهواء من حجر المعسل فبيمر فى الميه الى فى الازازه وطبعا بعد كام حجر الميه بتصفر ولازم تغيربس خلاص .
نرجع للعربيات
على بالنسبه لخرطوم الفيظ وظيفته حرق وتنظيف الابخره الناتجه من اعلى عمود الكرانك نتيجه عدم احكام طقم الشنبر فيتم ادخاله فى الكربراتير مره اخرى ليتم حرقه بس لو كميه الابخره كتيره طبعا طبعا هتاثر فى كفائه الحرق لذالك يتم نزع الخرطوم.
فى http://www.youtube.com/watch?v=MzkOG...layer_embedded
http://www.youtube.com/watch?v=R0T63...layer_embedded
http://www.youtube.com/watch?v=a36DX...layer_embedded
http://www.youtube.com/watch?v=gaHQ1...layer_embedded
http://www.youtube.com/watch?v=3E_F4Qh9A0k&feature=player_embedded
السيارات القديمه الخرطوم متصل مباشره فى العمه وفى السيارات الحديثه يوجد صمام قبل دخول الكربراتير والاسم العلمى لتلك العمليه اجرات منع التلوث ( pcv )
طبعا الصمام ده فى العربيات الحديثه والاوظيفه الاساسيه هى التنقيه فقط
واحنا ممكن نعمل حركه حلوه ناخذ وصله من خرطوم الفايظ وندخله مكان حجر الشيشه ولى الشيشه يدخل على الكربراتير

يمكن الاستفاده لتنقيه
1-الهواء الداخل للكربراتير لتبريده(المحرك تذداد كفائته كلما قلت درجه حراره الهواء اداخل لذالك نستخدم الفلتر الرياضى ) تنقيته وتبريده

بالنسبه لبعض السيارات تستخدم ذالك النظام مع استعمال الزيت بدلا من الماء
( البيجو 504 , 131 cl 1600 cl1400 فقط)

2-تنقيه الهواء الخارج من خرطوم الفايظ الداخل للكربراتير من الزيت بدلا من نزعه خارج العمه والاستفاجه من اندفاع الهواء بدلا من طرده بعد تنقيته
طبعا كل فتره يجب تغير الماء
الموضوع ده شد انتباهى وان شاء الله هجربه فى خرطوم الفايظفقط
لانى عندى عمه ثانيه فيها زيت للتنقيه والتبريد

[shaddadfalcon1]

طيب ده مش ممكن يسطل البطاريه وتنام ؟

[essamenen]

بالعكس ده يخلى العربيه تفوق وماتعملشى دماغ

[د.أبونضال]

فكره حلوة

[2faster]

طيب فيه نكهات

عندك عنب او بطيخ


هههههههههههههههه

بهزر يا باشا


علي حسب اللي فهمته

ان ده زي فلتر للهوا اللي داخل للعربية

صح

وبيساعد علي تبريده

صح ولا ايه ولو مش صح اشرحلي تاني وبسطها شوية

[l0new0lf]

معلش اعذرنى لجهلى
انا مش فاهم حضرتك عايز تعمل ايه بالضبط لان حضرتك ملخبط تلات الربع مواضيع فى بعض
حضرتك حاطط لنكات للواتر انجكشن ( و دى زى الميثانول انجكشن يعنى بتقلل استهلاك الوقود و تدى هورس باور اعلى ) و برضه حاطط لنكات لضخ بخار البنزين فى العربيه بدل من ضخ البنزين السائل (و على فكره بخار البنزين هو الى بيشتعل مش البنزين السائل, و اللنكات بتوضح ان الحركه دى برضه بتوفر فى الوقود
و برضه حضرتك ذكرت نظام تنقيه الهواء الى داخل للكربرتير بالزيت زى بعض موديلات الفيات القديم (ماشى ميضرش بس الحركه دى كانت معمول مخصوص للبلاد الى فيها درجة الحراره عاليه و نسبة الغبار فيها كبيره زى المناطق الصحراويه او دول الخليج) و كل ده و حضرتك ربطه بال
PCV valve
و دخلت موضوع خرطوم الفايظ معاه الى حضرتك انا مش فاهم شيشة ايه الى عايز تركبها عليه!
اسمحلى اشرح لحضرتك ان المفروض ان خرطوم الفايظ لو المكنه سليمه مش هيعد يجيب بخار زيت و غازات بكميه كبيره زى ما حضرتك متخيل لا دى بتبقى حاجات بسيطه بتهرب من ورا الشنابر و تخش عند الكرنك
يعنى اللنكات الى حضرتك حاططها فى الموضوع انا مش شايف ليها علاقه بالى حضرتك عايز تعمله
ياريت توضحلى اكتر لحسن شكلى دماغى انا الى هتطير

[l0new0lf]

طيب فيه نكهات

عندك عنب او بطيخ


هههههههههههههههه

بهزر يا باشا


علي حسب اللي فهمته

ان ده زي فلتر للهوا اللي داخل للعربية

صح

وبيساعد علي تبريده

صح ولا ايه ولو مش صح اشرحلي تاني وبسطها شوية

اللنكات دى هتوضح موضوع الووتر انجكشن
YouTube - water injection
YouTube - WaterInjection

[essamenen]

الموضوع ينقسم الى قسمين
1 - خرطوم الفايظ لما العربيه بتكون مفوته بطلع بخار زيت وزيت محروق وده بيخلى المحرك بيبرجل لذلك ينصح بعض الميكانيكيه
بنزع الخرطوم من العمه , فبدل ما نشيل الخرطوم فمن الممكن تمرير الهواء الخارج من الفايظ فى الماء فيعمل الماء على تنقيه الهواء من الزيت ويدخل الى الكربراتير كهواء مندفع ( نفس فكره الماء الى فى الشيشه ) والاستفاده من دفع الهواء كمحسن اداء المحرك



انا وضعت بعض النكات

YouTube - Auto Repair: PCV Valve Replacement
لتوضيح بعنى ايه pcv
بقيه اللنكات اقصد منها استخدام ديناميكيه دخول الهواء وخروجه داخل البرطمان فقط ( ادخلت الشيشه كوسيله تعليميه لتوضيح حركه الهواء فقط لانها متوفره ) ولا اقصد موضوع الوتر انجكشن اواى فكره اخرى
YouTube - PCV catch can how to
اللنك ده يوضح اكثر الى انا عايز اعمله مع خرطوم الفايظ فقط ولكن البرطمان هنا فاضى انا هاحط فيه مياه انا شفت الموضوع ده على you tube
YouTube - Oil catch can
ده يوضح صائد الزيت


2 - كل ما كان الهواء الداخل للكربراتير درجه حرارته اقل كل ما كانت كفائه المحرك اعلى علاقه عكسيه
فمن الممكن تمرير الهواء الداخل للكربراتير عن طريق العمه بامرارها فى الماء

انا اسف لعدم التوضيح

[abdalah_hashem]

الخوف بس ان العربية فى نص المشوار دماغها تعلى وتتسطل :))

[l0new0lf]

موضوع الكاتش كان ده للعربيات السليمه لتحسين الاداء مش علشان اوفر ثمن عمرة موتور
و موضوع الهوا الى داخل الكربرتير يتبرد فى ميه الاحسن انه يتبرد فى زيت فى بعض132 و الارجنتا كان فيهم الموضوع ده و خصوصا ان الزيت مش هيسخن بسرعه زى الميه و هلم تراب من الهوا الى داخل للكربرتبر لان فلتر الهوا له قدرة فصل معينه مش فاكر كام ميكرون لو ضيقنا الفلتر عن كده اه هيفصل ذرات اقل بس هيكتم العربيه و هيقلل الهوا الى داخل للكربرتير

[essamenen]

موضوع الكاتش كان ده للعربيات السليمه لتحسين الاداء مش علشان اوفر ثمن عمرة موتور
و موضوع الهوا الى داخل الكربرتير يتبرد فى ميه الاحسن انه يتبرد فى زيت فى بعض132 و الارجنتا كان فيهم الموضوع ده و خصوصا ان الزيت مش هيسخن بسرعه زى الميه و هلم تراب من الهوا الى داخل للكربرتبر لان فلتر الهوا له قدرة فصل معينه مش فاكر كام ميكرون لو ضيقنا الفلتر عن كده اه هيفصل ذرات اقل بس هيكتم العربيه و هيقلل الهوا الى داخل للكربرتير

كلام سليم بدا فى حد يفهمنى
انا اقصد من الموضوع تحسين الاداء زى الفلتر الرياضى مثلا

[l0new0lf]

ايوه بس موضوع الكاتشكان ده مبيستخدمش فيه ميه خالص
و المفروض بيكون فيه من جوه
baffle plates
علشان بخار الزيت يتكثف و يتفصل عن الغازات الى بتهرب من الشنابر
بس حتى الناس الى بتعمله ببرطمان مبتحطش فيه ميه
موضوع برطمان الميه ده اسلوب رخيص علشان يحاولوا يدخلوا ميه للموتور بدل الووتر انجكشن
الووتر انجكشن ده له منظومه و شغلانه زى النيترس كده
عايز تحسن الاداء الاول اتاكد ان العربيه مش مفوته و محتاجه عمره او طقم شنبر
موضوع الكاتشكان ده انا هاعمل واحد ان شاء الله بس بدور على الخامات الصح لما ارجع الشغل
و ممكن تشتريه جاهز من النت

[mohamed777]

طيب الماية دى مش ممكن تدخل بخار ماية للموتور؟

[essamenen]

ايوه بس موضوع الكاتشكان ده مبيستخدمش فيه ميه خالص
و المفروض بيكون فيه من جوه
baffle plates
علشان بخار الزيت يتكثف و يتفصل عن الغازات الى بتهرب من الشنابر
بس حتى الناس الى بتعمله ببرطمان مبتحطش فيه ميه
موضوع برطمان الميه ده اسلوب رخيص علشان يحاولوا يدخلوا ميه للموتور بدل الووتر انجكشن
الووتر انجكشن ده له منظومه و شغلانه زى النيترس كده
عايز تحسن الاداء الاول اتاكد ان العربيه مش مفوته و محتاجه عمره او طقم شنبر
موضوع الكاتشكان ده انا هاعمل واحد ان شاء الله بس بدور على الخامات الصح لما ارجع الشغل
و ممكن تشتريه جاهز من النت

انا شفت الموضوع ده على النت فقلت ممكن الواحد يعمله لو العربيه بطلع بخار زيت سواء كان كتير او شويه, لو نفع يبقى استفدنا ذياده الكفائه لو مانفعش يبقى برضه استفدنا عدم تلويث البيئه ببخار الى طالع من خرطوم الفايظ .
انا مش عارف لو فيه منه جاهز ولا لا ولو فيه جاهز اكيد هيكون ثمنه غالى مايساويش ثمنه نسبه تحسين الاداء والكفائه الذياده المتوقعه من المحرك فمن الممكن استخدام خامات بسيطه ومصنعه بايدينا ونجرب ايه الى هيحصل (لازم تحسبها هتدفع كام علشان تاخد كام ) .
بالنسبه لموضوع دخول ماء او بخار ماء داخل الكربراتير اكيد هيدخل والميه هتنقص بس بيتهيالى انه مافيش مشكله لان سعات بتكون الجو فيه شبوره والمحرك بيشتغل.
انا عربيتى والحمد لله خرطوم الفايظ مابيطلعش بخار زيت خالص ولا الزيت بينقص والحمد لله انشاء الله هجرب الموضوع ده واصوره والادوات المستخدمه ومواد الخام واقلكم رايى بعد الموضوع حتى لو مانفعشى يكفينى انى رضيت غرورى انى حاولت.
انا عربيتى 131 مو 85 عاملها حقل تجارب ومش بخاف من حاجه تبوظ لانها كل حاجه فيها معرفه لاكن لو العربيه فيها تقنيات حديثه انا عمرى ماهقرب لعمل حاجه فيها,
التقنيه الى عجبانى فيها وجود عمتين عمه فوق الكربراتير والى فيها الفلتر العادى وعمه ثانيه يمر فيها الهواء قبل العمه الاولى فيها فلتر سلك ويوضع فى اسفله زيت وذلك لتنفيه وتبريد الهواء .

[Car's Sniper]

ههههههههههههههههههههههههههههههههههههههه فطسان من الضحك من الموضوع ده وتعليق الاعضاء وكل ما اتخيل انى امشى بالعربية وهى بتكركر ههههههههههه
شكرا على الموضوع الجميل دا وفكرته جامدة فعلا