سائل الفرامل وحقائق هامة جدا

[Ahmed.TV]

بسم الله ماشاء الله يادكتور على معلوماتك .. حقيقى كلنا بنفتخر بيك

فعلا انا معاك فى كل معلومة قولتها وموافقك تمام الرائ

انا معايا زيت فرامل 5.1 dot من ليكوى مولى .. واخدته فى يوم الحلفة .. ولما دخلت على موقع الشركة لقيته انه مخصص كمان لعربيات نيسان ..

وفعلا انا معاك فى موضوع الدوت فور افضل عشان موضوع ارطوبة .. وطبعا الاحدث والافضل الدوت 5.1 مش الدوت 5

موضوع تغير زيت الفرامل فعلا حسب كتالوج نيسان انه يفضل تغيره كل سنتين

وانا داخل على 3 سنين .. وناوى اغيره .. بزيت ليكوى مولى دوت 5.1 باذن الله .. بس مش عارف اذا كانت العلبة اللى معايا حتكفى ولالا .. ولا ححتاج عليها كمان علبة

انا عملت موضوع عن تجارب الاعضاء مع زيوت ومنتجات ليكوى مولى ياريت تدخل عندنا تتفرج عليه فى قسم نيسان ..

بس انا عاوز اعرف كمان حضرتك خلاص غيرت لزيت الفرامل الجديد .. والاداء اخباره ايه

[elmanahry]

العزيز nice_bird شكرا جزيلا
الاستاذ باسم طبعا الشركتين يعتد بمنتجاتهم ولكن لانى استعملت زيت LIQUI MOLI فى سيارتى وثقت بمنتجات الشركة والنوع ال DOT 5.1 مميز جدا من شركة LIQUI MOLI وحتى ال DOT 4 مميز ومضاف اليه
BORAT ESTERS
الاخ العزيز ALAASAID كان معى لانوس مانيوال وبسبب مرض فى قدمى اشتريت ال BYD F3 اتوماتيك وبالطبع بعت بعدها السيارة اللانوس ولكن ال BYD F3 هى سيارة حجم عائلى وعالية لان بلدنا كلها مطبات وموتورها اقوى من اللانوس اذا كنت محتار فى الاختيار اشترى ال BYD F3

[Hamdy Masria]

موضوع هايل ومعلومات قيمة جدا
تسلم الأيادى ... بصراحة استفدت كتير

[elmanahry]

الاستاذ احمد منسق قسم نيسان تشرفت بمقابلة سيادتك وايضا تشرفت بمقابلة الاستاذ كريم منير واشكر تواضعكم الجم وروحكم العالية
سائل فرامل liqui moli dot 5.1 هو سائل اقل لزوجة يمكن ان تستعمله فى المناطق الباردة جدا ومع ذلك له اعلى استحمال حتى انه يستعمل احيانا فى سيارات سباق برغم ان شركة liqui moli لها سائل فرامل مخصوص لسيارات السباق السائل ال dot 5.1 له اعلى dry boiling point واعلى wet boiling point ومقاومة السائل للرطوبة عالى انا شخصيا لم اغيره للان لان كل مشترواتى من الشركة تعتمد على ارسالها فى شركة شحن للمنيا ولكن ما ان راى معى احد المعارف العبوة حتى اشترى اربعة عبوات من القاهرة لانه صاحب مصنع وعنده سيارات تنزل القاهرة شبه يوميا وسيارته الفا روميو وغيرت له السائل بنفسى والموضوع استهلك ثلاث عبوات ونصف والعبوة 250 ml وبعدها قال لى رجعت اسير باقصى سرعة واتوقف واستفيد من كل طاقة السيارة بلاخوف
لى رجاء عند سيادتك ان تكتب لنا هنا فى القسم بعض التعليقات من الاخوة الاعضاء فى قسم نيسان على زيت liqui moli وشكرا جزيلا

[elmanahry]

شكرا الاستاذ hamdymsr شرفت الموضوع ولى رجاء عند الجميع بانى مستعد لاى سؤال يخص سائل الفرامل لان الاسئلة سوف توسع من دائرة المعلومات وشكرا جزيلا

[tarekzein]

متألق دائما يادكتور

موضوع جديد بالنسبالى ومفيد جدا

وطبعا الموضوع مكانه الأفضل قسم الورشه

أو المنتدى العام عشان يشوفه أكبر عدد ممكن من الأعضاء

تقبل تقديرى ودمت بود

[A.Saad]

بسم الله ماشاء الله يادكتور على معلوماتك .. حقيقى كلنا بنفتخر بيك

فعلا انا معاك فى كل معلومة قولتها وموافقك تمام الرائ

انا معايا زيت فرامل 5.1 dot من ليكوى مولى .. واخدته فى يوم الحلفة .. ولما دخلت على موقع الشركة لقيته انه مخصص كمان لعربيات نيسان ..

وفعلا انا معاك فى موضوع الدوت فور افضل عشان موضوع ارطوبة .. وطبعا الاحدث والافضل الدوت 5.1 مش الدوت 5

موضوع تغير زيت الفرامل فعلا حسب كتالوج نيسان انه يفضل تغيره كل سنتين

وانا داخل على 3 سنين .. وناوى اغيره .. بزيت ليكوى مولى دوت 5.1 باذن الله .. بس مش عارف اذا كانت العلبة اللى معايا حتكفى ولالا .. ولا ححتاج عليها كمان علبة

انا عملت موضوع عن تجارب الاعضاء مع زيوت ومنتجات ليكوى مولى ياريت تدخل عندنا تتفرج عليه فى قسم نيسان ..

بس انا عاوز اعرف كمان حضرتك خلاص غيرت لزيت الفرامل الجديد .. والاداء اخباره ايه

الاول شوف الكتالوج فيه دورة الفرامل بتاخد كام مللى
يكون معاك الحجم ده وزيادة فى حدود 100 مللى علشان اما تاخد الهوا الزيت هيقل فى الخزنة

[elmanahry]

متألق دائما يادكتور

موضوع جديد بالنسبالى ومفيد جدا

وطبعا الموضوع مكانه الأفضل قسم الورشه

أو المنتدى العام عشان يشوفه أكبر عدد ممكن من الأعضاء

تقبل تقديرى ودمت بود

شكرا على حسن رد سيادتك

[HRH_Sameh]

موضوع أكتر من رائع وانا استفدت منه كتير لأني ناوي أغير زيت الفرامل بنفسي
واشتريت زيت ATE SL Dot 4 ألماني العبوة 500 مل والعربية الشاهين بتحتاج 330 مل تقريبا هل العبوة تكفي؟
وياريت تشاركوني الآراء في الموضوع :

http://www.nilemotors.net/Nile/253625-a.html

[elmanahry]

موضوع أكتر من رائع وانا استفدت منه كتير لأني ناوي أغير زيت الفرامل بنفسي
واشتريت زيت ATE SL Dot 4 ألماني العبوة 500 مل والعربية الشاهين بتحتاج 330 مل تقريبا هل العبوة تكفي؟
وياريت تشاركوني الآراء في الموضوع :
http://www.nilemotors.net/Nile/253625-a.html

شكرا جزيلا ياريت الكل يقرا موضوعك سيادتك تركت سائل الفرامل بدون تغيير لمدة خمس سنوات وفى النهاية هذه هى النتيجة والخطا الاخر استعمال الماء لغسيل مخزن سائل الفرامل يكفى تنظيف علبة سائل الفرامل بفوطة ناشفة
اخيرا you are flushing old fluid with new one the old fluid with the air bubbles in the break system لذلك سيادتك تحتاج الى ثلاث ارباع لتر

[HRH_Sameh]

شكرا جزيلا ياريت الكل يقرا موضوعك سيادتك تركت سائل الفرامل بدون تغيير لمدة خمس سنوات وفى النهاية هذه هى النتيجة والخطا الاخر استعمال الماء لغسيل مخزن سائل الفرامل يكفى تنظيف علبة سائل الفرامل بفوطة ناشفة
اخيرا you are flushing old fluid with new one the old fluid with the air bubbles in the break system لذلك سيادتك تحتاج الى ثلاث ارباع لتر

هما 8 سنين زوّدت بس من 5 سنين
انا عندي سرنجة بلاستيك طبيه كبيرة شوية ينفع استخدمها مع خرطوم بنزين بتاع موتوسيكل مثلا؟
ومن كل عجلة مش كفاية اني اركب الخرطوب وحد يكارك على دواسة الفرامل؟
ومعنى كلام سعادتك اني لازم اشتري عبوة تانية والا ابدا ولو احتاجتها اجيبها؟
وهل صمامات الفرامل سهل الوصول ليها في العربية عندي والا مزنوقة من جوة؟

وشكرا على الاهتمام

[elmanahry]

السرنجة البلاستيك تكون 50 مللى ويكون بوز السرنجة فى المنتصف وليس على جنب وشكلها مخروطى مثل القمع تباع فى الاجزخانة واسمها سرنجة غسيل مثانة وحاول تجد ارفع خرطوم بلاستيك شفاف يركب عليها باحكام واذا نجحت فى هذه التركيبة وسيادتك تضعها باحكام على فالف سائل الفرامل وتفك ببطء فالف الفرامل ناحية العجلة وانت تسحب من السرنجة لاتحتاج لاحد يكارت بدال الفرامل اسحب السائل الى ان ياتى الزيت الجديد وترى سائل الفرامل متصل بدون فقاقيع اذا امتلات السرنجة بدون ان ياتى سائل الفرامل الجديد اغلق الفالف وفضى السرنجة ثم اعد تركيبها وارجع اسحب المكبس وفك الفالف الى ان يبدا السائل ان ياتى ولا تبخل فى استعمال السائل الى ان ياتى السائل الجديد نظيفا جدا بلا فقاقيع وارجع زود مخزن الفرامل تحت الكبوت من السائل الجديد الى ال maximum واغلق علبة المخزن باحكام حتى لايدخل هواء او رطوبة الجو وارجع كمل مع باقى العجل اذا كان الفالف ليس سهلا ان تراه وتتعامل معه والعجلة فى مكانها ارفع السيارة واحبسها فى مكانها وفك العجلة واى نقطة تسقط فى اى مكان امسحها بسرعة بفوطة نظيفه فى بعض الورش توجد حمالة للسيارة اى بعد ان ترفع السيارة وتفك العجلة تريحها على الحامل بدل الكوريك بعد ان تفرغ السائل وتربط الفالف باحكام ضع قطعة الجلد على الفالف وكرر على باقى العجل وفى كل مرة ارجع املا خزان السائل تحت الكبوت واغلقه باحكام

[HRH_Sameh]

أشكرك على النصايح الغالية

[ahmed000mon]

سؤال هل مراكز الصيانه التابعه للتوكيل تقوم بتغيير سائل الفرامل عند اجراء الصيانات او بمعني ادق هل يدخل ضمن صبانه ال5000 اوال10000 اوال15000 0000الخ التي يقوم بها التوكيل

[elmanahry]

بالطبع ولا مركز من من مراكز الصيانة يغير سائل الفرامل كل عام اوحتى كل عامين هذه معلومات وجدتها على معظم المواقع على النت يكفى ان تكتب على جوجل break fluid وخليك صبور واقرا عن سائل الفرامل وسوف تجد ان هذه المعلومة شبه بديهية وهيئة السلامة الامريكية كشفت على سائل الفرامل فى عينات عشوائية من السيارات ووجدت ان سيارة من كل خمس سيارات ال wet boiling point اقل من 165 درجة مئوية وهى الدرجة الخطيرة التى عندها تتكون فقاقيع فى سائل الفرامل اى عشرون فى المائة من السيارات فى امريكا اداء الفرامل ليس كما يجب برغم انهم هناك يستبدلون سائل الفرامل كل عام فى مراكز الصيانة مابال نحن على النت اصبحت كل الامور مكشوفة واذا لم يفعلوا ذلك فى مراكز الصيانة فى مصر يجب ان نجرى الاستبدال بعيدا عنهم الا ان يتعلموا او نعلمهم