إعـــــــلان

Collapse

.

,
See more
See less

كيف تتعرف علي قدرة المحرك

Collapse
This is a sticky topic.
X
X
Collapse
 
  • Page of 8
  • Filter
  • الوقت
  • Show
Clear All
new posts
السابق 1 2 3 4 5 6 7 8 template التالي
  • #1

    كيف تتعرف علي قدرة المحرك

    :::::السلام عليكم ورحمة الله وبركاتة :::

    ان شاء الله سوف نتكلم عن موضوع مهم جداا في اول موضوع ليا في المنتدي !!!!

    اذا رأت الادارة ان الموضوع جيد برجاء التثبيت لافادة العامة
    وهوا كيفية معرفة الانضغاط داخل المحرك في موضوعين ?
    اولا:جهاز قياس الانضغاط داخل المحرك!!
    ثانيا:جهاز لكشف اين التسريب في المحرك!!
    وترجع اهمية الموضوع الي ثلاث بنود:
    1:المعرفة بحاله المحرك اول بأول
    2:المعرفة ماهيا حاله المحرك الان
    3:عند شراء سيارة مستعملة او شراء محرك استيراد
    ما اهمية الانضغاط داخل المحرك????
    1:انتظام عمل المحرك بدون اهتزاز
    2:الحفاظ علي قدرة المحرك بالحصان
    3:الحفاظ علي استهلاك البنزين
    4:الحفاظ علي استهلاك الزيت
    5:الحفاظ علي استهلاك المياة
    6:الحفاظ علي البيئة
    هيا بنا ندخل في الموضع ونبدأ بجهاز لقياس الانضغاط داخل المحرك
    الجهاز من تصنيعي الخاص اهداء لاصدقائي للافادة العامة والله الموفق
    خصوصا في حالات شراء سيارة مستعملة او شراء محرك استيراد
    :::مكونات الجهاز+التكلفة::::

    1:سن بوجية قديم لنفس نوع سيارتك
    (قم بقطع السن من عند الصامولة وافراغ السن من العزل ولحامة في نبل بالنحاس 10ج قطع ولحام)
    2:نبل 8 ملي باصامولة والبلبلة (هيدروليك) 10 ج
    3:ماصورة 8ملي
    4:خرطوم توصيل ـــــ5ج
    5:قفيز رباط عدد 4 ـــــ2ج
    6:بلف عدم رجوع ــــــــ15ج
    7:عداد ضغط هواء يفضل 12 بار ــــ30ج
    اذن التكلفة 70ج وممكن تقل علي حسب كل تاجر
    ثمن الكشف في مركز متخصص لا يقل عن 100ج
    تنبية لاتذهب الي خراط ليصنع لك السن للحفاظ علي وش السلندر

    :::هيا بنا نبدء الاختبار:::
    1:يجب ان تعلم ماهو الانضغاط داخل المحرك
    2:يجب ان تعلم ماهيا نسبة الانضغاط للمحرك المراد قياسة









    هيا بنا نتعلم كيفية حساب الضغط داخل المحرك وهذا القانون المراد

    الضغط داخل المحرك = (الضغط الجوي × نسبة الانضغاط) + الضغط الجوي + 69 كيلو بسكال

    علما ان الضغط الجوي =101.4 كيلوبسكال
    نسبة الانضغاط :مزكورة لدي وكيل السيارة او عن طريق الينك دة






    http://www.carfolio.com/specifications/


    نسبة الانضغاط = (حجم غرفة الاحتراق + حجم الاسطوانة) ÷ (حجم غرفة الاحتراق),

    نفترض ان الصانع صمم النسبة علي 1:8

    هذة الصورة سوف توضح لنا يعني اية 1:8















    الضغط داخل المحرك=(101.4 كيلوبسكال × 8) + 101.4 + 69 = 981.6 كيلوبسكال

    للتحويل من كيلو بسكال الي بار اقسم علي 100
    اذن 981.6%100=9.8 بار لكل اسطوانة
    ولو انت لا تملك الضغط داخل المحرك يكفي انك علمت هل في تفاوت ولا لأ
    وعلما بأن النسبة التقريبة للمحركات المتوسطة من 8:12 بار
    يا اما تبحث عن نفس موديل سيارتك يكون تمام جدااا وتختبرة وتقارن
    ::::العملي :::::
    صورة قبل الضغط

    1:فك فيشة الكهرباء المغذية لاسبراتير
    2:لاتفك كل البوجيهات مرة واحدة لعمل الموتور علي طبيعته
    3:فك بوجية رقم واحد وركب الجهاز وقم بأدارة المحرك لمدة ثانيتين وسجل القراءة في ورقة والتاريخ في جدول
    4:للقراءة الصحيحة تأكد من قراءة العداد لاتقل بعد غلق المحرك
    صورة بعد الضغط

    ::::النتيجة::::
    1:اذا زاد النضغاط داخل المحرك دل ذلك علي وجود كربون علي رأس البستم
    2:اذا قل الضغط داخل المحرك دل ذلك علي وجود تهريب في الضغط
    3:اذا كانت النسب بين الاسطوانات اقل من 10% كان مسموح
    4:اذا كانت النسبة بين اسطوانتين متجاورتين قليلة عن الباقي دل علي تهريب في وجوان السلندر
    5:اذا ارت ان تعرف التسريب من الشنابر قم بوضع قليل من الزيت جديد
    بسرنجة بدون ابرة داخل المحرك وقم بالتجربة مرة اخري اذا زاد الضغط دل علي شنبر
    :::ثانيا جهاز فحص التسريب داخل المحرك::
    1:نأتي بنفس سن البوجية والماصورة 8 ملي في الجهاز السابق وخرطوم التوصيل فقط
    2:تركيب سن البوجية في اسطوانة رقم واحد وطرف الخرطوم الاخر في كمبروسر
    يفضل فك البوجيهات جميعا____ يجب التأكد من وجود المكبس في اخر مشوار الضغط
    3:فك غطاء قربة المياة او الريداتير
    4:فك خرطوم فايز الزيت
    5:فك غطاء ملئ الزيت
    6:فك غطاء الكربرتير او وصلة الثروتل في الحديث
    7:فك وصلة الفرن الخاص بالجكمان
    8: نقوم بأدخال ضغط داخل المحرك
    :::النتيجة:::
    1:اذا سمعت صوت التسريب من الكربرتير او وصلة الثروتل
    _تلف في قاعدة صمام السحب
    _خلوص صمام السحب مع التاكية قليل جداا
    2:اذا سمعت صوت تسريب من فرن الجكمان
    _خلوص صمام العادم مع التاكية قليل جداااا
    _وجود كربون علي قاعدة صمام العادم
    _تلف قاعدة صمام العادم
    3: اذا سمعت صوت التسريب من غطاء ملئ الزيت او في خرطوم الفايز
    _تلف في شنابر المكبس
    _تأكل في جدار الاسطوانة
    _وجود شرخ في المكبس
    4:اذا سمعت صوت التسريب من حوالين وش السلندر
    _اعوجاج في وش السلندر
    _تلف جوان وش السلندر
    5:سماع صوت التسريب من فتحة البوجية المجاورة
    _تلف جوان وش السلندر
    6:سماع صوت التسريب في الريداتير او قربة الهواء
    _تلف جوان وش السلندر
    _اعوجاج في وش السلندر
    7:برجاء النسخ الي جهازلك لعدم النسيان والنفع للغير
    اللهم اجمع بينناعلي خير وعلي حوض النبي نلتقي
    [SIGPIC][/SIGPIC]
    (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ)
    الكلمات الدلالية (Tags): المحرك, تتعرف, علي, قدرة, كيف
    • تثبيت
  • #2
    موضوع مهم فوق الوصف
    قياس كبس الموتور قبل ما تشتريه من تجار الاستيراد
    وعدم الاعتماد على صوت الموتور او ان مفيش دخنة هو الصح علشان ميدحكش علينا
    الف شكر وربنا يزيدك علما

    كان ليا سؤال اجيب المكونات منين يعنى النبل الماسورة وهكذا...
    [FONT=Arial Black][SIZE=5][B][COLOR=Blue]محمد سالم[/COLOR][/B][/SIZE][/FONT]

    Comment

    • #3
      جزاك الله خيرا
      واسمحلى اضيف معلومه ان الاختبار ده بيتعمل كل 80 : 100 الف كيلو لتحديد حاله المحرك
      ولو القراءت كلها منخفضه حوالى 20 % يبقى المحرك يعمل بكفاءه 75% : 80% اكتر من كده تحقن 2cm مكعب (ده الكلام العلمى الصحيح)
      وبعدين تعيد الاختبار وتكمل الخطوات زى ما الاستاذ amr قال وتشوف المشكله فين وتعالجها

      فى اختبار الفقد فى الضغط بيقى ضغط الهواء من 5 : 15 barمش اكتر ولا اقل ولو مذكور فى كتالوج الصيانه بتاع السياره نمشى عليه يكون افضل
      انا مصمم علي بلوغ الهدف ...اما ان انجح واما ان انجح

      Comment

      • #4
        تسلم ايدك ..
        من زمان الواحد ماشفش مواضيع صيانه مميزه ومهمه كده ..
        انت معاك فيكترا ..مش بنشوفك في قسم اوبل ليه؟

        تسمحلي اضيف ان الاسطوات القدام كانوا بيختبروا موتور استيراد قبل مايشتروه
        عن طريق انهم بيفكوا بوجيه من ال4 ويحطوه مكانه من غير ما يقلوظوه ويشغلوا الموتور
        لو البوجيه اتنطر في الهوا دل علي كفاءه الموتور والعكس صحيح لو البوجيه وقع مكانه او ماتحركش
        اخوكم /فادي محمد عيد ..من مواضيعي المصوره للفيكترا بي ....

        [URL]http://www.nilemotors.net/Nile/97671-b.html#post3872017889[/URL] تغيير اويل سايل اسبراتير
        [URL]http://www.nilemotors.net/Nile/130445-b.html#post3872432932[/URL]تنظيف الايديال كونترول
        [URL]http://www.nilemotors.net/Nile/150353-b.html#post3872669019[/URL]تعديل في اضاءه التابلوه
        [URL="http://www.nilemotors.net/Nile/143705-b.html#post3872580355"]http://www.nilemotors.net/Nile/143705-b.html#post3872580355تغيير فرش السقف للفيكترا[/URL]
        [URL="http://www.nilemotors.net/Nile/181441-a.html#post3873046581%D8%AA%D8%BA%D9%8A%D9%8A%D8%B1"]http://www.nilemotors.net/Nile/181441-a.html#post3873046581تغيير[/URL] جوان وش التاكيهات

        hellboy سابقا

        Comment

        • #5
          تسلم ايدك يا عمرو باشا بجد موضوع ممتااااز ومهم جدا
          سبحانك اللهم وبحمدك ، أشهد أن لا إله إلا أنت أستغفرك وأتوب إليك
          Ahmad Zarzora

          Comment

          • #6
            المشاركة الأصلية كتبت بواسطة smsmxxxxxx مشاهدة المشاركة
            موضوع مهم فوق الوصف
            قياس كبس الموتور قبل ما تشتريه من تجار الاستيراد
            وعدم الاعتماد على صوت الموتور او ان مفيش دخنة هو الصح علشان ميدحكش علينا
            الف شكر وربنا يزيدك علما

            كان ليا سؤال اجيب المكونات منين يعنى النبل الماسورة وهكذا...


            الله يخليك
            الحاجات الرفايع ممكن تجبها من عند بتوع خراطيم الهيدروليك
            او من عند تجار قطع غيار وعدد الورش
            او تأخذ بوجية قديم من عندك وتروح لورش كبس الخراطيم
            وتقول لة انا عاوز نفس السن وتكبسة في خرطوم ربع بوصة
            ومن الناحية الاخري فاضي علشان يركب في بلف عدم الرجوع
            [SIGPIC][/SIGPIC]
            (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ)

            Comment

            • #7
              المشاركة الأصلية كتبت بواسطة besso مشاهدة المشاركة
              جزاك الله خيرا
              واسمحلى اضيف معلومه ان الاختبار ده بيتعمل كل 80 : 100 الف كيلو لتحديد حاله المحرك
              ولو القراءت كلها منخفضه حوالى 20 % يبقى المحرك يعمل بكفاءه 75% : 80% اكتر من كده تحقن 2cm مكعب (ده الكلام العلمى الصحيح)
              وبعدين تعيد الاختبار وتكمل الخطوات زى ما الاستاذ amr قال وتشوف المشكله فين وتعالجها

              فى اختبار الفقد فى الضغط بيقى ضغط الهواء من 5 : 15 barمش اكتر ولا اقل ولو مذكور فى كتالوج الصيانه بتاع السياره نمشى عليه يكون افضل
              واياكم وشكرا علي الاضافة

              المشاركة الأصلية كتبت بواسطة zrzr1 مشاهدة المشاركة
              تسلم ايدك يا عمرو باشا بجد موضوع ممتااااز ومهم جدا
              شكرا علي مرورك اخي الكريم
              [SIGPIC][/SIGPIC]
              (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ)

              Comment

              • #8
                المشاركة الأصلية كتبت بواسطة فادى محمد مشاهدة المشاركة
                تسلم ايدك ..
                من زمان الواحد ماشفش مواضيع صيانه مميزه ومهمه كده ..
                انت معاك فيكترا ..مش بنشوفك في قسم اوبل ليه؟

                تسمحلي اضيف ان الاسطوات القدام كانوا بيختبروا موتور استيراد قبل مايشتروه
                عن طريق انهم بيفكوا بوجيه من ال4 ويحطوه مكانه من غير ما يقلوظوه ويشغلوا الموتور
                لو البوجيه اتنطر في الهوا دل علي كفاءه الموتور والعكس صحيح لو البوجيه وقع مكانه او ماتحركش
                شكرا علي دعوتك لي
                وان شاء الله يشرفني الانضمام اليكم
                [SIGPIC][/SIGPIC]
                (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ)

                Comment

                • #9
                  الف شكر على الموضوع المهم ده

                  تحياتى

                  Comment

                  • #10
                    ربنا يجعلة فى ميزان حسناتك

                    Comment

                    • #11
                      متابع

                      Comment

                      • #12
                        المشاركة الأصلية كتبت بواسطة metoelessawy مشاهدة المشاركة
                        متابع
                        في انتظارك

                        المشاركة الأصلية كتبت بواسطة canner مشاهدة المشاركة
                        الف شكر على الموضوع المهم ده

                        تحياتى
                        التحية لقدومك

                        المشاركة الأصلية كتبت بواسطة super_waves20 مشاهدة المشاركة
                        ربنا يجعلة فى ميزان حسناتك
                        واياكم اخي الكريم
                        [SIGPIC][/SIGPIC]
                        (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ)

                        Comment

                        • #13
                          ما شاء الله
                          موضوع جميل ..

                          Comment

                          • #14
                            المشاركة الأصلية كتبت بواسطة s o p h o s مشاهدة المشاركة
                            ما شاء الله
                            موضوع جميل ..
                            الله يباركلك كلة من زوقق
                            [SIGPIC][/SIGPIC]
                            (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ)

                            Comment

                            • #15
                              فعلا الموضوع فيه فكر حلو و خصوصا الجزء بتاع معرفه مكان التسريب
                              من غير ما تفك حاجه ..... بتعرف العيب فين

                              Comment

                              السابق 1 2 3 4 5 6 7 8 template التالي
                              Working...
                              X