السواقين الجامدين بس

[karimmagdy50]

السؤال بخصوص طلوع كوبرى واقف اعمل اى
بمعنى لو الكوبرى زحمة خالص وانا طالع تعمل اى
لو العربية كاربرتير وانجكشين يعنى فى الحالتين اى اللى المفروض اعمله وتنصحونى بأى

[lanos2004]

امشى من تحت الكبرى وخلاص-او اشترى عربيه اتوماتيك

[karimmagdy50]

امشى من تحت الكبرى وخلاص-او اشترى عربيه اتوماتيك

الموضوع مش للهزار اللى ميعرفش ومعندوش رد ياريت ميهزرش ويستخف دمه

[Dr_Mido]

ملهاش علاقه كاربراتير ولا انجكشن

انت طالع وماشى عادى الكوبرى وقف حل من اتنين لو مانويال اما تمور وتشد الهاند بريك واما تيجى طالع اطلع عادى اول متحس ان النقله لقطت معاك نزل الهاند واطلع عادى الهاند لحمايه العربيه اللى وراك لان لو النقله مجتش معاك والعربيه بطلت على متشغلها تانى هتكون ريحت على اللى وراك او لو محترف شويه والكورى كاشي بس بالراحه وازنها بالدواسات بس دة تحميل على الدبرياج

[lanos2004]

هوة لسه ما فيش حد رض
طيب عن نفسى وانا مش من الجامدين بس الجامدين مردوش
لازم تتعلم الموازنه بين دواسه البنزين والدبرياج وانته على مطلع بحيث ان العربيه تفضل فى حاله السكون وهيه دائرة ومعشقه
فيه ناس بتستعمل الفرامل والدبرياج وبتكون معشقه ولما تبدا الحركه ترفع رجليها من على الفرامل وتحطها على البنزين وتبدأ فى الحركه




عن نفسى بدوس الثلاث دواسات فى نفس الوقت---

[lanos2004]

الموضوع مش للهزار اللى ميعرفش ومعندوش رد ياريت ميهزرش ويستخف دمه

صباح الفل انا مش لاقى حد رد يا عم الحاج عليك قلت انشطه ----وبلاش عصبيه وهدى نفسك--انته بتقلى انا كدة نهار اسود-هههههههههههههههههه

[karimmagdy50]

يعنى فرامل ودبرياج من غير هاند بريك تريح العربية ولا اى

[lanos2004]

يعنى فرامل ودبرياج من غير هاند بريك تريح العربية ولا اى

مالهاش لزمه البريك الا لو رجليك وجعتك من طول الانتظار

[AHMED_DINAMO]

مور وشد الهاند ولما الطريق يشتغل ادى اول واطلع والهاند مرفوعه اول ما تحس ان العربيه هتبدأ تتحرك نزل الهاند وبس وبلاش دبرياش مع بنزين عشان بتحمل بزياده على اسطوانة الدبرياج وكده بتتاكل وتبووظ وبس

[lanos2004]

مور وشد الهاند ولما الطريق يشتغل ادى اول واطلع والهاند مرفوعه اول ما تحس ان العربيه هتبدأ تتحرك نزل الهاند وبس وبلاش دبرياش مع بنزين عشان بتحمل بزياده على اسطوانة الدبرياج وكده بتتاكل وتبووظ وبس

دة انا مطلع عين الاسطوانه لحد اما اشم ريحتها وهيه بتشيط

[ahmdmagdy]

ملهاش علاقه كاربراتير ولا انجكشن

انت طالع وماشى عادى الكوبرى وقف حل من اتنين لو مانويال اما تمور وتشد الهاند بريك واما تيجى طالع اطلع عادى اول متحس ان النقله لقطت معاك نزل الهاند واطلع عادى الهاند لحمايه العربيه اللى وراك لان لو النقله مجتش معاك والعربيه بطلت على متشغلها تانى هتكون ريحت على اللى وراك او لو محترف شويه والكورى كاشي بس بالراحه وازنها بالدواسات بس دة تحميل على الدبرياج

انا كنت هقول كده برضه هو ده الصح

[طارق _عبد السلام]

مجرد ماتقف وانت دايس دبرياج وفرامل شد الهاند بريك
وبعدين مور العربيه عادى وشيل رجليك وريح نفسك وريح الاسطوانه
واول ما الطريق يتحرك عشق الاول واول ماتحس ان العربيه بتلقط نزل الهاند
وكرر حسب الوقفات

[abdulhafeez]

هي الصعوبة ان يكون مطلع الكوبري بيمشي خطوة ويقف .... مش هتلحق كل شوية تحط هاند وتعشق وتطلع وبعد كده هاند وتعشق وتتطلع ........ هيكون اللي وراك هراك شتايم

انت حاول توازن فرامل ودبياج مع بعض ........ يعني مثلا الكبري وقف ... طبعا انت هتكون دايس فرامل ودبرياج مع بعض علشان العربية تقف وما تطفيش ..... خليك دايس فرامل عادي وارفع رجلك من على الدبرياج لحد ما تحس ان العربية هتطلع .. شيل رجلك من على الفرامل هتلقيها طلعت علطول .... دوس فرامل تاني العربية هتقف بس هترعش شوية -مش مشكلة - ارفع رجلك من على الفرامل هتلاقيها بتمشي .. كأنك عملتها اوتوماتيك .. كل ده طبعا ورجلك ثابتة على الدبرياج بمعيار محدود ........ ( جربها مرة وانت واقف عادي مش على مطلع هتلاقيها سهلة اوي وحلوة في الزحمة )

[karimmagdy50]

شكرا لكل الردود بس هو موضوع بنزين ودبرياج ده انا حاسس ان صعب شوية وخصوصا ان لو مظبتهاش صح العربية هتريح منى
لازم ادرب عليه كويس بس

[karimmagdy50]

هي الصعوبة ان يكون مطلع الكوبري بيمشي خطوة ويقف .... مش هتلحق كل شوية تحط هاند وتعشق وتطلع وبعد كده هاند وتعشق وتتطلع ........ هيكون اللي وراك هراك شتايم

انت حاول توازن فرامل ودبياج مع بعض ........ يعني مثلا الكبري وقف ... طبعا انت هتكون دايس فرامل ودبرياج مع بعض علشان العربية تقف وما تطفيش ..... خليك دايس فرامل عادي وارفع رجلك من على الدبرياج لحد ما تحس ان العربية هتطلع .. شيل رجلك من على الفرامل هتلقيها طلعت علطول .... دوس فرامل تاني العربية هتقف بس هترعش شوية -مش مشكلة - ارفع رجلك من على الفرامل هتلاقيها بتمشي .. كأنك عملتها اوتوماتيك .. كل ده طبعا ورجلك ثابتة على الدبرياج بمعيار محدود ........ ( جربها مرة وانت واقف عادي مش على مطلع هتلاقيها سهلة اوي وحلوة في الزحمة )

حلوة اوى الحكاية دى بس لو العربية كربراتير هينفع اقصد يعنى مش هتبطل العربية لما ارفع رجلى من على الدبرياج من غير بنزين ولا اى