استفسار عن التلميع بالشمع

[ahmedamir78]

السلام عليكم جميعاً,,
من فضلكم أنا لسة جايب سيراتو جديدة وناس قالولي أروح أديها تنظيف من الطبقة إللي عليها
ورحت سألت عن واحد بتاع كار كير، وقال لي انه هيشيل الأول طبقة الشمع اللي عليها دي عشان بتطفي العربية، وبعدين هيغسلها ويلمعها من تاني ويديها طبقة شمع تانية عشان اللمعة بتاعة العربية وبعدين هيغسل الموتور كله من غير مياه وهيلمعه

السؤال هنا: هل ده فعلاً حاجة ضرورية عشان لون العربية واللمعة؟؟؟ ولا ممكن أروح أغسلها في بنزينة وخلاص؟؟
أصل كمان موضوع التلميع والتنظيف والموتور والكلام ده كله هيتكلف 200 جنيه، أرجو منكم النصيحة السليمة وشكراً جزيلاً

[Ahmod]

السلام عليكم جميعاً,,
من فضلكم أنا لسة جايب سيراتو جديدة وناس قالولي أروح أديها تنظيف من الطبقة إللي عليها
ورحت سألت عن واحد بتاع كار كير، وقال لي انه هيشيل الأول طبقة الشمع اللي عليها دي عشان بتطفي العربية، وبعدين هيغسلها ويلمعها من تاني ويديها طبقة شمع تانية عشان اللمعة بتاعة العربية وبعدين هيغسل الموتور كله من غير مياه وهيلمعه

السؤال هنا: هل ده فعلاً حاجة ضرورية عشان لون العربية واللمعة؟؟؟ ولا ممكن أروح أغسلها في بنزينة وخلاص؟؟
أصل كمان موضوع التلميع والتنظيف والموتور والكلام ده كله هيتكلف 200 جنيه، أرجو منكم النصيحة السليمة وشكراً جزيلاً

لو عربية حضرتك زيرو ولسه جديدة باللمعة بتاعتها يبقى اغسلها غسيل عادي وخلاص

اما لو عايز حاجة مضمونة ودي حاجة جربتها بنفسي على عربيتي وبصراحة عاملها من شهر 4 اللى فات ولسه لحد دلوقتي باللمعة بتاعتها

هتدي العربية لمعة بالبولش وبعدها علطول تديها وش واكس (تشتريه من on the run ) هيبقى عامل باين 30 جنيه حاجة كدة

وده بيحافظ على لمعة العربية وبيحافظ على البودي بتاعها من التراب والكلام ده

وطبعا الاحسن ان حضرتك تشتري البولش بنفسك وتشتري الواكس وتديهم لسايس الجراش او البواب تغليه يعملك العربية هيبقى احسن واوفر بكتير

انا اديت الحجات دي لسايس الجراش عندي وكنت واقف جمبه وهو بيعملها اخدت منه بتاع ساعة وفي الاخر شغل عشرة على عشرة

البولش مع الواكس لو عملتهم في اي بنزينة هيكلفك مش اقل من 200 جنيه وفي الاخر النتيجة واحدة فالاحسن اشتريهم وهتدعيلي

[Amr Axel]

زي ما Ahmod قالك
و الأفضل لو تعملها بنفسك ع الأقل هتعمليها بمزاج و بضمير ع عكس برة اللي بيطلسقو و هتوفر كمان
اما الموتور فاعمله برة بس كفاية مرة واحدة في السنة بعد الشتا و بقيت السنة تنضفه بالهوا بس

و ده موضوع ازاي تعمل كار كير بنفسك

http://www.nilemotors.net/Nile/95922-a.html

و ده بقي الغسيل العادي و متنساش طقم القوات الخاصة ههههههههه

http://www.nilemotors.net/Nile/224234-a.html

و بالتوفيق ان شاء الله

[ahmedamir78]

أشكركم جميعاً يا جماعة :))

[abogooda]

مشكورين

[hemeda14]

طيب يا جماعه هو في انواع من البولش والواكس ولا نوع واحد . انا عاربيتي سويفت وفيها خدوش كتير اشتري نوع ايه ؟

[Amr Axel]

طيب يا جماعه هو في انواع من البولش والواكس ولا نوع واحد . انا عاربيتي سويفت وفيها خدوش كتير اشتري نوع ايه ؟

طبعا فيه انواع و اشكال
بس الافضل من وجهة نظري ارمور اوول armor all
ماركة معروفة و كتيير بيستخدموها و ليها منتجات كتيير في المجال ده من ملمعات و فووم و واكس ....ألخ...ألخ

[A.Saad]

بوليش

ميدو ب 7 جتيه

واكس

ارمور اول - هاى شاين

او

ترتل واكس