السواقين الجامدين بس

[ABO MALEK]

مور وشد الهاند بس خلاص.

[lanos2004]

يا حبيبى زى ما قلت ليك من الاول لازم تتعود توازن بين دواسه البنزين والدبرياج وانته طالع جبل--بعد كدة بقه تشد فرامل يد متشدهاش-مش فارقه-شوف انا عندى 42 سنه وبسوق وانا عندى 15 سنه--لازم تتعملم دى الاول وهيه سهله جدا بس تتعود عليها

[nab!l]

هي الصعوبة ان يكون مطلع الكوبري بيمشي خطوة ويقف .... مش هتلحق كل شوية تحط هاند وتعشق وتطلع وبعد كده هاند وتعشق وتتطلع ........ هيكون اللي وراك هراك شتايم

انت حاول توازن فرامل ودبياج مع بعض ........ يعني مثلا الكبري وقف ... طبعا انت هتكون دايس فرامل ودبرياج مع بعض علشان العربية تقف وما تطفيش ..... خليك دايس فرامل عادي وارفع رجلك من على الدبرياج لحد ما تحس ان العربية هتطلع .. شيل رجلك من على الفرامل هتلقيها طلعت علطول .... دوس فرامل تاني العربية هتقف بس هترعش شوية -مش مشكلة - ارفع رجلك من على الفرامل هتلاقيها بتمشي .. كأنك عملتها اوتوماتيك .. كل ده طبعا ورجلك ثابتة على الدبرياج بمعيار محدود ........ ( جربها مرة وانت واقف عادي مش على مطلع هتلاقيها سهلة اوي وحلوة في الزحمة )

هى سهله وممتعه كمان
بس مش اى حد يعملها
الراجل شكله لسه مبتدئ
يعنى حوار الهاند اسهل لييه

[Sameh]

حلوة اوى الحكاية دى بس لو العربية كربراتير هينفع اقصد يعنى مش هتبطل العربية لما ارفع رجلى من على الدبرياج من غير بنزين ولا اى

يا باشا الكارباتير أو الإنجيكشن مالوش علاقة بالموضوع ، كمان شوية الموضوع ده مش هيبقا مشكلة وهتتعود توزن رجلك على البنزين والدبرياج بدون صعوبة

[amrelsaqqa]

اهم حاجة تعرف التكنيك الصح وهو حاجة من اتنين يا تشد الهاند وتمور وترجع تعشق والنقلة تلقط بعدين تنزل الهاند وتمشى وهكذا ..

يا اما تقف بفرامل عادية وتمور وتطلع تانى بسرعة من غير ما تريح على اللى وراك هتظبط رجلك بحيث مجرد ما الطريق يفتح رجلك الشمال على الدبرياج وتسيب الفرامل وتدوس بنزين وتطلع بسرعة ( الفرامل هنا بدل فرامل اليد بس الفكرة انك هتكون محترف شوية وكأنك بتدوس على ال3 دواسات في نفس الوقت من السرعة )

الحل التالت اللى اوعى تعمله مع انه محتاج محترف برضه انك توقف العربية بالدبرياج من غير فرامل خالص ( يعنى تخلى عزم المنحدر للخلف مساوى تماما لعزم العربية للامام ) واول ما تحب تطلع تزود عزم العربية بالبنزين وترفع من على الدبرياج ، الحل الاخير ده غلط وبيبوظ طقم الدبرياج والعربية

الطريقة الاولى اسهل بس الفكرة في الطريقتين انها محتاجة سرعة ودى ما تجيش غير بالتعود والممارسة
جرب اعملها الاول في شارع عادى او منزل جراج واتعود عليها كتير

[abdulhafeez]

هي الصعوبة ان يكون مطلع الكوبري بيمشي خطوة ويقف .... مش هتلحق كل شوية تحط هاند وتعشق وتطلع وبعد كده هاند وتعشق وتتطلع ........ هيكون اللي وراك هراك شتايم

انت حاول توازن فرامل ودبياج مع بعض ........ يعني مثلا الكبري وقف ... طبعا انت هتكون دايس فرامل ودبرياج مع بعض علشان العربية تقف وما تطفيش ..... خليك دايس فرامل عادي وارفع رجلك من على الدبرياج لحد ما تحس ان العربية هتطلع .. شيل رجلك من على الفرامل هتلقيها طلعت علطول .... دوس فرامل تاني العربية هتقف بس هترعش شوية -مش مشكلة - ارفع رجلك من على الفرامل هتلاقيها بتمشي .. كأنك عملتها اوتوماتيك .. كل ده طبعا ورجلك ثابتة على الدبرياج بمعيار محدود ........ ( جربها مرة وانت واقف عادي مش على مطلع هتلاقيها سهلة اوي وحلوة في الزحمة )

هي الصعوبة في موضوع وزن الدبرياج بالفرامل ان الواحد متعود يرفع رجله عن الفرامل الاول وبعد كده يرفع من على الدبرياج ويدوس بنزين .... الموضوع هيحصل بالعكس ارفع دبرياج الاول وبعديه ارفع من على الفرامل ... هو عايز شوية تركيز شوية ..... بس ما ترفعش رجلك من على الدبرياج زياده علشان العربية ما ترجش جامد وماتطفيبش ... لو رجت معاك دوس سنه دبرياج تاني لحد متلاقيها اضبطت معاك.. حتى لو العربية ماطلعتش المطلع مش هترجع ورا تاني .... لان مشوار الدبرياج اول نص فيه مش يبفرق حاجة .. الضبطة بتكون في بداية النص التاني من مشوار الدبرياج ... يعني كان الدبرياج فيه فضاوه وهي دي اللي بضيع منك وقت لحد ماالعربية تلقط معاك وتتطلع وساعتها بتكون العربية ريحت ... يعني انت لو وقفت وخليت الدبرياج على النص مع اقل رفعة رجل من على الدبرياج العربية هتلقط ومش هتريح ........ انت بس جربها كده عشر مرات في شارع مستوي وبعد كده في مطلع وهتكون سهلة قوي

بعدين موضوع كاربيراتير وانجكشن ملوش دعوة... بس لو العربية مش مضبوطة مثلا او محمل حمل تقيل ومشغل التكييف او ماتور العربية صغير شوية ..... هتحتاج تدوس شوية بنزين مع الموضوع ده ..... بس اهم حاجة العربية مش هتريح ورا

[karimmagdy50]

طيب سؤال تانى انسب سرعة على الطرق السريعة يعنى الدائرى وصلاح سالم اى مع العلم انا رجلى تقيلة شوية على البنزين وتنصحونى باى

[abdulhafeez]

طيب سؤال تانى انسب سرعة على الطرق السريعة يعنى الدائرى وصلاح سالم اى مع العلم انا رجلى تقيلة شوية على البنزين وتنصحونى باى

نصيحتي لو جوه البلد زي ما انت بتقول كفاية 80( ده باعتبار الطريق فاضي وده نادر جدا طبعا ) لان المفاجآت كتير قوي وممكن تلاقي ناس واقفة بالعربية في نص الشارع وحاجات كتير زي كده .
على 80 ممكن تلحق نفسك بسهولة
وكمان في المسافات القصيرة السرعة مش بتفرق لان اطول مسافة هتكون 20 كلم يعين فرق من3 الى 5 دقائق مش اكتر
ملهاش لازمة المجازفة خصوصا انك لسه جديد في السواقة
وطول ما انت بتكون هادي وبتسوق بعقل ان شاء الله ربك هيسترها
ربنا يكفينا شر الحوادث

[karimmagdy50]

مشكور